魚樂一番 (已結業)

好少餐廳我會同frd食完之後大家一齊企咗喺人地鋪頭門口外面一陣諗點解佢食客嘅人數比佢值得嘅少咁多朋友住黃埔花園同我講新開咗一間餐廳好食餐廳好闊落乾淨影得唔好 但檯面同餐具好乾淨一睇餐牌黃埔好歹都叫私樓區驚訝居然咁平飲品一啲都唔hea全部都好養生我試咗蝶豆花朋友試羅漢果茶蝶豆花樣靚又清甜羅漢果茶我試咗一啖飲完係喉嚨好舒服嗰種海味泡飯有香菇海參同花膠等材料非常足料 養生 料亦靚上菜時仍然冒煙因為有個鍋 食好耐仍然熱湯底熬得好香冬天食起非常溫暖唔油唔咸食緊食材本身嘅味道就好似媽媽有心機煮嘅時候會煮出嘅質素牛魔王鍋麵有唔同部位嘅牛同花膠靚料 只係$68同樣熬得好溫和香濃嘅湯底麵底亦彈牙有韌勁健康嘢食完有種非常舒服嘅感覺呢張就係同朋友企喺人地門口研究人地餐牌時影嘅相雖然未試但憑剛才食嘅兩個鍋嘅心機對佢嘅湯非常有信心晚市埋單只係百幾蚊養生 健康 平價位置又方便坐得又舒服

Discovered this joint after eating at Sushi Man nearby.They specialize in fish maw noodles and soups.I went during lunch because they serve lunch sets.For drinks had the roselle tea and Chrysanthanem tea.The roselle was refreshing.For the noodles, had beef and chicken were they both have fish maw in it.On appearance the beef looked better but then the chicken was tastier because it was tender and marinated.The noodles were flat and al dente but didn't really absorb the broth.Although the noodles

呢排病左勁耐 但朋友又話約食飯 話揾到間餐廳岩晒我呢個病人😂去到望到個menu又發現真係幾岩我食 我就叫左個c餐花膠嫩雞鍋麵拎到黎未食已經覺得好有養生既感覺雞肉嫩滑 入面仲有我最鐘意既冬菇同埋紅棗😍湯當然係呢碗麵既精華 飲得出非常足料 而且充滿雞既味道👍🏻朋友叫左個花膠牛鍋王鍋麵店員仲比左青檸我地榨汁未落青檸之前我地試左一啖 係普通牛腩麵湯底既味道 落左青檸之後真係完全唔同左 感覺湯底更加純🤤花膠湯麵入面既花膠當然唔會隨便碗麵入面有大大塊花膠 岩晒女士食🥰 唔怪得lunchtime咁多OL叫花膠湯麵食🥰跟餐仲有自家製飲品 我地簡左羅漢果茶同藍蝴蝶花茶 兩杯既味道都唔錯 店員既服務態度都好好 主動幫我地加熱杯花茶👍🏻

今天行街行到去黃埔，行到攰攰哋，於是就去找東西吃，有間叫做“魚樂一番”的食店，跟住我哋入去嗰間餐廳， 餐廳設計好特別，有條大魚在兩面，畀你感覺好似在海邊進食。 這餐廳吃的都好特別喎，佢哋啲嘢食主要係用花膠嚟配搭嘅， 價錢都好優惠好抵食， 於是我哋就急不及待叫咗個套餐 ，我好鍾意食花膠，所以我叫咗金牌花膠湯麵，啲花膠好淋， 好好味食，加上有啲湯是用魚來煲， 非常鮮味， 連湯都可以飲曬，真係令人回味。 我朋友就叫咗個花膠嫩雞煨鍋麵，佢用個鍋來上枱，好熱。啲雞肉好滑、好嫩呀！再加上花膠一起吃，真係一個唔錯嘅選擇。 再飲杯洛神花茶，羅漢果……等啦滋潤飲品，好似咁乾燥、咁凍嘅日子，好好既進補一下，真的不錯。加上價錢大眾化，這餐真是超值。

由於呢間鋪頭開喺黃埔平時放學經過都已經想食好耐 今日上沿途經過見到仲未收鋪就入去試吓啦呢度主打家居食物以健康為賣點 一入到去已經覺得裝修好有居家感覺 老闆亦都好親切會主動介紹食物 見到餐牌上面大部份嘅食物都係以低鹽低糖低油為主如果鍾意健康嘅朋友可能搵到一個新嘅地方食野啦！ 因為佢出面都主要介紹花膠冬菇湯底所以今次我哋都有叫到因為想健康少少我哋就叫咗兩個麵黎食下清清地 分別叫咗金牌花膠湯麵$50 同埋花膠嫩雞鍋麵$58 呢度嘅餐單大部份都係全日供應嘅 所以唔使擔心幾時午餐幾時晚餐嘅問題啦同埋呢度嘅食物都唔算貴呢個份量呢到嘅麵都幾大碗 直到最後啲麵食唔晒 個人覺得佢呢度嘅湯底值得一讚因為食得出佢哋冇落到味精 湯底清得來又唔會完全冇味 食得出入邊有花膠同埋冬菇嘅味道 不知不覺間我就成碗湯飲晒 覺得呢間鋪頭值得一讚因為平時食午餐晚餐都比較油膩 依家就多咗個健康小小嘅選擇 食完都幾滿意

今日同男友去攞眼鏡，男友話呢間花膠好出名，仲要唔貴更係要試下啦男友叫左冬菇花膠撈蝦子粗麵$55，鍾意濃味既朋友啱晒，花膠有4件比較厚身，仲有一大隻冬菇，個汁唔知咩汁，類似鮑汁，都幾好味，唔會太咸我叫左牛魔王花膠湯麵，牛魔王就係牛腩，好稔好入味，有少少牛筋，再加埋4隻花膠仔，夠晒補骨膠原，無撈麵既花膠厚身，但有花膠湯底，真係好滋味加6蚊有凍熱飲品 (洛神花，酸梅湯……) 我地叫左羅漢果茶，超香呢，一放低聞到好甜羅漢果味，飲落夠濃，無落添加糖黎到點唔叫燉湯呀？ $50盅咋！仲要超多料，好好飲，今日叫左蟲草花無花果螺頭瘦肉雞腳花膠湯

今日行經呢邊搵下食邊間下午茶，見到呢間餐廳有兩邊畫有魚嘅壁畫，畀幅壁畫吸引到，於是入去食下下午茶😋😋入到去空間感大，以木及白色裝修為主，而且都坐得幾舒服😌原來呢間餐廳以花膠、海味嘅食材為賣點😍😍叫左個魚樂一番海味泡飯，嚟到原來有兩塊花膠，仲有海蔘同瑤柱，材料十足，湯底應該以花膠餚成，十分香濃，夠晒好味👍👍佢哋提供嘅餐飲都好健康，我叫左杯冬瓜薏米水，飲品有好多薏米奉上👍👍而且佢哋嘅服務都不錯，會介紹餐牌美食，十分貼心，估唔到呢間餐廳提供嘅食物都幾健康👍👍

今日難得收早，就喺黃埔附近搵食，見到呢間裝修唔錯，個名又幾得意就嚟咗食。 原來係食花膠，正啊。而家凍凍地要潤一潤🤣🤣仲有外間充電借，唔洗驚電話冇電！我就叫咗c餐，花膠燉雞鍋麵。 一嚟到已經聞到好香，用石鍋上可以keep到個熱度。湯底好足料，濃得嚟唔係得個鹹字，唔錯！最驚喜係真係有兩大塊花膠👍🏻👍🏻出面好多都係話花膠湯，但呢間真係有大大塊比你見到🤣即刻覺得抵晒😂😂 飲品叫咗羅漢果茶，甜度適中，好飲又夠晒養生，唔錯！

紅磡好多好嘢食，今日行過見到街邊有間安安靜靜嘅餐廳，唔多人啱同老友傾計，啲嘢食都幾吸引。主打花膠海參等等魚類製品，有套餐又可以散叫。老闆話遲啲仲有新menu推出。黑板上有廚師推介，係menu紙上冇嘅，菜式可能會定期轉。見呢個湯做緊特價，老闆話包好飲，冇味精，好似阿媽煲嗰啲味，我地就叫左一盅試下。個湯真係好足料，花膠大大件，最重要係冇塑膠味，係海鮮味，係靓花膠黎，好開心。蟲草花，冬菇，雞肉，一樣不少，個湯好鮮甜，應該煲左好耐，真係好飲！小菜清新爽口，賣相都唔錯【皇袍鮑汁飯】個飯係秘制醬汁炒過再林鮑汁，多左啲鍋氣，好似鐵板飯。又係大大件花膠，個炒蛋係滑蛋，色香味有晒！一個飯已經好夠飽，真心推介。【雞湯煨麵】好多雞肉！個麵係闊麵，唔易索汁，唔會太林，味道甜甜地，唔鹹，食完暖粒粒。最後係甜品。表面睇係桂花糕，其實個底有花膠架！最鍾意係佢唔甜，清爽可口，有淡淡桂花香，加埋花膠好彈牙好爽，輕奢甜品兩人埋單$216，食左咁多足料好嘢，抵食

今日同朋友喺黃埔花園shopping 行到攰攰地 經過這間 "魚樂一番" 見佢嘅食物都幾特別，於是我們入去試試， 裏面嘅職員好有禮貌， 先介紹一下店內嘅主打菜， 主要係食花膠，有多款唔同嘅菜式， 我們都係貪新鮮每款是少少……！前菜有酸蘿蔔， 酸酸辣辣，黑木耳加入麻油份外香口， 正好清清口腔。木瓜無花果花膠燉湯， 面仲有雞腳，花膠 木瓜， 感覺很滋補！鮑汁花膠撈麵， 都幾辣， 撈麵加入醬汁，裏面仲有些細小嘅櫻花蝦米， 都幾好食！花膠海參湯麵， 花膠好厚肉，大大隻海參仲有冬菇、小棠菜，湯麵好爽口。

自從有咗地鐵之後，都未試過去黃埔逛下， 發現黃埔一帶， 真係多咗好多唔同嘅食肆 尤其係黃埔天地百寶坊，以前都未去過。今日經過這間食店，畀佢門口嘅menu吸引住， 裏面大部分都係用花膠做主菜，都幾吸引!天氣開始轉變係時候滋補一下，講真menu價錢真係十分之抵食!先點了一個冬蟲草花響螺燉花膠湯，睇得出真係燉出嚟， 湯渣都融化了，但仍見到厚厚嘅花膠，湯底好清甜!皇袍鮑汁飯， 用荷葉托底，睇落有啲似荷葉飯， 但係食落口好似珍珠米咁，加上章魚肉粒有味飯好開胃!金牌花膠湯麵，海參大大件滑嘟嘟，花膠好厚肉。花膠嫩雞煨麵， 雞肉好嫩滑，花膠都很多，麵底都十分爽口!

住咗黃埔四年 日日出入都會經過呢一個舖位 但係就一次都冇入過去 一上一手係做粉面嘅 因為冇咩特別之處 又可能係因為太近 永遠覺得前邊會有更多選擇所以永遠都唔會停留 又其實或者黃埔嘅餐廳競爭好大 中西日韓周圍都有 今日機緣巧合朋友提議食呢間 話想補下食花膠 都諗住每人要200 $300離開 最後竟然係兩個人$300有找仲要三味都有花膠 其實偶爾一餐都唔算貴冬菇蟲草響螺花膠湯 $70個盅正常份量一人size 絕對肯定冇味精平時新年先有機會阿婆會煲下 但係而家原來落樓就有得咁易飲到我唔敢講入邊嘅材料值唔值呢個價 但係我覺得計埋功夫既錢好難有數得計 所以純粹以材料衡量佢值唔值就唔係太公平花膠鮑魚汁撈麵$65呢個撈麵勁多花膠 我覺得咁多個來講呢個最抵食 下次黎一定會再叫 直程有回本嘅感覺 老闆（經理？）服務好好 過嚟問我地要唔要辣醬因為係自家製 10分建議鍾意食辣嘅朋友可以問侍應攞 大家唔好低估呢個辣醬因為真係好辣 但係好香口 稍微會蓋過咗鮑魚汁嘅味道 所以建議大家一開始食一杯冇辣醬嘅先 之後再撈辣醬食一定有驚喜海味泡飯$68個湯飯唔會好濃味好鹹 清淡得來你唔會覺得好掛 入邊有米通超好食 如

叫左麻辣肥牛麵，好細份都仲忍得，但呢個口味...俾我李x記海鮮醤麻辣醬加d肥牛我都整得出...好咸又完全冇香味...所以我估今次系第一都系最後一次，飲品都冇咩特別。

$85 一個泡飯，問waiter 有咩特別，佢話用海參煲既魚湯，來到.......呆左，因為一塊魚都無，只得少許瑤柱同菇碎！ 同茶樓碗一樣大既飯！ 食落去，魚湯似味精湯。呢個價錢，我絕對期望有塊魚肉食，點知係一塊都無！ 老公食花膠冬菇飯，無咩特別～ 但點解俾杯熱水係有檸檬味？ 味道一d 都唔夾。隔離枱兩個中年男士都話唔夠飽。呢個價錢，唔會有學生客，呢個份量，唔會有男士來，呢個味道同質素，唔會係有街訪客，咁到底老闆既對象客人係咩呢？

行過見到呢間鋪menu轉左問一問原來轉哂廚房😳而家menu多左好多款式揀有蒸魚，特式小食，燉湯，甜品👍🏻午市加10蚊已經有湯有菜有飯好抵！燉湯好飲又足料黎到一定要飲燉湯😋重點係同之前黎食差好遠而家又好食又抵食😋😋😋