魚事者 (威德閣)

營業中

休息中

「魚事者」鋪面唔算大，典型港式小店格局，乾淨企理。但座位略窄，lunch hour可能要搭枱。 今次試咗自由點三餸麵，麵質彈牙，由魚肉打成，十分特別。而湯底我揀咗白雪雪魚湯，第一啖鮮甜，飲到尾有少少魚既甘香，無腥味。第一個餸要咗紫菜，浸魚湯後超夾！吸湯力強！第二個餸要咗黃金魚餅，外層小小硬，但咬開有流心芝士醬，類似芝士頭腐。第三個餸要咗雞扒，外層皮十分脆，肉質十分嫩滑，但份量有啲少。個人認為翻食指數高！推薦魚湯，魚控必試！

之前喺銅鑼灣食過覺得都幾好食幾特別，原來天后都有喎，又可以成為我嘅午餐新寵了😂😂😋今日食啲比較特別嘅嘢，係店家推薦嘅「蝦頭油炸蝦球魚撈麵」。🐟一路以嚟食魚麵都係以湯麵嘅形式去食，但係呢度就用咗少少西式嘅方法去烹調，食落口好似一個西式嘅意粉咁樣。🦐雖然呢個菜式係以蝦為主，但係食落口，我覺得蝦嘅鮮味唔算好重，反而成碟係用個醬汁去調味。啲魚麵一如以往的爽口彈牙，不過我自己都係比較鍾意食返平時嘅湯麵多啲。

間中都會返嚟食，呢度最好食嘅炸魚冇薯條Come撈魚麵都好正，所以今次我哋encore咗薯條，不過今次覺得唔係好夠熱。另外今次試吓佢嘅Risotto，用魚粒組成，同樣非常特別，好好食。我覺得淨係佢招牌嗰幾樣嘢食都真係值得攞米芝蓮嘅。另外我哋仲試咗燒賣，不過我哋覺得好辣🥵。今日仲有段小插曲，我哋嘅Risotto漏咗單，但係店員都算好有心，幫我哋追之餘仲送咗杯嘢飲俾我哋，仲打九折，證明呢個係有心做服務嘅表現。

藏身於炮台山宏安道的「魚事者」，是一家吃魚的寶藏店。店家推薦的招牌「炸魚無薯條」——金黃外皮輕咬即碎，喀嚓聲中透出驚喜：內層魚肉竟帶麻糬般的煙韌口感！選用新鮮魚漿製作，炸功了得，外殼香脆卻毫無油膩感，搭配蜜糖芥末醬更添層次。這家2025年新晉米芝蓮必比登推薦小店，店面雖樸實卻總飄著誘人香氣。人均約50港幣即可享受高CP值海鮮炸物，現點現炸的熱度最能體現風味。晚餐期間排隊人多，建議提早卡位！！！！！

❛ 食肉獸之選 ($83)魚麵無想像中咁彈牙 口感似米線，魚味唔太濃豬頸肉邊位焦香 爽口雞扒煎至金黃 外表脆肉質嫩滑牛肉肥瘦均勻 都唔柴❛ 麻辣牛肉魚麵撈 ($72)香香辣辣開胃，麻味唔會太濃，辣度相對溫和牛肉份量都唔少，肥瘦均勻，好惹味❛ 淨餸 四款 ($46起) ▸ 慢煮雞胸 好嫩滑 ▸ 黃金魚餅 好得意嘅魚形，都幾彈牙有魚味 ▸卜卜蜆鮮甜 ▸ 珍寶大魚蛋 乒乓波size結實得嚟彈牙有咬口 ▸ 翡翠苗 新鮮嫩綠 ▸ 蘿蔔 好大嚿 清甜多汁白雪雪湯鮮甜但無想像中咁濃—ʜᴋᴅ $50-150 𝗉𝗉𝙧𝙚𝙨𝙚𝙧𝙫𝙖𝙩𝙞𝙤𝙣𝙨: yes𝙧𝙚𝙫𝙞𝙨𝙞𝙩? maybe𝙤𝙫𝙚𝙧𝙖𝙡𝙡: 7.5/10—📍 魚事者 Fisholic北角炮台山宏安道14-28號威德閣地下14號舖

行開北角 見到有間拎咗米芝蓮 係出面睇咗餐牌 見唔係好貴 就衝咗入去食 點知有驚喜！🤩炸魚冇薯條 松露醬 $30呢個就係其中一個拎咗米芝蓮 佢係炸魚條唔係薯條 好特別 再配埋濃濃嘅松露醬 唔會太乾 不過小心熱 因為會bi少少汁 都juicy魚湯翡翠苗 $18魚湯味冇乜 但勝在份量多 翡翠苗好嫩口 唔會有渣扮墨西哥魚皮 $35一送到上黎 非常震撼！🤩佢用魚皮代替墨西哥粟米片 魚皮好脆口 唔會太油 再配埋牛油果醬食 好有墨西哥脆片嘅感覺 唔錯！😋不過佢有大量芝士 我就唔太好 芝士腔應該好超中意蝦頭油炸蝦球魚麵撈 $72米芝蓮主菜！蝦球配上沙律醬 唔會太乾 魚麵好有咬口 口感好特別 撈埋啲櫻花蝦一齊食 好正😋蒜油香雞翼魚麵撈 $68雞翼好香脆 有四大隻 佢偏油 所以食到最後有啲濟總結: 好多嘢都值得一試 而且價錢又平又好食😋推介炸魚冇薯條同埋蝦頭油炸蝦球魚麵撈

【北角隱世彈牙魚麵驚喜！🐟「魚事者」高CP值美食】🔥 終於喺炮台山挖到寶！📍今日去咗「魚事者」絕對係魚麵控必打卡之地！每日新鮮手打嘅魚麵爽口彈牙到「嗦嗦聲」🍜，湯底鮮甜到飲到底都唔口渴～重點係份量十足又抵食，午市套餐$68有交易💸，加$10仲有多件脆到「咔嚓」聲嘅黃金魚皮🐠，抵到笑！ 今日同朋友食完個個都讚好，真心推介🙏必試招牌「至尊魚湯四寶麵」🌟——魚餃、魚蛋、魚腐、魚片頭一次過滿足，配上掛滿湯汁嘅波浪形魚麵🌊，鮮味層次大爆發！

有日經開個頭 見佢米芝蓮推介就想試一試覺得好驚喜 大部分菜式都係由魚肉整成嘅 叫咗個二人餐 叫個時覺得好似得好少野食咁 另外加咗個泰式豬頸肉😝落咗單之後 侍應就上咗2碗湯 本身係以為個餐包埋嘅湯 但係原來係舖頭話天氣太凍 另外送俾我哋飲嘅🥹勁warm!! 呢度加曬分 飲完即刻暖曬☺️✨花膠螺頭竹笙燉魚湯✨🥣個餐跟咗燉湯一碗 好飲！入面仲有湯料可以食✨原味燒賣4粒✨普通魚肉燒賣🤣 就跟佢嘅自制辣醬 但我覺得還好～✨炸魚無薯條✨薯條其實係魚肉扮出嚟食落係魚蛋嘅texture 不過佢有住薯條嘅外貌🍟我覺得好特別 玩味幾重😹😹另外會五隻醬可以揀：松露醬、蟹皇醬、雙子醬(明太子+蟹子)、山椒醬同埋他他醬~ 我哋揀咗蟹黃醬 但係冇話好特別✨泰式豬頸肉✨呢個係另一個要讚呢間店嘅原因 本身諗住呢間舖頭係做魚肉嘅菜式 其他肉類應該會普通 但係出乎意料地個豬頸肉好好食😳✨蝦頭油炸蝦球魚麵撈✨我諗呢個係必嗌啦 係呢到嘅招牌魚麵個texture 好似魚蛋咁煙煙韌韌但都預期嘅差唔多 反而個炸蝦球覺得好好食🤤蝦油味勁香！通常啲米芝蓮餐廳都會對佢好高期望 但係往往都會令人哋有啲失望 不過呢間餐廳整體嚟講符合預期之餘都

✨越式豬頸肉撈魚麵～‼️加麵底係free的（但我冇加）我第一眼見到心諗: 點解係撈檬 我以為係醬撈🤣都ok ge ϵ( 'Θ' )魚麵爽彈 用嚟撈檬幾特別，掛汁程度適中，酸甜辣之味 好開胃😋😋豬頸肉好有焦香同脂肪香，好有咬感，呢碟豬頸肉偏肥 最肥嗰2塊幾乎全肥膏🫣.✨食肉獸之選 - 豬頸肉、肥牛、雞扒 配芫荽魚麵 加底+$10💸芫荽魚麵mix咗啲芫荽，芫荽味十足🌿💚呢碗嘅豬頸肉冇我嗰碗嗰啲咁肥，都係好有焦香；肥牛好有彈性；雞扒鮮嫩多汁 好食🤤。手工魚辣醬撈埋碗魚湯麵食 更有魚香🐠加麵底可以有9成飽🫃🏻🐖.✨日式山葵雞翼3隻好重味🤣炸雞翼好酥脆，配wasabi醬食幾新奇💚.✨迷你紫菜魚湯魚湯配埋紫菜煲好清甜 零腥味，再大碗啲就好😚.我覺得係好食嘅 但未至於米芝蓮level囉🤣

餐廳主打魚麵同埋魚湯而且佢地大部份菜色都同魚有關我本身都幾鐘意食魚, 之前同同事食過覺得好好食特別佢地個白雪雪魚湯真係好香濃 又唔會太猩印象分都幾高但早排同同事再食多次今次就有點小失望了佢個湯底變得好淡... 個辣醬都冇上次咁香但不得不說佢個"炸魚無薯條" 係幾出色用左魚餅扮薯條 肉眼睇 係分唔到但食落口煙煙韌韌 幾得意同埋佢個蒜油香雞翼都唔錯 炸得幾香口不過有DD貴蕃茄薯仔湯底就不過不失希望下次去個白雪雪魚湯會好似之前咁好食啦

個豬手炸到乾爭爭咁，仲要切到超大舊，唔問佢攞把刀來切，真係唔知點擺入口。由開業幫襯到依家，雖然個中性打扮既女服務員成日埋單計錯數，但睇住d食物質素每況越下，真係可以以後唔洗幫襯，寫呢篇食評既目的係唔想有其他人中伏

今日見到袋鼠外賣有半價優惠，之前有睇過佢嘅報道好似幾有心機，所以諗住試吓呢一間餐廳。我哋叫咗紫菜四寶芫荽魚麵，白雪雪魚湯魚麵，原味燒賣同埋魚湯翡翠苗。芫荽魚麵同白雪雪魚湯魚麵乜味都冇。個感覺似係溝咗勁多水。魚麵一啲都唔彈牙亦都冇魚味。配料我哋都叫咗幾多嘢，但全部食落去都好一般冇乜特別似平時街市買到嘅料。魚湯翡翠苗好啲，個湯都算濃郁，不過30幾蚊一兜咁細碗個價錢真係幾貴。原味燒賣完全唔知自己食緊乜，仲衰過街邊$10燒賣，咬落去好似食緊一嚿少量彈牙嘅膠。我唔明點解呢間可以攞到米芝蓮推介？ AVOIDDDDDD. 如果比原價嘅話我會食到好嬲兼投訴

今晚自己一個人食飯，住港島嘅我想試下新餐廳，想搵D價格相宜但又有特色嘅料理，見到米芝蓮推薦呢間位於炮台山嘅小店，裝修係我鐘意嘅風格，加上我好鍾意食魚🐟，就選擇左呢度。平台夜晚七點半入座，人唔多，無需等位，可能係餐廳位於內街。order左好多人推薦嘅魚薯條🍟，配上黑松露醬香脆可口但完全唔油膩，份量好大，一個人食完有少少飽😅餐廳主打魚麵及魚湯，主食選擇番茄薯仔魚湯，配上漁腐、牛肉丸、魚皮餃，好香嘅魚味，唔係一般行貨，好爽口。湯底魚味唔算太出，但屬於原汁原味冇點加味精嘅味道。魚麵感覺一般，因為比較硬身，難咬，難消化，希望下次可以食到軟糯爽口嘅口感。其實呢間店仍有好多創意嘅料理，例如牛油果魚皮🥑，不過今次自己一個冇機會嘗試。下次會再來～

下午茶時間，同朋友嚟到炮台山，行咗一陣見到呢間幾靚嘅鋪頭~門外有menu可以睇下，見到魚麵好似幾得意喎~ 仲見到有米芝蓮logo，一於試下先！Tea time就一於嗌個下午茶餐同朋友share試下啦~另外再嗌咗個「自由點三餸麵」 同埋 佢哋推介菜式「蝦頭油炸蝦球魚麵撈」~ 嘢飲就嗌咗陳皮檸檬，好似養生啲下午茶餐雙拼$43下午茶有單拼同雙拼~ 今次我哋揀咗「迷你紫菜兩寶魚湯魚麵」+「炸魚無薯條」好奇心驅使下，我哋問咗個staff啲薯條點解叫呢個名haha, 原來入面係用大量魚肉製作，唔係平時嗰啲薯條嚟！(而且仲係米芝蓮推介菜式!!)食落去 外面都炸得夠脆口，內裡煙煙軔軔，食落都有啲魚味~同松露醬都幾夾個「迷你紫菜兩寶魚湯魚麵」個碗睇落真係有啲迷你，不過啲餸都幾大份喎，鋪滿咗個碗面，抵食啊！自由點三餸麵 $63朋友叫咗個三餸湯麵~ 餸/湯/麵 都係自己揀，而且都有好多選項(選擇困難症發作!!)最後叫咗個 雞扒+蝦卷+芫荽配米線&木魚湯~ 一上枱，忍唔住「嘩」一聲，係滿滿嘅芫荽啊!! 試咗朋友一啖湯，都幾好飲喎~ 有清清地嘅木魚香但又唔會淡到無味朋友話好欣賞個雞扒，外皮煎得夠香夠脆，入面都算

服務態度同能力可以話係甚至比唔上茶餐廳🙅🏿🙅🏿我已經坐到好貼 比同一個侍應踢到凳4次！！注意係4次 重點係一句道歉都冇👎👎服務質素完全冇辦法達到米芝蓮推介級環境狹窄 檯凳有明顯搖動當日用餐時有客人在外面等候但老闆依然和員工在用餐檯開會講返食物圖中嘅吉列豬排勞魚麵可以話係一個失敗魚麵呢種食物根本唔適合撈同醬料完全唔夾 唔入味想知道諗呢項菜式時有冇經過思考😿魚麵彈牙係一個優點但係換個方面諗一樣只有油味嘅食物 仲要花咁多時間咀嚼會唔會好食💀💀除左小食勉強會推介其他真係完全唔值得光顧會話所謂「米芝蓮推介」只係一個德不配位嘅噱頭建議大家光顧前三思🫂🙏🏻