馬姐重慶麻辣燙(老字號)

營業中

休息中

食麻辣燙，叫左份酥肉。個酥肉炸嘅，但放落個湯度淋哂，搞到舊肉一pat pat。口感勁唔好（同個職員講佢話係重慶個邊係咁嘅食法，唔好意思真係無去過重慶食）我只希望你能夠分開擺啫⋯⋯

不嬲好鍾意食呢間麻辣燙又近我屋企而家有埋qr code落單外賣仲可以九折一於嗌定過去拎本人係好蒜之人點知今次寫咗加蒜頭佢居然係走咗蒜頭囉我真係好嬲返到屋企先見到可以點呢?其實已經唔係第一次㗎喇我諗住上次係無心之失, 點知今次直情係走咗蒜成碗嘢搵均一粒蒜都冇廚房可唔可以畀心機睇下張單

馬姐由幾年前就有食，鋪環境比較細，食食下會出汗。但！佢地既麻辣燙同涼拌小食都好好食！👍🏻佢有好多選擇，而我尼次簡左bb辣既 鵝腸豬紅豬肺米線涼拌粉腸好入味，辣辣地無腥臭味總括好食指數：😋😋😋😋/5

整體味道唔錯既，嗌咗份酸辣粉(豬紅，雞翼尖，豆腐) 。。。個豆腐好驚… 好彩都食到差唔多😩頭一塊都無事，其餘既真係食唔落，食食下仲要俾我見到變質痕跡，同職員講佢口齒不清驚青咁hea我就算🥲唉 all I need is a sorry only…..檢查食材質素先提供俾客人好基本。

超級有驚喜，去飲完酒忽然好想食辣野,今次叫左中辣，下次可以叫大辣，我叫左豬大腸，鳳爪,涼粉同埋有一個嘅餃子，嗰個餃子嗰種酸辣汁嘅味好好味，豬大腸同鳳爪呢超級入味嘅鹵水嗰度。我有理由懷疑佢係陸續滴滴香，因為我琴晚食完，我今日已經好想再食，但係因為跨區冇得送外賣，臨走我仲買咗一罌蘿蔔乾其實都好食嘅，但係就唔係話好辣囉

外賣米線加底，可以米線少到難以形容，基本上12元加底可以少到似冇加底一樣，真令人疑惑，如果唔加底，應該2啖就可以食完所有米線，真的令人失望，價錢仲要一啲都唔平，80幾元冇飲品

上星期六去咗馬姐重慶麻辣燙食飯，整體而言，味道真係好好！特別要推薦佢哋嘅麻辣米線，配料有炸菜同香脆花生，超級惹味！首先，講下麻辣米線。呢碗米線真係又香又辣！湯底麻辣香濃，每一口都帶來激烈嘅辣感。米線本身嘅口感細軟，加上上面嘅配料，味道更加豐富。最特別嘅係佢哋嘅炸菜同香脆花生，炸菜嘅脆口同香氣，同米線嘅軟滑口感形成鮮明對比，帶嚟獨特嘅口感。如果你鍾意辣味同炸菜，呢碗麻辣米線絕對係一個必試嘅選擇。整體而言，馬姐重慶麻辣燙係一間非常值得推薦嘅餐廳。麻辣米線嘅味道真係非常出色，每一口都帶來滿足感。如果你係辣食愛好者，呢度絕對係一個好去處。除咗麻辣米線，呢度仲有其他豐富嘅麻辣湯底同配料可以揀選。

牛肉刀削麵幾好食,刀削麵麵條好闊身,食落去口感好滑同埋幾香👍🏻牛肉片唔算好多,冇乜配料有啲悶,湯底食落幾重香料味,食完好頸渴叫多咗杯嘢飲😂另外叫多左個涼拌土豆絲,份量都幾多,味道偏酸,我哋覺得一般般冇咩特別

換了一個態度極差，不會說與聽普通話的阿姊，還不知道自己菜單有什麼原本很喜歡吃，都會特調味「小辣大麻鹹一點」只要路過與那時住隔離還特地選近一點的酒店可以用外送平台，但今天發生這件事情後，再也不會來買！之前下單被給錯，我們不計較，或菜賣完店家自己改成別的！只覺得店家忙 沒關係！菜量越來越少，想說畢竟疫情影響但今天遇到這樣，真的不能忍受因為家住的遠，不能外送平台服務，所以每次都先打電話下單，再請老公繞過來拿！（店鋪不好停車，只能暫時臨停）今天打電話下單時遇到：1.店員不知道菜名字與菜單上的位置，再下單過程中要客戶等一下，他要找，我並沒有說什麼2.但是他找到後，接著就說「快點！你自己過來畫單啦！」不耐煩2.接著我多詢問了一句，海帶是厚的還是是薄的！店員：他就說大的那種！然後對方就不爽「將電話拿遠掛了」⋯在打去「直接不接電話了」如果你們不提供這些服務，不如直接關門吧！態度極差，只會讓客戶不上門他們使用的是座機☎️，不是手機📱，不會有收不到問題！人都有不順的時候，但不應該把客戶當發洩情緒的！

經過觀塘，本身諗住食又一川，跟住見到呢間馬姐麻辣燙，之前佢西灣河都有一間，同事話幾好食，但執左，得返觀塘呢間，諗住試下新野，點知就中伏啦，叫左酸辣粉$28，加一個餸，叫左個自制酥肉$10一個餸，份量得4舊好細好細，但炸完又唔另上，浸埋落d湯到，搞到淋哂，4舊入面有2舊入面係無肉，成舊都係粉頭黎，真心呆左，仲要索埋d湯成舊垃圾咁，比2舊濕左既炸粉頭比我做乜？完全食唔到掉左，其餘2舊入面舊肉好細，又勁乾，勁柴皮，勁難食，總之就無下次！唯獨紅薯粉份量足夠。性價比極低，無下次！

觀塘通明街斜路有間重慶麻辣水X：馬姐馬姐不是附近唯一一間酸辣粉店卻是我囡囡認為無可取替的最愛當然不是因為她環境優美或特別衛生而是。。。望望餐牌先有辣，有唔辣之餘，仲有。。。少少麻辣，bb酸辣，任君選擇最後，我為了囡囡好想食的緣故，趕住用手機落單，網上付款，去到餐廳已經預備好（無餐具，好環保）一碗牛栢葉加金錢肚bb酸辣（全走加底）HK$62.40 + HK$2.00 平台費埋單 = HK$64.40 （開餐啦喂~ 但跑腿費另計！）

平時食嘅餐廳如果有中伏或不愉快都冇諗過要寫差評，但今次真係忍唔住要寫，哩間嘅價錢同份量真係極不合理，外賣份量少，3次仲會有2次漏餸嘅情況，諗住繁忙時間難免有錯亂，體諒下都費鬼事計較由佢了。今次再叫外賣，額外加底，送到來一打開，米線少得可憐，連普通正常份量都不如，又或者充其量只係一個餐份量。之後當然有下文啦～詳細過程就費事講咁多。睇返其他食評原來都有唔少食客都有寫過呢間舖嘅份量不合理、漏餸、店員態度差……，咁樣嘅經營手法只會拆自己招牌。經過今次 以後都唔會再幫襯哩間店，完。

因為宵夜唔係特別多間可以揀，又想食辣野，所以揀左尼間🌶️🌶️🪧麻辣燙 一共💰36唔係好食得辣嘅朋友小心了，一定要BB辣試起，因為真系辣🌶️ 湯底好香，會忍唔住飲多幾啖😌蒜味有啲重，食完記得食多幾粒薄荷糖了😆💰5 茶葉蛋 好香茶葉味，好入味，鹹淡啱啱好，而且唔洗自己剝蛋殼。咬一半茶葉蛋，跟著浸入湯再食，蛋黃會吸到湯汁，變得濕啲唔會太乾🤤💰5 大豆芽 脆脆地，唔會太軟💰8 豆腐串 麻辣燙必點，因為吸汁，但係小心熱啊💰8 海帶 熟嘅程度啱啱好，唔會軟淋淋💰10 粉絲 份量好多啊，完全食唔曬🪧 涼拌三絲 💰30一直以為涼拌三絲係土豆絲，蘿蔔絲，木耳絲🤓但係尼間間係粉絲，海帶絲同土豆絲🤣🤣同我叫嘅麻辣燙粉絲撞左😅但係涼拌嘅粉絲入味多啲，But因為有粉絲嘅原因尼個涼拌三絲唔係特別爽口，不過又真系重口味，係香辣嘅🥰

收工麻辣燙癮又起，快快跑去馬姐到食，希望唔使排隊，結果係唔使排隊嘅真係好彩！👍🏽我點咗一碗麻辣燙+涼拌三絲 中辣🌶🌸湯底好香，夠味夠辣🥹佢嘅辣係陰啲陰啲，屬於後勁好強嘅辣度～～我唔覺得特別麻，正正常常。湯底有蒜蓉，所以蒜香味令我越食越想食！🌸因為我鍾意食薯粉之餘仲想嗌好多餸，所以我就會喺麻辣燙嗰度揀埋薯粉，呢個價錢真係平到笑，$5 1個餸都有！出面唔多正宗嘅麻辣燙舖頭，都夠膽死賣$8-15一個餸🥲我見其他食客都係嗌到大大碗勁多餸😹😹重點係佢有我鍾意嘅豆腐串(唔係間間都有㗎陰公😢😢)冬瓜好林好入味，牛柏葉，萵筍都好食～🌸涼拌三絲都係我必點之一，涼拌汁超好食😋非常開胃，酸酸辣辣。海帶絲土豆絲同埋粉絲三樣加埋一齊好有口感。總括來講!非常開心香港有呢一間頗為正宗嘅麻辣燙店，而且價錢非常便宜，味道一流。本人已經係咁推介比其他朋友仔，個個都話好食😋！

從來冇諗過會係呢嗰度寫差評其實呢一間舖頭不嬲都食開，夜晚凌晨食宵夜都食咗不下10次，今日諗住當晚餐食，所以先叫外賣APP，但係偏偏佢外賣APP入邊嘅配料係冇得揀數量，咁所以我就嗌左同樣價錢嘅嘢，再打電話同舖頭講一打去首先要好耐先通，可能舖頭忙，我明嘅，當我打通之後就同佢講我嘅要求，其實我真係淨係轉兩樣嘢，然後佢係直接同我講，咁忙點幫你轉，玩嘢吖？然後就直接cut咗我線坦白講轉唔到其實冇所謂，你可以好聲好氣同我講話落咗單之後冇得轉，我反而會接受，但係唔係一句 玩嘢啊 彈過嚟，跟住cut我線囉服務態度差到咁，幾好食都冇用