駒記海鮮大排檔

營業中

休息中

最近番工跑數太辛苦, 夠數後決定要同同事食番餐好既! 就去公司附近既大排檔食海鮮! 我地點左刺身象拔蚌, 避風塘炒蟹, 蒜茸蒸扇貝, 開邊蒸蝦,薑蔥枝竹魚腩煲,啫啫生菜煲 同辣酒煮花螺!刺身象拔蚌: 好爽口, 好新鮮, 但一定要快D清左佢,放耐左就唔好食避風塘炒蟹:  外酥内嫩,一放上枱就聞到好勁既辣香味!即刻食欲大開   蒜茸蒸扇貝 同 開邊蒸蝦: 都係有香既蒜味, 但又唔會搶左海鮮原本陣味   薑蔥枝竹魚腩煲: 味道有D重, 配飯會好好食!  辣酒煮花螺: 肉頭大同有咬口(嚼劲), 食到好滿足! 個避風塘炒蟹真係炒得好好食! 都幾驚喜!! 下次會再食多次!!!!! 

今次同三五知己聚舊, 去左駒記食飯! 上網見到係度食海鮮好似幾正咁,地方又就腳,就同朋友去左!一去到門口就見到一盆盆海鮮比客揀,之後就可以入去等食門口都算乾淨,一行到去就有伙記招呼,服務都唔錯!我地叫左大椒鹽瀨尿蝦,啫啫介蘭煲,炒聖子,椒鹽肉排,白灼東風螺, 豉椒炒花甲!!!!　瀨尿蝦同聖子Ｄ肉都好肥美,肉質鮮嫩,東風螺都好新鮮,份量足!另外椒鹽肉排,同花甲同花甲就一路配住啤酒食同吹水!最後埋單有得用支付寶! 唔洗逐個數錢咁煩! 今次食得都算盡慶!

同班老友由細識到大，從以前幾條仔去飲酒打波到而加聚會一定會帶埋小朋友一齊出尼!今個假期就去左食大排檔，小朋友佢地可以一齊玩，而我地大人又可以係度吹水。我地老婆仔女都係度，所以都可以叫到幾多樣餸食!我地叫左瀨尿蝦、椒鹽九肚魚、木桶沙薑雞、芝士鮮墨魚丸、薑蔥炒蟹、開邊蒸蝦、燒汁手揸骨… 依間大排檔d餸都幾野味，鑊氣又夠! 最重要係d海鮮好新鮮! 個瀨尿蝦真係啖啖肉，同好爽口! 假期去食人係會多少少，但等侯時間都OK，總體上都滿意既。

上星期六婆婆生日, 我地成家人去左駒記一齊食飯慶祝! 當然叫左唔少海鮮食!椒鹽瀨尿蝦, 避風塘炒蟹, 蒜蓉粉絲蒸聖子,辣酒煮花螺,紅咖喱海鮮煲,荷葉龍仔蒸蝦飯,清蒸東星斑,再斬左隻雞!食到超飽,好滿足!婆婆都食得好開心!佢開心我地都滿足!1. 椒鹽瀨尿蝦 – 香口爽甜, 配炸蒜真係一流2. 避風塘炒蟹 – 辣辣地, 炒得勁好食, 諗起都流口水3. 蒜蓉粉絲蒸聖子 - 聖子好肥美, 夾蒜蓉蒸好好食4. 辣酒煮花螺 – 次次食海鮮都要叫依道菜, 依間都煮得OK!5. 紅咖喱海鮮煲 - 駒記招牌菜, 可以一試!6. 荷葉龍仔蒸蝦飯 – 一上枱就聞到好既香濃荷葉味,都係招牌菜之一!7. 清蒸東星斑 - 蒸得岩岩好, 好鮮!價錢方面唔算好貴, 可能隔離都有其他海鮮鋪係度,所以唔會相差太遠!

女朋友星期五去接我收工, 之後就一齊食飯, 唔知食咩好? 女朋友就帶左我去食駒記!我地叫左豉椒炒蜆,椒鹽瀨尿蝦,芝士炸墨魚丸食!其實冇諗過又幾好食, 諗住女朋友想食咪陪下佢, 點知D 海鮮同小炒都好新鮮,好香,夜晚咁樣食下小炒都唔錯!地方都算就腳,下次可以再食下其他野!

今日一行8個人，想食返啲有風味同本地特色既野，第一時間就諗到大排檔! 早一日打去預定位，態度不錯。去到條街，佢地一望就知我地去預留咗位，就帶我地入到另一間店入面。 菜單一早擬定好，去到好快就叫餸食: 是日精選菜單 1. 招牌黑椒手揸骨 2. 沙薑雞 3. 薑蔥炒蟹 4. 油浸荀殼魚 5. 粉絲蒸蟶子王 6. 鹵水鵝腸 7. 啫啫通菜煲 8. 特色蠔餅 9. 豉油王炒麵 1. 招牌黑椒手揸骨 招牌黑椒手揸骨 上菜時感覺已經是發涼咗既感覺，色水唔多靚。不過拎上手很方便，拎住條骨已經可以食。呢個菜聽聞係招牌菜，本來真係最有期望，可惜，真係一件無味既肉，好失望。除咗肉質咬落去好淋無咬口，成件肉都好似無醃過咁，得上面既蒜味，真係唔知佢定位招牌菜，係有邊個地方值得欣賞。 2. 沙薑雞(半隻) 沙薑雞(半隻) 選用屬於細隻既雞，唔似其他大排檔果種大件夾抵食既。雞無口感可言，但生熟度剛好，保持到肉唔老。味道一般，以百幾蚊半隻來講唔抵。 3. 薑蔥炒蟹(2隻) 薑蔥炒蟹(2隻) 2隻蟹炒埋1碟既份量，普通蟹自然炒出普通既質素。蟹件件有肉，唔係水蟹，不過無膏。蟹是新鮮的，但薑蔥唔夠，火

同個兩個FD係南華打完波肚餓十點幾, 就諗住去醫肚, 點知太夜, 好多都差唔多收爐, 見到駒記收零晨3點就衝左入去坐低!!! 叫左五道小菜食! 可能已經算夜, 冇咩人,所以上菜都爽手。我地叫左個豆豉鯪魚油麥菜, 豬頸肉, 豉椒炒蜆,椒鹽瀨尿蝦三隻, 同薑蔥焗桶蠔, 可能真係太肚餓, 我地好快就掃曬落肚lol幾樣餸味道都係偏濃, 我地就順便加埋枝支啤酒, 口味偏啖可以配白飯。　1. 豆豉鯪魚油麥菜 – 炒得唔錯, 好香豆豉鯪魚味2. 豬頸肉 - 配啤酒一流3. 豉椒炒蜆 – 幾有鑊氣同埋份量都幾多4. 椒鹽瀨尿蝦 – 好爽口, 沾埋炸蒜超正 (必試!!) 5. 薑蔥焗桶蠔 - 惹味道ok, 蠔都夠肥美,但好似煮耐左d,煮小幾分鐘應該仲正值得一讚既係海鮮幾有水準, 好新鮮同爽口!! 依個真心有驚喜, 想食宵夜去駒記係唔錯既選擇~

之前次次舊同學聚會太多人, 所以都係去CWB食放題, 食到悶, 來來去去都係個D -_-“ 今次去左食大排檔, 感覺又幾好, 我地夠多人, 所以都叫左幾多嘢食下, 可以試多幾款招牌菜, 有椒鹽瀨尿蝦,、避風塘炒蟹,、芝士鮮墨魚丸、炒蜆、鹵水併盤 個D, 椒鹽豆腐海蝦勁香!!! 選擇都幾多下,飽肚同滿足感好過放題多多聲, 依間D海鮮無諗過其實都新鮮, 唔錯! 飲下藍妹, 吹下水, 笑下以前讀書D白痴野 咁又1晚……

一大班人，最好就是吃大排檔。先吃的是滷水拼盤，豬耳十分爽脆。鴨腸彈牙。滷水鵝肝較失色，很軟、乾、縮水。豬血正常。蠔餅脆口，蠔仔飽滿。辣酒花螺味道住，甜甜香香，微辣，追著吃。其他海鮮都十分出色！炒麵十分乾身，炒得很好。

放工同同事吹下水，啤啤佢🍻，銅鑼灣街市食小炒😋。唔係太餓，幾個人吹下水飲下啤酒，叫左3樣小菜，不過身邊枱枱都係國內人，雖然要同隔離枱講野鬥大聲🗣，坐得唔太舒服，不過d野食的確唔錯😋可能太多單，所以等左差唔多成半個，先黎薑蔥焗桶蠔😍，真係讚不絕口，有6隻蠔隻隻都又肥又大，咬落薑蔥爆得香口，啖啖肉無腥味😋。再等左十五分鐘左右，再黎椒鹽豆腐，豆腐算滑，不過炸得唔夠香脆，有進步空間。最後期待既駒記小炒皇，有d小魚炸得好脆，入面用左d蝦米、魷魚、腰果嚟炒韮菜，滿足哂不同口感，炒得惹味又香口。整體水準都唔錯，價錢又唔貴！👍🏻

呢排成日都OT，做到8點半勁肚餓，諗住同個同事響公司附近食D野先返屋企，諗住近近地去左駒記。今日唔洗等位，一入去叫左個幾個小菜，點知我同事話呢排返工做得咁辛苦要食豪D，叫左幾個海鮮黎補補，有避風塘炒蟹、陳皮蒸泥鯭、豉椒炒田雞等等。樣樣都好正，我同個同事都好滿足!

放工唔知食咩好，又唔想煮飯，同老公行左落銅鑼灣，見駒記唔洗等位就坐低食晚飯。叫左幾個小菜，有蠔餅、炸大腸、燒汁手揸骨同開邊蒸蝦。樣樣都幾好食，簡簡單單一個晚餐，好滿足! 我地埋單都係四百幾蚊左右，下次再食過!

放假出左銅鑼灣買D野，順便搵個FD出黎食飯，去左駒記。見openrice咁多好評，試左個鹵水腩肉、椒鹽焗泥鯭、沙窩魚頭煲。3樣都好食！飲左幾支藍妹吹下水，果然無介紹錯！

今晚約左FD去飲野, 見放工仲有小小時間就去食D野先!我同我個FD兩個叫左3個餸加1個炒飯，叫左福建炒飯，小炒皇，黃金墨魚餅同椒鹽豆腐，好夠鑊氣，正呀!!呢度食飯吹水一流!

岩岩出左糧，想請屋企人食餐飯，就去左駒記大排檔。門口d遊水海鮮好正呀，睇中左大瀨尿蝦同蟹。我地總共叫左5個送，椒鹽大瀨尿蝦，避風塘炒蟹，雞，乾炒牛河等等。樣樣都好正，會再幫襯👍🏻