魚川居 (金漢工業大廈)

營業中

休息中

同事介紹公司附近有好味海南雞飯食，今日跟住去食晏，在工廈二樓，樓下有餐單，都算幾容易搵。上到2樓，估唔到間店咁大間，仲要差唔多坐滿晒人，好彩唔使等位。佢餐牌介紹有：可能係世一無骨海南雞飯。但係我見到枱面個介紹有大大個雲吞雞，好似更加吸引，我問啲姐姐，佢同無骨海南雞係咪同一款雞，姐姐話係同一款雞嚟嘅，咁就梗係食雲吞雞有兩樣嘢食吸引啲啦。粒雲吞好大粒，肉餡味道好鮮味。加$5 將雞件轉成雞髀，連骨嘅肉梗係特別嫩滑啦。點咗淮山麵，份量好多食唔晒。另外個人氣第二名就係酸菜魚，估唔到午餐都有得食，少少辣酸味比較重，好開胃。啲魚片非常嫩滑，酸菜湯配上芽菜菜底，吸晒啲湯汁精華非常好食。再加埋惹味香脆土匪雞翼，真係好飽嘅一餐。

週末去九龍灣行街，行到Megabox附近比呢間鋪頭既宣傳吸引度，會同屋企人入去食Lunch食神雲吞雞店家承諾係100%用新鮮豬肉，每日人手本地包製，即叫即煮嘅。雲吞雞份量十足，有五粒大大嘅雲吞，主要係菜肉餡料，雞髀肉嫩滑，加埋米線性價比幾高，難怪喺餐廳入邊人氣Number one，見到基本上每台客人都有點一份酸菜魚淮山麵Number two嘅酸菜魚都係必點！酸菜魚淮山麵亦都係超大份，目測酸菜魚都有10多塊，除咗普通嘅白飯米線之外亦都可以配搭紅薯粉、淮山麵或者烏冬。推介大家試吓淮山麵，口感彈牙兼且都幾掛汁土匪雞翼食落胡椒味幾重，即叫即炸幾脆口餐廳星期六11點到下晝4點，無論係堂食定外賣自取，午餐粉麵飯都做緊六五折起，經過九龍灣或者喺九龍灣返工嘅人可以去試吓，糧尾恩物

今日係聖誕假期後第一個工作日，諗住都仲有好多人放緊假，啲餐廳應該唔會太多人食LUNCH，所以就行咗去魚川居(九龍灣)食LUNCH。見佢推出咗一款秋冬限定嘅菜式叫椰子雞湯，肉類可以配雞件、手撕雞、豬扒，仲有一款唔記得係乜，當然跟白飯唔駛加錢，轉其他例如米線、淮山麵、菜底都要加$5。我地落單叫咗兩個椰子雞湯配手撕雞跟白飯，同埋一個海南雞飯，當時係12:14PM，但係同事個海南雞飯嚟咗食完，我地兩個撕雞跟白飯都仲未見蹤影，叫個女侍應追單，佢就話要過咗二十分鐘先可以追，之後再搵咗個大家姐嚟同我地解釋話廚房出單部機出唔到紙，所以有啲亂！我見後面一枱的阿姐都很出去追咗三次，都仲未有得食。其實食物係OK嘅，但奶茶好澀。如果LUNCH唔係有個半鐘食飯，或者遠過鴻力工業中心及大昌行返工，最好就唔好嚟，一個鐘覆係唔夠時間喺度食LUNCH嘅！短期內不會再去幫襯

下午茶好抵食，份量同午餐無分別，仲跟熱飲。海南雞高質夠滑，油飯色澤金黃。另外仲有雲吞雞、酸菜魚，全部都幾好食。湯粉有好多選擇，可以轉米線、薯粉、淮山麵、白飯。經過值得一試

下午茶時間去到，好多張枱已經走緊，但個侍應依然要你去一張已經坐咗2個人嘅4人枱度搭枱，仲話爆哂冇位。唔通我時運高，一個個吉位都坐住朋友仔？既然係咁我都無謂阻佢做生意喇。

魚川居九龍灣上班族必食! 日日lunch time都大排長龍座無虛席! 但係樓底較矮d聲好困住係入面 都幾嘈雜!之前幾次都係食佢既酸菜系列 冇得揀辣度 湯底都係酸菜綠色為主 但有微微既辣味 仲愈食愈辣 屬於比較水狀較清既湯底同事介紹下試左水煮湯底 好辣好過癮 米線係幼身果種 幼滑掛湯入味

忍唔住要喺度寫篇食評講吓 見到OpenRice好多人話好好食咁樣 又啱啱喺嗰頭附近就順手去試吓個酸菜魚就不過不失 個人認為湯底酸咗少少 魚片夠嫩滑 不過就得嗰三四舊 同埋啲飯好似爛爛地 60幾蚊一個餐嚟講都有啲唔抵食重點嚟啦 呢間嘢啲員工態度超級差 我差唔多12點去到見到仲有勁多空位 自己一個人坐咗個卡位嗰度 個職員見到就過嚟好唔客氣嘅語氣話：一個人嘅話唔係坐呢度㗎喎 我哋全部人都係搭枱ok fine 你驚之後多人呀嘛咁我就同咗兩個男人搭臺 將自己牛龜咁大個書包擺落對面嗰張凳度嗌嘢食嗰陣 頭先個職員話等陣再過嚟 ok咁我自己再耷低頭再睇睇個Menu先 個員工行埋我隔籬敲我張枱😅😅😅😅篤篤兩聲，跟住又係好唔客氣咁話 你唔係要落單咩？已經係燥燥地底咁食 食食吓又有個職員過嚟叫我拎開嗰個書包等另一個單丁友搭枱坐我對面 但我見到周圍仲係有好多位😅😅😅佢要我托住咁大個書包咁樣食嘢急急腳食完就走咗 真係好無奈 😅😅麻煩矯正吓員工嘅態度😅😅再好食都冇用啦，更何況都唔係特別好食 永遠都唔會再食呢間嘢

今日同阿仔去九龍灣做啲野所以就係九龍灣食野有九龍灣返工嘅朋友介紹我去一間樓上餐廳食野，佢話啲嘢食都幾好食我地入到去都見唔少人幫襯不過餐廳闊落所以都有位坐我相信就算要等位，都唔洗等太耐我地就叫左幾款野食試雲吞雞飯+凍華田：雞都幾滑溜，雲吞數量有5隻，份量都唔少，加埋個白飯撈埋食好正，仲好飽肚酸菜魚配紅薯粉+凍菜蜜：魚都幾鮮甜同滑溜，湯底唔會過酸，配埋個薯粉幾好食土匪雞翼：外脆內嫩，炸得啱啱好，調味亦不錯總括嚟講，我覺得呢間餐廳性價比高嘢食幾好食，又幾好坐值得嚟呢到食野🤤

岩岩開始係九龍灣返工時已經有去過【魚川居】食lunch，我同同事都覺得幾好食。今次就趁天氣涼涼地去試下佢地其他野。食神雲吞鷄：上次試左no.2既酸菜魚、今次就試下佢地呢個no.1既菜式。可以選擇飯、淮山麵或者米綫，我就要左淮山麵。超級大碗、而且有5粒雲吞、全部都係日日用新鮮豬肉手工包製。啖啖肉、非常大粒、入面中有小白菜。鷄肉超級滑嫩、唔會好肥。湯底非常濃郁。土匪鷄翼：土匪調味用左黑芝麻同孜然粉、非常惹味。鷄翼炸得外皮酥脆，肉質嫩滑、非常juicy。另外仲會包一杯飲品。

推介九龍灣上班的朋友可以考慮呢間平民化飯堂室內有過百座位 但平日午餐時段依然滿座 人氣高企👍🏻餐廳主打雲吞雞、海南雞、酸菜魚、胡椒豬肚雞等美食所以套餐可自選米線、薯粉、淮山麵、白飯 更附送飲品！自家製酸菜魚以雞湯熬製不會太咸😋私心推薦 雲吞雞賣相精緻 雞肉嫩滑有光澤✨⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ 雲吞雞淮山麵 🍜雲吞皮薄餡靚，每日用新鮮豬肉製，保證鮮嫩，湯底清甜，令人一口接一口，完全停唔落！好適合寒冷嘅日子，暖心又暖胃～---酸菜魚配白飯 🐟🍚酸菜魚真係一絕！魚片滑嫩，酸菜嘅酸味剛好，搭配白飯食，簡直係完美嘅組合！每一口都充滿咗鮮香同酸爽，唔會悶，仲有種回味無窮嘅感覺。---土匪雞翼 🍗土匪雞翼真係好味到爆！外脆內嫩，香料味十足，咬落去滿口香氣，根本停唔到口！🍽 魚川居📍九龍灣宏冠道8號金漢工業大廈1樓5-6室 (觀塘有分店)

九龍灣區超抵打工仔食堂 下午茶竟然仲有65折 難怪每日飯市都爆場 簡單記錄一下.第二次嚟試試 今次客人仲多過上次係全場座無虛席嗰種 有啲誇張但即使係咁 今日出餐都好快下午茶餐可以自由配搭⭐️酸菜魚 ⭐️炸雞髀 加⭐️薯條 都係$59炸雞髀真係必食 雞皮炸到脆卜卜咬開會出聲果種 仲要肉嫩有汁 高分 邪惡之選下午茶酸菜魚係迷你份量 但其實都大份湯底飲得 係清清地 完全唔油 幾酸 唔會好辣.仲有佢地招牌 最多人點會係⭐️海南雞同雲吞雞2款都係色澤金黃啖啖肉 眼見肉嫩今次雲吞雞叫左芽菜底 唔算多🥰🥰但其他都好足料 雞髀大隻雲吞都夠大粒飽滿 有5粒.整體今次嚟到 食物評分比上次更高.#hkfunfoodrecord窮遊香港#hkfunfoodrecord_觀塘#hkfunfoodrecord_九龍灣.#魚川居 (觀塘) @deli_fish_hk 地址：觀塘觀塘道396號毅力工業中心1樓魚川居 (金漢工業大廈) (九龍灣)地址：九龍灣宏冠道8號金漢工業大廈1樓5-6室.⭐️評分：味道：4/5環境：3.8/5服務：3.8/5抵食：4.5/5 .#飲食 #美食 #hk #foodphotography #f

九龍灣工廈覓食🤤自從e-max執笠之後開始探索九龍灣一帶工廈美食(⁎⁍̴̛ᴗ⁍̴̛⁎) 同事帶我嚟到魚川居覓食🫢高質lunch set今次我點咗 花膠濃湯雞髀配白飯 🍗加配凍飲$80 （12:30前結帳仲有折，折扣後價錢$71）雞髀肉口感軟滑 不黏牙 花膠都好入味湯底味道濃厚 份量十足一啖湯送飯超好味 🤤餐廳環境用黑色住主調 好快已經人山人海 唔洗12:30 已經坐滿7成🤣記得要預早時間去搵位啊🫶🏻🫶🏻🫶🏻

九龍灣其實收收埋埋好多嘢食，呢間魚川居好出名酸菜魚，日日lunch time都大排長龍。食咗幾次都係嗌佢嘅酸菜湯底手撕雞米線，因為佢海南雞飯同手撕雞都出名👍🏻，米線有得揀酸菜魚湯底，兩樣可以試晒！有興趣既記得帶現金去試下，cash only~

九龍灣神級打工仔飯堂 每日中午13:40後入座或外賣自取都有65折 仲要包飲品 去試試簡單記錄下.⭐️雲吞雞配飯$42雲吞超大粒 係菜肉餡料 幾足料雞肉同海南雞一樣咁嫩滑 仲要係雞髀位幾靚仔湯底有娃娃菜吸咗湯汁 少少雞油香 餸飯一流.⭐️世一冇骨海南雞$40 配油飯雞肉超級嫩 而且真係冇骨 少少雞啫喱油飯幾香 軟硬適中 黃薑味10分重旁邊有青瓜同埋醬汁.⭐️酸菜魚淮山麵$42魚肉薄切 同樣完全冇骨 魚肉量好多 酸菜唔多湯底酸味適中 帶麻香 而且湯底唔油 飲得平時銅鑼灣食個酸菜魚都要$60-70觀塘九龍灣區真係好平.⭐️土匪雞翼 (小）$24👌🏻雞翼熱辣辣 外脆 肉保持嫩.小插曲 本來叫咗凍檸茶 已經飲完 因為就嚟收工 店員仲有剩 幫全場客人加返滿 超級有人情味.仲有佢哋環境其實幾大 價錢平民抵食絕對係觀塘九龍區打工仔飯堂..#魚川居 (金漢工業大廈) (九龍灣)地址：九龍灣宏冠道8號金漢工業大廈1樓5-6室營業時間：星期一至五0730-1630星期六1100-1600記住注意營業時間 觀塘都有分店.⭐️評分：味道：3.5/5環境：3.5/5服務：3.5/5抵食：4.5/5..

九龍灣冇嘢食就係人都知好彩嘅係佢都有唔少工廈，喺入邊都有時都會執到寶話說呢間相信喺九龍灣做嘢嘅人都知道，係好多人嘅飯堂。除咗有酸菜米線之外，亦都有海南雞飯。雲吞雞 ，撈米線等等。而且每一份份量都好大份，男仔都夠飽，價錢合理 。今日叫咗個酸菜黑豚肉米線就好似下圖咁，連啲肉都超級多，而且係好食嘅！同樣地，因為佢係好多人嘅飯堂，即使佢地方大多位，但每次都有好多人喺出面等緊位。所以呢度貫徹左香港人嘅style。基本上一坐埋嚟5分鐘就叫你落單，見你個碗差唔多食完就開始收嘢。想慢慢食傾吓偈就應該唔得㗎啦，不過絕對係打工仔午膳嘅好地方。