高興 (已結業)

琴晚8點幾， 上網 check 過佢關門時間係10點， 我地先特登行過去食， 點知一入去， 大概係8:45， 呢張枱唔坐得， 果張枱又唔坐得， 理由果啲area 佢地已經執好咗等收舖， 好，咁我地照佢安排坐啦！ 一開波話last order, 要我地快啲落單， 然後問佢有冇 pancakes ， 佢話要問廚房肯唔肯整， 結果當然係 no 啦！ 嘢食一上， 跟住又話要清機， 要我地埋咗單先🤬 其實果時都係講緊9點過少少， 我地問佢， 其實你寫營業時間至10點， 係指我地可以食到10點定佢地10點拉閘放工走人， 佢地話10點係佢地所有員工做好哂嘢離開嘅時間囉！ 喂， 你個位唔係方便， 嘢食唔係好食， 價錢亦唔平， 咁嘅服務態度不如唔好做啦！ 我以後唔會再去囉！

每逢星期六放工都會同老公去食午餐，好多個餐，有日式，有焗飯，有扒餐，任君選擇，野飲加8蚊又可以飲到梳打水 ，唔錯，仲有維他奶枝裝選擇。雖然我今次無叫，但係都食得開心。服務好好，坐得舒服，仲有獨立洗手間。不過一定要係openrice book位，因為每次去到都好多人，高興都算係觀塘我覺得最好食既餐廳，價錢又合理。

食物質素尚可但員工10分冇禮貌，好像趕客一樣！落了單食物沒有不會通知客人，待客人等得不耐煩崔單才說沒有，叫客人轉一些不喜歡吃的食物，客人說這些食物不喜歡食，員工真的可以說咁你仲食唔食！

本來見之前朋友黎過話幾好食😋 諗住黎朝聖下朋友仲早左一個星期多前預訂4人枱，仲指明話要牆邊嘅枱，果個靚位可以打卡影相。間店仲話ok,會留果邊嘅位俾我地，留枱15分鍾，用餐90分鍾。點知我地果日準時到達 就見到有人坐係果張枱 ，個店員就話我地未齊人。但我地係可以坐住先，米照計90分鍾之後個A店員就話我地預約左嘅果張枱要遲多半個鍾先有，就安排我地坐住門口位先。點知半個鍾過啦，佢地根本無諗過俾番果張枱我地！我地再問另一個B店員，佢就話果張枱啲人岩岩先開始用餐俾唔到我地。WTF,真係想講粗口，咁我地準時到你就俾左張枱人咁訂枱嘅意義係邊？仲要係指明，唔指明得你當初我地訂枱就唔好話ok la. 之後我地同B店員理論，個B店員差到仲屈我地態度差，叫我地冷靜。我地發現佢地店嘅訂枱牌上面果張枱都係寫住我朋友個名。個B店員先話係隔離開多一張枱俾我地坐。理虧左一句sorry都無我地仲要等多左成半個鍾。仲要果到根本無咩位置開多張枱，之後我地決定走人，服務態度差，訂左枱又俾左我地張枱人仲要無道歉，就算食物質素幾好都無用啦，你啲員工態度咁差，環境吵到成間大排檔，而唔係cafe嘅寧靜環境。間店令到客人一啲都唔高興。

今日咁啱喺觀塘就喺工廠區入面搵野食, 見到openrice有間好似唔錯嘅餐廳就當然去見識下啦結果…… 去到附近話係地舖但完全搵唔到, 因為原來高興係收左自己喺棟大廈入面, 喺成運棟工廈大門一路入, 過埋口再推門先見到入到去立刻叫野先, 有set lunch...就叫左個雞扒煙肉飯同泡菜雞肉烏冬, 仲可以配樽裝維他奶或一般凍熱飲個泡菜雞肉烏冬竟然係搵一個小石鍋上的, 好熱味道好, 而且d泡菜都唔係一般港式茶餐廳咁hea...真係醃夠味的而個雞扒飯都煎到剛好， 十分嫩同juicy...埋單都只係128, 以觀塘區的午餐算係咁

高興cafe有好多打卡位，我哋食緊嘢嘅時候，有兩位少女就係理髮廳嘅位置不停影相打卡，我見佢哋仲帶埋道具👍🏻 好專業，差在未打埋燈🤣如果大家想食好西又想打卡兼影靚相，高興cafe會係推介之選食物質素屬於正常水準，不過不失，可以一試服務方面係半自助形式，自取餐具及水等等最特別嘅地方就係我哋要高興D叫店員落單，佢地就會爭住過黎幫我哋寫嘢😆◭牛油果鮮蝦墨西哥片 $44◭黑松露雜菌意大利粉 $78◭蕃茄蝦乾大蝦意大利粉 $72◭松露雜菌意大利飯 $70◭檸檬忌廉楓糖pancake $50◭肉桂蘋果pancake $54

觀塘工廈除左有各類大大小小既工作坊、興趣班同美容小店，最多既就係食肆！今次係工廈上完workshop已經晚上8點半，近近地就揀左工廈地下既餐廳食飯。餐廳位置好當眼，一下子就吸引我地過去，門口有menu睇，見到價錢好合理，一啲都唔貴！餐廳裝修行懷舊復古風，連個廁所都行同一風格，幾有心思～意式帶子蕃茄意粉：8/10帶子大大粒，配埋新鮮蕃茄醬就夠晒清新，一啲腥味都冇～份量剛剛好～蒜香雞肉欖油意粉：8/10雞柳大小適中，蒜味同欖油既香味配合得很好，唔會有油膩既感覺有機紅莓梳打：9/10本身很喜歡飲梳打水，尼款紅莓梳打值得很高分數！紅莓味清新，一啲都唔似藥水味，又唔會太甜！重點係包裝好靚🎀💕粉紅少女心大爆發！

經同僚介紹，今天首次去官塘成業工業大厦的高興餐廳嚐新，午餐種類多，環境舒適，但餐具及調味料要自己拿，可能中午人多職員較忙，吃泡菜烏冬食物比想像中爽口彈牙，雖稍辣，但頗有新鮮感抒懷~😋🍜🍖🍗香辣烏冬胃口開高興餐廳首回來工厰區內試堂食爽口彈牙嚐韓菜😋🍲🍜🍵

朋友相聚的時間又到了，為方便朋友，去咗觀塘呢間店，呢頭我唔熟，試吓新嘢先～海鮮意大利飯 $72好多海鮮，有蜆、帶子及青口，最鍾意個帶子煎得好香，整體幾好食😋卡邦尼煙肉意大利粉 $68小朋友好鍾意食，食到成咀都係汁，可愛到爆，味道ok。美式炸魚配粗薯條 $48炸魚香、脆、嫩，上碟仲好熱，新鮮出爐，勁正，薯條有調過味，可以唔點茄汁，都好好食。雜莓乳酪沙冰 $34我見Openrice 張相賣相好正就點左佢，點知黎到個杯唔同左，即刻down左，睇杯飲品都幾好飲，挽回返啲分數啦。

觀塘東廣場行前少少就到，唔係d峰迴路轉既路😂路癡都輕鬆去到🎉餐廳行復古風，有唔同年代既音響作裝飾，地方都算大，而且店員態度幾好☺️係一個愉快既餐飲體驗👍🏻（非打手🤣）📎肉眼扒配薯菜 $158塊扒幾大，五成熟啱啱好！超級好食就未至於既🙈但絕對對得住價錢👍🏻📎番茄大蝦意粉$68意粉量多到大叔都可以食飽😂整體味道唔錯，不過蝦就唔特別新鮮啦🙈📎士多啤梨乳酪沙冰$34（跟餐半價）超推薦！鍾意士多啤梨🍓一定要試😍明知坊間士多啤梨嘢飲多數伏，都抱住屢敗屢試既心態😂😂😂呢杯終於滿意啦！而且跟餐半價都係十幾蚊🌸🎉

呢到設計係偏向懷舊風格，樓底好高坐得好舒服。黎呢到就係為左食個pancake，順便食埋個lunch🤣————————🔸檸檬酸忌廉楓糖Pancake $50Pancake似係厚版熱香餅，但中間有塊檸檬係到，連個cream都係酸酸地，即刻中和左d糖漿既甜，真係幾好食😍😍不過我就覺得中間塊檸檬有d酸🤣🤣評分：🌕🌕🌕🌕🌑-🔸蒜香魷魚蘆筍意大利粉 $59賣相就冇乜架啦🤣不過意粉分量好多，蘆筍魷魚都好爽脆，但我就覺得蒜香味偏淡，唔夠味。評分：🌕🌕🌕🌗🌑-佢地好似成日都會轉lunch menu，都幾有心機，價錢又ok，值得一試。

唔係第一次嚟，都係tea抵，但無得試waffle，如果可以喺tea都加埋就好，就會多啲人嚟食。叫左cheese burger and rose latte, 只係得熱浪薯片，無得轉做薯條，加錢都唔得。cheese burgur肉味好重好濃，好食！美中不足嘅係啲薯片，太過流，感覺好唔襯。rose latte一般，略嫌過甜及不夠熱。另，waiter喺坐位安排不太好，安排到密密麻麻，仲有拎水、餐具、紙巾個tray位置喺一張枱嘅隔離，貼住嗰張枱，仲係會安排人坐，無遮無掩，我去拎水同紙巾時，我都有點退卻，因當時嗰張枱有人坐，仲無帶罩傾緊計，我都唔知拎唔拎好，啲嘢同個人個口只有30cm距離。。。嚇到吃手

黑松露薯條 $42即炸粗薯，香口好食，黑松露醬濃，加埋薯條絕配！必點！黑椒雞扒意粉 $67大大塊雞扒，都多肉汁同鮮嫩，比例岩岩好。蒜香海鮮意粉 $58較為清淡，淡淡蒜香味。唔想食太多肉，又想飽既可以點下～玫瑰Latte $34 (lunch set半價）香滑，咖啡豆香，易入口，冇乜花香味。熱情果菠蘿特飲 $30酸甜開胃，解喝清新，岩夏天飲。。📍lunch set同tea set都幾抵食！📍假期，夜晚時段要排隊。📍甜品種類多，值得試！📍懷舊佈置岩打卡用

有時候平日夜晚去都人頭湧湧，試過同friends一齊去夜晚等咗半個鐘頭，建議訂枱。環境設計好有復古感，又有理髮鋪，喺嗰度非常舒服懷舊，好似去返上世紀嘅輕鬆感覺，而且店員都好Nice，服務態度唔錯。佢嘅意大利麵同飯都非常高質，非常好食。之前屋企人生日訂枱去食，嫲嫲都覺得佢嘅淡咖喱飯非常好食，而且份量啱啱好，老少咸宜。不過之前試過去食牛扒，反而冇飯同意大利麵咁好食。但因為價錢比較平民，性價比高，強烈推薦高興！

本人剛於7月10日 當天與一班同事約食Lunch ,印象之前都來過兩次 不過不失 都唔係常去。但當天想食西餐就打去問係咪要訂台，打去問接電話個女仔 食晏要唔要訂台時 佢回覆一句 無台訂 要直接cut線！已經覺得好無禮貌！都算 同事話照去！之後約12:10pm 左右到 一行5人 其中一同事點了B餐 送上飯時 大家都話無叫過呢個餐 個男侍應話 係呀 個B餐無左 換左呢個！就走左去，哇 咩事呀？之後覺得有問題 再搵另一個肥既女侍應 講點解轉餐單唔講就直接換第二個比人？呢個女人！態度仲差！話：係呀 ， 咁你依家食唔食吖？呢個女人講完就走左去！令我地再火上加油 ！我真係嬲 拍左一野個台，個女人仲要係背後講 咁點呀！某些同事們不想煩攪大件事就算！但大家都說以後都不會再來！食物質素已經唔係特別好 但態度全部人都咁不知所謂 唔該教好班員工先！疫情下已經少出門一齊出外食飯 仲面對咁既人去食一餐飯 ，各位真係要諗下係咪要再去！觀塘飯堂大把 ！我地一班以後都唔會再幫襯呢間極品！仲令我嬲到要寫劣評！真好野！