高流灣海鮮火鍋 (已搬遷) 新店位置

登登登登， 又係公司畀錢聚嘅時候了， 又係可以滿足自己嘅食嘢慾望了同時都係揀取咗上次你過的高流灣在山林道食肆林立的地方。 可以屹立不倒有他的方法今次 選了一個海鮮鍋底和一個藥材鍋底首先主角出場， 象拔蚌刺身非常新鮮， 鮮甜到一個頂點。 比上次好食還有值得推介的， 牛頸脊， 畀手切肥牛更加有噍頭和牛味，入口超正海鮮拼盤也不差， 大大隻聖子皇。 還有龍蝦， 帶子一行九人， 食到捧住個肚由於是深宵食堂， 我們十點收工才到。 全單有八折平均每人 大約500蚊， 這麼多海鮮值回票價

山林道一向是火鍋街，但高流灣在這裡能夠站得住腳，必有其出色地方。每次過來主要原因有獨立房間，方便傾計，私隱度高。每每三樓總比地下好，靜靜哋，吹水好地方。醬料應有盡有⋯⋯朋友選湯底選了很久，最後都係選了最基本的鴛鴦湯底。魚臼是這裡的首選。魚肚墨魚膠~溫馨提示: 請灼五分鐘本地手切肥牛~邊位有𡁻頭，有肉味，正。本地特級肥牛~筆者喜歡淋身多於𡁻口，但沒有得作比較，這只是個人口味。每每火鍋都忘了影相，生野感覺唔同熟了的菜色，小菜上菜時會立即攞手機，但火鍋配料，往往端上檯面時，大家都只記得烚下烚吓，總是忘了拍照，無論如何因爲有一定的捧場客，所以用料新鮮，有一定隱定性，絕對是一個火鍋的好地方，而且私隱度高，山林道地點就腳，所以久不久都會過來。

入冬又是打邊爐的季節。人多聚會，如果不能吃自助餐，打邊爐也是另一個可以迎合不同口味的好方案。今晚第一次吃的這家店，佐敦港鐵站走五分鐘左右就到，對於路痴如我非常方便🤣椰青湯底有香味又不會過咸，加上雞肉非常好喝。本地手切牛肉絕對是一絕，在座各人都吃到讚不絕口。侍應更貼心提我們叫一個大的更抵食。另外肉丸和魚蝦滑都彈牙好吃😋皇帝菜更是大大的一籃，相比其他食肆是非常抵食。雜菜則分別有白菜生菜等，一次滿足多個願望。竹蔗茅根為大家清熱氣，不會太甜又沒有渣，非常好喝。

-1️⃣象拔蚌 HKD$912時價佢係38蚊一兩我地呢到24兩貴得值！ 真係好爽口除左sushi個種豉油佢仲有另一種醬 泰式醬黎有d似食泰國生蝦既感覺酸酸甜甜 .2️⃣海鮮拼盤HKD$788白鱔 6粒勁好食！但唔好太耐轉左白色再多一陣就夠岩岩好熟就會好爽口佢仲要係有皮！！！～冰島聖子皇 4隻好新鮮 勁爽口有口感～龍蝦仔🦞有膏 都幾鮮甜幾有海水味 同都算新鮮既～帶子 4粒我地落左唔記得拎上黎所以唔好食...但睇落似可以生食個種～鮑魚 4粒爽口既 但唔算特別突出～貝類 4種 每種2-4隻好多都有沙雖然經理就話因爲有幾種係本地既真係好睇每一隻好唔好才但我覺得唔洗再食貝既野除左呢隻！～媽子勁推薦個海蝦因為真係好鮮甜爽口又大隻仲有蝦膏.3️⃣本地牛肉（細）HKD238放一放面頭轉左色就好食唔好太耐 有小小紅會好小小牛味勁重 仲要係點左豉油都勁重牛味（我仲要落左勁多沙爹醬落去）放到最後再食都唔會覺得牛唔好味唔洗驚要好快食完.4️⃣蕃茄魚湯 HKD$98Menu 無既湯底🤔經理推薦既 都幾吸引魚味都算濃 加上勁多菜用黎食海鮮都幾清去到最後加哂湯都仲食到魚同蕃茄味.—————————————————真係一分錢 一分貨

今晚公司群聚請食飯訂了尖沙咀的 高流灣， 一行八人， 到達 之後說 有細房最低消費3500蚊， 我們轉了去細房， 在旁邊的巷仔 搭電梯上 二樓。之前我們打電話來訂了象拔蚌， 叫了兩個鍋底， 後來想轉一個是海鮮鍋， 經理說已經 製作中，沒有轉叫了一個魚生拼盤， 魚生非常新鮮， 訂的象拔蚌刺身 也十分新鮮， 另外也叫了一個手切肥牛，入口溶化，不錯， 我最喜歡吃它的蟹仔油條， 蟹子向下浸在滾水中大約灼八秒， 油條還是脆的，好味道平均消費大約每人700蚊. 如果不叫象拔蚌。 平均每人消費500蚊，雖貴， 但好味😋😋😋😋

班同事約宵夜一聽高流灣真係病都非去不可……係等齊人既同時都要食返個雞泡魚乾先……齊人喇！象拔蚌刺身同海鮮刺身拼盆好新鮮，長腳蟹好多肉呀拼博完頭輪就到火煱……喉嚨痛都要食鬼馬油炸鬼……輕工水山飄， 牛頸脊……已經好滿足了

十點幾突然心血來潮想去高流灣打邊爐，梗係即刻🏃🏻‍♀️🏃🏻‍♀️🏃🏻‍♀️飛奔去啦，嘩嘩嘩，今日返左好多海鮮喎🦐🦀，勁呀，打完風立立亂都仲提供到咁多海鮮，所以抵我成日去食㗎。不過今次我地太突然，想食凍食海鮮又整唔切，就唯有食返個薑葱炒蟹🦀先啦，高流灣除左火鍋正之外，炒野都一流，兩隻蟹真係唔夠喉，不過算啦，仲要食其他野㗎，然後又係至愛例牌醉雞鍋🐥，萵筍，午餐肉，超正牛肉同蝦，好滿足既一餐宵夜呀。😋

同事升職 大家又乘機昆佢一筆！哈哈咁開心既事當然要與眾同樂！（利申：人地自願架）早幾星期我已經訂好房，最低消費$3500，免兩支開瓶又免切餅費，岩晒我地準備刷餐勁！好耐之前試過一次高流灣，今次發起黎呢度都有少少擔心，話晒係高興事有佳餚美酒相伴固然最好，但如果非所願就差咁d咁⋯幸好食物質素不變，服務依然！（侍應姐姐被我地調戲得好開心）講番食物，唔好諗住打邊爐唔係日本野刀功未必好，油甘魚新鮮到切開上菜都仲抽搐緊（雖然好殘忍，但食一塊就停唔到了⋯）好彈牙又鮮甜，分左幾個部位放得好整齊，令人好明顯食到背位/腩位油脂分佈同肉質既唔同，各有所長，都係一個字：正！剩低既魚肉運骨又可以變第二道菜，我地揀左椒鹽，炸完既魚無乜肉但女香口，岩晒送酒打邊爐方面我地揀左花雕雞湯底同椰子海底椰：花雕湯一上未食已醉，因為真係好香！入面已包左雞件都好嫩～ 椰子湯近我果邊，完全係可以直接飲既湯，超creamy又甜，越滾越濃味又唔會咸，下次黎會翻兜呢個打邊鄰爐材料新鮮，我地基本上咩都叫左碟，無食到唔好食既野，令人好放心食得超開懷！當然有人請係更開心既事！正所謂獨樂樂不如眾樂樂，黎高流灣一定要大伙人黎，可以試到好多野

又去打邊爐啦！夏天打邊爐最緊要係去一個夠冷氣地方！今次係呢到開左間房，最底消費$3500！我地有十個人食！其實好易過！我地叫左魚刺身！好味！又夠新鮮！仲有仲有！佢呢到啲牛都好食！品質係唔錯！仲有！湯底叫左兩個！一個係麻辣湯底另一個係皮蛋芫茜湯底！兩個都好夠味！ 最緊要係服務好好！一禁鐘就立刻有人serve您！走果時又會幫手閂埋房門， 一班朋友有自己私人空間感打邊爐， 有冇時間限制又唔趕客！坐到傾完傾先走！正！大讚！係個廁所比較污糟啲！

高流灣是一位來自馬來西亞朋友介紹的，他們好咀「吊」，反而我呢個地膽什麼都不知情，被帶到這裡來。價錢是中等，4人份量，埋單約$250/位原來呢度好大，分左幾個室，我地係好鬼凍的房內食飯，而侍應就拎左一大盤醬料過來，我便自行DIY，選擇都幾多！我地叫左簡單豬骨湯底，飲完湯底都唔口渴，濃濃奶白色湯底都幾香，好飲！豬肉肥瘦分手，靚料！丸類就覺得同我係出面食冇咩分別脆卜卜的油炸鬼，設計特別，口感豐富！菇類，擺得幾靚，還可以響鈴新鮮香脆，忍唔住食左2碟，原來味道與盒裝真的有分別！爆餡餃子！朋友請客，可以一試，但會唔會再試第2次，見仁見智

約埋一班同事收工食宵夜 就揀咗嚟呢度，湯底我哋揀咗椰子雞鍋味道很清甜濃郁，然後點選了三文魚腩刺生 蟶子 手切肥牛響鈴卷 雜菜 珊瑚蚌 貴妃蚌 魚肉油炸鬼 鮮蝦餃皇 韮菜餃 魚嘴 鯇魚腩 ...每碟份量都好大及多，適合一大班人來食，我哋六個人食到最後 都 食唔曬 總括 黎講食物質素非常好

這間打邊爐食店是第二次來，因食物水準不錯，所以和舊同事相聚再來這店愉快吃一餐，但沒想過有如此差的對待。昨晚是下雨天，我們拿著濕的雨傘進店，但一位態度惡劣的侍應（名叫亞康），不禮貌的跟我們說：不要整濕我們的地下，然後不悅的給我們袋裝著雨遮，請問，沒有提供雨傘架在店內外門口，我們又怎能不弄濕地面呢！在整個晚飯過程中仍然是面黑黑、語氣差，最令我們憤怒的是，在我們埋單時，這位侍應一句話也沒說，很大力的將埋單本掉在枱上，這是應有對待客人的態度嗎？從來沒遇過如此惡劣的服務，亦絕對不會再來了。

高流灣一向係我邊爐最愛，各類型湯底都算做得幾好海底椰同麻辣湯底都是本人最愛好，十點後有八折算幾低食，推介手打墨魚丸，鬼馬油炸鬼，份量算正常，同埋最緊要收凌晨四點

天氣咁凍三五知己梗係去打邊爐啦，朋友一直都想來呢間試吓，不過又覺得貴左少少，今次人多專登走來試吓！位置遠離地鐵站要行10分鐘，不過位於尖沙咀都算方便大家，出邊就有得泊車好方便先來一個醉雞湯底，藥材味濃郁，醉雞都入味湯底的確不錯四款丸，種類比平時的特別，但係味道就是普通不過特別不值得推介就係響鈴，完全唔新鮮油炸鬼鋪上蟹子，這個好特別，不過味道就比我想像中冇咁好食，口感麻麻哋肥牛全晚最好食，肥牛花紋肥瘦比例一睇就知道靚他們每碟都有小小心意提示，這個心思值得一讚，收得貴少少就係買這些服務心思，不過論價錢就真係抵食，食物又不見得特別好，可能出邊太多打邊爐選擇啦

之前有朋友介紹過尖沙嘴高流灣火鍋話好食，所以1月頭同班同事去試下～我地訂左位坐房～坐底睇睇餐牌，見到火鍋魚湯底好似幾得～所以order黎試下，其他同事都點左好多配料𩶘魚刺身～肉質新鮮𩶘魚做完刺身後，魚頭魚身再用避風塘炒～好香脆牛肉賣相不錯，但口感一般黑豚肉比想像中好食，肉質比牛肉鮮嫩，仲好食過牛肉朋友話必食手打墨魚丸，我自己就覺麻麻炸魚驃，出面少有得食，依碟魚驃有驚喜芝士丸，內有餡料，味道有好濃芝士味我就欣賞𩶘魚兩食及黑豚肉，其餘配料都算新鮮，但價錢比較貴