魚米家魚湯米線 (已結業)

不是這麼差的吧？叔叔放假，我和媽媽唯有陪他周圍去。叔叔話他工作方附近開了一間魚湯米線，想帶我和媽媽去試下，我和媽媽都沒所謂，反正我十分喜歡吃米線。我叫了一個魚蛋米線，而媽媽叫了一個雜錦米線，而叔叔則叫了一個魚腐米線，我們亦叫了一碟灼生菜。其實也不錯，ｄ湯好鮮甜，正．但米線稍為淋了少少，硬一些就更加好食！而叔叔叫的魚腐好正，我也吃了少少魚腐，不錯，好香口！但灼生菜就好難吃，因為好苦！下次我會再來吃其他的！

晚餐點了小籠包雞腿魚湯煲（魚湯咸苦度4），杞子魚湯娃娃菜（魚湯咸苦度2），紅米海鮮炒飯。為了解決咸苦湯的問題，我們貇請服務生前後給了我們三杯熱水，直接倒進湯裡。雖然仍然咸了點，但苦味已溝淡。唯一有驚喜的是枸杞子很甜。另一可取的是雞腿有應有的雞肉味。炒飯裡的海鮮有帶子（淡淡的帶子鮮味）、魷魚（無味）、蝦仁（無味），而且炒飯像質感像粥。

今日同女朋友打完羽毛球太肚餓就去左搵下午茶食來左沙田呢間魚米家分別叫左$30既蜜糖煎雞扒 + 芝士汁煙肉撈烏冬 + 春卷 + 迷你西多 同埋$32既咖喱牛腩公仔麵撈可能因為唔係太多人,都幾快有野食但係個四拼茶餐就麻麻煙肉好少,得丁碎咁多,烏冬又無味,芝士汁同烏冬分開既,另外西多太過mini,得粒魚蛋咁大,不過都幾好味至於個撈麵都幾好味,不過好似太少啦,就算下午餐都嫌太少

魚米家的早餐比太興新一代便宜，款式亦十分多樣化，這次買早餐給Shirley，選擇了香茅豬扒米線和熱奶茶，加多士及火腿奄列，共$28。用了舊款發泡膠盒盛載，令湯米線有點膠味，失敗！ 論味道，香茅猪扒頗香軟, 米線比較腍，沒有“彈牙”的感覺，湯底比較淡； 奄列有不少火腿，但蛋似乎熟了點，很普通； 多士在運送期間受潮了，不是食肆的問題，但牛油是預先塗在多士上的，我當然較喜歡“另上” 啦! 我自己剛在太興吃完早餐，難免嘴刁了一點，其實這裡的奶茶亦不錯; 外賣單上的“一定要快”令我不到五分鐘便取得食物。 可惜它在太興旁，客人寧在太興門前等候亦沒有進入漁米家呢!Shirley 沒有投訴，証明這裡的食物還可以，有55分。

好耐無去幫襯<魚米家>，今次去係因為見到團購太抵喇，$26 有碗大的魚腐米線，仲配凍飲，咁就買嚟試吓LA~應該都有成1-2年無幫襯魚米家，其一食物唔係非常之好食，其二價錢與食物質數不相符。今次試團購餐，初時都擔心係會將價就貨，份量減半嗰種~點知送來時碗米線超大碗，魚腐仲有七粒，還有少量雜菜，份量好多!但魚腐好似無以前咁好食，好淋既餐飲: 凍檸水 (味道正常)如果原價$42 我就唔會食喇，團購 $26 就可以試吓以團購價來說，我會比個笑面LA~

這個公主泡飯, menu告訴我有鱈魚, 帶子, 鮑片等, $50有點貴, 但仍好吸引一見它上枱, 咦, 不太對辦喎~但原來只是師傅或者太忙未有把配料display得好, 令賣相減分.... 因為我把湯匙一撈, 哇, 好豐富啊 !!鱈魚在中菜不常有, 這個炸過的, 令魚塊浸在湯中也不易散, 也香口一點, 但就使湯也弄得有點油帶子和鮑片也還好吧, 只要別期待它十分鮮味啦, 我蘸上辣椒油一起吃, 好味~飯量不少, order了少飯, 吃完一碗也很滿足了魚湯算甜, 下次試試蕃茄湯, 應該也好甜美~ 但到底為何它會被命名為"公主泡飯"呢? . . . 我吃完了還未明白

夜晚晚十一點先食得晚餐，沙田有開既餐廳不多，今次黎到了魚米家大王。要了個晚餐：一碗米線＋一小食＋一飲品。個魚湯米線有好多泡，好似洗潔精既泡，驚，於是問下個侍應「正常架wor,碗碗都係咁」，於是叫佢拎另一碗俾我睇睇，都好泡但無咁多，咁算啦，自己食落又無MUG奇怪味咁就繼續食。個餸係江南骨，味道幾好酸酸甜甜，好似鎮江骨咁，而且煮得幾稔，離O西骨，好易咬開個小食係炸墨丸，幾彈同爽，而且係夠O西熱，新鮮，不過兩粒好少。。。坐O係度食既時候，有烏蠅飛過，好嘔心，在望下廚房後行個面有個垃圾桶打開左，唔怪得之衛生問題令我不會再幫襯佢！

諗住食太興,但感覺上少左野食咁咁就食魚米家,嗌左個蕃茄什菜通加杯餐飲,$23+多$3有塊多士,egg,hams個d,不過吾係好肚餓所以冇要到個湯都吾係好有茄味,有椰菜,小棠菜,西蘭花,粟米粒,紅蘿白粒,青豆通粉吾係好淋,吾錯不過size就吾係好多喇,相信加野家個d係大份d~__~

以我係附近返工 試暈哂無9成都有8成既早餐...都係覺得呢間最似樣最抵食..23$ 揀個有送麵..食過最多就係 沙嗲牛麵..豬扒麵..同近期先試既茄牛腩米..都唔錯..份量適中..湯底都唔會嫌清...仲有+3$ 要埋 火腿奄列+件多士...當然可選 火腿/餐肉/煙肉/蛋 任選2 ...野飲方面都吸引..可以檸茶檸水唔再講..可以+4$ 要特飲..之前飲過 xx雪泡..唔錯..最近試埋紅豆冰又係啖啖吸引..唔會好快淡..整體通脹下而仲有水準(早餐)以附近一帶 必係呢間最amazing~~~

在沙田真的搵食艱難！午飯時間周圍都大排長龍，可以訂位的地方又不多。但這裡有個例外，就是魚米家！次次2個人來都好快有位。是次又2個人前來，居然還可安排我們坐4人卡位！知道這裡的魚腐出名，加上自己本身都喜歡吃魚腐，所以次次都是獨孤一味要順德魚腐泡飯。午市套餐配檸檬薏米水加灼生菜；同事則要了魚肉春卷米粉，分了2件春卷給我試。魚腐雖說不上很新鮮，但魚味幾香，配魚湯入味之餘又清淡。可是浸在湯裡一般時間變淋，十分軟身，這就無可避免了。泡飯偏軟（軟飯？），有輕微黏在一團的情況。魚肉春卷十分一般，炸完之後浸湯，有點兩頭唔到岸，質地偏硬，味道不分明，沒有魚肉味。整體還可以，天氣冷時吃魚湯飯待別暖胃。飲品方面很讚，喉嚨不舒服，檸檬薏米水剛好給我舒緩一下。除此之外，還有很多等色飲品供選擇，不是千篇一律咖啡或茶。只是隨便吃個午飯，又不想浪費時間等位的話，這裡不失為一個不錯的選擇。

這裡的食物非常普通，但以他們的價錢黎講亦都唔差，這裡最大的優點是相比隔離的太興、霸王山莊來說，這裡等位的時間就短很多，隔離兩間起碼要等４５分鐘，這裡就只需約１０分鐘。如果不想等得太耐的話，這裡是好的選擇。

果日同老公出沙田搵野食啦~咁就去左呢間度食啦~咁就叫左個燒雞飯老公話佢冇咩味道~~~~同埋個春卷米線個湯好飲~同埋個''太色''雞翼食~ 呢個唔錯~同埋個餐配搭既''肉遠''同埋餃子~ 呢個好好笑.... 勁少... 又大個碟XDDDDDD 但係好食~

上晝考完，下晝要入科學園採訪，知道沙田有免費穿巴入園，成Team就決定沙田食晏，因為門口沒人等位，求其就揀左呢間魚米家度食，但我地成八個人，所以都要等……點知最後都要分開坐……其實以前也幫襯過新都城個間，但覺得一般就冇再幫襯，今次D女仔話事，就順手比次機會la……那兒有套餐的，不過要成四十，一碗野加個小食，以為都OK，故此同檯朋友就點了兩個套餐，一個湯飯，我就叫左個泡飯加野飲……個餃子一到，朋友臉色一沉，「點解咁"die"粒，餃子黎ga？」食完仲叫我地唔好問佢點……另一味墨丸，只係"拾"左加汁，朋友話好搵笨……也罷了，要求同期望都不多了。眼見都份量不俗，雖然成四十幾，但份量也算回本。我點的泡飯一到，我feel自己滴汗，點解會有勝瓜？唔係話得，不過唔多岩味lor，也罷，碗魚湯，好淡，唔適合泡飯，我自己滾都濃個佢，食落去仲好似係湯淋飯咁，沒泡過的，而且飯本身已經煲林左……唉……

今晚到沙田行街, 吃飯時間, 發行周圍好多人, 想去新城市七樓既新食店一試, 點知promote緊但係未開業. 想去IKEA的餐廳, 又無左, 只有小食. 轉去小時候熟悉的沙田廣場, 有3間食店選擇, 最快排到的便是魚米家. 叫了2個set, 有米線, 小吃, 餐飲 (+$5可轉珍珠奶茶等特飲). 只是$37. 抵吃 ! 雖然要同人share枱, 伙計又好似好趕, 不過又平, 味道ok, 所以無壞.

星期日 8:45pm 黎晚飯, 點知叫乜冇乜, 燒汁炸銀鱈魚冇銀鱈魚,欖菜肉鬆四季豆冇欖菜, 有冇攪錯 卒之叫左個魚腐炒米線, 個茨又杰又厚, 見到都唔開胃 仲有 9:30pm 就開始收調味料, 好似唔想做生意咁