騏隆

營業中

休息中

呢間餐廳我入親上水都必食老闆娘廚師超級nice令我去食感覺到好有家的感覺而且佢地所有餐都大大份勁多份量仲送埋凍飲價錢便宜得離曬地，超抵食！-最鍾意佢地個甜鼓油，超好味好味到想買返去😝而且好大方係擺係台任你倒我最鍾意叫$33炸豬扒雙蛋飯倒埋甜鼓油真係無敵🤗-西多士餐，啲多士超大舊仲有蛋同豬扒好似唔使成本咁叫埋個雪菜肉絲米都係$48老闆太佛心喇 -我地次次都食到勁飽勁滿足而且送埋凍飲🥤但冇宣傳，應該只有由細到大住上水的人先會識，我都係睇youtube一位住上水的朋友介紹先識呢間野。呢類富人情味的店買少見少希望香港人珍惜❤️

上次食完志興，今次就走去試下呢間騏隆，做來做去做極都係得一間梗有原因，我同朋友嗌咗兩碟飯，一碟雙蛋豬扒飯，一碟粟米汁班腩飯，都唔知佢係咪貪平用咗啲劣質油，炸出嚟啲嘢暗暗黑黑冇嚟光澤，或者可能啲油冇換所致，啲飯又難食，又冧又難食，啲飯都唔係一粒粒，都唔知係咪貪平用咗啲越南米所至，啲食物質素再係噉，我諗你連呢間都保唔住，希望日後有所改善

本來充滿期待,幾個月無食嘅椒豬雙蛋飯。有少少退步。豬扒份量少左,口感硬左。飯粒都有少少口感不一嘅情況。但兩隻生蛋仍然好味。3x蚊有熱飲,性價比算唔錯呢。多學生哥幫襯。

送完美女玉琪搭火車就飄去嘆個早餐，宿醉必須食點熱食物舒緩一下。大量座位任君選擇，早起的曉奧有麵吃！衞生情況真心使我側目，檯面油淋淋，餐牌黐笠笠，調味架鋪滿塵。全部餐牌黐笠笠油淋淋，極度可怕！摸完餐牌成手油淋淋黏黏的，有點嘔心！立即用濕紙巾捽捽手，抹得乾乾淨淨消毒下。四眼嬸永遠扮聽唔到，只自顧自行出行入傳菜，不理食客的呼喚落單。摸不著頭腦客似雲來，為何會一檯接一檯呢？可能真的有可取之處，但我這十幾次的探訪依然發掘不得出來。除了那碗餐蛋福麵讚口不絕外，全部出品都遠遠遠低於水平。好奇心驅使，詳細看看食評，何解全部食家都係笑臉，莫非真的是我口味格外獨特嗎？望落師傅似乎年紀尚算後生，還跟我打招呼呢。落單傳菜、食物品質、廚藝功夫、環境衛生、等等，真係十分抱歉，我實話實說，強差人意。老闆加油努力，祝好運。見到寫住炸菜，什麼來的？曾經食過泰式炸通菜。質素保持穩定暗裡食泥，但眼測座上食客也不少，莫非客飯小炒才是主打招牌？羗字好冷門喎，簡單點用薑更好啦。豬膶不是潤，還有冬蔭功、雞中翼、出前一丁不是出煎一丁，捍衛廣東話、捍衛繁體字、捍衛香港地！菜色包羅萬有千百家菜又如何？重量不重質，粗製濫造絕不會得到食家認

我們又到上水石湖墟熟食中心搵食啦😎今次我們去食騏隆✌或說我一向好欣賞佢的椒鹽雙蛋雞排飯🐥🥚我們一去到就有位坐啦🎉🎉🎉因為除左椒鹽雙蛋雞排飯我們仲想試下其他就將餐牌翻來翻去……也想不到什麼……🤔侍應姐姐好友善😚見到我們想不到吃什麼主動介紹~又慢慢等我地想一下~真好~❣❣❣登登登登~我們最終叫了三個飯麵~🍛🍛🍝洋蔥豬排飯🐷 ($30)豬排大大一塊煎得剛剛好~不會乾乾的~🐷雖然佢已經是碎上但佢鬆軟的情度是只要用匙羹都可以拮到佢再細細粒咁食🥄醬汁酸甜適中但比較稠了一點~💦如果能夠調稀一點，會更好拌飯吃整體來說味道不錯不錯~🤗🤗🤗韓式辣醬撈出前一丁 🍝(配椒鹽雞排+雞蛋)(我忘記價錢lu)雞排外脆內嫩🐥配上生雞蛋拌著公仔麵一起一啖吃真的好不錯😌😌😌只是如果你是期待吃韓式辣醬的味道從這個麵中好像吃不太出來這個醬🤔不過整體來說味道不錯啊~❣❣❣椒鹽雞排雙蛋飯🐥🥚 ($30)雞排同上面配撈丁的雞排一樣雞皮香脆可口雞肉仍嫩嫩的~不會柴柴的😋😋😋而最好的是椒鹽和醬油都是可以由自己任落的~~🤤🤤醬怪的我當然是會狂落啦🤭🤭🤭醬油是稠稠的味道是咸的，不是偏甜的那種~~~😎如果不怕吃生雞蛋🍳用生雞蛋拌飯連同脆皮椒

星期六唔知邊度食飯好， 諗住去街市食平嘢算， 但街市咁多檔，都唔知揀邊檔好，睇openrice 見到呢間算係有啲評價，就嚟咗呢間食飯啦。第一次嚟上水街市食飯，其實環境就唔係幾舒服，如果接受到就ok，呢度食嘢係好平，飯連凍飲都係$31。咁今次就叫咗最大路嘅椒鹽雞扒雙蛋飯同咖哩雞扒撈麵，味道我覺得唔錯， 如果擺喺商場度賣，都要六十蚊一個飯。另外我覺得呢間啲姨姨服務態度幾好，好值得一讚，又會教你落甜豉油同椒鹽。

好耐無去新街市食野,騏隆有樣野叫菠蘿蛋,聽就聽得多,成日想去食但次次都比碟頭飯吸引!!!今次要食喇~~我以為真系生果嘅菠蘿,原來系菠蘿包蛋治,初時會覺得好奇怪但食落又幾新鮮又幾好味,個口味都配搭得幾好,可以再試而且菠蘿包都係返熱返,咬落去時蛋漿流出來,非常之咁夾。個餐跟薑絲牛肉通粉,牛肉都算多通粉煮得剛剛好不會太淋。另外叫了一個涼瓜班腩飯,好多料但係涼瓜切得太細條有少少唔夠喉,斑腩普普通通但勝在夠大件,以呢種價錢實在系抵食。

成日介紹上水街市隱世乜乜物物，但成日都無介紹到騏隆椒鹽雞扒雙蛋飯！以＄32呢個價錢係上水可以食到一個好好味嘅午餐加埋一杯凍飲，你話邊度搵！雖然每次去都勁多人，尤其是晏晝食飯時間，台台都坐滿學生，但係如果你揀啱時間，好似話兩點左右去食，咁就fit啦！唔使迫，慢慢食！雞扒層皮趣卜卜，但啲肉一啲都唔老，雖然椒鹽係自己後來落嘅，但係加埋落去真係好惹味㗎！我叫嘅係生蛋，所以我選擇唔落豉油，將兩隻蛋黃撈埋啲飯再加上椒鹽，正啊！但係因為剩係得肉約飯都有啲好似唔太健康，所以我建議加多個10幾蚊嘅灼菜全走，都係一個唔錯嘅選擇。

今日同朋友食中午飯，佢帶我去一間大件夾抵食嘅大排檔， 其實我並對大排檔冇乜特別嘅好感但因為佢介紹我嘅時候同我講呢一間大排檔嘅嘢食，特別之處就係佢會配埋一件【西多士】嘩！~當我聽到話有西多士跟餐，我就覺得好...特別，所以諗都唔諗就叫咗個朋友帶咗我去食，點知估唔到原來係大件夾抵食完全係食唔曬！ 我哋兩個人分別叫咗兩個餐，大家主菜都係椒鹽雞扒 ， 我朋友主菜跟甜不辣珍寶腸配奶油厚多士 而我就 炒蛋配西多士磚我哋另外再每人加8蚊要一個公仔麵配火腿老闆好好人原本所以跟餐麵都只可以配炸菜或雪菜，而佢肯做火腿畀我哋，實在係太好人，香港地都係大排檔有人情味味道上如賣相都唔算差，但唔個點解個麵裡面會配多左一d唔關事既食材 例如我嗰碗多咗一粒魚蛋，我朋友個碗就多咗一條烏冬呢方面感覺就有點嘔心但去得大排檔就預左嫁啦 都係唔好講咁多，睇相有圖有真相~大家有興趣都不返去試下以上開飯食後感，只係本小姐食後試後感

由學生時期食到而家都會去食！食左十幾年都仲維持得住水準！跟熱飲都係29$有飯食，飲涷飲都係加1$，依個價錢係上水食得飽仲可以係邊度搵，加上味道係十幾年都keep得住咁好味，大推！！！