魚米 (筲箕灣道)

營業中

休息中

12:54落order，拎住張飛企係門外等好正常，13:00見到有好大袋估計2-3人份外賣，我知唔係我，因為我只叫一人份，所以我繼續等，13:07見到枱面多咗另外2份，有一份單獨一份包裝，估計應該係我，我行入去主動問先俾我，原來外賣企出面要自己主動行入去拎，唔會問下有冇人叫咗外賣？如果一直睇唔到咪一直要等？職員包裝完外賣唔會留意外面有冇人等，直接擺住入面枱上，等人自動入去問係咪自己外賣，當時又唔係爆場，其中一個職員掛住拎住份表睇，都唔會主動了解枱面3-4份外賣，如果我唔係因為剝完牙，附近又無其他店有湯飯都唔會揀佢，唔會有下次

已經多次幫襯，食過豬軟骨肉魚湯米線，豬軟骨炆得軟淋入味，加上魚湯米線內味道很夾，今次叫咗魚鮫酸辣米線，小小辣的魚頭炸得香脆，而魚鮫就外脆內滑，魚湯加上少許酸辣很是絕配

魚米家除了原條煎魚之外，原來這個胡椒豬肚湯飯也是不錯的選擇。豬肚新鮮乾淨，湯底胡椒味亦相當適宜，鹹菜亦十分脆口。加上魚米的午餐size亦相當巨大，啱晒男士們、大胃王飽頓一餐。

同朋友工作關係第一次一早到西灣河搵野食港鐵西灣河b出口出到地面發現開既餐廳唔多（當時7點半左右）見到間魚米門面裝修得幾吸晴就決定試呢間（搵下先知原來魚米有好多分店）試左佢嘅魚米線，湯底重味精味，米線熟到有啲爛，牛肉、燕餃同雞排都普通

叫了外賣，外賣盒都係透明乾淨的塑膠盒，易♻️。送到來還是熱辣辣。湯與米粉分開放獨立盒子。黃花魚，肉質新鮮美味，都係熱辣辣。酸辣魚湯 很好味，飲完。值得推薦，用心餐廳。

風頭火勢，唔敢過海揾食，近近哋喺西灣河算啦！朋友食得清淡，之前喺度食過煎鱼，覺得幾好，就同我再嚟試下入到間店，朋友好熟練咁叫佐餐牌度煎鱼單点45蚊，再加碟娃娃菜15蚊，就60蚊啦，無飲品，比套餐贵好幾蚊，在西湾河区唔算平鱼湯娃娃菜鱸魚煎得太乾，唔juicy猪軟骨莱飯，豬肉比較鞋身 總結集团式經營既餐廳，水準唔穩定，出品一般，但咁嘅價錢，我唔會再嚟食囉

第一次食，一坐入去員工態度極差，問攞餐牌，無人應，等左好耐就係枱底攞出來，應該一早講喇！叫左個豬軟骨韮菜餃米粉，件豬軟骨係麵包味？！另外仲有鹵肉豬扒飯，無汁，重點係豬扒上有魚鱗，唔係唔覺意唔小心既意外，係d魚鱗插左落豬扒度，拔唔到出來先係重點既重點！叫員工來睇，佢竟然話無可能，你盲的嘛？叫你睇仲話無可能，重要全店大叫個客話豬扒有魚鱗要換過，樓面同廚房來來回回都唔知講幾多次！搞到我好似好無理咁！樓面做唔切就咪傾偈喇！原來直覺從來都唔想入來食野係咁既原因！唔會再有下次機會

今日經過西灣河,下午茶去醫下肚,去左魚米食米線,佢地幾大碗,份量唔少,魚蛋都算有魚味,米線夠滑,仲有枝竹,炸魚腐,不過细左Ｄ,40蚊連凍飲東瓜茶係香港區都算抵食

晚飯隨心走進魚米進食，店內較少二人卡位，若一人前往需與多人搭枱共坐，舒適度較低。等了一段時間才有員工遞上餐牌及下單。點了鯇魚腩米線餐，非常多骨，需要小心進食，尤其不適合長者及小童。食物味道方面，鯇魚味道較淡，湯底亦沒有魚味，整體觀感不佳。另外，餐廳中央設有自助區，可自行取水及紙巾。

西灣河魚米質素時好時壞，有時食到霉嘅魚，我想廚房温度高，處理得唔好，令魚變壞，這些都未有令我寫評的衝動。至今天叫了個$59紅衫魚米線，兩條紅衫魚小得像多春魚，和職員理論後亦沒有處理。其實魚米多間分店，不明質素及服務處理參差。望日後多在這方面留意！

小弟係呢頭係機會食個晏 想食清淡啲 除左粥品之外 就諗起呢間 魚米咁啱撞正佢出左特餐套餐 就想試下 叫左個"肉燥帆立貝撈准山麵 "因為平時食開都係魚湯米線加唔同配料 又突然勇士精神發作就想試下 而且用准山麵撈麵又似幾有新意試後品評 -准山麵同肉燥唔太配合 無平常撈麵咁夾-都算清淡偏濃味之選 食完碗底無積油 有些少麵透番出黎既水-餐連野飲 係令cp值有保證 飲品方面 叫左奶茶 水準同一般茶餐廳類近套餐其實仲有平時既湯麵同原條魚連麵 下次都係乖乖食番魚湯底

米線控報到🙋🏻‍♀️小編成日諗吾到食咩都會揀食米線😂 年初四好多餐廳都冇開所以食魚米🙈 好彩吾洗等位入得，呢間專門食魚湯底的👏🏻我地揀左一碗自製魚腐同韭菜餃魚湯米湯，各$36 米線店黎講上菜算慢🙈 果碗有好多件魚腐，米線都算多，咁大碗，$36 抵食呀！👍🏼不過味道就一般喇，魚湯底幾奶白色，但魚味吾夠濃郁，飲到既係似鹹魚味加左味精🤦🏻‍♀️🤔 而呢個魚腐既味道都一般。好在韭菜餃係值得一讚既！！有四大隻！😍 皮夠薄，有好多餡呀🤤 咬落去有肉汁，好正呀！水餃控表示滿足了❤️

今日食左個魚角米粉，點知黎左碗米粉，算數後尾碗內有料，不得了，分別有一條鐵線、一條布、幾塊蛋殼，最後同職員理論，答案係因唔識退錢而無得退錢之後要求賠償一杯熱咸檸七，但黎左杯凍檸七，職員答案係廚房唔識沖野飲相信我以後都唔會再食

真係有啲誠意的米線星期日晚熱到唔太想食飯, 試下新嘢, 平時行開, 門面廣告話自己用心研製, 又見都多客人, 唔太食魚都試下呢間魚米.新開鋪頭地方乾淨光猛,  座位唔太逼,伙記服務OK. 我叫左個 N2海鮮米線($48). 有兩隻魷魚仔, 四隻帆立貝, 仲有廿隻左右蜆仔, 同餐單圖片差不多. 三個餸都幾重味, 好食. 湯底的確有魚味,仲食得出加左胡椒來減魚腥. 另外, 仲有少少芽菜, 腐皮, 韭菜同炸菜. 整體來講, 好食, 的確有誠意. 朋友叫左個魚腐米線魚腐五大件, 我偷食返件, 夠滑, 勁有魚味. 湯底同我碗一樣, 足料. 雖然話係連鎖店, 但呢間米線的確有誠意, 連唔係好食魚嘅我都覺得好食. 另外, 佢嘅另一推介係 原條魚米線. 身邊有好幾個客人一來到就叫, 相信唔錯. 早餐, 下午茶仲抵食, 有機會時再來試下. 

一個意外竟然畀我食到下午茶喎 (其實我真係想食晚餐嘅) 時間係5:46pm 其實西灣河嘅魚米唔係開咗好耐， 聽 d朋友講話剛剛開嗰時出菜好慢， 而且都係集團式經營， 所以都唔會有太大驚喜。 一入去環境簡潔舒適， 始終都係新裝修， 所以都尚算乾淨。睇返餐牌， 下午茶都算多選擇喎， 由$22到$39, 仲包好多款飲品選擇 都算經濟， 仲可以$8 升級特飲㖭因為呢餐係連晚餐嘅， 所以我唔試佢地嘅魚湯米線， 要飽肚我就選擇咗T13 嘅果醋豬軟骨菜飯 跟熱柚子茶 ($39 熱飲無需加錢)果醋唔算太酸， 豬軟骨夠腍， 味道 ok菜飯好味， 柚子足料下午茶份量足， 下次試埋佢地嗰魚湯先