馬得里

營業中

休息中

由佢開張以黎食過三次，三次都係晚餐，真係好好味又抵食😋😋 重點係唔洗加一！！一個扒餐係包湯+餐包+嘢飲+甜品，唔係扒餐就無甜品。每個餐都好大份，女仔食既話一定會夠飽，男仔就更加唔洗講啦！會繼續光顧😆😆

第一次叫午餐外賣，朱牛焗飯配熱啡，兩隻汁，朱扒夠實淨，算唔錯。牛就薄左啲，唔算太好。焗飯就有用炒蛋飯，飯盒用埋錫紙加紙盒雙層包裝，整體叫合格👌🏻第二次想試真啲佢牛扒，就叫肉眼扒炸蝦。點知比塊薄扒黎，唔睇返張單仲以為出錯餐。塊扒食落仲要係凍既，再加上傑晒既黑椒汁，完全食唔到牛味。。。飯都係唔熱，只係微暖。。。整熱少少先出餐真咁難？咁既價錢完全接受唔到我食金鳳好過，人地啲牛正常好多，又足料，呢間絕對無下次

唔知大家仲記唔記得以前嘅港式扒房，食完個晚餐一定會有杯甜品唔係雪糕球就會係花奶啫喱，朋友至愛，食埋先有嗰種儀式感滿足感。位於長沙灣呢間新開嘅馬德里港式鐵板扒餐為主，鋪面裝修光猛，座位尚算寬闊，唔會手踭撞手踭，食得鐵板餐抽風系統一定要夠勁，呢度做得到啦～惠顧扒餐可以加$300加購法式焗田螺 ， 套餐可以選 意粉、薯菜、白飯 ， 當然仲有餐湯同餐包啦， 不過凍飲就要加$4 ， 食完最後比多杯啫喱， 掂晒！

#MC帶你去荔枝角.港式鐵板相信大家都唔陌生，但依間餐廳主打港式鐵板，鐵板餐定價好相宜，而且有一定質素！➖✨ 馬得里.餐廳主打港式鐵板餐，有「鐵板世家」之稱；店內環境寬敞寛落，設有不少四人梳化卡座。➖🥢 鐵板西冷牛扒｜$148 ✨抵食之選✨.五成熟嘅西冷扒有大量薯條墊底，上枱後肉質依然帶少少粉嫩色，肉味幾濃郁，十分不錯！醬汁可以選擇燒汁及黑椒汁，黑椒汁辣度適中，燒汁就香甜惹味。➖🥢 鐵板T骨牛扒｜$158.一個價錢兩種享受，T骨扒有齊牛柳及西冷！五成熟肉質軟腍而且都幾大塊，好足料！但近骨位置有好多碎骨，有啲失望。➖🥢 法式薯蓉焗田螺｜跟餐加配 $18.薯蓉口感順滑，牛油香味十足；搭配爽脆田螺肉。美中不足，用了去殼田螺。➖🥢 酥皮忌廉湯｜跟餐加配 $18.金黃色澤嘅酥皮，薄脆鬆化，的確唔錯！雖然忌廉湯內有數片蘑菇，但味道偏淡亦太過稀薄，有啲失望。➖🥢 牛油餐包｜Butter Bun.即叫即烘，上枱時熱烘烘的。➖🥢 餐茶（凍檸檬茶）｜跟餐加配 $4.有3至4片新鮮檸檬，並不是用檸檬汁沖劑沖泡而成。➖🥢 懷舊什果啫喱杯.港式「豉酒西餐」經典甜品之一！啫喱杯加上花奶，簡簡單單，充滿童年回憶。➖

今日係荔枝角買嘢之後見到呢間茶餐所以就入去試吓，入面嘅扒餐好像好吸引，於是我們叫了肉眼扒配薯菜加燒汁，可以選擇牛扒嘅熟度，我選了七成熟，牛扒上菜後不會韌，相當不錯，牛扒下邊還有大量嘅粗薯條，最後還有啫喱做甜品，這個餐有餐湯+飲品+主菜和甜品，價錢$148一位。

餐廳新開試業中，外觀都算唔差，餐廳都算枱數多，所以都多人幫襯，中午12點左右就要開始排隊。食物款式都算多選擇。因個人喜好，當日一心要試吓佢哋嘅焗肉醬意粉，店員竟然回答肉醬意粉賣哂😵‍💫，我相信佢哋為方便所以唔特登整，想客人都叫午餐算。唯有就轉食午餐啦。都見到有人食扒餐，價錢唔太貴，份量又多。有機會都可以一試。餐廳上菜速度都算快手。職員服務態度都好友善。但唯一的問題是餐廳抽氣不足，每次食完成身都有陣油煙味，都幾難頂。🙈

這裡的食物份量很足，牛排的面積比你的面更大。鐵板熱度很高，倒汁的時候切記要用紙巾擋住以免弄髒衣服。飲料建議加一點錢喝大杯凍飲如大檸樂。最後的啫喱也有懷舊的味道。非常地道香港的感覺。

1. 入到去冇人安排位置，自行搵位置坐低之後就會俾人趕去另一邊。2. 冇人俾Menu，主動問個女職員拎，一邊食住啫喱，一邊Hea你，之後就唔拎俾你。3. 明明餐牌寫住下午茶時間去到6:00 ， 5:00話俾你聽唔再做下午茶。4. 落單時所有附加項目都冇，但隔籬枱比我遲5分鐘入嚟乜嘢都有。個職員自己唔熟嘅嘢就話冇。5. 成日落錯單，紅湯變白湯，飲品又錯，幾多成熟都落錯。6. 上湯嘅時候個職員倒瀉嘢都唔安排人過嚟抹7. 同佢哋講落錯或者做錯嘅嘢，個職員好串咁講「咁你而家係咪唔要？」，跟住個職員自己同個經理講話「個客又話唔啱」。講到好似我係西客咁。成間嘢冇乜好，唔值得幫襯。快啲執咗佢啦。

位於荔枝角長沙灣廣場 門面裝修貴氣 環境寬敞座位舒服傾到計 價錢親民服務殷勤唔駛排隊😌大件夾抵食 肉扒juicy😋😋食完唔會成身油煙味 破舊立新保存港式風味 水準高👍👍值得回頭再幫襯既扒房🥰🥰睇到餐牌有不同配搭 有燒春雞配魚柳當然有雜扒，最後我嗌咗個肉眼配牛舌＄168（5成熟）見到可以加錢久違既酥皮忌廉湯回憶返晒嚟 😝😝頭盤：鐵板田螺焗薯蓉都係加$18整一份 🤩🤩餐包軟熟，熱到適中唔似得老派扒房石頭麵包 酥皮湯雖然要等幾分鐘，嚟到好似菠蘿包咁大個 但係即焗入口層次確不同 😋😋嚟到鐵板燒未落汁已經出晒煙 隨即侍應落個黑椒汁 🤭🤭落汁黎肉眼扒仲保留血水肉汁鮮味切落軟熟入口有𡁻頭牛舌仲有兩大件食落軟腍腍，仲好重牛味大件夾底色仲有啫喱送🤗🤗

開業以來，一直見人龍精心選了三日連假人人北上第一晚試食工廠區晚上6點驚見9成9入座率T骨羊架意粉全在水準之上仲有懷舊鐵板落汁+花奶啫喱難得服務員全部高效率，反應快，有心CP值極高，預計回頭率應該不低，晚晚爆場前應該會再黎多次

試業中第一次來食唔錯，食物份量大又多，職員效率快。D扒大份，仲有甜品食👍🏻。第二次來食，簡直兩個世界，職員態度差，完全無效率，先來餐飲，然後上扒，沒有上餐包及餐湯。問職員之後才送上。D餐包濕濕地及鐵板完全唔熱，所以今次個扒麻麻地好食。食飽後問職員有冇甜品，佢話有，仲問加唔加花奶，等咗20分鐘都冇送嚟，再問又等10分鐘都無嚟，真係等到火都嚟。今日突登揸車過嚟食，點知咁嘅服務。真係唔敢再嚟幫襯。而且嗰度呢通風系統好差，食完走都成身油煙味👎🏻👎🏻👎🏻

試業中，第一次來時，職員服務態度可以，有效率。第二來時完全兩個世界咁，沒有服務，效率超慢，主餐來咗，但餐包餐湯又叫極都唔上。用餐後問職員有冇啫喱，佢話有，仲問加唔加花奶，最後等咗20分鐘都沒有送來，再問職員都仍然冇送來。在試業中都搞成咁，都仲未正式營業。真激氣，唔會再來幫襯。

好耐無去荔枝角，經過見到試業中咪試下。不過無叫到貴嗰啲扒餐，淨係叫左最平既鐵板漢堡扒同意粉。份量係好充足，意粉成碟好重手，打包左半碟走；鐵板餐有薯條再比埋飯，套餐仲有包餐包，湯，飲品。鐵板塊漢堡扒就偏硬偏乾同埋啲汁可以再多少少黎餸飯，棵西蘭花就硬到切唔開。服務方面就正如其他評論所描述有待改善。某員工幫我落單，好似好唔耐煩不斷challenge：我指個menu比佢睇，又話我指上面定下面，指幅圖但講上面個名，口不對心究竟你要邊個，最後我索性講個exact價錢。之後我繼續講要燒汁，凍檸茶，佢又話唔好同我講咩汁遲啲會問你🧐問我要咩湯先，我答完，佢又再問咁要飲咩，我又再指返個menu話凍檸茶，之後佢話你要大檸茶定凍檸茶，你又指幅圖但又講凍檸茶即係乜，兩樣野黎喎要加8蚊，我再睇下幅圖先發現原來隔離有個係加大版既凍檸茶，我心諗新開張試業個個都係第一次黎食鬼知你個menu咩結構，講多句唔洗句句都窒住曬既。其實嗰陣都平日夜晚8點幾，又唔係好多人，都唔覺得係好繁忙既時段。之後到個餐黎左佢先再問你要咩汁，即時幫你倒落去😯終結，係for大食既人，一係你叫少個餐share，不過唔知有無低消🙃

去過兩三次，分別下晝同夜晚食質素都幾好蔥油雞飯好香最愛酥皮湯冇諗過T骨豬扒都咁厚實好食嗰日着咗淺色衫怕鐵板上會彈到污糟叫佢碟上都好靚都好大碟朋友食過煙三文魚意粉都話好正，下次可以再試

新開張第二星期去食加單有漏單，我明白。屋企人想問一問，揮手無人應，職員巡場目標係收野，見人舉手就直行直過。媽媽揮手講唔該都無人應，因為坐好角落惟有企係身揮一次，半場黑衫男經理？衝過嚟，成個球證咁指責式話「你哋加單吖嘛」，講一句駁三句，無野想同佢講，想表達少少都無空間去溝通。另一個女經理好好好好禮貌，主動嚟問返。好多謝佢。當日3個牛扒餐都肉質普通，偏硬，賣相可以。自己同姨姨嘅常餐豬扒好硬（食一舊就放棄）炒蛋好多水 多士勁乾通粉係最好可能無圖無證據啦，實在無心情影相。可能我用餐前，預期過高，諗住分店食物同服預都會好，期待改善。