鮨一日本料理 (大壩街)

營業中

休息中

今次同朋友去到荃灣諗緊食乜 行行下見到有間日本野好似唔錯 見入面都多人食 就去試下♡秋刀魚刺身 $138秋刀魚刺身係店員大力推薦既期間限定 咁店員推介得應該都係招牌黎 上到檯擺盤做得好靚 起左肉既秋刀魚就好似條龍咁捲起 刺身食落唔會腥都幾鮮味 如果真係怕腥 佢配搭左個薑蔥醬油都幾夾♡炸秋刀魚骨頭先食完既刺身店家會收番個骨架去做一個炸魚骨既小食 好酥脆好好食 真係成條魚都食晒 一d都唔浪費♡深海池魚王刺身（半份） $128師傅都切到幾薄 油脂感非常厚入口又夠爽 佢會跟一個佢地自製既酸汁 我覺得點完之後油脂個個膩既感覺會降低左同時又令件魚個層次感多左♡特上十貫目 $318有十款唔同既壽司 師傅握壽司飯既緊實程度掌握得好好 有中拖、大拖、赤身、海膽、三文魚籽、帶子、甜蝦等 每件都好好食♡魷魚壽司 $44魷魚壽司係我最鐘意食既野 呢到個魷魚處理到好爽脆♡辣酒煮蜆 $65呢個煮蜆真心癲 如果唔係我食飽一定再叫多份 佢個湯酒香味好充足 而且帶有d辣味 我飲左成兩碗 d蜆肥美到咬落去個蜆既鮮味直頭想爆出黎咁 呢個黎呢到真係必點♡鹽燒三文魚鮫 $48個面燒到焦焦地食落個皮勁脆口 魚肉緊實得黎帶到個油香

高質親民日本菜鮨一的午市饗宴 🍣在繁忙的都市生活中，能找到一個既美味又實惠的午餐地點，實在是難能可貴。最近我嚟到位於荃灣的日本菜鮨一，呢度午市套餐只需五十幾蚊起，令我對這次的美食之旅充滿期待。🧀 **酒盜芝士** 酒盜芝士係一道特別菜品，酒釀的香氣與芝士的濃郁相互交融，讓人感受到一種獨特的風味。配上餅乾讓人感到清新！🌊 **千層海膽飯** 首先上桌的是千層海膽飯，這道菜的外觀令人驚艷，金箔的點綴讓整碗飯顯得格外奢華。海膽的鮮甜與米飯的香氣完美融合，每一口都能感受到海洋的味道。米飯的口感軟糯，搭配上新鮮的海膽，讓人忍不住一口接一口，真是令人陶醉的美味。🐟 **秋刀魚刺身** 秋刀魚刺身色澤鮮艷，刀工精緻。魚肉的質感滑嫩，入口即化，伴隨著淡淡的海味，讓人感受到秋刀魚的鮮美。搭配上特製的醬油，味道更加升華，讓我不禁想要再來一份。🍊 **蜜柑鯛魚薄切** 蜜柑鯛魚薄切則是一道清新的選擇，魚肉的鮮甜與蜜柑的香氣相得益彰，讓整道菜充滿了層次感。薄切的魚片在口中輕輕滑過，讓人感受到一種清爽的愉悅，特別適合在炎熱的午餐時光享用。🔥 **鹽燒活白鱔串** 鹽燒活白鱔串係呢次次用餐的另一個亮點。

無意中發現呢度有千層海膽飯，Happy Friday就係要happy下，安排坐bar枱，全程都唔係食得好自在，太多店員響身邊徘徊，價錢嚟講正常價位，食物質素就一般般，試一次就夠。🥢西非蠔 $49x2⭐️⭐️⭐️⭐️肥美飽滿有海水味，鹹中帶甜，好creamy好好味。🥢活赤貝刺身 $52x2⭐️⭐️⭐️⭐️好鮮好爽脆嫩滑，一啲腥味都無，一人一隻都好似唔太夠喉。🥢鹽燒鯖魚 $48⭐️⭐️⭐️⭐️鯖魚燒得好香好惹味，皮脆肉嫩多汁，送酒一流。🥢鹽燒牛舌串 $45⭐️⭐️⭐️⭐️厚燒牛舌爽口彈牙，味道調得剛好，令牛舌味更香濃。🥢燒雞肝 $28⭐️⭐️⭐️⭐️味道甜甜地唔錯，雞肝唔會燒乾，保留到粉嘅口感。🥢燒玉子 $28⭐️⭐️蛋香但唔夠嫩滑，口感一般賣相一般。🥢鮨一千層海膽飯 $298⭐️⭐️最期待嘅海膽飯，但係海膽堆放得hea，味道我覺得怪怪地，同我平時買 B grade嘅海膽味道唔一樣。🍺Sapporo $32二人共消費：$749

店內佈置很有日式居酒屋🏮的感覺，有吧枱亦有普通枱。食物有驚喜，店員亦很親切友善。🔶✨豐盛丼✨絕對係因為呢個吸引到我來，午市半價就食到，超級豐富足料，放滿海膽、三文魚籽、吞拿魚蓉、赤蝦，每款材料都好新鮮，特別鍾意海膽鮮甜入口即溶，每一啖都好滿足。🔶✨原條池魚刺身✨池魚肉質鮮嫩肥美，食落有魚油甘香，配酸醋汁食好夾，亦可以加薑蔥點醬油食。🔶✨甲羅燒✨香濃的蟹膏+ 蛋黃撈勻，配埋烘到脆脆的多士一起食，食起嚟好甘香。🔶✨三文魚籽薯蓉沙律✨球型的薯蓉口感有層次，香滑軟綿，沙律菜新鮮，加上三文魚籽提升鮮味，非常開胃。🔶✨鹽燒活白鱔串✨🔶✨鹽燒牛舌串✨串燒有驚喜，火喉燒得啱啱好，白鱔厚肉，外皮香脆，食落彈牙又鮮味；牛舌串爽口又Juicy 。🔶✨魷魚壽司✨魷魚新鮮晶瑩剔透，清爽鮮味。

依家天氣開始轉涼🍂，除咗打邊爐🍲之外，日本料理🍣🍱我都係食極都唔厭❤️今日係荃灣廣場行完街就過左黎對面街既鮨一日本料理開餐呢間鮨一係我係荃灣區最愛既日本餐廳食左咁多次水準都keep到而且價錢好合理⭕️秋刀魚刺身🐟秋天先有得食嘅秋刀魚肉質鮮甜彈牙，配搭薑蔥食更加提升到味道師傅👨🏼‍🍳刀功非常之好，完全唔會怕被骨哽到💯特上十貫目🍣由廚師發辦，用今日精選嘅刺身作為壽司全部都好新鮮，而且厚切口感更好個人最鍾意大拖羅油甘魚同埋左口魚醋飯嘅酸度係我鍾意，飯嘅口感都唔會太黏西非蠔🦪大隻肥美鮮甜，一啖擺落口非常滿足甲羅燒🦀濃烈嘅蟹膏同蛋黃撈埋一齊配搭埋烘到香脆嘅多士真係夠晒邪惡海膽飯(小)❣️用上日本海膽加埋吞拿魚蓉加埋紫菜食 每啖含金量非常之高鹽燒活白鱔串🐟&黑豚腩串🐷調味啱啱好白鱔唔會有泥味 都幾厚肉黑豚腩串燒到好香口肥瘦好均勻，唔怕食到成口肥膏呢餐真係大滿足🫶🏻其實仲有好多嘢想食，但係食唔落下次要叫多幾個人一齊食❤️

要食最新鮮嘅日本料理，就要掌握海鮮的時令時間。位於荃灣海壩街嘅日本料理餐廳，地理位置方便，師傅以供應新鮮嘅Omakase菜式，時令鮮活係吸引之處🍣特上十貫目深海池魚、左口魚、拖羅、吞拿魚、油甘魚、甜蝦、魷魚、帶子、海膽雲集多款口味的壽司，海鮮味道鮮甜又富海水味鮨一千層海膽飯 💕超浮誇瀑布式海膽飯💯海膽量幾乎滿出碗配上超高貴的金箔，滑嫩又極度鮮甜美味吃完超滿足秋刀魚刺身爽甜的口感之外，還有陣陣鹹香的海水味，吃起來份外特別鹽燒活白鱔串鱔燒至外皮脆卜卜，肉質緊緻嫩滑💕魚油甘香鹽燒牛舌串爽脆的牛舌肉切成條奉客，吃起來爽脆富嚼勁雞腎串肉質爽脆，飽滿多汁，加上自家製秘製醬汁，令到味道更上一層樓鮨一日本料理荃灣大壩街

今晚老公放工話要到荃灣廣場攞野，聽聞附近大壩街有間開業有一段日子既日本料理頗受歡迎，我哋便揀這間鰭一日本料理晚餐。三文魚籽薯蓉沙律$58特別的配搭，效果相得益彰，作前菜令日開胃🤣特上十貫目$318魚生新鮮鮮甜，海膽新鮮味濃，三文魚籽，拖羅，三文魚主要是腩位油膩充足，帶子亦十分厚肉，整體食材有一定既質數，飯調味亦恰到好處👍🏻秋刀魚刺身$138魚鮮甜唔覺腥，師傅顯刀功，每片厚度適中，入口細膩有口感，侍應還提意將剩餘的秋刀魚骨鹽燒，物盡其用，味道唔錯伴酒一流👍🏻甲羅燒$98賣相己吸引，蟹膏味濃瑞配香脆西多士一起食仲有一番風味😋鹽燒油甘魚鮫$98感受到師傳用心去燒，不溫不火使油甘魚皮香魚肉仍嫩滑👍🏻明太子雞翼$45雞翼去骨釀入明太子再香燒烤後每啖都滿足🤭鮨一日本料理 (大壩街) (荃灣)荃灣大壩街79號地舖

我嘅好閨蜜👯‍♀️搬咗去荃灣, 佢咁鍾意食🇯🇵日本嘢帶佢去鮨一一定最好不過😛， 今期佢哋仲推出咗一季節二人套餐限定而家做緊特價$388 位（雨位起）😜✨樣樣嘢食我哋都超級鍾意❤️，尤其是個金箔日本海膽🧡魚籽杯， 係女仔都會超級鍾意食完一杯之後我仲想encore😂😂😂🤩連埋甜品總共11道菜， 呢個價錢同呢個質素真係冇得輸🥳🥳🥳蟹子沙律🥗漬物二品😊味淋魚干🐟時令生蠔🦪刺身盛合四品🍣日本海膽魚籽杯和風糖度蕃茄🍅唐揚炸雞配明太子醬🍗櫻花蝦蔥吞拿魚魚腩卷❤️溏心蛋蜆肉味噌湯烏冬🍜抹茶💚蕨餅配紅豆蓉🫘

世一海膽飯之選✨高質日本料理小店比起普通居酒屋有更多選擇刺身師傅每次都會推介時令食材而且親身介紹獨特嘅食法👍🏻今次試左幾款出面較少機會食到嘅料理 廚師推介🌟🌟 魴彿魚、秋刀魚刺身今天有機會食到新鮮秋刀魚刺身，魚肉質感好特別，配廚師秘製醬汁，酸酸地帶出獨特鮮味；第一次食魴彿魚，配薑蓉蔥醬油，魚肉味道較清較鮮甜👍🏻 🌟 鱈魚白子白子係季節限定食材，而鱈魚白子味道會較濃，口感綿滑，入口即溶，味道更細膩 🌟 鮟鱇魚肝魚肝質地幼滑，加入高湯更能帶出原有味道，油脂香氣滿滿 🥢 鮨一千層海膽飯（小）之前小妹在餐廳另一分店已經介紹過，今次荃灣分店近推出優惠，而且質量保持水準，每次食感覺都好幸福🥰 特色料理✨🥢 蟹肉牛油果凱撒沙律🥢 牛油果軟殼蟹反卷🍢 串燒 - 鹽燒牛舌串、雞腎串、雞中翼串

荃灣廣場對面，西鐵行過嚟10分鐘內好易搵，地方乾淨舒服有吧枱，放工嚟食有種日本人放工同朋友去居酒屋傾偈感覺😂🎣特上十貫目 魚生幾新鮮，海膽、三文魚籽、拖羅比到應有嘅高級質素👍🏻，個人鐘意飯調味酸多小小⭐️深海池魚王刺身（薄切）推介肉質細膩有彈性，有齒頰留香的油分，配埋酸汁係2種風味⭐️秋刀魚刺身 而家係食秋刀魚季節，魚肉甘甜無腥味，厚度適中，同池魚一樣，擺盤都好有心機清酒煮蜆 上枱有驚喜，哩個價錢竟然有咁大隻蜆同無沙亦夠新鮮度，清酒味唔會太搶浸住蘿白幾甜鹽燒牛舌芯 & 鹽燒白鱔串一次過滿足食刺身再食啲熱食啱啱好，串燒帶蒜香調味，口感惹味對於日本菜尤其刺身有要求嘅我，餐廳幾有驚喜同高質素，特別係生食類，下次會回訪再試下唔同季節當造食物🤤🤤

荃灣西，集團式餐廳林立，今次朋友帶我試吓小店「鮨一」。店內座位不多，勝在坐得幾舒服，服務又不錯！🔸原條池魚刺身：刺身好新鮮、嫩滑彈牙有咬口，配埋薑蓉又另一種風味，仲要擺盤好鬼靚！🔸特上十貫目：壽司拼盤足料又新鮮，特愛海膽、帶子及拖羅壽司，全都鮮甜肥美，帶子及拖羅啖啖肉，海膽入口即化。🔸甲羅燒：蟹蓋裡放滿暖暖的蟹膏及新鮮蛋黃，將蟹膏及蛋黃搽上麵包，鹹鮮味美的蟹膏與焦脆麵包好夾，口感多層次，正！🔸鹽燒三文魚鮫：焦香的三文魚鮫，啖啖肉之餘，肉質嫩滑、多汁、味鮮，調味又適中，完全顯示了廚司控制火候的功力。🔸鱈魚白子：如果不是朋友推介，小編一定唔敢試。鱈魚白子魚味濃郁，質感外層微脆、內creamy，配埋鹹鹹的蟹籽，不錯。🔸鮟鱇魚肝：第一次食魚肝，味道令人驚喜，口感滑順到似食鵝肝，完全唔膻唔腥，同時帶有濃湯的鮮甜，口感又有點似奶油。店員好好，知兩個人食唔倒太多，建議各叫半份鱈魚白子及鮟鱇魚肝，可試多啲嘢外，又唔會浪費食物👍🏻

同朋友去試左個套餐$388一個人，咩都唔洗諗～🔹蟹籽沙律🥗好大碟滿滿蟹籽🔹漬物兩品🔹味淋魚干🐠暖暖地又腍身幾香口🔹時令生蠔🦪Size頗大隻🔹刺身盛合四品🐟有三文魚、油甘魚、八爪魚🐙、帶子🔹日本海膽魚籽杯🍽️海膽同魚籽份量好多🔹和風糖度番茄🍅細細粒好cute~🔹唐揚炸雞配明太子醬🐔好脆口個醬點綴左🔹櫻花蝦葱吞拿魚腩🐟紫菜要快食呀會變林🔹糖心蛋蜆肉味噌湯烏冬🍜個湯幾難忘啊好鮮😌🔹綠茶蕨餅🍵有個甜品作結～

香港食日本野愈黎愈多選擇，總有一兩間屹立不倒！今次揀左荃灣「鮨一」🇯🇵🔸蟹肉牛油果凱撒沙律🦞滿滿既蟹肉同牛油味撈埋一齊！上面仲有一層蟹籽🦀食落勁鮮！🔸秋刀魚刺身🔸深海池魚王刺身（半份）今次嗌左兩款刺身，一款紅肉一款白肉，秋刀魚刺身係季節限定‼️擺盤已經十分精緻，配埋薑䓤豉油，肉質比較實魚味好突出👍池魚肉質比較彈牙，好新鮮🙌🔸上十貫目依個壽司拼盤真係性價比之選🈹可以一次過食晒幾款貝類魚類仲有海膽🍣最出色一定係海膽，意外地好鮮甜😋🔸馬友一夜干醃製過又風乾過既馬友食落油脂依然好豐富😗肉質嫩滑，一定要連皮一齊食！推介🙌🔸燒芝士年糕煙煙韌韌埋咸咸地既日式醬料，仲有流心芝士，過下口癮😙📍#鮨一日本料理 (#荃灣美食) (#大埔美食)#荃灣 大壩街79號地舖#大埔 翠怡街3號翠怡花園B座16號舖

荃灣大壩街一向都好多野餐廳，呢間就喺正荃灣廣場門口對面，過條馬路就到，主打日式居酒屋，食剌身，壽司，燒物，鍋物等！好多選擇！整體食物質素都相當唔錯，如果budget夠既可以試下！俾佢哋做緊既三文魚壽司優惠吸引咗入去😹$6/件，火炙三文魚壽司就$8/件！-剌身：🩷原條秋刀魚剌身 $138好少見既原條秋刀魚剌身，不過配番個季節，店員話暫時做到10月中左右咋，有興趣快d去試下啦平時食燒秋刀魚都覺得會腥腥地，但原來剌身食落唔太腥，反而幾有鮮味，！真係好怕腥可以加d薑一齊食！同埋擺盤好靚，盡顯師傅工架！ 🩷深海池魚王剌身 (半份)池魚切得好薄，舊肉好晶瑩剔透，口感食落幾爽口，店員介紹我地配埋一個類似柚子醋豉油&蔥花&蘿蔔蓉，第一次試池魚，覺得爽爽地幾好食😋🩷活赤貝刺身 $52爽口 一啖一舊，連埋Wasabi一齊食！壽司：🩷上十貫目 $218有10件壽司,每款都唔一樣㗎! 今日就有:北寄貝，三文魚，海膽，蟹籽，帶子，油甘魚等等壽司飯既大細岩岩好，壽司飯既醋味調得幾好！燒物：🩷鹽燒牛舌串 $45勁厚切，醃得好香好夠味，大推！🩷鹽燒活白鱔串 $68外皮燒得好脆口好香，又係勁厚切，超彈牙 啖啖肉！最緊要

初頭book位諗住有set餐叫，點知山長水遠去到同我地講唔夠師傅做唔到set餐，圖中中拖羅咁既質素298蚊得4塊，魚生唔肥，食落有陣酸味，鵝肝壽司仲過分，咬咗一啖退都退唔切，未試過過去一間日式餐廳可以去到咁差，價錢仲要十分之貴，爭鮮壽司郎都好過佢🤮第一次喺OpenRice比評價，真係差到忍唔住要比評價，都唔明佢d好評點黎