駟馬拖車潮州飯店 (MOSTown新港城中心(4期)) (已結業)

最近搬左去馬鞍山，週末當然到附近商場走走，晚餐時間行過覺得環境不錯決定一嚐！因為太肚餓關係，2個人點了5樣菜。點了潮州椒醬肉，作為前菜非常適合不過，十分濃郁惹味。吃潮州餐廳當然必點滷水食物啦，滷水鵝片塊塊肉，滷得入味，吃得很爽，還有豆腐墊底吸汁，十分美味！還有XO醬海皇炒粉絲，用煲仔呈上，很有鑊氣，又炒得均勻，每條都沾滿XO醬，很愛吃這道菜！還有普寧炸豆腐，不會炸到很乾，配上酸酸的汁，忍不住就一口又一口就吃完了。最後當然不可以沒有潮州蠔仔粥啦，粥底充滿蠔的鮮香氣和肉的香甜味，再加上蔥花和少許蒜片，味道一流。每味菜份量都十足，我們吃得十分滿意。

長期經過都見門口好多人等位難得今日可以早食晚飯直衝去有位鵝片拼盤普令豆腐雖然我哋係客家人，但因同潮州相近，所以呢個普令豆腐我返鄉下都一定必食豆腐炸到外脆內嫩，再配韮菜鹽水。兒時味道，返晒嚟咸菜排骨蘿蔔湯兒時媽媽都會係屋企煲呢個湯，不過我屋企就用咸菜頭煲椒鹽九肚魚同平時係大排檔食口似，呢間唔係成條炸亦因為咁，無左好滑好滑既口感

馬鞍山對我來講都幾熟悉，本身細個係馬鞍山返學🎒啦，而我家住沙田，去馬鞍山十分方便，同埋而家近年都多唔同型式嘅餐廳🍴進注左馬鞍山，加上閨蜜👭在馬鞍山返工，我都會約佢在馬鞍山食飯，而我早排見到新港城開左間「駟馬拖車」潮州餐廳🍴，咁今次就決定試下啦⋯⋯蠔仔粥每次去親潮州打冷餐廳🍴，我必定會叫呢個飯的，呢到嘅蠔仔🦪好肥美同幾大隻架，而果湯底都好清甜，唔錯。煎蠔🦪仔餅呢個又係我去親潮州打冷餐廳🍴必定會食嘅菜式，呢間整得唔錯，果蛋都好香口，同埋都好多蠔仔🦪在內。潮州滷味拼盤去到潮州餐廳冇理由唔會叫潮州滷水拼盤，內有鵝片、紅腸、雞蛋🥚、墨魚🦑，滷水汁滷得好入味。椒鹽九肚魚平時在屋企好難🤯整到的，而我又好鐘意食椒鹽九肚魚，餐廳有嘅話我必定會叫嘅，呢間整得嗰粉漿薄薄包住個九肚魚好香脆可口。涼拌海蜇雞絲天氣咁熱架要食返啲比較清涼啲小食來開下果胃口啦，海蜇爽脆入味，雞肉就好滑，加埋爽脆嘅青瓜，三種味道好夾。

馬鞍山附近一向都少潮州嘢食，近排發現有間叫 駟馬拖車潮州飯店，環境優雅而且食傳統潮州菜一定要去試。今次叫咗鹵水鵝片、菠蘿炒咕嚕肉、沙茶牛肉河粉。鹵水鵝片絕對係必食之選，鵝肉夠嫩滑而且厚身真係好juicy，鵝片絕對吾肥有重鹵水汁味，點埋特製嘅醋汁食感覺一流，成家人都食到停唔到口。菠蘿炒咕嚕肉好醒胃，咕嚕肉皮薄香脆，菠蘿酸酸甜甜，大人細路都鍾意。沙茶醬炒牛河鑊氣十足，個沙茶醬係個精髓所在，夠曬滋味分外惹味。

開完會已7點幾，老公亦在附近，不如嚟試試開了幾個月的駟馬拖車，反正亦好耐無食潮州菜。店舖門口不算大，但原來店舖頗深，最入是一些可放幾張檯的房。它的裝修簡約，不太傳統，但亦不算時尚。（註：圖片是食完，幾檯客走了才拍攝。）它提供的菜式是傳統潮菜，選擇多。惟一奇怪的是以前的潮州菜館喜歡先奉上工夫茶，它沒有這個安排。對我而言，因不是特別喜歡工夫茶，冇乜所謂。前菜是花生貢菜，味道唔錯，花生香脆，貢菜爽口。其實它本來鋪滿花生的，因我太肚餓而急速食了超過一半，才記得影相。😝椒鹽九肚魚（$72）雖然份量不多，只有兩條。但師傅炸魚時間掌握得很好，外面香脆，魚肉仍保持滑溜。魚面層還加有炸蒜，香口得嚟食到魚香，好味。👍🏻👍🏻👍🏻蠔皇北菇鵝掌菜膽煲（$208）上枱已見大大隻的北菇，很厚身，咬到啖啖蠔油香菇味。😋😋😋 鵝掌不單止大隻，炆得很腍和入味，喜歡食雞腳丶鴨掌的朋友一定很有滿足感。西蘭花亦煮得啱啱好，帶有一點爽脆。這個菜有三種不同口感，味道香濃惹味，水準之作。👍🏻👍🏻👍🏻潮州蠔仔粥是最後上檯，分碗（$48）同鍋（$98）2款，我們叫了一鍋，是四人份量，可惜忘記影相。這個粥有很多蠔仔，超過30多隻，加埋肉碎

上星期同老公去馬山行街，見到有間新開既潮州打冷既酒家，睇到佢啲滷味好似好新鮮，新裝修又幾高級咁，於是決定入去試一試首先叫左個海蜇手撕雞$58做前菜，整個前菜內既雞肉都好鮮味，海蜇爽口彈牙，而且份量都不少，而底層既青瓜都好清甜，三樣加埋一齊食好開胃潮州蠔仔粥(碗)$42雖然只叫了一碗，但份量都夠兩個人食，粥底有好香既柴魚味加埋啲新鮮冇腥味既仔，成個粥好鮮味 鹵水鵝片$168鵝片切得厚薄均勻，份量亦算多，啖啖鵝肉咬落好滿足，啲滷水汁好香又唔會過咸，好欣賞佢底果層啲豆腐好大件好滑溜，吸哂啲肉汁既鮮味韮菜豬紅$48豬紅個口感好滑，夠入味川椒鮮魷$92以為川椒炒會好辣，但原來味道係偏向微辣偏甜，鮮魷同炸左既紫蘇葉一齊食，變得更香口

今晚黎到呢間沙漠中既潮州餐廳，入到去個裝修幾有特色，店員好有笑容同禮貌！一開始店員好快就上左前菜，茶我叫左好特別既玫瑰花茶，好香好好飲。另外我叫左幾款菜，包括沙茶芥蘭，沙茶醬真係冇得輸，芥蘭好新鮮！好脆綠～ 另外我地嗌左必食既滷水鵝片，估唔到都幾大份，個底係豆腐黎，同滷水都好match! 咁食潮州野唔少得蠔餅，crazy!! 大過個盤！好巨，份量好多，d蠔都好多，食唔哂omg! 油炸係個油少少，上面果層好酥脆好正，呢個最好多d 人share🙈最後唔少得嗌返個靚仔，勁大碗！係平時打冷既兩倍！推介

同老公入馬鞍山新港城逛逛，下午茶時間飲個茶食點心，駟碼拖車潮州飯店似乎是個不錯的選擇。本身是一間潮州酒樓，鹵水部絕對唔簡單。店內裝修中式典雅，地方整潔，每張枱旁會放一個自助加水加熱器，有趣。荔枝紅茶~茶味香濃，豐富荔枝味，這種茶比較少見，值得一試。紅菜頭帶子餃~顏色好靚好吸引，紅菜頭帶少少甜味，帶子彈牙，味道可以好夾。蟲草花高湯浸鮮竹卷~鮮竹卷本身係我嘅至愛，這個湯底清甜，鮮竹卷好入味。碧綠鮮蝦腸~蝦好新鮮好大隻，爽口，如果個蝦腸再熱啲會更理想。安蝦鹹水角~外脆內軟，餡料豐富。菠蘿叉燒焗餐包~菠蘿外皮鬆脆，叉燒餐包豐富口感。潮州沙茶牛肉炒河~沙茶醬特別惹味，牛肉唔韌份量夠多，加埋河粉絕對是一個邪惡的選擇。

次次經過都好多人排隊 今次諗住試吓 晏晝12點到去到 大概等咗半個鐘左右 叫咗幾款點心同一碗面 覺得冇乜特別 中規中矩 未到好食又唔係難食 但唔明點解長期都咁多人排隊 我之後應該唔會特別排隊食佢 因為真係好普通

細細個已經好鍾意食潮州菜，但可惜屋企附近嘅潮州飯店搬左一間又一間，好耐都冇食過有質素嘅潮州餸，今晚難得可以試返有質素嘅潮州菜，可以話係老懷安慰囉餐廳嘅佈置好有中國氣氛，但又唔會有一種好老土嘅感覺，中西合宜的設計剛剛好點返個開胃菜先！招牌嘅椒鹽九肚魚，椒鹽味重，又脆口，仲有淡淡的魚香，有質素！川椒雞，川椒味重，但唔太辣，炒得好有雞味，雞肉非常嫩滑，水準之作再嚟就係招牌既蝦棗做同蟹棗，脆脆嘅外皮，配上爽口嘅馬蹄，再加埋蝦肉同蟹肉嘅鮮味，配搭一流，點埋旁邊嘅甜醬，喺味蕾嘅享受跟住就係明爐烏頭魚，新鮮烏頭魚，冇泥味又唔腥，配上泰式嘅酸辣汁， fusion得好好，送飯一流，我足足食咗兩碗飯啦差食物嘅質素非常滿意，希望份量可以多少少，咁就滿足到我貪心嘅食慾啦

潮式餐廳喺馬鞍山絕無僅有，發現絕大部分想食嘅潮州菜式，呢度都有，即刻要黎試下。餐館乾淨企理，坐得舒服，沖茶仲有架自助翻熱水機喺每張枱隔離，唔洗下下叫待應添茶，加分！椒鹽九肚魚($72) 炸粉唔多，緊貼魚肉，爽口脆身潮式糖醋麵 ($98)黎食潮州野都係為咗呢味小菜，酸酸甜甜真係好開胃，麵底乾身唔黏口 ，做到外脆感覺，十分好潮式沙茶炒牛肉 ($88)超招惹味嘅一道菜，原本以為得牛肉，上菜後發現原來仲有芥蘭配上，Nice! 啲牛肉好嫩好鮮，沙茶醬亦都唔會重味到蓋過咗牛肉味，芥蘭嫰身無渣，好味！潮式反沙芋 ($78)黎到潮式餐館一定要食呢個甜品！ 呢個甜品真係好講功夫，要整到外脆內淋又掛到糖，一啲都唔易，呢度整到所有嘢軟硬同埋個甜度都啱啱好，一口份量細細粒唔會令人好漏，唔錯唔錯每枱仲有小食附上，連呢碟小食都好食！餐牌:

母親節在這間駟馬拖車飲早茶，性價比極高，點心好吃。今晚和男同事相見，就選了來這間潮州飯店吃個晚飯。滷水鵝四拼盤來到潮州飯店，必定點過滷水拼盤！有鵝肉、豬腩肉、紅腸、豆腐，豆腐非常入又夠嫩滑，鵝肉的份量不少👍🏼百幾蚊，抵食❤️滷水豬腳仔豬腳仔軟林林，幾入味，份量不少，有滷水香料的香味，也是滿滿的骨膠原。海蜇手撕雞雞肉夠嫩滑，海蜇爽脆，碟底再有青瓜絲涼拌，配上麻醬，惹味又開胃！蠔仔烙聞到濃烈的蛋香味，必定是用鴨蛋才有這效果。粉漿調校得剛剛好，煎炸起來，非常脆口。加上粒粒飽滿的蠔仔肉， $100也不用，到哪裏找？😂超抵吃喇！

突然好想食打冷野，上網睇睇，發現這間店在商場內，恰巧這個商場有我想睇的店舖，便約友人在這裡晚餐。在門外望入去，以為地方不大。入內才看到，原來地方頗大，枱與枱之間都很寬敞。食物種類頗多，我們當然點了「滷水鵝片」和「潮式糖醋麵」，見到「醬燒菠蘿蝦球」這菜幾特別，於是便點了。前菜小食滷水鵝片 切得頗簿，滷水很入味，再加滷豆腐，好食 潮式糖醋麵，只有一面較脆，如果要煎雙面，就要加錢。我們不想食太炸，所以不煎雙面，只有一面較脆。味道酸酸甜甜又不油膩，配以糖或醋，很香口！醬燒菠蘿蝦球，有心思的擺設。醬燒蝦球，加上酸酸甜甜的醬汁，再配上菠蘿，開胃！最後再點了「銀杏芋泥」，不太甜，潮州甜品 

今日打去訂位, book位都算流暢 ,book 左7:30-9:30 要落店比500 訂 。我地叫左個6人餐 前菜 主菜 都ok 馬友都幾好食， 事前menu話有水晶包 ，落單話賣哂轉壽桃包，都ok 既 。食哂主菜叫侍應上甜品，但等左差唔多10分鐘 ，要摧單先話2分鐘內有壽桃包， 經理ted話上壽桃包 ，蒸得四個 ，補返3個芒果糯米糍 ，但裝壽桃包隻碟係濕 未抹乾，但加上包底冇紙墊 ，個包個底比碟既水整到濕哂 ，點解可以做野做得甘求其 ，我想問呢位經理 ，食個濕既包 ，你會唔會食。埋單個陣，呢位經理同我地埋單 ，拎部卡機過黎 ，好冇禮貌掉底部卡機係枱 。 野食ok 但呢位經理服務 就........

今晚突然好想食潮洲菜，老公上OpenRice 睇，話近近地不如去馬鞍山食，我印象中馬鞍山係一個荒漠冇嘢食既地方，不過佢搵到駟馬拖車依間潮州菜館，所以就試吓未order之前，侍應送上酸菜花生小吃，啲酸菜及花生脆卜卜，味道不錯普寧炸豆腐，豆腐炸得熱辣辣，唔會炸得太乾另外有啲酸汁，點落豆腐度味道很襯滷水拼盤-有滷水蛋、雞腎、鵝肉、腩肉滷水雞腎夠入味，配埋辣椒油食，正XO醬海皇炒粉絲-十分足料，有蝦肉、帶子、肉碎、蟹子及粉絲十分有鑊氣蠔仔粥，味道非常好，好有鮮味，入邊有大地魚，令到碗粥更加好味，足料，有好多蠔配合食物質素及店內環境，依度食潮州菜是一個不錯嘅選擇