影片
港鐵炮台山站 B 出口, 步行約8分鐘
繼續閱讀
電話號碼
25660706
營業時間
今日營業
12:00 - 15:00
17:30 - 23:00
星期一至日
12:00 - 15:00
17:30 - 23:00
以上資料只供參考, 請與餐廳確認詳情
有關獎賞計劃
食家推介
-
人參雞湯
-
蛋包蝦
-
法式羊架
-
韓式炒粉絲
-
加拿大PRIME雪花牛+3
招牌菜
昨天一家三口下午2:38上到餐廳，店員話落場唔做生意，今時今日咁好生意唔休做！平日中午時段得一輪客，九成仲係對面中學學生。為咗學生福祉起見，千祈千祈唔好執粒。或者唔駛鋪，直接响操場擺檔。
繼續閱讀
見最近評論唔錯就訂位去食，因為以前有食過，都好多年，以份量黎講對得起價錢，都可以算抵食，知道名唔同咗應該易咗手，但見評論唔錯就信同以前一樣。叫咗豬肉同羊肉自己燒。爐同以前唔同，見到個爐下面唔乾淨都打咗個突，因為都同個網有d近，以前個爐款一食完，待應會攞爐去洗，但出黎食你見唔到的地方都可能污糟，當睇唔到la。唔知係唔係因為唔係叫任食個餐，平好多80蚊（10年前好似56蚊加1？），黎咗的肉好唔掂。雖然好大碟，但d肉好窄，有d好碎，放好係網都好考功夫，燒完食落口真係好唔開心。羊好羶，好重調味都仲係好羶，點知豬仲衰，係唔知咩味的難食，食完好似膠水咁“張”住個口。佢d小菜，湯同啫喱都好似以前咁，細個更加係為咗個啫喱黎食，但d肉咁的質素，就算份量多過以前我都唔會再黎。
繼續閱讀
我有我啲朋友自從食過高麗軒之後，差不多每個星期都會去一次。因為我朋友係一位大胃王，所以佢每次叫都叫好多嘢食。如每一次佢叫我哋同佢一齊食，有啲都仲可以共同進退，但係我真係搞唔掂。🤣🤣⋯⋯但自從佢識咗一位大胃王女朋友，我哋做終於甩難呀😍（應該咁講，我哋終於可以攻城身退啦凱旋歸來），繼續去唔同區分試新嘢😚
繼續閱讀
📌 高麗軒韓國餐廳 - 北角和富道20-36號明暉大廈1樓🗓(2/3) 星期六 ⏰ 中午12:30左右 💈特式：呢間韓式係北角都有好多年歷史，住當區嘅人都應該無人唔識，我之前都有食過幾次，今日就特登帶埋朋友過嚟食。🥩🍔🌭🌮🥗🥯🥘🍲🍝🍣🥟🍤🍱食物：佢地經營模式類似韓和苑之類，放題只係一個價錢任食，無話分級數收費，平日就$1️⃣9️⃣8️⃣，星期六日就$2️⃣1️⃣8️⃣，而家等我同大家講下🇰🇷🔥味道先。食物種類大約有4~50款，包括燒烤嘅牛/豬/雞/海鮮/蔬菜，仲有唔少熟食/湯鍋/前菜等等。因為咁多選擇，等我主力同大家講下我最推介或者抵食嘅回本位啦：🐮牛肉方面首推特級牛頸脊，以呢個價錢，肉質算十分好，另外牛舌同醃牛肉都係正常韓燒質素，中規中矩。🐷豬肉我就試過豬頸肉/辣汁五花腩，兩款水準都正常，可以一試。🐔雞類我淨係試左雞翼，但估唔到醃得相當好，係眾多肉類之中最好食嘅野，真心推介。🦐海鮮就一定係要狂食蒜蓉帆立貝同海虎蝦，帆立貝非常新鮮，我地一人差唔多食左10隻，不過有幾隻偏大隻嘅就有沙，呢度扣左少少分；海虎蝦就正正常常，不過上菜時大隻時細隻，質素唔係好同一。熟食就反而係我食得最多嘅野，因為真心每款都做得好出色，例如蛋包蝦/辣炒五花肉/什菜炒牛肉/豆腐辣湯/牛肋骨湯都係佳作，尤其是個豆腐辣湯，我地叫左4鍋都清晒。🍧甜品就有雪榚任食，不過就係我唔鐘意食嘅coco berry，但我見到食lunch set嘅客人有跟餐啫喱，我問職員攞佢地都好樂意比。☕️🍵🥤🧋🍺🍷🥃🍹🧉🍾🍶🥛飲品 : 跟餐就係出面雪櫃自取，有普通罐裝汽水同茶，而且仲有雀巢蜂蜜雪梨茶，我主力都係飲呢個。🍽環境：餐廳因為都有一定程度歷史，所以並唔係話好新淨，不過都係可接受程度，但燈光就偏暗，當日咁啱比左窗口卡位，可以望下街景都唔錯。🤵🏻🤵🏻♀️🤵🏻♂️服務：餐廳服務就真係幾好，d樓面姐姐好有人情味，會走過來撩吓你講嘢，同埋換燒烤網都主動，上菜速度都算快。💰💸價錢：佢兩個價位我都有去食過，平日就$1️⃣9️⃣8️⃣，假日就$2️⃣1️⃣8️⃣，兩個價錢都要再收加一服務費。🐲💬總結：我覺得呢間韓燒有得咁耐歷史，一定有佢可取嘅地方，雖然就並唔係咩十分出色，但都算係三五知已聚腳嘅好地方。推薦指數：❤️❤️❤️❤️🤍
繼續閱讀
好耐都冇黎食嘢，突然間心血來潮想食，咁啱又係情人節，所以夾左老公黎陪我食。book左5:30，黎到即刻有位了，地方照舊舒適乾淨，上食物速度快，無漏單，服務員態度有禮。我最鍾意食牛肋骨，牛仔骨，辣豆腐湯，泡菜湯，炒粉絲，始終得兩個人，所以眼闊肚窄如果可以多啲時間就好了，因為兩個人得個半鐘。其他都係正常野，飲品雪糕自助。價錢親民，二百幾任飲任食。之後絕對會再黎，多啲人時間會多啲，4個人以上會有兩個鐘。
繼續閱讀
您可能會有興趣的...