魚鮮生刺身專門店

營業中

休息中

呢個星期又黑雨又打風都少左出街搵食，難得琴日有半日時間可以出街，晏就去左美食集中地登龍街搵食😋間間都想試，最後揀左呢間未食過嘅日本餐廳 日本馬糞海膽丼 $168海膽新鮮，入口即溶，份量合理牛肉日本手拉烏冬 $68烏冬彈牙，超多牛肉，湯底鮮甜燒雞泡魚乾 $58對上一次食已經係幾年前去日本旅行時食，非常香口，份量夠頂癮日本厚豆腐 $28用油揚炸出黎，脆卜卜，上面灑上左鹽粒，配搭簡單但已經夠曬惹味炸芝麻雞翼 $48外皮香脆，肉汁juicy，調味唔錯好岩我口味炸芝士年糕 $38外皮超薄，年糕煙韌，芝士味道濃，有少少牛油🧈味冷蕎麥麵 $68蕎麥麵份量多，冰冰涼涼，醬汁清新岩曬熱辣辣嘅天氣食呢日閒日午餐時間黎食唔洗加一，職員話我地知晚市先要加一，都幾驚喜，日本餐廳黎講超級抵食，食物質素唔錯，值得一試

最近又去登龍街覓食啦！這間低調日本菜小店雖然不是第1次來，但多數是在時間緊迫的午餐時段快吃個熟食丼飯。今次是第一次坐下來，聽著耳熟能詳的日文歌，欣賞店內充滿日本風的裝修設計，慢慢享受美食！三文魚腩5切 $78 / 珍寶甘蝦5隻 $68 / 帶子6片 $68名為刺身專門店，這裡堅持食材新鮮直送。刺身都是厚切，而且新鮮有光澤，味道鮮甜。特別喜歡帶子，非常爽甜高質，略嫌三文魚腩不夠肥美，未有爆魚油的感覺。整體刺身質素不錯，價錢也不貴。三重蟹丼 $188這個丼飯很豐富，分別有蟹肉、海膽和鵝肝，全部都是邪惡的食材。蟹肉應該是現拆的，吃得出有一點點蟹殼，但不礙進食，總括而言也是啖啖肉，和海膽一樣很有鮮味。鵝肝以蜜汁炙燒過，外脆內Juicy，帶點甘香，用來拌飯一流！

午市時間去咗美食林立嘅登龍街搵嘢食，見天氣幾熱就揀咗間食日本嘢嘅魚鮮生，餐廳嘅選擇都唔少，刺身、壽司、小食、熟食等都一應俱全，實在睇到我眼花撩亂啊🤣• 極上壽司定食 $388定食會包括埋湯同前菜，價錢雖然唔平，但壽司質素實在唔錯！最鐘意肥美嘅中拖羅，有入口即溶嘅感覺，另外赤貝都幾鮮甜，overall嚟講用料新鮮冇腥味👍🏻✨• 雜錦魚生丼 $88午餐價錢相對抵食，個飯上面有粒粒魚生，份量絕對足夠，特別在面頭放咗粒生雞蛋，撈埋一齊食口感更加順滑😚• 鮮鳯趾生蠔 $68另外嗌咗隻生蠔止止口癮，蠔肉飽滿有光澤，海水味較淡，味道清新而且帶子位好大粒😛• 特上刺身盤二人前 $188包括咗三文魚、赤蝦、池魚同海膽，每片刺身都切得幾厚身㗎🧡• 厚燒鰻魚大蝦卷 $68入面嘅大蝦係新鮮炸起，keep到脆卜卜同埋蝦肉保持到嫩滑，加上濃甜嘅鰻魚，oishi ne！

疫情下去唔到日本旅行，唯有食下日本野止下癮。前排屋企人曾來過「魚鮮生」食晚飯，盛讚呢間餐廳嘅食材夠哂新鮮。對日本野有高要求嘅我當然要即刻約朋友食啦。店內裝潢極具日式風格，牆上貼滿日文字嘅食材海報，一齊去日本旅行嘅回憶返哂黎。料理款式選擇多，除了刺身壽司、小食等，午餐亦有提供特色丼飯定食，價錢大眾化得黎仲免加一👍芒果蟹肉沙律沙律菜十分新鮮，咬落清脆。清甜芒果和沙律醬更能帶起蟹肉嘅鮮味，入口清新，好滿足!牛油果炸蝦卷朋友大愛這款卷物，單係睇到賣相經已流哂口水。卷物表面先鋪上成熟的牛油果，再鋪上沙律醬和蟹籽，卷物內層配爽脆炸蝦，口感豐富，滋味無窮!北海道仙鳳趾生蠔肉身肥厚，肉質嫩滑，味道甘甜，令人一試難忘!三色鮮味丼定食三色是由帶子、蟹肉同熟蝦組成。賣相很吸引，且份量十足。帶子厚身又鮮甜，蟹肉味濃，熟蝦亦非急凍蝦，爽口彈牙。成個飯壓得好實，撈上蛋汁加倍美味。每份定食皆附湯及小食，湯係蜆肉昆布麵豉湯，鮮味十足。比較少見小食係刺身，希靈魚刺身同樣好新鮮，誠意滿分!手握壽司厚切的火炙三文魚腩和火炙左口魚邊壽司帶點焦香，入口即溶。朋友很喜歡芥粒八爪魚壽司和甜蝦壽司，大讚壽司飯口感佳，好好味。燒物共點

今日係銅鑼灣同女朋友行街經過登龍街就肚餓女友見到呢間名稱特別既日本店就想入去試吓有多款新鮮當造刺身，有分魚類 貝類 蝦/魚籽類，好仔細亦有壽司，丼飯鮮鳳趾生蠔蠔身肥美結實，加上檸檬汁食已經足夠調味有天然既海水味咸度剛好完全唔腥，證明好新鮮喜愛生蠔既我表示好高質本鮪丼丼飯連沙律及湯拖羅好肥美份量亦好足料每一啖都係享受(左起)燒三文魚腩壽司，燒左口魚邊壽司，三文魚腩壽司，蟹膏壽司全部都係即叫即做火炙既壽司好香口，火喉控制剛好師傅功力深厚三文魚腩好厚切，好抵食推薦！

呢間舖頭一直都係我嘅口袋名單裏邊，雖然舖頭嘅外表平平無奇，但係食過嘅朋友都覺得好正，所以終於的起心肝同朋友去試吓。一入到去估唔到餐廳走懷舊日本昭和風格，有超級多嘅日本poster模型，配合返懷舊嘅日文歌曲真係勁有feel。今次我哋叫咗極上壽司定食，拖羅丼定食，同埋帶子加三文魚刺身。首先出場嘅係拖羅丼定食，一睇張相就知道佢用了好豐富，拖羅，炙燒拖羅同埋吞拿魚茸都喺同一碗飯入邊，仲要加入識得動L嘅蛋黃，真係睇見都已經好想食！每一口都食到吞拿魚唔同嘅口感同埋油香，每塊魚肉都好大塊而且超新鮮，而家諗起都好想食多碗啊！極上壽司定食一份有十種唔同種類嘅壽司，每一款都好新鮮，而且佢哋都遵從日本嘅方式唔會有太多嘅白飯，可以完完全全享受到海鮮嘅鮮甜味。我自己最鍾意係佢嘅海膽壽司，入口會滲出海膽獨有嘅鮮甜味出嚟，完全唔會有坊間嗰種好臭嘅海水魚腥味，同喺日本食到嘅味道有得揮架。炙燒左口壽司我自己都好推薦，因為表層有烤過嘅關係，所以入口油香十足，而且魚嘅肉質都保持得好好唔會好乾，油香滲入壽司飯真係一流嘅享受！我同朋友仔另外叫咗三文魚腩同埋帶子刺身，三文魚腩刺身每一件都係厚切超大件，每一口都食得出新鮮三文魚嘅味

最近發現一個午餐非常好嘅選擇！係喺登龍街，小小嘅一間日本餐廳，午餐餐牌，唔需要+1😁😁一心想嚟依度食吉列鰻魚，所以點左吉列鰻魚丼， $88。仲有前菜，湯。環境方面，餐廳有上下兩層，相信座位應該都算好多，尚算整潔。呢個吉列鰻魚丼果然冇令我失望，吉列鰻魚非常好食！佢哋嘅吉列炸漿好簿，但係非常脆。鰻魚口感肥美，又夠熱辣辣，點沙律醬最好食！如果鰻魚嘅份量可以多一件，就更加理想，因為而家唔係好夠送飯😅😅

燈籠店出名多野食，今次試呢間魚生刺身壽司小店好有驚喜！❤️ 新鮮鮮甜刺身sss 海膽 三文魚 池魚 甘蝦 帶子 拖羅面頰 刺身全部都厚切大大片，甘蝦大大隻，帶子海膽勁鮮甜🧡 三重蟹丼 真蟹肉x海膽x鵝肝 啖啖飯拌住蟹肉海膽，每1啖都食到幸福感，味覺大滿足！💛牛油果炸蝦卷 牛油果軟滑+炸蝦外面脆卜卜，蝦肉夠新鮮彈牙，好味！💚白咖哩手拉烏冬 烏冬質地煙煙韌韌，好中意呢個texture既烏冬！豬扒炸到外脆內嫩，就算食得慢攤凍左都完全唔會油膩!!刺身卷物熟食都好高質，好值得再去！

( ͡° ͜ʖ ͡°) 日 本 菜❝/ 昭和風日系小店/ 新鮮刺身丼飯 滿足你的味蕾❞▪️極上壽司定食 $38810件壽司𝚜𝚎𝚝 跟前菜同蜆肉麵豉湯非常新鮮 海膽好味會腥拖羅夠哂肥美入口即化牡丹蝦活赤貝爽甜 正呀兩個人𝚜𝚑𝚊𝚛𝚎相當唔錯▪️拖羅丼 $168拖羅魚蓉埋炙燒拖羅同拖羅一次過滿足好鍾意吞拿魚嘅我加埋隻日本生蛋撈飯 令佢更上一層樓 𝚘𝚒𝚜𝚑𝚒!!!!▪️三文魚腩刺身 $78刺身有冰鎮 好厚切 非常肥美口感好正 好滿足啊～▪️帶子刺身 $68有幾片檸檬墊底 令到帶子有陣陣檸檬香大大粒 口感佳帶出鮮甜清新感覺推介指數：🌟🌟🌟🌟/ 5

見呢度嘅拖羅刺身幾齊全，諗都唔諗就叫朋友點呢個。赤身，中拖羅，大拖羅，鮪腦天，吞拿魚茸。嚟到嘅時候已經急不及待想食。店員有教我哋由邊度開始食起會好啲。因為大拖羅係有根而令我最滿足嘅依然係中拖羅，同食到第一次食嘅鮪腦天，店員仲話叫我哋下次試吓燒既，話仲出色。拖羅係做到入口即溶嘅感覺，所以你明白點解我鍾意食啦？鮮鳳趾生蠔 $68@1時令生蠔係呢一款，第一次聽，但食落去正正常常燒雞泡魚乾 $58我同朋友異口同聲地話雞泡魚乾好好送酒，然後下秒就落單了燒牛舌 $58居酒屋要飲酒，依然係唔少得牛舌，夠厚有咬口，幾好叫得全部都係送酒既食物，又居酒屋，當然要order酒。白鹿千年壽 300ml $178呢款酒同啲食物真係好夾，中和左，嚟呢度一定要食刺身飲清酒居酒屋嘅環境其實佢仲有好多唔同嘅定食，如果有選擇困難症可以選擇定食一定夠飽

太耐冇去日本旅行🇯🇵，真係有啲掛住～咁所以呢日揀咗間好有日本風情嘅居酒屋🏮嚟食返餐～燒荔枝豚肉🐷全餐飯最令我深刻嘅應該都係佢，未計本身已經燒到好香口、熱辣辣嘅狀態，仲要一咬落去會先有荔枝嘅甜味同清香撲鼻，再混入豚肉汁，呢個配搭食得我好開心！！😃海草帶子沙律🥗本身食物盛器嗰個透明玻璃杯已經好吸引我，再有海草嘅爽脆加帶子嘅鮮甜做配搭，感覺好清新～燒雞泡魚乾🐡🐡甜甜脆脆，又有咬口，味道唔錯嘅～分量亦都算十足！我就覺得可以一試嘅～鮪臉頰肉壽司🍣喺Menu度睇到呢款壽司覺得好得意😎，所以就點咗嚟試試～食完之後比較深刻嘅，我諗會係佢嘅口感，比起普通鮪魚壽司更有咬口， 不過小弟就唔建議「冇牙力」嘅人食😂馬糞海膽壽司👹海膽控嘅我，梗係要試吓佢嘅馬糞海膽壽司，有我鍾意嘅海水味🌊🌊亦都有我要嘅鮮甜，同埋入口即溶嘅效果～不過略嫌海膽嘅份量唔係好夠！！差啲覆蓋唔到下面嚿飯⋯⋯🙊🙊🙊整體嚟講，所有嘢食都整得好有心思，有返相應嘅擺盤，做功巧妙又有feel！！🐣

燈籠街日式刺身飯隱世小店呢個lunch set $98 不用加一油甘魚好新鮮..近年因為怕三文魚寄生蟲問題我就食油甘魚多左☺️刺生飯係用日本產既飯我覺得比起其他店佢既飯係比較軟糯..加埋蛋汁一流🧡今日side dish係希靈魚刺身😵其實好少人食希靈魚…我同同行一位友人就唔鐘意..食唔到都好浪費食物..希望餐廳換d比較大眾化既side la..但set既魚生飯選擇就比較單一..希望遲啲餐廳都會轉下menu..可能加多d不同刺身配搭更好！另外都有d熟食選擇..整體黎講性價比非常高應該會再嚟幫襯！

今晚屋企中秋做節晚飯，我哋八個人，早一個禮拜book咗魚鮮生，分兩枱坐。一入餐廳感覺鋪面好細，驚會坐得好迫，但好彩侍應帶我哋上2樓，上面原來好闊落，完全冇人。侍應話有三款活魚料理，$528一條，我哋點左「長尾鯛」，魚肉新鮮，加上酸酸地嘅汁，好味。深海池魚兩切➕三文魚腩五切➕油甘魚八切，全部厚切，好新鮮好味活赤貝刺身四隻，爽脆冇腥味，加分位係裙邊用小卷上，味道清新特別極上壽司定食，每件都好新鮮足料，但我之前食咗太多魚生，之後一個人真係食唔晒，最後幾件只係食咗上面嘅魚生，冇食下面嘅飯😅珍寶帶子壽司➕金目鯛壽司➕鰻魚壽司➕鵝肝壽司➕螢光魷魚壽司。個珍寶帶子壽司真係好大件，正。我侄女話未鰻魚壽司真係好好食。呢款日式炸豆腐，口感鬆化，完全唔似豆腐，有驚喜呢款冷蕎麥麵，夏天食最啱我哋眼闊肚窄真係食唔晒，叫得太多只好打包，侍應阿姐幾好，俾咗個壽司外賣盒我哋，用膠紙好細心咁將四邊貼好👍🏻呢度值得一讚。唯一要改善嘅係上菜實在太慢，要催左幾次，懷疑佢有冇落單，但佢好肯定咁話有，我哋足足食咗兩個鐘。

係銅鑼灣 要搵好野食 好多都要book，walk in多數都無位 呢間見食評都唔錯 又話日本直送刺身 又有位 即管試試佢 叫左三樣野 一個極上xxxx $388 10件壽司 影相係幾靚 不過質素認真一般 海膽軍艦 一個字 腥 其他無驚喜 一個吞拿魚刺身拼盤 $288 話有中拖羅 大拖羅 同埋2片忘記左係咩 結果竟然係食落都分唔到邊件中拖邊件大拖 其中幾件都係有筋 絕對唔值最後想比多次機會佢 加單叫多個三重蟹丼 $188 面頭塊海膽 一擺入口 真係搞唔掂好想lur返出黎 不過唔想咁失態夾硬飲啖茶吞左佢 之後就有一堆蟹肉碎加2塊鵝肝 埋單 2個人 連埋加一$950 真係有小小接受唔到 我形容真係頂多都係板長/壽司郎級數 一千蚊兩個人 可以食到其他好多好野了

銅鑼灣登龍街超多拉麵店日本餐廳🍴啲間魚生飯專門店雖然細細間，但款式都好多。Lunch time 有lunch set, 比夜晚會抵食好多。叫左三色海鮮魚生飯定食（$98）午餐唔係加一，定食有味噌湯同餐前小食味噌湯係蜆肉個隻，都幾鮮味我估啲料未必次次一樣，今日啲個有3隻熟蝦🦐、2件開半鮮帶子、蟹肉🦀、蟹籽。個飯有加生蛋黃，會滑口啲😋蝦都爽口唔錯。帶子個肉唔係太厚肉，唔係話好鮮甜。蟹肉偏鹹左啲，不過配飯還好。飯係壽司飯，不過仲暖未凍曬，有啲怪。