魔衣櫥咖啡廳 (已結業)

這是一家很可愛、很神秘，也很低調的黃店，.上樓後門外暗紅黑的燈打在掛滿魔法袍的衣櫥上，更添神秘感。推門而入店裏的哥姫和惠比特狗狗(不知道有沒有認錯XD)馬上衝過來，非常熱情，還一直想偷偷地搶東西吃，累了會癱坐在你的腳上發呆🐾，又或者趴在窗邊凝視著外頭。點了水牛城雞翼($68)和黑松露意大利飯($148)和朋友分著吃，雞翼非常香，一口咬下脆皮很酥，惹味的甜辛滲透口腔，熱乎乎的，兩隻狗狗一直跑過來想討吃。黑松露意大利飯每口帶有濃郁的菌香，黑松露份量也多，攪拌後每口都帶燻香和奶油味，如果能加點肉和蛋白質就好了🍽。酒品菜單發現了一杯特調叫Stand With Hong Kong ($128)，是伏特加基底加上巧克力、利口酒和奶泡，奶泡上是香港紫荊花。入口有點酒精和咖啡的深層澀味，而奶泡和巧克力的甜味非常明顯，苦甜摻半，不過對於我來說，還是有點太甜了，或者是心情還沒跟上吧🍸。—————是次餐單:🥙增肌減脂適合指數：💪🏿(5分為滿)*酒精其實會嚴重影響增肌減脂效果，炸物和奶油的熱量和碳、脂同時都很高，所以少量和朋友分享一下就可以了💖美味

服務差 全晚得一個waiter serve 客明明window side冇人坐 都唔肯比客坐食到走人都根本係冇人而且大門每次有人進出 都會好大聲上菜極慢 每道都要追 （但人流根本不多）叫左2杯Mocktail 2杯都完全冇味道 而且價錢貴（～$70/杯）本來食物選擇已經不多 但想要蜆話冇 青口都話冇食物超難食 特別係炒八爪魚 係嘔吐味 未食過咁難食既野 即使係意粉 都好難食 冇一樣係正常總結 或者係一個好地方shisha 但食物質素實在太太太差唔會再食 亦會叫身邊朋友絕對不要去

Book左位有晒餐廳電話同地址confirm無book錯，因我地有晒booking record, 其實佢地聽電話後吾記得mark,去到佢地賴話我地宜家可比你地坐但今日提一提你地係無book，勁衰，如果吾係約晒人一定cancel，因宜家係佢地訂漏左重話人，重點係去到1個客都無，我地以為之後爆場，點知原來坐左好耐先得2枱人，咁就吾好講到無位比我地咁啦， 到野食方便，煮嘅時間要等半個鐘以上先黎第1個餸，重點你沙律吾係熟食都咁耐，其他熱食要等1個鐘，等多個食，重有service係勁差，叫先比水，但其實無生意，話我地無book個人一直企喺Bar枱無招呼人，叫佢加水只加1杯，其他人杯無水吾會加要再叫先加，無其他人招呼，佢重要成日黑面，啲野食吾平，普通味道，有啲ok,但有啲偏咸，沙律嘅麵包粒係lum嘅 ，整體都差，態度更加差，吾會再去。

服務態度差, 炸薯條都要等半小時, 當時只得兩枱客, 我個枱4人只叫炸薯條(等了半小時)及炸白飯魚(等了7個字),另一枱只有二個人, 等食物中途提過一次說食物還未來(當時已經等了5個字), 職員竟然說 : "等下啦, 係要等架"我們都呆了, 職員沒禮貌

同朋友嚟呢度shishaorder咗fruity啲嘅味啲shisha高質👍🏻👍🏻👍🏻好食過出面嗰啲好多👍🏻價錢又合理👍🏻野飲嘅質素中上 價錢都合理😆仲叫咗個水牛雞翼 配埋個醬好好味😋裝修唔錯 有啲似哈利波特主題🤘🏻仲見到有個秘密房仔 要推門先入到去好似瞬間置身咗喺另一個空間咁睇得出有落足心機去設計👍🏻Overall 感覺唔錯 下次會再嚟🙌🏻大家不妨試吓佢地嘅shisha😋

朋友生日，佢又鍾意哈利波波，就特登揀咗呢間主題餐廳，同佢切蛋糕，間餐廳勝在夜晚就變酒吧，開到好夜。因為朋友要夜啲先到，我同其他朋友就食咗晚飯先，再等埋佢11點幾上嚟一齊到咗12點切蛋糕。一去到我同朋友想坐近窗口位，但係店員話冇位要我地坐去另一邊，但明明窗口旁有吉枱，我哋就以為有人訂咗，不以為意。到咗我哋食完飯，窗口嗰邊仍然無人坐，我哋就要求掉位過去，另一個店員就話冇問題。到咗最後主角到咗，我哋本來四個人，後來仲有一個朋友加入，隔離個張四人枱只係坐咗兩個人，而隔離嘅客人亦好好人主動想讓另外半張枱比我地，當我地想將張枱拍過嚟嘅時候遭店員阻止，唔俾我哋拍張枱，話要問過老細先，最後結果竟然係唔俾。我哋冇同佢爭拗，就好迫咁五個人坐張四人枱，但明明隔離係有枱嘅，亦無人坐。事後我哋發現，係某兩個店員態度特別唔好，處事方式亦有問題，講返佢嘅食物質素，食物份量係比較少，同埋價錢算係中上，但其實都係好食嘅。另外嘢飲亦尚算精緻好飲，餐廳環境亦算坐得舒服，不過就算係咁，下次都唔會黎幫襯了。

朋友生日，大家就係open rice 揾下啦，個名特別，睇到好評多，環境裝修好似好特別，最後就決定去呢間魔衣櫥。MV係一幢幾新嘅building ，一出lift 就感到有少少神秘，入到去果然係好得意，樓底好高，裝修裝飾都好特別。我地每人枱上都有張A3 紙，一路都以為係張印左食物嘅餐枱墊，點知飲啖水放好隻杯，佢就走黎話我會整濕個menu，真係吾好意思🤣🤣 竟然係咁少食物揀，個drink list就另外一個，似返個正常嘅menu, 好多頁好多選擇。我地5個女仔叫左小食，雞亦，白酒煮大蜆，意大利飯，意大利麵就一般，每樣野份量有點少，叫左幾款酒同飲品，個樣都幾靚，味道都可以。10點時意然無端端比張單黎，話用餐時間到啦！訂位無講，入座時無講，重點係全晚佢地都係得2枱客，計埋我地3枱客，另外2枱客都係2個人，間餐廳勁多位，吾知佢趕收工定咩事，不過我地無同佢抝，因為都差吾多時間走，但佢地咁樣吾啱，訂位同入座都應該同客人講。

大家對魔法有關嘅一切都會好有興趣🧐朋友話帶我去一間魔法餐廳食飯，當然要探索下啦💃一開電梯門就見到餐廳，有個衣架掛了幾件魔法袍，燈光較昏暗，有點神秘感🧙🏻‍♀️餐廳內用咗一個大書柜做裝飾，原來有門推開又係用餐的地方，令我諗起霍格華茲呢🧛🏻‍♂️🔸白酒忌廉汁煮法國藍青口$138每次食青口，第一時間㑹飲一啖汁先，今次也不例外，白洒味香，忌廉不會太稠，藍青口較細隻但量多，不靭👍🏻🔸馬賽漁夫湯$138係用唔同種類海鮮煮出來嘅湯（有大🦐，魚，青口，花甲），鮮味十足，不是味精喔🤗🔸西班牙伊比利亞黑毛豬T骨扒慢煮$258　豬扒比手掌還要大🤩，因為用慢煮方法，肉色帶點嫩紅，鎖汁效果不錯，好有💦🔸蟹膏蟹肉幼條麵$168幼條麵上鋪了芝士片，蟹膏蟹肉香味超濃，有少少咸魚味，幾特別😊環境不錯，適合傾下計過一晚👌🏻

之前見到呢間出左lunch buffet，一直好想食呢間餐廳嘅我，即刻搵埋朋友仔一齊去main + snack 任食奉送野飲一杯出面仲有一啲沙律同甜品小食可以自己夾，任食真係好抵食Main仲要有雞排/魚/牛，仲有咩好要求呢啲牛會建議7成熟，會軟啲，易切啲，咁樣啱啲中意食肉質柔軟易咬嘅人snack個方面，個人覺得蕃薯薯條最好食，香脆

咁岩撞正平日lunch左右嘅時間，上一上尖沙咀嘅樓上cafe抖一抖，呢度環境係唔錯，裝修都算幾靚。不過講真其實啲野食都有啲偏貴，都係食裝修價錢。擺設都真係唔錯嘅，特別係啲餐碟，真係靚到嘩一聲，第一次見呢款圖案嘅碟，所以都忍唔住相機食先。其實呢度食物質素真係幾一般，白飯又少，個扒質素又一般，呢個價錢黎食裝修都未過到自己個關。所以我好大機會唔會再黎，除非有discount先會諗諗。唔推介俾大家黎中伏，完。

今晚同朋友來到這家餐廳，一進入餐廳門口，紅紅的裝修，放有幾件類似魔法師斗蓬的衣櫥，推門進入餐廳，彷彿跳進了哈利波特的魔幻世界。我們坐在靠窗邊的位置，街上匆忙的行人和餐廳裡的寧靜形成了強烈的對比服務員拿來了一張像是尋寶地圖般的餐牌，菜式選擇不多，叫了水牛城雞翼、澳洲肉眼、蟹膏蟹肉闊條麵（當晚沒有闊條麵，轉了幼條麵），點了一杯smoothie和花茶水牛雞翼幾juicy，點左醬會太咸正常味咁啦！個幼條麵好驚喜，仲以為會腥，原來唔係，推薦推薦（其實幼條麵應該仲好食過闊條麵）肉眼方面，我地order左5成，但上枱時發覺過熟，起碼7成熟，熟到連血水都無晒，而且太乾，入口好嚡好多筋，切都切唔斷總括黎講不過不失吧！影相係ok嘅！

老婆話想去呢間裝潢得像魔法世界般的餐廳影相，作為老公緊係要陪佢。估唔到食物都有些水準wo!忌廉白酒藍青口-青口肉好嫩滑，入口即溶，忌廉汁也很香。大蝦沙律：這個一般般啦⋯⋯大多油了，感覺有點油膩。水牛城雞翼-這個好好食wo! 辣辣地，又有酸酸甜甜的味道，味道有層次。雞翼又大隻又滑。慢煮黑毛豬-這個黑毛豬肉質十分鮮嫩，用刀切的時候很多肉汁，入口感覺到肉質又厚又鮮嫩，讚！雲尼拿泡芙-甜品也好食，泡芙裹著甜甜的雲尼拿忌廉，入口即溶，正！

假日晚上和朋友慶生，來到這間充滿魔法主題風格的魔衣廚餐廳Weisley’s Wardrobe食晚飯。這裡的環境神秘感十足，門口還掛有一些魔法袍，很有哈利波特的感覺，打卡點多。我們先後叫了一份蟹膏蟹肉鮮闊條麵和美國穀飼牛肩膀牛扒(8oz)，前者的闊條麵雖然份量不大，但蟹味夠濃；而後者的牛扒叫了medium rare，配上薯菜來吃味道亦很好，質素很不錯。進餐後更安排了預先bk了的生日甜品，這次是一個朱古力蛋糕，是很濃的那種朱古力味，裝飾得很漂亮，亦可加生日字句，很貼心。

魔衣櫥咖啡廳係有次咁岩撞正平日lunch左右嘅時間，有全場野食半價嘅時候去試，講真其實啲野食都有啲偏貴，如果冇折嘅話都未必會去呢間試新野。裝修真係唔錯嘅，特別係啲餐碟，真係靚到dum一聲，第一次見呢款圖案嘅碟，所以都忍唔住相機食先。而個飯其實都真係幾一般，白飯又少，個扒質素又一般，如果原價我一定唔會再黎食，呢個價錢黎食裝修都未過到自己個關。而野飲當時就冇半價，我就冇再試嚕。等半價嘅時候先再試下啲drink menu

我是被這家餐廳的裝潢吸引而來的...很有復古和哈利波特的味道，哈哈...Iberico ham and dried Sausage $158香腸和黑毛豬火腿拼盤，作為餐前小食份量就剛剛好。與酸酸的橄欖配來吃更是一流。 香腸都有不同的味道！建議多試一點各種味道呀。Tandoori yellow chicken wing $78黃油雞翼上桌很夠熱！十分欣賞夠熱的食物。味道像是咖哩粉和其他香料的味道。配上檸檬汁就更惹味！American grain-fed flat iron $268牛扒很軟稔！很好吃呢!! 份量不多不小剛剛好！旁邊的配菜也是好吃的。我個人最喜歡就是雞和這塊牛。Brown Meat Crab Meat with earragon butte $168大頭仔則最愛此碟意粉。蟹肉量都很多，味道很鮮，每啖意粉都有蟹肉在內。Andes Mountain $58這邊的水可以選有汽或無汽，都是這個品牌的。Orange Juice $48