魂燒 (已易手) 新餐廳

今晚去咗太子哩間串燒店吃嘢，嬲到震~ 一樽啤酒，賣我48蚊。個point係，冇雪過啲啤酒！！！搞乜阿？？有人飲熱啤酒乜？？30几度的高溫。仲要我先俾咗酒錢。唔該你收得我48蚊一隻啤酒就要有48蚊等值的服務啦。唔係求其俾隻冇雪過的啤酒就算阿！ 不推薦大家去哩間吃！食肆最重要就係服務態度，你求其俾隻唔冰的酒我，有冇想過係有問題噶？？？仲要覺得自己係冇問題，當事人連行過黎道歉或者解釋返都冇。反而係一個女仔同我們解釋。成件事真搞笑。

係太子搵搵下野食無意中搵到呢間魂燒，走時候先發現原來係Exit C 對面！下先再去都好方便我地兩個人平日夜晚8點鐘黎到，咁岩得返樓下bar檯，所以坐得有點迫。不過食物方面真係要大讚！可能係因為無人介紹下黎到，所以真係有驚喜！個一板海膽飯，超新鮮！混埋d 蛋、飯、紫菜一齊食無得輸！ 仲要係$108好抵食！我仲叫佐個燒三文魚，一上檯果下已經聞到好香食落肉質好入味！最後叫佐個南瓜🎃雪糕🍦賣相有誠意，仲係好好味😋一定會再去

遊完花墟, 又到左令人煩惱既食飯時間,咁岩今日中西韓泰越印都唔太想食,好朋友就快速地上openrice 搵左呢間食丼的餐廳, 樓下連燈都未開, 我地就上左樓上坐, 都幾焗下可能開門冇耐,今日唔係食拉面既 mood, 所以我地2個都揀左丼,好朋友叫左【激爆蟹黃飯】,我就【海膽丼(原板)】,【激爆蟹黃飯】先上枱, 其實冇expect過碗飯會有幾大. 不過真係細到打左個突, 哈, 連細食男都話咁細碗  蟹味都叫濃, 食落有D 起沙既口感, 飯就暖暖地, 整體味道沒多大驚喜, 亦都領略唔到有幾激爆我個【海膽丼(原板)】到左, 原來我都係 "煮到埋泥就食" 既體質, 個飯上枱時我竟然冇捉住店員問點解唔係原板上, 重一路都覺得係自己叫錯左..... 當然店員亦提都冇提過就走開左, 飯面有2種海膽, 應該係香港最常入口的馬糞及紫海膽 (?) 有少許渠味就預左,  (因為要延長保存期所以會加叫 "明礬" 既防腐劑, 而咁會令D海膽有怪味) , 好在都係少許, 海膽味都重食到..... 但D 海膽已經好溶   (話說愈乾身就新鮮, 如果出水同溶溶地就即係........), 飯係壽司飯, 整體味道不過不

夜晚10點想食日本野，所以就搵左呢間日本野食，因為佢地係收2點，又見佢地有蟹黃飯食仲可以坐outdoor ，適合食煙人士三文魚（無咩特別，唔會難食）甜蝦（算大隻，不過不失）炸蠔（即炸既，無咩特別）雞泡魚干（燒得好香口，好食既）鮮拖羅蓉玉子丼（因為有生蛋黃，所以我會撈勻一齊食，拖羅蓉唔會有腥味，都好食，玉子都甜既）特製激爆蟹黃飯（特登為左佢黎食果然無令我跌眼鏡一上枱已經好香，食落蟹肉新鮮唔會腥，加埋蟹子仲更加有口感唔需要加豉油或者Wasabi，就咁配飯食已經足夠）波子氣水菠蘿味

朋友叫咗碗魚生飯（三文魚），份量少都不在話下，食到大半就話覺得好酸，應該係壽司醋落重手咗。食到佢苦口苦面咁我就叫咗鰻魚飯，份量同魚生飯一樣咁細碗，裝到滿哂咁，食落好唔方便，好容易就會食到跌哂落枱。仲有人叫咗碗拉麵，一上菜見到就覺得係「港式拉麵」，有粟米粒，好普通超市買到果種拉麵既樣。呢三樣野食落都好普通，唔係特別好食，仲要有加一收費。整體覺得性價比偏低。

之前經過太子，見到間舖好似幾正宗，貌似幾好味。上網睇menu個蟹黃飯都幾吸引，所以今次同男朋友一齊黎慶祝佢考完試。整體黎講，期望越大失望越大。我地叫左招牌蟹黃飯($138) 送黎既時候賣相已經幾失望，飯細細碗，上面舖既蟹黃亦都唔滿。呢個價錢係值得更多份量既蟹黃😞鰻魚拉麵($78) 鰻魚切開左三舊，砌番黎一條既話都幾長，呢點份量足夠。可惜質素較差，第一口咬落去好似咬橡筋咁，鰻魚肉彈牙好奇怪。拉麵係好普通個種拉麵，麵質麻麻，唔咬感。湯底都好少，食食下拉麵已經吸收原本好期待，仲諗住試下南瓜雪糕。最後都係不了☹

食魂燒 嬲到魂都燒地方窄 到轉身到難1係你就爬樓梯 位窄窄1係對馬路吃塵啦對馬路吃塵 已經好好正面對馬路 後面係條小巷仔有廁所 + 行渠 + 迎面而來的熱風同煙臭簡直係五觀刺激新體驗哈哈 或者有人話 我食佢食物又唔係環境OKOK個味…………根本日式MK味份量呢~~~又少 5係一般少 …………waiter 多就多………… 幾個都對着條街食煙 吹水踢一踢 郁一郁踢多踢 臉黑黑完全唔會睇D客需要D咩咁既價錢 ~咁既味道~咁既份量~咁既環境~咁既服務~魂燒~~~試煉自己既修養及耐性的好去處

是日去到太子搵食，決定一試呢間想試好耐既食店。本身滿心期待，後來失望而回。間食店好近地鐵站大概一分鐘路程，唔算難搵。食店空間都頗細，但有2層。同男友好肚餓之下叫左一個蟹飯同一個蟹拉麵。個蟹飯都幾香幾好食偏咸，但份量真係太小，只係普通一個飯碗既size, 但索價138, 唔飽肚又唔抵。蟹拉麵就更普通，無乜蟹味而且湯底都好普通，實在可以不試。呢間食店收加一但食物份量小，空間小亦坐得唔太舒服，應該未必會再來一試了。

呢晚想食日本野 黎到地鐵站附近呢間食大大個紅色招牌 一定唔會行錯都幾細間 地下得10個位佢安排左上層坐位俾我地（條樓梯又斜又細 感覺好危險）上層大概有8個位 都係比較窄枱面有呢部機 用黎叫野食 服務用呢個設計唔錯 野食選擇唔多加上我地唔想食燒物 選擇更少叫左 一個豬軟骨拉麵 加 小食拼盆有少少廚師推介好鬼可愛ge調味樽豬軟骨拉麵（$68）☹️拉麵好重簡水味 面質好糊 湯㡳好重味精 隻蛋係"白十"ga🤦🏻‍♀️🤦🏻‍♀️ 豬軟骨還可以小食拼盆（$48）☹️唔值呢個價 全部太油 炸粉超厚

長假期最後一晚，剛巧在太子一帶又未有晚飯計劃，便隨意看看Open Rice附近一帶有沒有推介的日本菜食店。然後便search到這一家。看到不少文章都有推介「特製激爆蟹黃飯」，心想擇日不如撞日，看到時間尚早便去魂燒吃個early dinner，還怕去晚了便要排隊。到達餐廳時6點半左右，沒有甚麼人，原來在街角旁有兩層的。店員見我們只有2人，便請我們坐在樓下的「吧枱」。其實這個「吧」亦只是下層一個梯旁的4個單邊座位，不過我們2人也沒所謂。只是店員請我們坐下時，完全沒有意識去開冷氣或風扇，要等我們點完菜提出了很焗才開冷氣。我們2人點了特製激爆蟹黃飯、拖羅蓉玉子丼、一份燒雞腎及一客燒茄子。因為當日比較晚吃午飯，所以先不要點太多，如果不夠才再加。先來的是拖羅蓉玉子丼，份量適中，拖羅蓉也頗多。但一啖放入口覺得拖羅蓉好冰凍，好像剛剛從冰格中拿出一樣。雖然未至於有雪味，但也沒有拖羅/吞拿魚的魚香。這時我們發現桌上沒有豉油，要問店員才拿來一小碟。再發現桌上又沒有wasabi，結果又要問才拿來。友人又覺得丼飯上好像沒有蔥…算了。再來的是燒茄子，這一下就真的有點失望了。這是我見過燒得最白的茄子，有一邊還是硬的

食品很好突別蟹王飯而且服務態度又不差它的飯都的很不錯可是份量比較小而且也不便宜，一串串燒也很貴，但他們的服務態度也不錯我坐在樓上我按鐘有位服務員他很快上到來問我有咩需要。而且我今天看到他年紀輕輕像放學就來打下工賺下錢，這麼小就那麼勤力不錯，還可以跟外國人說一些流利的英文因為我以前看到一些餐廳有外國人但沒有人懂得説英文，差點把外國人激死，加油。不過我真心希望嘢食可以便宜些或份量可以再多一些那就完美了

昨天來吃過菜式都不錯,多樣選擇,色香味俱全, 愛吃肉的我點了多份串燒來吃,價錢算平又燒得很好飯方面推介穴子丼,十分有水準,味道一流拉面方面推介蟹黃拉面, 口感很好,蟹黃也比預期更正海鮮叫了個燒生蠔及燒三文魚扒,的確美味可口空間大又乾淨整潔, 有音樂聽坐上個小時也不會悶上菜挺快服務也不錯平日好像也有做一些晚市優惠下班來吃吃也是個不錯之選!是間挺獨特的日式風格餐廳! 個人覺得可來吃幾趟的

傾左 over 半個中D野未到，踢一踢郁一郁既 service, jump水 jump 一杯，叫比三隻碟，比一個碗，按製冇反應，叫，又掛住吹水，不如你轉自助形式啦，D客買完D客自己食，食完走人

老實說，好像已經是第七次光顧太子這間日式餐店了！每次來都發覺，店主正不斷改進菜式及環境，加上位置對我而言十分方便，我下班就來支持一下今天跟女友來吃，環境裝潢跟以前大大不同，掛滿字畫，又放滿日式布偶，燈飾亦盡見心思，氣氛相當不錯，女友也十分滿意(對於女生來說，環境更重要吧？)我自己卻認為店舖雖不大，但空間及衛生環境是足夠及好的，攜三五知己來吃個晚餐是個不錯的選擇當然填飽肚子才是重點！我們二話不說就點了蟹黃飯及鰻魚拉麵，又點了雞肉串，羊肉串，玉子串，再點了個大虎蝦及茄子，服務員也十分熱情推介著我倆。果真沒令我失望！蟹黃飯過往稍為太大碗，但現在剛剛好份量，味道依然鮮美，愛吃蟹的我就是鍾情這口感，女友說鰻魚也很好吃，醬汁配合洽到，拉麵麵質依舊爽口彈牙。至於串燒也是燒得很好，我倆就是大口大口的吃，味道的確十足那個大虎蝦真的是必吃的，茄子差不多手掌般大，蒜香味足，燒起來真的好吃極了嘴饞的我及女友決定下次來吃那个海膽丼及牛柳，還有牛肉露筍卷，聽說也好評如潮的

定價太高了，地方坐得不舒服。野食好味，但份量太少相片中見到蟹飯是好大的，但一送到來枱面一見到，原來好細完全不值這價錢...還要加一服務費...真想不到咁細間要收怎麼服務費...試過一次真不會再來