魚仔魚湯米線

營業中

休息中

去開大埔一定要食呢間魚湯米線 🤟🏻😙係熟食市場3樓 今次餓底食左墨魚丸魚湯米線 $38 🐟仲可以自選菜 我就揀左娃娃菜 佢仲會問無墨魚丸炸唔炸 炸完外表皮脆脆地 加埋泰式辣醬 好好食呀 ☺️☺️☺️ 佢既魚湯非常鮮甜 唔會好重味精味 食辣既朋友可以加埋辣椒油仲令個鮮味提升去另一個層次 娃娃菜更加係吸收曬魚湯既精華 🤟🏻佢既魚湯好白 飲得出係用左好長時間炮製而成 仲飲左杯熱菜蜜 暖胃滋潤喉糖 天氣凍既時候更加想食碗熱米線 🍜 #餓底推介 #餓底食在大埔 #餓底食米線

大埔墟街市一向都出名都美食 除佐2間好多人排既上海面檔外仲有一間以鮮魚湯做賣點既魚湯米線今次叫佐個炸鯪魚球魚湯米線 加蜆介個湯底好鮮甜 完全無味精既感覺 米線份量都好夠鮻魚球好食 加埋蜆介一流

✨下午3點左右先去到熟食中心穩食，本來想去買砵仔糕，結果被魚仔的叔叔吸引佐，叔叔一直講「我地係新鮮魚湯底，真係好鮮甜嘎」。於是，立刻就去試下🌝✨餐位好整潔，平時食開出門兩間豬排面名店，佢地d台，地面，調味瓶，全部都好油膩膩😅但係魚仔d用餐環境令人覺得好乾淨，坐係度心情都好d👍✨自己本身就好中意食泡飯。之前去土瓜灣食過蠔仔泡飯，果間店本身都好食，不過價格就要58一碗，魚仔售價38就覺得抵食好多！✨蠔仔肉碎泡飯，魚湯底真係好鮮甜，搭配冬瓜粒，肉碎，蠔仔，口感真係好好，同埋蠔仔數量都唔少，性價比好高，值得90分😋以後一定會繼續再去幫襯！

第一次係新街市食呢間魚湯，叫左碗蕃茄豬軟骨魚湯米線，豬軟骨好林好入味，成個湯底好清甜，加左蕃茄酸酸地開胃，唔似有味精，可以飲曬成個湯底，正，😋😋😋😋35蚊碗，非常抵食，值得再食！

好多人去大埔墟熟食中心會揀食出名既炸豬扒麵，但好多人唔知其實隔離巷仲有一檔好好味既魚湯米線～呢檔魚湯米線亦係我既comfort food，間唔中就會去食！本人非常推介蕃茄豬軟骨魚湯米線，魚湯底非常鮮甜，豬軟骨食過好多次，次次都係好num 又唔乾身，啖啖肉，每碗大概有三大舊，但唔洗擔心，三舊都好夠食～蕃茄既酸甜又可以解下豬軟骨既膩，講起就想食🤤重點係，食到味精既話咪會好口渴既，放心，呢間野你飲曬成碗湯底都唔會覺得渴，真材實料唷。

今日已經食過第4-5次了，都仲係咁好食。呢間應該是一家人經營，全部人很有禮貌而且店舖好企理，睇很出很用心經營此店。上次同個店主伯伯傾計，佢地朝朝都買魚整果個湯，而我又真係次次食都食得出個湯底濃淡都有分別，湯好鮮甜，冇一次係失望的同埋基本上唔洗叫野飲，次次都係食晒碗粉再飲埋個鮮魚湯，正呀！個人就突別喜歡味菜粉同大腸，食過豬潤同埋鯪魚球都好好食，下次仲想試下佢個蠔仔泡飯支持用心經營小店❤️超有禮貌而且店主好細心關心客人須要！須要好評去大埔真心值得一試

星期日中午黎到大埔熟食中心覓食下...其實呢到真係好多選擇 咩菜色大部分呢到都會搵得到 而且每個禮拜黎一次輪流嘗試唔同鋪頭都幾有特色😬好幾次黎到呢間幫襯 因為佢魚湯底好鮮甜我係愛魚之人 無論係選擇米線或泡飯都選擇魚湯底最後連湯底都可以飲埋😛重點必食招牌鯪魚球 師傅會炸到外脆內軟 配上泰式酸辣醬 好味👍🏻👍🏻👍🏻👍🏻👍🏻熟食中心有好多密密麻麻既食肆 坐既位置可能比較狹窄或擠迫 但食物既質素絕對唔錯😬😬

我食開番茄豬軟骨米線，好好味？之前比我發現味菜粉腸，豬肚米線仲正！佢地d粉腸好林，又夠味！超正！加埋胡椒粉，好正！一定要試試！另外我老公就中意食炸豬排，又係好好味！

之前受到OPENRICE的打擊，一度想放棄寫食評！只是...好吃的應該繼續分享！唯有繼續我的吃喝玩樂之路.....>"<大埔綜合大樓熟食市場是有名氣的美食集中地，這次介紹清而用心製造的食物。魚仔魚湯米線我一吃就愛上，早前因為綜合大樓火警而關閉了一段時間，現在重開後，lunch時間超多人，但質素沒變！首先要讚賞他們員工的服務態度，除了好還是好。要知道這些熟食市場的員工大多都粗魯，但這間的員工沒有，令客人感覺很好！我點了秘製豬軟骨米線，湯底可以選擇蕃茄或清菜，我選了蕃茄，另加了味菜。 美食到啦~我先試了一口湯，坦白講，我覺得魚味不算足夠，但勝在沒有味精味。這種清淡的湯底很吸引，我覺得很好。之後吃一口秘製豬軟骨...OMG~~~~好好味！而且很軟很入味！這個堅‧值得推介！米線是一般的口感，但秘製豬軟骨已經夠吸引了！！ 這間的食物很好！吸引了我！！我也覺得是物超所值！另外，同事說其他食物都很好食，所以我會再去光顧！！

每次去都一定係叫 蕃茄魚湯飯個湯底 真係好鮮甜 熱辣辣的魚湯好鬼正，仲有佢地既小食，特別超愛炸雞翼或者炸鯪魚球，發現其實係有少少咖哩味架，好特別又剛好夠熟唔燶，好味好脆口

魚仔以魚湯米線聞名果然名不虛傳魚湯冇味精好鮮甜便宜又大碗雖然位於街市內 但環境乾乾淨淨員工禮貌更是出意料之外地好到不得了配菜可以選蕃茄或生菜豬軟骨小食一碟好多舊 好好味 入味又軟熟非常推薦哦一星期至少食兩次都唔會厭 上癮了提提大家 魚仔只係開上至下晝 下午3點左右就收檔 要食要趁早哦豬軟骨更是限量供應呢 但一般收檔前去食都食到既^^