影片
開飯介紹
餐廳採用居酒屋的佈局，食客可觀看廚師烹調的過程。餐廳提供各式日本料理，主打丼飯、刺身，選用日本新鮮海鮮，刺身種類也較坊間少見的。其招牌菜「千層海膽飯」，飯上鋪滿如山傾的海膽，再鋪上一層吞拿魚蓉。
繼續閱讀
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
公眾假期
12:00 - 15:00
18:00 - 23:00
公眾假期前夕
12:00 - 15:00
18:00 - 23:00
以上資料只供參考, 請與餐廳確認詳情
有關獎賞計劃
相關文章
尖沙咀厚福街真係有好多野食，今日忽然好想食日本野就過左藍馬商業大廈搵食，黎到呢間位於18樓嘅鮨一！居酒屋雖然地方細細，但設計非常日式別緻！設有吧枱位可以見到師傅用心製作食物！經過店員推介，我哋今日都叫咗好多款唔同嘅食物：🌽日本白粟米- 好清甜呀！又多汁！冷盤一流呀！🦪日本五島列島岩蠔配檸檬柚子啫喱- 超肥美嘅生蠔，好新鮮蠔味重，加上檸檬柚子啫喱好清新好夾！🍣雪頂三文魚山- 火炙三文魚加上三文魚籽砌成一座山嘅壽司！大滿足！🐟池魚刺身- 池魚刺身大家就食得多，鮨一配嘅唔係一般wasabi豉油，係自家製嘅薑蔥豉油，真係好似食緊蒸魚嘅風味！讚呀！👍🦪貝三味- 當中有北寄貝帶子赤貝，全部都好鮮甜，簡直好食到想encour.🦀甲羅燒- 呢個甲羅燒配上多士，香濃嘅蟹膏混和魚籽等再塗上多士，滋味一流！🍛味噌煮牛舌- 呢個大推，牛舌軟淋，湯頭濃厚，蘿蔔吸晒味後特別好食！食住食住，見到隔離台啲串燒都好吸引， 我哋都唔執輸，叫咗幾串🤗🍢鹽燒白鱔- 厚厚嘅白鱔，好juicy，又爽脆！推介！🍢免治雞肉串- 自家製免治雞肉串加上蛋漿，係天衣無縫嘅組合。🍢煙肉串茄- 呢個配搭一啲都唔油膩，食多幾串都得！🍢燒大蔥- 朋友唔鍾意食蔥，我推介去試下呢度嘅燒大蔥，佢食完都話一啲都話值得一試，好香甜，一啲臭蔥味都冇！整體餐廳嘅食物水平都好高！ 環境都坐得舒服，坐低喺吧枱坐位傾下計、食下嘢，都真係唔錯！下次可以約朋友再嚟encore一下！😃
繼續閱讀
今次喺尖沙咀食咗一間好高質嘅日式料理餐廳未入到去已經見到牆上面有好多嚟自唔同平台嘅推介，已經係信心嘅保證今次真係食得太滿足，所以精選咗其中幾款介紹俾大家前菜 - 軟殼蟹蜜柑沙律軟殼蟹炸到好鬆脆，份量比想像中多；蜜柑甜中帶甘好清新，食完好開胃桃取生蠔🦪呢度嘅生蠔源自三重縣嘅桃取，果邊水質極佳，呢兩隻生蠔淨係望落去已經睇得出好肥美食落好甜好新鮮鍾意食生蠔嘅唔可以放過千層海膽飯呢個飯一上枱真係不得了，真「千層」海膽海膽好鮮甜好Creamy，再加埋有金箔嘅點綴，打卡真係一流最搞笑嘅係呢個角度影埋去，好似有成個人咁高，好搞笑（重點係呢個係細嘅版本only壽司 - 蝦三味、貝三味食壽司絕對可以反映到一間日式餐廳嘅用心同埋質素今次食嘅壽司全部都好新鮮、好鮮甜；最驚喜嘅係佢嘅壽司飯份量唔會太多，啱晒我呢一類鍾意食壽司，但又唔想食太多飯嘅人再加上呢度嘅壽司飯已經有調味，就咁加少少Wasabi已經好好味呢度嘅菜式擺埋一齊超打卡able
繼續閱讀
三重桃取生蠔生蠔肥美，質感爽口，適中海水咸味，上面青檸啫喱，更突出生蠔的鮮味。吞拿魚牛油果手卷軟滑牛油果配吞拿魚，一淡一濃，味道有層次。蟹肉蟹膏手卷大量的蟹肉絲配鮮甜的蟹膏，新鮮無腥味，美味。辛辣油甘魚薄切油甘魚爽口，微辣配上炸蒜粒，配搭新穎。鮨一千層海膽飯坐在吧檯，見到師傅不停將海膽疊上，好吸引。海膽上有金箔點綴，閃閃發光。先品嚐甜美的海膽，後再跟吞拿魚蓉、壽司飯，口感豐富，每口鮮味。日本白粟米，可以生食，味道相當清甜，清新。炸澤蟹，要趁熱食，脆卜卜夠香口。豚角煮蘿蔔入味，半肥瘦的豬五花腩，炆煮得夠腍。日本九肚魚天婦羅香口不油膩，佐酒一流。雞皮餃子雞皮脆卜卜，炸得乾身無油，點醬汁幾開胃。鹽燒三文魚鰭魚肉剛熟嫩滑，加上檸檬汁味道很配搭。生蠔、刺身、海膽杯等食材相當新鮮，而熟食、炸物即煮上檯好熱，價錢經濟，我們好滿足捧著肚子離開。
繼續閱讀
食咗呢間鮨一好多年，佢多年嚟都係尖沙咀厚福街嘅人氣居酒屋佔地三層，我今晚就去18樓～ 🧡《 鮨一千層海膽飯（小）升級日本海膽 💲248 》 睇住師傅用上成板海膽😍再有拖羅蓉同壽司飯，入口甘甜濃郁又軟滑，加埋紫菜介有口感～ 🐟《 真鯛刺身（四切） 💲168 》肉質細緻清甜，厚切有口感～ 🐚《 貝三味（北極貝，帶子，赤貝） 💲118 》三款都好鮮甜又大隻，特別鍾意北極貝嘅鮮爽！🐖《 豚角煮 💲68 》豚肉之間有脂肪，入口溶代，味道又帶甜幾好食～ 蘿蔔都多汁清甜～ 🦀《 炸澤蟹（四隻）💲58 》新鮮即炸好香脆，外層灑上鹽，再加啲檸檬水更提味～🍤《 日本九肚魚天婦羅 💲58 》外層香口，內裡九肚魚肉好鮮嫩～配沙律醬幾惹味～🍢《 和牛粒串（一串）💲58 》一串有齊嫩腍同有咬口嘅兩款口感～ 肉味香甜～🍢《 鹽燒牛舌（一串）💲42 》薄切但燒完一啲都唔韌，仲有肉汁～🍢《 煙肉車厘茄（一串） 💲28 》煙肉有咸香，計車厘茄入口好juicy又減膩～食物質素keep到👍🏻 店員亦殷勤有主動性。
繼續閱讀
聽講呢間尖沙咀嘅”鮨一”，本身優惠又多，仲有生日禮物送，就去呢度同朋友慶生。所言非虛，呢度原來做緊8pm後，$98/位清酒任飲😱，已經夠癲，仲可以連埋生日優惠一齊用。生日優惠係生日當月食滿$800送一個壽司蛋糕！在場所見，每晚任飲嘅清酒款式都唔同，今晚就有三款純米吟釀，可以自己攞個清酒酒樽出去斟。至於壽司蛋糕，係用上海膽、金箔、吞拿魚蓉、三文魚、帶子等等造成，非常有誠意！鮨一千層海膽飯 $298Signature，必叫，成座山嘅海膽，襯上吞拿魚蓉同醋飯，海膽新鮮不在話下，食材嘅配搭亦都令佢好出色。另外可以配搭紫菜一齊食。上錦繡刺身(8款各2切) $348除咗三文魚、大蝦(好大隻，蝦頭都食得)、帶子、北寄貝之外，仲有金線鯛、真鯛等。基本上全部都係大件夾新鮮。特別係帶子，食完係會感動。甲羅燒 $98連同包食嘅甲羅燒，本身已經落咗蔥同雞蛋，只要將佢哋撈埋，就會感受到蟹味加蛋嘅威力。炸澤蟹 $58完全新鮮嘅澤蟹。點新鮮？個魚缸就喺你面前，睇住啲澤蟹喺度爬上嚟…軟殼蟹蜜柑沙律 $88大份，又新鮮，軟殼蟹炸得好香口，同沙律嘅菜、蜜柑都好夾。什錦天婦羅 $98三蝦四菜嘅天婦羅，呢個價錢相當合理。除咗炸蝦本身，仲有茄子/青椒/南瓜/番薯各一。佢嘅蘿蔔蓉係加咗薑，食落會有啲層次。呢度食物真係有質素，環境好日式，加上各式各樣嘅生日同其他優惠，真係可以嚟呢度好好慶祝。
繼續閱讀