魂燒 (已易手) 新餐廳

男朋友上Openrice見呢間食店有咁多好評，而佢本人又好鍾意食海膽，所以我哋就慕名嚟試下喇。去到發現原來店面好細，不過我哋比較早嚟到，所以去到時都無乜客。店員安排我哋坐晌出面嘅位喥，不過因為未執檯所以都要企喺喥等咗陣。我哋嘅座位晌條後巷隔離，一路食就一路聞住後巷傳嚟嘅臭味，講真衛生狀況真係唔係幾好同幾影響食慾。我哋見好多食評都係讚個海膽飯同蟹黃飯，咁就要呢兩樣啦。等咗陣就送咗個蟹黃飯過嚟喇，賣相唔錯同埋都幾香。然後到我已經食咗大半碗蟹黃飯(我食嘢已經係出名慢)，個海膽飯都仲未嚟，唔知係咪漏咗單呢？咁我男朋友見唔對路就諗住去問下啦，點知就見到原來個海膽飯已經出咗擺咗晌喥食緊塵(間嘢對正馬路真係食晒塵㗎!)，咁再等多陣就終於有人拎個飯過嚟喇，不過都仲係差個紫菜嘅，結果個紫菜又係要再等咗陣至有(影相嗰時個紫菜仲未俾到我哋)。個海膽飯嚟到我就第一時間試下個海膽先啦，好苦好唔新鮮。。。就算係$118都唔應該俾啲咁嘅質素人吖？驚食完會肚痛所以我就無再食到個海膽飯喇，而我男朋友就勉強地自己食咗大半。總之呢間嘢，真係試過一次就夠喇。🙅🏻

一向都知到太子有一間出名食蟹黃飯的小店，但一真都無時間去試一試，今天終於有決心去一轉。位於太子道西的【魂燒】，火紅的門面在馬路旁，好容易就一眼看出來。店內只有數個座位，店外有少量位，晚上9時左右，店外還是坐了幾枱客。我和朋友被領到店內就坐，坐上長形的bar枱，頗有feeling的呢。點餐紙有兩張，食物的種類主要以拉麵、串燒、飯和其他炸物為主。特製激爆蟹黃飯$138滿滿的蟹黃在上枱的一刻我為之而震攝，金黃色的蟹黃真的非常吸引人！加上少許蔥花作點綴，賣相就是已經100分！味道方面，蟹黃味都夠，可能用燒汁煮，有點蓋過了蟹的鮮味，不過甜甜的燒汁都很能突出蟹的味道。蟹黃和飯的比例很配，啖啖飯都可以食到蟹黃。A4和牛大板燒$98這個大板燒我是有點驚訝它的樣子是比較像我們平時食的蠔仔餅，因為大板燒的高度比較薄身。裡面的粉漿混合了牛肉粒，所以食的時候每口都有牛肉。餅的面頭每一磈都有一片牛肉，再上面有木魚碎。食的時候我覺得口感比較糊口，可能菜的水份令餅身比較混，如果可以做到口感煙韌就更加好，不過這不影響它本身的調味，還是好吃的。炸八爪魚天婦羅$32粉漿厚了點，但調味夠。八爪魚有咬口，可以再大件一點，這樣

運動前稍為填一下肚，吃串燒就最好不過，因為豐儉由人，可以因喜好和需要而叫多叫少。來到這間超近地鐵站的串燒店，本來打算吃些串燒而已，發現原來有大阪燒！麻雀雖小但挺精巧的一家串燒店，用餐的地方出奇地乾淨舒服。平日晚上6點多到達，還好能夠選位置，到7點多離開時，小店幾乎爆滿了！見到有大阪燒，心想可以裹腹一下，勝在沒有飯麵般飽肚。有多款配料可選，例如廣島蠔、鰻魚等，我選了A4 和牛。除此之外，還點了3根串燒。A4和牛大阪燒 - 賣相精美，每一份都鋪有薄切嫩滑的和牛片，中間蛋漿的位置還有和牛粒。餡料超多，有蔥花、椰菜絲，就連秋葵粒都有。醬汁夠惹味之餘，份量剛剛好，有時他放得太多反而會像喝醬汁般、太膩了。這個的甜醬油放得恰得好處。串燒方面，分別是翠肉瓜、冬菇和雞腎。烤得剛好不會燶，放的調味亦不錯。結帳後看到串燒製作之地 - 大烤爐。看到貼著的相片，立刻被看似不錯的蟹黃飯和海膽飯吸引了，想不到店子小小，弄到的料理種類可以這麼廣，下次再來可以一試！

在openrice見到這家餐廳好評多而慕名而去的～本來以為會好多人排隊，點知又冇；本來以為係似日本餐廳，點知原來係好細好細既一個舖位，入面只有八張凳，外面亦有位置坐。店內雖則擺滿不同日本酒酒瓶，但其實並沒有酒供應亦有不少可愛的擺設呢～除了最受歡迎的海膽飯和蟹黃飯外，燒物其實也像好吸引，但見其他食評說飯的份量不少，就先忍住手吧海膽原板加日本生雞蛋～紫菜濕氣過重，都林了⋯⋯海膽鮮甜稱不上，但唔腥唔苦，118蚊仲可以要求啲咩蟹黃飯一端上，我就知我剛才忍手係絕對正確。賣相已經好吸引，好香，撈珍珠米飯食揀直一流～～好邪惡本來以為所謂的松葉蟹腳係普通蟹柳咁，但一咬，肉質較乾身，亦較硬實。飯和蟹黃份量之比剛好，吃完真的好飽這才138大元喔～

今日去見識下朋友極力推薦蟹膏飯，太子地鐡一出行2分鐘已經搵到，地點好方便，外觀亦彷效日本居酒屋設計，遠遠都閒到串燒香味😋由於店內位置唔多得4張枱，我地又唔想坐出面所以等左15mins！order左早二日預訂蟹膏飯同海膽飯😍🦀🍶🍙蟹膏飯一上枱造型不得了～每一啖都感受到濃郁蟹膏香非常足料👍🏻食落重有漿口感覺～配合鮮甜蟹腳肉！真係色香味俱全😎👍🏻好好食，唯一係白飯如果用珍珠米就perfect😂不過$128食到已經係超級優惠😝🐟🎃🍲🍙講明＂秘製海膽飯＂一定要預先book定。將蛋黃拌勻之後加海膽非常鮮甜，淡淡海水味完全冇腥味，$108真係親民價。建議2個人share個飯可以再試佢其他串燒～燒茹子同燒菠蘿都好正😋（唔記得影)

朋友早幾日電話訂位七點半。我地準時到達，但一位侍應話唔知到有訂位，話同另一位侍應溝通上有問題。溝通問題係客人問題，定係餐廳問題 ? 有問題係咪應該你地盡可能去解決 ?你叫我地等，等咗半個鐘都未有枱。(因為 D 客好多都係岩岩坐落，無咁快有枱)跟住有枱客食物黎齊，話想加單，你又比佢加。你地係咪應該同果枱客溝通，話有人訂咗枱，唔方便加單 ?之後你問我地介唔介意三個人，等一張差唔多埋單既二人枱，陣間坐二人枱再加多個位。我地都唔想等太耐，話 OK。隔多一陣，你喺旁邊加多張二人枱。想問下二人枱加多個位已經迫，你仲喺旁邊加多張二人枱係咩意思 ?我問你地，我地訂咗枱，準時到，但已經等咗好耐，究竟幾時有位，坐咩位置 ?你地答我唔知道，你地唔知道，唔通我會知道 ?訂咗枱，但我地等成大半個鐘。然後你比 walk in 客坐。如果你間餐廳唔做訂位服務，大可以直接講。但如果你接受得訂位，你就要預留比客人。當你真係唔記得，溝通有問題。應該盡可能去補救，去解決問題。成件事，唔覺得你地有幾大動力去做。

本來平日都唔會寫食評, 但今次食物質素真係幾差下, 冇辦法唔反映一下琴晚興起話想同女朋友食下串燒, 咁就上open rice睇下有邊間負評比較少既就去試下啦,點知就搵到依間魂燒好似個正負評既比例都算唔錯, 最後決定黎試下, 點知, 食完之後我好懷疑到底係有幾多打手首先, 我地叫左牛舌, 雞肉串, 翠玉瓜, 免治雞肉棒...依幾樣全部係熱都唔熱下, 完全我覺得係暖都稱唔上...其次, 唔知點解佢d食物味道全部係甜味為主, 不論我係叫燒汁 or 蒜蓉 whatsoever...最後就係佢人氣之選 蟹黃飯 ... 個飯就真係冇特別, 我唔會話佢好難食, 但係我會話佢係冇比味道可言...其實味道既野好個人口味, 所以好唔好味大家可以作參考就算, 不過最嬲既係啲串燒幾乎係凍既冇分別... 唔知道打一大篇野會唔會有用, 不過今次真係幾不滿, 以後都只會睇負評而唔會再理有幾多好評.. 

次次夜晚9點後經過呢間嘢都幾乎無位今次7點幾見無人就梗係入去啦我想試嘅只有蟹黃飯其實已經想試好耐好耐不過一直都未有機會今次終於俾我試到啦真係成個飯面佈滿曬蟹黃食落口啖啖都係俾蟹黃包圍住嘅飯粒感覺好似就黎升仙咁唔錯唔錯我胃口細一碗飯已經飽嚕胃口大嘅人或者同朋友一齊去嘅可以試埋其他嘢

成日見到門口好多人排隊，都打消左去排隊嘅念頭。今晚天氣凍凍地又有少少雨，門口冇咁多人決定去試一試。叫咗都好多嘢，有燒菠蘿、秋葵、安格斯牛仔骨、豬腩肉、栗米同埋一個豚骨湯飯。豚骨湯拉麵就食得多，湯飯就真係未試過，原來係會超好食個湯得好濃味，但又唔會死鹹死鹹咁。個片豚肉雖然薄薄地但係好鬼彈牙，好似一次食緊幾片咁。湯裏面仲有我最鍾意嘅大蔥，好香，送飯一流。至於串燒都唔輸蝕，肉類醃得好入味，所以食物上面好少調味粉，都已經好夠味。肉類好爽口又唔會靭，去到最後要爭食添埋單走既時候先知海膽原來係佢地既主打，下次一定會再黎試

偶然經過咪坐低食個飯威下，瀟灑撥瀏海ing由於真的是小店，室內位只有幾個，只好坐在露天雅座。但對住車水馬龍的馬路，廢氣已吸入。日本巨峰提子乳酸 $23 巨峰提子味淡，但有人工甜味，且不知為何十分有汽。與其說是乳酸，更像梳打汽水。特製蟹黃拉麵 $118這碗拉麵賣相吸引，香氣撲鼻。一大團蟹膏，毫不吝嗇。還有兩大條松葉蟹腳。一人獨食未免太膩，兩人各分一小碗就剛好。把蟹黃撈均，讓每箸拉麵都沾有濃郁膏香。加上豬湯底亦是恰到好處，味道不會太濃烈而掩蓋了蟹香。麵條亦是軟硬剛好。一口麵湯，簡直人間美味！香蒜燒茄子 $18茄子看似簡單，但往往是最難處理的。茄子頗嫌燒得不夠乾身，醬汁落得太重手，蒜蓉欠奉，畢竟是香蒜燒茄子啊。燒扇貝3件(牛油香蒜) $75扇貝燒得唔錯，今次好香牛油蒜蓉味，如果扇貝大粒啲就好啦。燒雞腎3串 $38真的不太合格，雞腎不單燒到就燶，食落更有腥味燒雞軟骨3串 $38京葱雞肉串3串 $45雞肉很難吃，不是燒得不好，而是食材本身問題，像是雪藏很久點醃都唔入味㗎肉...下次有機會再偶然經過坐低<魂燒>只會食拉麵～

係太子想食海膽飯朋友推介依個 環境平民 但同朋友兩個海膽控去試下都好 去到發現原來好多串燒燒物茄子 汁燒 $18我最愛茄子既燒物 但平常食蒜蓉既 但佢有汁燒就試下 汁醬滲入晒係茄子表面 幸好吾算太厚 所以都有汁醬味 如果再燒耐少少就再正啲 個人鐘意勁淋勁入味既自家制汁醬鰻魚飯 $78鰻魚控要發瘋了 汁撈埋正啊 鰻魚算厚但長度可以再長啲 鰻魚飯吾會伏啦 但汁可以多d秘制海膽飯 $108 一板海膽上 加埋生蛋撈飯 蛋漿滑滑的 加上海膽creamy質感 仲可以變換食法生蛋撈到飯帶濕 加埋海膽 吾腥仲可以包紫菜食 要趁快食 我放得太耐紫菜淋左京蔥雞肉串 $20 左邊京蔥夾住肉食 味道混和左一齊幾好海鹽燒安格斯一口牛$25 右邊海鹽燒左再加黑椒 食到牛既味 吊到個味 不錯 唯佢地既枱較吾方便 我地吾小心hi到個豉油碟 豉油就由個隙度倒落地下>< 而飯粒用料可以再好啲 可以點綴到成個飯!

某日在瀏覽面書時侯發現到這個串燒小店。自問海膽控的我看到之後立即收到口袋名單，再拉胖BOY過來一同試試。店鋪門口就是串燒位置再劃分另一邊為座位，斤以油煙不會往另一邊吹，不受油煙阻礙。晚飯時間到小店，小店有三兩張二人檯坐滿和四人位高櫈，我們被安排到坐高櫈位置順便可以欣賞下店家的達摩小擺設。說到底，我們都是為海膽而來，馬上點個秘製海膽飯($108)。一板海膽另上之外，還會有蛋黃置於飯中央，由於未到海膽旺季，海膽體型較小，雖不能完整覆蓋整個飯面，不過圍著蛋黃擺放也夠似一片太陽花吧﹖將蛋黃和海膽跟飯拌勻，飯有蛋漿黏著既有海膽綿密口感也富蛋香，入口帶濕潤，確實不錯。除了叫海膽飯外，小店也有做串燒和各種拉麵熟食，我們便向串燒方面進發啦，先是香蒜牛油燒生蠔($28/1隻)，胖BOY實在抵抗不住蒜香加牛油的香味一支箭便把生蠔吞下，所以只有我這隻小生蠔的獨照，生蠔不算大隻，但勝在烘燒過之後飽滿蒜香味十足十，如果體型再大隻一點， 口感定必滿分。燒翠玉瓜($15/串)，這個是胖BOY最愛，我除了西瓜蜜瓜之外對其他瓜類真的一點興趣都無，但他卻說這個煩燒得表面得微焦香，內裡瓜質軟腍不錯吃。即日鮮燒膏蟹($108

食店鄰近太子地鐵站非常就腳 不過店面頗細只能容納二十位食客 其中部分是室外座位 就算不是夏季也不願坐在繁忙車路旁吧我和友人六點半到達食店雅座已經半滿 勤快的侍應姨姨安排我們就座 我們趕快填了下單紙 期待著美食首先登場的是招牌菜:原板海膽飯 $108我急不及待把蛋黃混入微暖的白飯中 加入海膽和紫菜 非常幸福 我的朋友有點抗拒海膽 試了一小口還是覺得腥 我卻覺得鮮甜 繼續獨霸整碗海膽飯接著上場的是:元祖豚肉烏冬 $58友人說選了黑蒜油 不過好像普通豬骨湯底 而且分量較適合女孩子 男孩子未必夠食 我偷吃了兩條烏冬 質感扁身有咬口 味道不太咸吃完飯麵終於到串燒系列安格斯牛一口牛$28: 肥的部分很不錯 不過我不喜歡燒得太熟 西京五花腩$28: 太咸了 有點後悔選了這醬料柚子汁燒蠔$28: 我沒有吃 朋友說很肥美 樣子很不錯 埋單$270 少少貴 期待的串燒反而有點失望 不過總算飽肚埋單$270 可以一試 期待的串燒反而有點失望 

對這間食店有點兒失望，預早訂位九點鐘，荃灣出到去，都沒留位比我地，仲要等成半個鐘，有沒搞錯，我勸你地做好訂枱服務！吾好要人失望如果吾識做生意，就吾好有訂位服務啦

聽朋友推介，佢話太子最近有間餐廳好岩我食因為佢知道我鍾意食海膽同蟹膏，而呢度，可以一次過滿足哂我兩個願望舖頭面積唔算大，同時室內位於可容納５至６台客。幸好提前卜左台，所以不至於要夏天坐室外雅座餐牌上有不少食物揀，飯、麵、串燒，應有盡有。但筆者黎之前就已經決定左食乜，所以極速就落左單秘製海膽飯　（＄１０８）先黎既係秘製海膽飯原板海膽上台，份量十足，以呢個價錢黎講，可以話係平民價！飯就比較簡單，蛋黃、紫菜，佐以日式甜豉油，以及主角－－海膽！海膽食落完全無腥味，鮮甜無比。我地選擇左將一半海膽放入飯中，與蛋黃拌勻，令簡單既白飯變得十分香口；而另一半海膽就跟紫菜直接放入口中品嚐，原汁原味將滿足味蕾蟹黃　（＄１２８）緊隨而來既係特製激爆蟹黃飯造型滿分！原隻蟹蓋上台，好有和風既感覺！蟹膏份量同樣係無偷工減料，即使撈勻佢，每一粒飯都感受到香濃既蟹膏味！加上新鮮甘甜既蟹腳肉，為成個飯既口感加上層次。簡而言之，色、香、味俱全！