魚米 (泓景匯商場)

營業中

休息中

平日午餐時間，餐廳唔滿座，唔需要等位叫左碗黑魚片米線轉酸辣湯底，另外加$10配凍飲一碗有大約7-8片魚片，魚片都滑，無骨，另外有一件響鈴，見到時都有D意外響鈴唔係特別脆，不過不失，叫做多一份口感米線整體幾大碗，偏淋，但夠食

中午去商場琴行買書，經過見到魚米，發覺都好耐冇食呢間了，所以就揀咗呢間食午飯。相比其他食肆，呢間唔使點排隊，等咗一陣，就有座位了。當然因為一個人搭枱，會容易啲。餐廳本身有不同午餐選擇，另外有一款係老壇酸菜魚米線，一於試試呢款。雖然碗裏有不少辣椒，但可能因為點小辣關係，酸菜魚湯唔會太辣。整體份量大碗，黑魚片滑及無骨，味道都ok。但個碗太淺，感覺一次過放所有米線落去，啲湯就會滿瀉。 另外凍飲要加$10，以午餐嚟計，$10凍飲相對比較貴，不過見到現場都可以自己斟水飲。

之前成日都會黎食，啲野食都仲ok，點知愈食愈差，上次食左隻野仲游緊水，已經無點出聲，叫佢換左佢就算，職員仲要好似無發生過野咁，一句唔好意思都無😡😡。過多兩星期想再俾多次機會佢，點知今次食條魚好腥又未熟，已經係炸既魚都食到咁腥，仲要愈食愈腥，點知見到入面仲係紅色，完全未熟哂就俾人食，過份！！完全無晒食慾，真心唔會再幫襯依間，職員態度又差，依家連野食都唔好食，我都諗唔到有咩理由再食依間野，真係太過份先咁post，希望大家希用。差差差

今日同老婆去咗魚米食早餐，我點咗個公司公仔丐，老婆點咗一個餐蛋治！公司公仔麵有沙茶牛肉、火腿絲、腸仔、太陽蛋、午餐肉，份量足之餘而且非常豐富！餐蛋治非常足料又大份，配埋杯凍奶茶，非常滿足！

打電話外賣叫咗麻辣腩肉炸醬鴨血米線、韭菜餃米線、魚蛋魚片米線、魚湯浸娃娃菜，十五分鐘就攞得，效率非常之快。麻辣湯底都好夠辣，食得辣先好試，另外兩個魚湯米線都ok, 食完都唔口渴。

轉凍之時的好選擇🤭🤭今次點左：🍲魚湯五寶浸時疏 配 白飯🍚雖然係外賣，但仍然暖笠笠🧣湯味鮮甜，餸菜份量充足，白飯都滿滿一大配😋特餐仲配埋熱飲埋單💲51冬日性價比高之選😊

西九四小龍的幾個商場，是互通的，我到現在也搞不清商場的界線，魚米應該在泓景匯(不確定？！)，時不時會經過魚米，但１次都沒進去過，原因：下午茶不吸引！極少在早餐時段經過魚米，今次例外，發現早餐menu比下午茶好好多，就 walk in試試。點了M7早餐，包括以下的：#牛角包、炒蛋、午餐肉、漢堡扒、火腿、腸仔，豐富的組合，食物夠熱，加分！牛角包鬆軟，炒蛋細滑，好味！定價37元/份，性價比算高的。#熱咖啡：多奶走糖，咖啡味夠，喝１杯，精神滿滿，very nice！還會再來吃早餐。

食咗咁多年， 越做越差。 啲食物係凍嘅。啲貨期吹水多過做嘢。 唉咗凍奶茶， 落錯單。 長期聽到樓面同廚房嗌霎。真係嘥9氣。$41嘅早餐食咗一半。唔知佢哋有冇發覺 啲客愈嚟愈少呢？ 佢有冇諗過啲問題在那？actually I don't bother to write so much. but the system requires me to type at least 200 words prior to be able to post a 1-star.I hope their management can see this review and improve quickly.

今日去左朋友屋企，一班人出去食又要分枱坐，不如叫外賣上黎食。 今次揀左魚米 好少餐廳有魚食，魚米正正有魚食又清淡健康我揀左煎封黃花魚 配魚湯米線🍜魚🐟的大小適中，煎得香口滑身，魚湯味濃，米線分湯另上，送到黎唔會淋曬仲加埋南瓜🎃 南瓜已切皮，非常方便，唔會過硬又唔會過淋呢個簡直係健康之選！ 另外加左生灼牛肉，想食多d 蛋白質，味道淡多春魚好入味仲有一杯邪惡涼粉紅豆冰🥰🥰🥰好好飲 多紅豆 蛙蛙菜浸滿魚濃湯🍲，❤️❤️

今日午市入去，被安排坐喺房仔擺貨嘅枱，又無俾餐牌我都算，我唔係第一次幫襯所以都諗好要食咩。然後想落單時，舉手同叫人都無人應，成班樓面個個扮睇唔到我。我就自己行出去搵收銀落單，收銀就話「你同返樓面班靚女講」。真係好笑，就係你班「靚女」同事唔理我，我先行出嚟搵你。其實我都唔係第一次幫襯，之前佢哋態度已經好差。我見到其他人都有評論話服務態度好差。今次真係忍唔到，我唔會再幫襯魚米所有分店。如果大家鍾意受氣，歡迎繼續幫襯。呢度有一款好特別嘅麵，叫做睇人「臉」色。

是日黃昏，我地去咗荔枝角附近一帶搵食。諗起已經有段時間冇食過魚湯米線，就醒起喺呢個屋苑商場仲有間「魚米」，可以食吓魚類食品，而且又經濟實惠，於是就去幫襯吓啦！我地約莫六點九坐低，當時只有一兩枱客人，人流唔算太多，我地也樂得耳根清靜。望吓個餐牌，選擇都頗多。而我揀咗平時食開嘅蘿蔔牛腩菜飯套餐，而男友就揀咗香煎比目魚配米線。我個菜飯先到，碗蘿蔔牛腩賣相不俗，份量都唔少，用嚟送菜飯一流。牛腩同牛筋都炆得幾入味而且都算腍，數量就各有兩件，啱曬喜愛補充骨膠原嘅人士。稍後到香煎比目魚登場，算幾大塊又厚肉，肉質尚算嫰滑，但係魚湯嘅湯底似乎加了味精，以致有些少「確喉」。以五、六十蚊一個晚餐嚟講，質素算係中上架喇！

呢度下午茶質素同性價比認真頗高，又有多種選擇，我覺得蜜汁豬扒，鮮蝦韭菜餃，酸辣粉同多春魚都值得推介蜜汁豬扒可以配菜飯或米線，配米線的話可以叫豬扒分開上以保持脆身。豬扒炸得酥脆，再點埋泰式酸辣醬，真心覺得係數一數二好食嘅豬扒鮮蝦韭菜餃配米線有四隻餃，大大粒，每粒入面仲有幾隻彈牙嘅蝦，甚少食到咁鮮味咁夠餡嘅餃，$39真係抵酸辣魚片腩肉米線係我首選，炸醬酸菜惹味，魚片滑，腩肉唔會太肥多春魚係意外驚喜，之前見到有人叫先試下，佢炸得好香好脆，冇腥味，可以成條食曬，下次一定會再叫！

最近實在係老是常係荔枝角出沒，今次試下係D2 place一期餐廳試新野。有幾位一齊食飯嘅朋友話好想食粥，於是搵到呢間餐廳。但我自己對粥呢樣野一直無特別喜好，好少係出面餐廳有想食粥嘅念頭，所以最終嗌咗米線。呢間餐廳嘅米線都幾抵食，30幾蚊就有交易，都算係打工仔其中一個選擇。-腐皮魚角米線份量適中，湯底好清淡，無咩鮮味或調味可言。腐皮口感都唔錯，帶點軟韌。魚角好大塊，但好鹹，基本上係靠魚角嘅過味令成碗麵有返少少味道。-熱柚子蜜跟餐要咗一杯熱柚子蜜，味道正常。入口有少許柚子香，亦帶點蜜香。整體而言，如果對味道無咩要求，想食平野嘅朋友可以試呢間。

第一次黎荔枝角尼間魚米，就寫下食評吧！首先講下讚既...可能係中午黎食，樓面丫姐人手都足夠；落單到送餐，等候時間都算合理。因為喉嚨唔舒服，炸既野唔岩食，所以就叫左個’’蜜汁豬扒菜飯’’。圖片只供參考大家都明，但原來文字都係只供參考？錯啦！簡直係文字與實物不乎添啦！對於餐牌食物既命名我覺得非常之誤導食客，大家有無食過用’’蜜汁’’命名既食物？例如街知巷聞既’’蜜汁叉燒’’、’’蜜汁雞翼’’、’’蜜汁金蠔’’，顧名思義菜式係有’蜜汁’既，係咪？但係你可以睇到下面張相，好明顯唔係’’蜜汁豬扒’’，連送餐黎既丫姐都話尼個餐既豬扒係’’炸’’既！吓？餐牌明明寫’’蜜汁豬扒’’，唔係’’炸豬扒’’喎，英文都無寫係deep fried 喎！點解會係炸既？連丫姐都話，你問公司啦，我唔知。好，我就借Openrice 尼個平台，等魚米回應一下，唔回應都唔緊要，不過一係改左個餐牌，叫’’炸豬扒菜飯’’，一係就真係做返個’’蜜汁豬扒菜飯’’比食客啦。

廚房還可以，但始前線係業務形象包裝，在人唔多的情況下，全店啊姐冇心做，完全冇服務客人意識，只顧方便自己和減省工序！又經常漏單！雖然制服背面繡上心粥館，以心作icon，似乎是公關災難，因為完全唔對現！