影片
開飯介紹
位於尖沙咀的樓上火鍋店，採用酒樓式佈局，環境寬敞，適合多人聚會。選擇多樣，材料新鮮，包括多款海鮮、肉類、蔬菜等。
繼續閱讀
營業時間
今日營業
15:00 - 01:00
星期一至日
15:00 - 01:00
以上資料只供參考, 請與餐廳確認詳情
-
網上訂座服務暫停
高流灣海鮮火鍋由山林道食到佢搬左去尖沙咀寶勒巷6-8號盈豐商業大廈2樓。我哋每次去都必叫泰國冬蔭功鍋，超級好飲好香，在酸辣之中帶有濃濃鮮味，單是這款湯底已能當獨一面。手切本地牛肉真係好有口感好新鮮，好有牛味～好好食👍👍
繼續閱讀
一直聽聞高流灣海鮮火鍋店食物高質，但價錢唔平，所以一直未試過。今晚公司同事請食飯，好開心食到一次高質火鍋，好味推薦。湯底選擇海鮮鍋 (超多海鮮，有蝦、蟹、蠔、九肚魚)。湯底好甜，湯都飲咗幾碗😆象拔蚌刺身，新鮮好味，灼5下左右最正，超甜限量頂級本地新鮮牛肉x2 + 頂級金錢牛展 。同事係熟客，所以預先預留靚牛2碟。頂級牛肉真係好有肉味，而且一碟有唔同嘅部位，贊👍🏼牛展厚度適中，有咬口，都好味。珊瑚蚌（圖上）桂花蚌（圖下），2樣都爽爽脆脆，同海鮮鍋超夾，好味。嘩鬼蝦條（圖上）水上飄飄（圖下）。嘩鬼蝦條係蝦膠壤油炸鬼，再加蟹子。將蟹子嗰面向下淥1分鐘就食得，好鬼好味，好食到叫多1碟😋水上飄飄係墨魚膠壤魚肚，食材矝貴啲，所以價錢都貴1倍😆放湯淥5分鐘就食得，墨魚膠填滿魚肚，好彈牙好味。但性價比嚟講，我會推薦嘩鬼蝦條。仲點咗以下食物(手打墨魚丸、牛筋丸、水餃、冰豆腐、豆苗、茼蒿、響鈴、炸魚皮、出前一丁同烏冬）。水餃超好味，我食咗2粒，大推。其他就正常火鍋料。唔推薦點炸魚皮，太碎濕濕。最後，7個人埋單食咗$4xxx。係貴但超飽超滿足。多謝同事款待。
繼續閱讀
今日同朋友慶祝生日和做節，天氣又開始轉冷，所以決定去食火鍋。朋友介紹一間位於寶勒巷很高質的火鍋店「高流灣火鍋店」。象拔蚌刺身，好新鮮好乾淨。龍蝦刺身，當然一樣新鮮鮮味，而且現在不是很多地方，還會吃到龍蝦刺身。冬陰功湯底，不會太辣，而且材料很多，很啱香港人口味。手切牛肉，很有咬，但又唔韌。龍蝦刺身的蝦頭蝦尾，用來泡飯，而且加入了魚湯做個粥底，真的非常鮮味。
繼續閱讀
高流灣來了無數次 豐儉由人可以長腳蟹 大斑節蝦 東星斑 本地手切牛 吃上人均一千幾也可以貴妃蚌 皖魚片 墨魚滑 凍豆腐 韭菜餃 醉雞 親民路線。辣鍋夠味 香菜皮蛋鍋夠地道免開瓶費 服務極好 不限時已成為 常備 茅台品鑒中心之一。
繼續閱讀
同朋友都好鍾意食打邊爐，今次就嚟咗打邊爐關注組大推嘅高流灣試吓，見網上評價都唔錯，所以本身對呢餐都好大期望。以下就係對某幾樣餸嘅評價，供大家參考，只屬個人意見。海鮮鍋（$268）呢個湯底好有鮮味，入面有好多海鮮，例如生蠔，蝦，魚等等，價錢都幾合理。豬腰（$58）唔多打邊爐嘅餐廳有豬腰，呢個價錢適中，但感覺唔太新鮮，有少少雪味，唔建議嗌。（大）雪花肥牛（$398）碟牛肉肥瘦適中，我同朋友都好快清晒，一個字：正！雞腸（$98）雞腸造型幾趣致，但係食落口略苦，唔建議嗌。三文魚腩（$118）違反商品說明條例，係普通三文魚，唔係三文魚腩，有少少失望。花甲（$268）花甲同豉椒係最佳配搭，估唔到打邊爐餐廳連小菜都幾有鑊氣。水上飄飄（$188）水上飄飄其實即係魚肚包蝦膠，我同朋友都覺得幾好味，但係冇特別出色，試過一次就算。連埋野飲同麵食，兩個人食咗$1800左右，人均$900，雖然我哋都食咗唔少嘢，但係感覺有啲餸菜單價較貴，建議餐廳提供一啲2人或4人餐，咁會比較划算。最後想講嘅係，我同朋友係17:30左右去食，朋友曾提出想坐卡位，但係一口俾某位員工拒絕咗，話爆晒棚，但係到我哋走果時，都見到有卡位嘅空位，呢個有少少無奈。但其他員工服務都唔錯。
繼續閱讀
您可能會有興趣的...