魚米家魚湯米線 (已結業)

車公廟站附近的，都知道嗰頭冇咩好食。魚米家叫做近近地，以前都會去食吓。但係佢真係越嚟越難食，價錢又唔係平，服務質素仲…… 哈哈哈哈哈！今日落雨，唯有幫襯吓。誰知行出門口，廚房個阿姐竟然向住行人路潑污水，差啲俾佢撥到濕晒！佢應該係睇唔到有人行過。但就算冇人行，都冇理由向住行人路潑水啦！下次落雨都唔會去囉！

鋪頭位於一個絕不起眼嘅位置，喺車公廟站，溱岸樓下。若不是秦石商場冇啖好食，先俾我哋搵到呢間隱世魚米家！記得早十幾年前好多魚米家分店，唔知點解忽然變曬魚米。定係其實唔係同一間餐廳？魚米還魚米，魚米家還魚米家？儍儍分不清😅講返食物，招牌即炸魚腐米線，幾乎每次必點。魚湯底好清，一點油都沒有，而且唔會好腥。如果感覺有點腥，可以用佢地枱面提供嘅自家秘製麻辣醬，好香，加啲落去湯度，增添風味。魚腐即叫即炸，香脆軟糯又大粒，滋味十足

呢間餐廳距離車公廟站僅2分鐘距離，附近沒有其他食肆及大型商場。唯一一間餐廳，但唔需要等位，入面座位舒適，服務態度亦屬正常操作。魚米家當然食米線。一個米線配一杯野飲及一個小食，個人認為對得住價錢。份量亦都足夠。清湯豬扒雞翼米線，豬扒同雞翼炸得剛剛好。米線味道屬正常操作。炸魚皮爽口，蕃茄米線味道還可以，如果配料更加入味會更好。整體感覺7/10。幫襯既多數係住係附近既人，食個米線再出門口算係一個唔錯選擇。

很近的鮮魚湯米線店🥰覺得好抵食又健康，平時諗唔到食咩就會過嚟食同埋好處係近地鐵站，一出出口行1分鐘就到🙆🏻‍♀️之前有食過午餐、下午茶、晚餐個人覺得下午茶最抵食，有小菜+飲品+主食都係$39-45蚊左右咋而午餐同晚餐價位在$58-70🥰都算OK！之前好似仲有得嗌烤魚套餐（酸菜魚、麻辣水煮魚）😆今次嚟食L06香茅雞翼拼豬扒魚湯泡飯（$58）套餐包括小食+熱飲第一次食魚米家泡飯，覺得都幾神奇幾好食（比我想像中夾，因為我平時食開米線🤣）魚湯一如既往嘅好飲👍🏻香茅雞翼，外面嘅皮係幾脆幾好食，豬扒都唔錯，係薄小小嗰種，唔會嚡好易食～味道都好好食物評分⭐️⭐️⭐️⭐️環境⭐️⭐️⭐️（覺得冷氣有啲凍，張枱有啲黐立立）回訪度：⭐️⭐️⭐️⭐️⭐️

魚米家好早就開門，食個豐富早餐再返工就正哂。鄰近車公廟站，埋完單直接上車，唔洗怕追唔切。點解要揀魚米做早餐？佢餐包加牛油，有醒神野飲之餘味精唔多。要試一間野好唔好，就要試最普遍既沙嗲牛肉麵。牛肉麵不過不失，但加隻蛋成個早餐就非常豐富。朝早客流量唔多，所以坐定定慢慢嘆都係一個好早晨。

呢間魚湯米線，成日都會幫襯。雖然加咗價，不過質素仲係keep到，都值。我鍾意叫豬軟骨魚腐湯米線，豬軟骨好入味，魚腐滑，魚湯清甜又冇乜味精加埋啲配菜木耳，榨菜絲，椰菜，真係唔錯！

車錢廟站一出有間隱蔽米線，望真啲原來係魚米家，之前未食過，今次試一試。點左個南乳雞球麻辣米線，由於係套餐，所以有埋飲品同小食，一個人食lunch黎講，其實份量太多了。南乳酥炸雞球幾過癮，味唔算特出，不過有淡淡南乳咸香，而麻辣湯底一般，但都有麻感。不過套餐價錢都算ok, 有咁多野都只係$55，同埋佢碗米線可以揀湯飯架。環境一般，但職員人手少，見佢地好忙，所以要爭取時間搵職員落單。

今日同媽咪去完沙田文化博物館，過去食個下午茶麻辣蕃茄湯招牌魚腐米線，咖哩牛腩飯，麻辣青瓜，冬菇媽咪咖哩飯都正常幾好食，但係我個麻辣蕃茄湯既唔麻，亦唔辣，加左匙辣椒醬都係唔係好辣，不過媽咪喺度先冇再加招牌魚腐話外脆內滑，咁大碗湯都脆？我梗係叫黎試下啦，結果就梗係唔脆啦，不過裡面都確係幾滑，個質感有啲似食緊豆腐咁不過星期六仲有下午茶，唔係好貴都ok啦，2個人埋單$87

一間食肆就算幾好味，幾平都好，幾好禮貌都好！衛生差都不可以容忍！大家唔可以話幾廿蚊你想點呀？預咗啦，睇唔到嘅仲污糟等等等等，我以前自己都係廚房人，做咁耐未試過出現唔合衛生嘅問題！今日在魚米家，車公廟店，叫左3個餐，3個凍飲，其中一個送頭髮，其實佢味道可以嘅，但叫餐時瑞士雞翼冇唔出聲，到咗先講，喂唔係咁做生意呀？食物又成日落錯檯，但有一位姨姨係好禮貌嘅，依樣要讚，講番衛生點解廚房要有帽？就係防頭髮，髮夾等掉落食物，錯了仲無悔意，冇野講

今日行山經過車公廟站，想食鮮魚米線！我order左招牌：魚腐豆腐花麻辣醬撈米線套餐+招牌魚腐泡飯+凍柚子蜜最值得一讚就係招牌魚腐，新鮮即炸！平民價錢，入邊好多卡位，舒服😌！

車公廟站旁邊，溱岸樓下嘅一間餐廳，室內環境舒服，座位寬敞，環境都唔錯。下午兩點到六點有下午茶餐，價錢由$33至到$40左右，有米線、飯、常餐、公仔麵撈、多士及三文治等。款式好多，適合鍾意食唔同嘢食嘅朋友。今次我哋叫咗長洲大魚旦湯米線餐， $36包飲品一杯，真抵喎。飲品叫咗熱鴛鴦，咖啡味都幾香，奶都幾滑，味道唔錯。魚蛋米線份量都幾多，米線幾爽口彈牙，湯底比較咸，魚蛋大粒，但只有兩粒，比我想像中少，可能我期望太高，不過味道都算唔錯。整體來講呢間嘅下午茶餐都幾抵食，夠晒經濟實惠， $40遊走，有一碗麵又有飲品，經濟唔好嘅情況之下，呢度都係一間好嘅選擇。

星期五晚偶爾來到這裏，客人不多。坐下叫了五寶米線和梅菜腩仔飯。五寶米線主要是雞翼，冬菇，牛腩，竹笙，味道ok。湯也甜而不咸。於注重少鹽的今天是很重要。另一個梅菜腩仔飯，分量也足夠，味道也可以。下次，再來試試魚腐。

星期日中午，而家外邊好似粒粒亂，都冇得外出，唯有在區內附近搵食，平時都好少幫襯呢間魚米家，不過為咗方便，今次都嚟呢度食個快繁依舊就算了。我哋叫咗招牌魚腐豬軟骨湯米線，一共有五件衣服，每天都唔算大啲，豬軟骨就有兩舊，不過佢係分開另上的，所以凍冰冰要浸落湯度食先至好食。另外叫咗個紫菜三寶湯飯，若然個湯太鹹，所以當啲飯合晒啲湯，就成本都係玩。不過佢個份量夠大，勝在男士們一定夠飽。而且佢啲三寶丸都幾特別，有一個長型嘅魚蛋，雖然都係咸啲，不過喺出面就少見。

馬鐵站旁邊找到地方醫肚，好方便。今試了下午茶餐香芓豬扒魚湯米線 + 魚腐魚湯米線。魚湯好好味差不多俾我飲哂，鱼腐好滑好好味呀! 這下午茶餐好抵食，下次要再來试下。😊

新蒸頭度度都唔開, 唔開咪算囉,  放假放到初八真係無啖好食TT好想食粉面而無商場喺身邊, 選擇唔多既情況下去食個魚米既早餐, 睇落價錢好合理,  28蚊一份包野飲野飲仲要係各式各樣,   唔洗另加錢可以飲到柑桔蜜, 銀菊蜜etc. 早餐未上枱之前都還覺得以後可以多啲去依度食早餐..點知................我個雞翼米粉, 係一   點   味  道   也  沒  有,  除左雞翼有啲味道之外.....成碗野我唔明點解值多於20蚊雞翼係一字骨,  而個一字骨都唔係好一字ge其實成份早餐,   唔抵食, 唔好食,  最正常係我本熱銀菊蜜....555