高木

營業中

休息中

系鰂魚湧返工 差唔多d店舖都食搵曬咁擠… 就係依間未試過… 因店內空間有限 午飯時間得1 個鍾 唔book 枱1 定唔夠時間食.. 今次約埋同事一齊試 … 水準算唔錯 食晏都係set Lunch 沙律 麪鼓湯 漬物 同茶碗蒸 加 主菜 就係少左個飯後甜品.. 漬物或茶碗蒸可以少一個 加返個雪糕糯米糍 就好完美😍主菜鳗魚飯， 鰻魚好似燒耐左少少 見到皮略為燶左d，醬汁帶甜 份量 午餐黎講算大份 飯量 對女人講多左少少 但醬汁滲入埋d飯到 唔知唔覺都食到7788 😅 2朋友都嗌左刺身飯 新鮮 有帶子 油甘魚 三文魚仲有一種… 唔記得咗 … 總之 㴝試吓喇

今日lunch時間唔多但係想好好relax下睇到呢間就入去試下第一讚：食物上得夠快，對於本身時間唔多嘅人好重要第二讚：個樓面好lively（對於一個經常出去食lunch嘅人來講，有個人性化嘅交流同服務其實真係好唔一樣）第三讚：味道幾好，尤其茶碗蒸有驚喜，夠鮮又夠實（個人覺得嗰豚姜有啲太甜，可能存粹食慣談啲）第四讚：聽話每個星期轉餐牌，如果真係又幾好相對失望位第一：位置好逼，唔太舒服第二：飯唔夠（可能存粹我大食，隔離檯啲人好似食得幾滿足）anyway都算唔錯啦

lunch set 的頭一個 menu 鵝肝和牛炒飯，見定得268再加一，去食午餐鐵板燒都得既一個價錢會俾啲好既材料。點知鵝肝兩粒仔，仲要有筋既，然後和牛碎似係 trim 肉淨低果啲脂肪，一塊肉仔都冇，仲要炒得又唔係好食，冇咩味，想加鹽。憑咩咁自信收呢個價呢？香港就係俾呢啲淨係想賺到盡但唔諗下點樣提升食物質素既餐廳搞衰晒。新開就俾啲心機，諗下點樣做啲好食既野啦，咁難食又咁質素咁差，係附近番工既人都唔會黎多次啦。

一間係鰂魚涌K11靚裝的日式居酒屋，主打日式串燒, 魚生丼. 午餐時人很多. 十二點半已經滿座，等咗15分鐘. 午市建議預早打電話訂位. 主食首推A4和牛丼, 牛味及油分充足，入口即溶，份量亦夠大, 整個set只係$2xx, 這級數的和牛在中環區賣$4xx份. 魚生丼方面亦有幾款選擇，魚生非常新鮮，份量十足. 裝修亦見心機，店舖座位雖然不多，大概可坐20人，但有六本木高級感覺. 雖然人很多，但服務生仍然殷勤招呼值得一賺👍

同兩個同事去食，職員介紹今日嘅特別菜式係「炆牛舌定食」$188，見佢推介就試一試。牛舌定食成個定食好豐富，有沙律，有茶碗蒸，仲有麵豉湯，最好食係個茶碗蒸，蛋味濃而且個蛋好滑，裏面材料好足。至於個牛舌都唔錯，炆得好腍，而且個汁煮得好好味，牛舌索晒啲汁，每一啖都好Juicy！甜品係芝麻紅豆糯米糍，味道一般，冇乜特別。

今次係我第四次來食午飯，水準每一次都好好，食材新鮮味道出眾，性價比非常之高，午餐喺鰂魚涌絕對係一個首選，而且服務一流。如果第一次幫襯記得試佢嘅牛非常之優質，串燒更加係佢哋嘅首選

今日經過鰂魚涌附近維修車輛、經過一間裝修雅致的日本居酒、見有時間就走入去試一試、中午時間一點都坐爆人、等位等咗10分鐘、等到高身吧位、餐牌入邊有三款串燒套餐，另外有牛扒套餐、燒魚套餐同埋牛肉烏冬以及炸蝦烏冬套餐、因為之前一日食咗串燒，所以同朋友點咗燒鯖魚同埋炸蝦烏冬、燒鯖魚套餐$148都幾抵燒出嚟溫度都啱啱好外脆內軟幾好味性、炸蝦烏冬啲蝦炸得好好，同埋個烏冬湯底都做得非常出色、價比高，值得推介一試