影片
開飯介紹
以多種鮮魚泡製招牌魚湯底，鮮味可口不含味精，可選湯飯或湯米線。
繼續閱讀
獎項殊榮
最優秀荃灣開飯熱店 (2011)
營業時間
今日營業
12:00 - 22:30
星期一至日
12:00 - 22:30
以上資料只供參考, 請與餐廳確認詳情
相關文章
作為一個魚湯米線控，聽咗呢間舖個名咁多年都未有機會食，今次終於買外賣試吓。叫咗招牌炸魚餅魚湯米線，發現佢係係滾水湯一般嘅魚湯，一啲味都冇，完全係侮辱咗自己個招牌，一路食一路唔知自己食緊乜仲慘過自己煮。朋友叫咗粟米肉碎魚湯泡飯，唔明點解連粟米都可以咁唔好食。明明炸魚餅係有味而且係鹹得滯，點解個湯可以連鹹味都冇，仲要買外賣唔出聲係唔會俾餐具你亦都唔會問你要唔要，見到舖頭入面咁多人真係唔知大家係唔係冇咗味覺？
繼續閱讀
🐒😋大家知唔知「鱻」點讀？今日去咗魚鱻魚湯專門店一睇個名就知全部都係魚🐟田雞鯇魚尾魚湯米線 🍜🍜大大隻斬哂腳趾嘅田雞 再加咗鯇魚尾 $13仲要有兩條尾呢個價錢邊到搵呀 💰💰酸辣 麻辣 肉碎 白花魚呢個酸酸辣辣幾惹味 🌶️🌶️但我略嫌有小小搶咗魚湯嘅味道本身都未食過白花魚 佢唔多骨而且都算滑身👍🏻自家製炸餃子 🥟平時食開啲餃九成九都係用豬肉包佢呢款都係用魚肉 + 蔥 🌿🌿加上佢即叫即炸 好好食😋？
繼續閱讀
值得推介的一間小店，雖然做街坊生意，而且店舖不大，又無乜點樣去裝修。但食物質素十分高，湯底鮮甜，感覺絕無味精成份，食材新鮮。呢啲咁用心經營既地道小店，真係買少見少。
繼續閱讀
魚鱻魚湯專門店，昔日荃灣名物，唉...真係今非昔比啊！😔記得以前去食，簡直係一種享受。🐟🍜 嗰陣時魚湯係老闆每朝用新鮮嘅魚煲出嚟，味道鮮甜無比，飲到連嘴唇都香埋。😋 原條魚魚湯米線真係必食之選，鮮味得嚟又夠滋潤。👌仲有嗰啲生炸雞翼、炸魚片同炸魚餅，香脆可口，配埋個魚湯真係絕配。🍗🐠 以前真係成日諗住快啲收工去食，成個人都充滿期待感。🤤但係而家...唉...真係大失所望。😞 魚湯明顯係用粉開，味道淡而無味，有時仲會有陣陣魚腥味，飲完真係好唔舒服。🤢 職員態度都變得差咗好多，好似你去食嘢係佢哋嘅負擔咁。🙄 環境更加係一言難盡，又擠迫又唔太乾淨，真係食得好不安心。😰以前成日諗住去食，而家真係避之則吉。🏃♂️💨 已經好少再幫襯喇，除非真係冇得揀先至會去。😑講真，睇住間舖由盛轉衰，心入面真係有啲難過。💔 希望佢哋可以知錯能改，返返去以前嘅水準。但係睇嚟希望渺茫...😕如果你以前未試過佢哋嘅嘢，而家真係唔推薦你去喇。🙅♂️ 香港有咁多好嘢食，不如搵第二間啦！😊👍 唔好浪費你嘅時間同金錢喺度喇！💸
繼續閱讀
三個魚字讀咩音? 第一次經過就要我即刻問姓谷個位哥哥, 原來係讀「鮮」。 平日午餐/下午荼時段, 呢個55蚊套餐, 可以揀一款主菜(魚餅、雞翼、豬扒, 潮州魚片)。 佢地既炸野好出色, 呢四種都好好食, 令我急性選擇困難症立刻發作! 個餐仲包埋凍檸茶/水, 糖漿自己加, 唔洗叫小田, 如果唔係伙記姐姐又會「提醒」第一次來既您。湯: 食麵既湯底, 一定要夠鮮味。 佢地既湯底, 係可以好鮮味, 不過質素唔夠穩定, 時濃時淡。 如果你好彩, 食到full strength既湯底, 乜餸都唔洗, 淨係飲湯食米線, 已經夠晒滿足。芫荽控sorry啦, 芫荽要加三蚊, 不過蔥就免費, 有一大湯羹。 伙記姐姐落單時, 會問清楚要唔要蔥同芫荽。麵: 如果唔想食米線, 可以叫湯飯。米線份量係ok夠既, 啱啱好, 唔太多、唔太少。餸: 呢道好多原條靚魚揀, 不過佢地既鯪魚肉已經好吸引, 仲平好多, 特別係煎魚餅。個套餐除主菜外, 仲可以揀多兩款餸, 豆卜係包埋既, 我通常叫魚滑做膽。 叫菜其實有少少笨! 首先, 隻碗唔係特別大, 本身已經有少量菜(黃牙白), 再叫菜會加菜心, 不過無位擺太多, 所以得幾條。但係, 有菜食係我揀佢地既原因之一。大家記得食多D菜呀!伙記姐姐對食客有D要求, 例如個袋可以掛去牆上個勾, 拉車仔、拉喼要泊係指定地點, 之類之類... 多數係溫馨提示, 不過呢家野好睇你點睇, 有時忙起上嚟, 會令人覺得語氣唔恰當、命令式、嘰嘰趷趷、阿媽教仔咁樣。一般嚟講, 三個姐姐有兩個都係nice既, 埋單收錢會講多謝。有次有兩個哥仔唔生性, 雞啄唔斷咁高談闊論, 伙記姐姐驚佢地口水多過茶, 噴晒D口水落盎辣椒油道, 呢兩條友又用完遲遲都唔冚返個蓋, 伙記姐姐就埋嚟叫佢地冚返個蓋, 哥仔比人趷, 當然唔理, 伙記姐姐總共叫咗三次, 有提及係衛生問題。 哥仔轉台, 不停用英文話有無搞錯, 以為全香港得佢兩位識英文。 呢次, 我要企伙記姐姐個邊。
繼續閱讀
您可能會有興趣的...