鮨匠

營業中

休息中

今日，一行三人入嚟食午餐，無人得閒招呼，咪自己搵個卡位坐低，有位扎馬尾阿姐，叫住唔比坐，話係6人枱，OK理解，咁咪轉枱囉，轉個頭，所謂嘅6人枱，分別都係坐4人及3人，唔知咩安排。咁坐低即刻落單叫咗一個鯖魚定食、一個三文魚定食，出去自助吧取沙津菜，誤以為隔離係水機，被馬尾阿姐離遠呼喝問我㩒乜嘢，唔知啫，唔駛咁惡劣態度呀？另一位飯腳未到，大概比我哋遲叫10分鐘，佢叫牛舌丼。鯖魚好快上枱，轉頭10分鐘左右牛舌丼都到咗，最早叫嘅三文魚未有，等咗有25分鐘，咪追三文魚進度，佢入去厨房話整緊，再5分鐘都未有，朋友鯖魚食完，牛舌丼食咗一半，隔離枱遲十幾分鐘嘅食物都已經上晒，我條三文魚應該係游咗出大海未捉到，咁我話如果無就取消單，因為要趕返工，再等幾分鐘先有餐到，上菜阿姐仲補一句話，三文魚要煎得耐啲，呢個解釋真係“耐人尋味”，平心而論，食物質素OK嘅，但樓面態度要再培訓囉。

去完海洋公園後揸車過嚟香港仔食晚飯，行咗成個圈都諗唔到食乜嘢好，最後揀咗呢間日本嘢，初初喺門口見到冇乜人等仲好驚有伏，一坐低侍應已經好好招呼，即刻過嚟斟茶同埋拎餐具俾我哋，四個人叫左個牛肉鍋，兩個海鮮丼同牛舌飯，另外加咗叫咗個手卷雞軟骨同埋炸蠔，壽喜燒牛肉鍋真心不錯，牛肉肉質都都ok，唔怪得知周圍好多枱都食牛肉鍋，兩個海鮮丼都好好，亞女話好好食，牛舌飯正正常常如果再多少少汁就好啦👍🏻雞軟骨同炸蠔都幾好，唔會話炸到好乾

和朋友慶祝生日，想找個坐得舒服啲嘅地方食飯。喺香港仔搵咗好耐，最後揀咗呢間餐廳。本身有啲擔心，因為見到啲評論話服務態度一般。但諗住環境重要啲，加上天氣熱，想食啲清淡啲嘅日式嘢，最後都去試下。點知去到反而覺得幾好，服務態度比想像中好。我早咗到，問佢哋有冇甜品蛋糕，雖然冇，但佢哋話可以自己出去買帶返嚟食。之後我買咗返嚟，佢哋仲特登幫我哋留咗個比較靜嘅位，方便我哋傾偈。雖然食物唔算超驚喜，但都幾好食，仲有啲意外驚喜。依家喺香港仲可以有咁好嘅服務，真係唔錯，值得寫篇長文讚下！

琴日，同我親戚食晚餐。餐廳比較平民化，價格都比較貼地，算係平民版日本料理。當時就叫左稻庭烏冬，角切刺身飯，串燒小串同炸物。食物係扺食，魚生新鮮，串燒都調得好味，炸物似坊間買嘅即炸食物，不過還ok。其中飯同面都係會份量較多。基本上淨叫飯或面都夠食。另外，餐廳會有沙律任食，都ok。整體呢講食物ok，環境可以坐得耐，適合慢慢來。

嚟過幾次食飯，一次差過一次！今次嬲到要寫評語! 呢度全部侍應都無禮貌，粗聲粗氣，次次去都聽到佢地整跌啲碗碟落地，總之成個環境好嘈！呢次仲要反問我佢手上啲食物係唔係我叫嘅! 明明啲order喺你度，個客又點知你攞住嗰啲嘢係唔係自己落嘅order呀！到發現原來你手上嗰碗嘢唔係我嘅，仲要寸個客唔知你攞住嗰碗嘢係咩，有無攪錯？到我食完個餐，同個侍應講仲有樣嘢未到，佢竟然大大聲同我講「唔可以催單㗎！我催廚房，會俾人鬧㗎！」幾咁霸氣! 吹漲! 到去收銀處俾錢嗰陣，個收銀阿姐喺度同另一個職員一路講嘢一路講粗口，然後好悔氣咁同我講「嗱! 多謝! 」! 好懷疑自己究竟係入咗間日本餐廳，定係譚仔.... 講真，譚仔啲阿姐仲有禮貌過佢地好多囉！

已經嚟食過唔止一次，其實食物性價比係高，以呢個價錢有呢個食物質素，真係無得投訴。一直都無試過佢哋嘅鍋物🥘見140幾蚊一個，仲諗住係一人一鍋嗰種，但個鍋嚟到，我同朋友都嚇親，嘩咁大個嘅，真係2個人食都得，最後我真係要share先食得晒，如果唔夠可以再加配料，都唔貴。不過我同意，入面嘅員工笑容係爭啲，第一二次去食佢哋都係無表情㗎，我仲諗咩事呀，不過因為抵，我返咗去食咗幾次就同佢哋熟咗啲，感覺會好好多😂

接待唔清唔楚，根本人手不足，counter要做埋樓面，其他員工見到門口排哂隊都唔出嚟，喺門口等超過5分鐘先有人問幾多位，又冇自助攞飛，其他人問仲要等幾耐答人唔知，答人哋仲要等多幾多張飛好難？帶位態度極差，指住張枱叫客人自己過去，呼呼喝喝，要問先有QR code同餐牌，仲要大力拍落張枱到打到我收呢個價錢畀啲咁嘅質素出嚟，淨係理食物質素，服務質素就可以咁離譜？日本餐廳做出茶餐廳服務質素，我孤陋寡聞真係第一次見，厲害

去完南Y島坐船出香港仔，整個香港仔中心都是大路連鎖店，未試過這間鮨匠，比宣傳照的刺身吸引，進去一試。叫了厚切牛脷飯，特價60多元，牛脷塗上燒汁，味道算ok。但老公叫的鮨匠豚肉拉麵，湯底如滾水，形容不了是甚麼湯底，相當難食。另外叫了燒三文魚骨腩及炸墨魚咀，2樣都食不出食材的原有味道。這餐廳只可一試！

呢間嘢未執之前都已經食過，今時今日食到今質素都算係咁，炸物種類多，食物質素出色，環境優美，座位舒適，唯獨係員工服務態度差勁，招呼客人已經鞋口鞋面，完全冇態度可言 ，叫佢倒到杯茶，好似要攞咗佢條命咁，餐具都是油油的，啲枱又唔執，張張都係空枱，但全部都係留座？員工圍埋喺度傾偈多過做嘢，唔講仲以為啲二打六係老細，今時今日咁既經濟條件下都請到這些好食懶做的二打六，真係替個老細可憐，服務質素反映食物質素！唔怪得長期拍烏蠅，祝個老闆好運，希望唔會第二次執笠😆

$406/2人真係好難食 無服務可言態度差 口頭禪係黎緊黎緊為左食到鍾意既壽司我哋放棄咗晚餐定食以為Menu入邊嘅相影得好靚，會有一定質素但係真係完全唔係嗰回事雖然唔排除係因為日本內科嘅緣故但係海鮮的質素（尤其是係呢個價位）真係完全不能接受！吞拿魚係西瓜質感海膽同爭鮮同級三文魚極度薄豉油都可以唔好味根本就係攞爭鮮質素嘅貨嚟俾人食但係收你$30至$50兩件總之呢個價錢真係唔值唔怪得知全場都食佢嗰個$128嘅牛肉鍋元氣都要等半個鐘呢間野有位自己想像點解！🫰🏻

今日同同事去開香港仔training，放lunch時係openrice搵到呢間日式餐廳，就同同事去試下佢喇😋🍚鮨匠牛丼（$78）牛丼飯啲牛肉肥瘦分佈好平均，唔會話有某幾塊全塊都係肥肉，而丼飯都有啲煮到好淋，索晒牛肉汁嘅洋蔥同小蘑菇，食落都juicy☺️ 丼飯嘅飯粒都煮得岩岩好，不過就唔係平時食開日式連鎖果種大大粒，粒粒分明嘅飯喇😕🍣櫻花角切井（$118）雜錦魚生飯夠晒豐富😍魚生鋪係飯面鋪到滿晒，滿到一開頭無從下手點食🫣而雜錦魚生分別有飛魚子、三文魚、章魚、吞拿魚、玉子等等，食落好滿足，而且味道都好新鮮👍🏻📍 鮨匠 (香港仔)香港仔香港仔中心四期1樓10號舖

呢度嘅食物都算性價比高，嚟過3次，價錢同食物都合理：🍚櫻花角切丼魚生好新鮮，百零蚊食到真係好抵。🍱鮨匠 六貫定食跟埋湯烏冬、沙律同麵豉湯，先130幾蚊，壽司仲要好食，無嘢講🐟鹽燒三文魚腩骨無錯佢比較少肉食，但一碟4件先22蚊，仲要燒得好香口，我又覺得ok喎🍣芝士飛魚籽軟殼蟹卷我本身好鍾意食呢類卷物，呢度都整得唔錯，唔會軟殼蟹炸到好脆，又唔會有油益味。價錢合理，食物都唔錯，係店員cool少少，但都好推介👍🏼

舖頭門口嘅裝修好有日式風格！嗰啲日式嘅燈籠拼埋一齊好靚！😍😍牛丼定食 啲牛肉好多，然後啲汁都好足夠！下面啲飯唔好好似白飯咁！成碗飯每一粒米都有汁包住😋😋😋飛魚籽炸蝦卷 飛魚籽同炸蝦都好脆！唔會話淋咗，有啲沙律醬撈埋一齊好好食！日式煎餃子餃子煎得好脆而且裏面唔會好乾！配個酸酸地嘅汁勁開胃🤤👍🏻👍🏻特選海鮮丼 海鮮丼有六款刺身，三文魚、油甘魚、甜蝦、北寄貝同埋三文魚籽！啲刺身都好新鮮👍🏻👍🏻😻三文魚子卜卜脆，而且飯嘅份量好大！另外一提，出面仲有日式沙律自助仼食👍🏻有兩款醬汁俾大家揀！

___________🏖店鋪狀況🏖___________ 門口已經有濃濃日式風格的裝修，餐廳光亮廣寬😃座位數量不少，入門會經過壽司bar，可以看到師傅在用心製作壽司，而傍邊竟然有自助沙律吧給客人自製沙律💓員工們親切有禮貌😊抵讚- _____________🍽食物🍽_____________🦑海苔魷魚 $38推介指數 ■■■■□海苔味道濃郁，魷魚大大條，上枱快所以超級新鮮，熱辣辣脆卜卜♨️-🍤飛魚籽炸蝦卷(6pcs) $48推介指數 ■■■■□$48有六大粒，炸蝦雖然包裹在壽司卷內，但層炸衣依然脆口的💯而壽司外層則被滿滿飛魚籽包圍着，大滿足！-🍱炙燒壽司 • 牛肉烏冬定食 $ 138推介指數 ■■■■□套餐包括了主食牛肉烏冬、小食牛肉薯餅跟炙燒壽司4件😊 一次過滿足了🌶📝又想吃烏冬又想吃壽司的願望，正常女仔來說絕對夠飽。怕太多澱粉質?! 記得可以到外面的自助沙律吧添食☺️不用怕纖維不夠-🥘 特盛海鮮鍋 配稻庭烏冬 $128推介指數 ■■■■□朋友點了海鮮鍋，上枱時把我們都嚇傻，太足料了吧💥 有鮮蝦🦐、青口🐚、帶子、魷魚🦑，還有魚豆腐、魚板🍥、蟹柳🦀和冬菇野菜(完完全全跟餐牌的照片一樣🤯)

放工與友人去香港仔搵食，被鮨匠的日式餐廳裝修風格吸引進去店內地方寬敞，環境舒適，長長的走廊掛滿整齊雅致的日式燈籠，加上簡潔的木系傢俬及一排排的日式吊燈，佈置和裝潢都令人恍如置身於日本，打卡影相一流餐牌都頗多選擇，另外有個沙律菜自助吧，可隨意添加；整體而言，食物味道不錯，價錢公道，環境舒適，值得推薦~炭燒餃子雞翼 $32雞翼熱辣辣脹卜卜，外皮炸得很脆很香口，雞肉入口嫩滑多汁，餡料香口好juicy，炭燒的香氣讓味道更豐富更有層次火炙海鮮丼 $158海鮮丼包括了炙燒三文魚、炙燒油甘魚、炙燒北海道帆立貝、炙燒左口魚裙邊、炙燒蟹棒、飛魚子，份量十足，食材新鮮肥美，表面炙燒至焦香，內裡保持海鮮的鮮味，互相結合，口感豐富，大滿足咖喱吉列豚肉丼定食 $78又是份量十足，咖哩帶點辛口，但不會太辣豬扒炸至金黃，肉質鬆軟，入口嫩滑定食附有蜆肉味噌湯，非常鮮甜開胃蔥花吞拿魚蓉手卷 $28吞拿魚蓉由頭包到尾，每一口都有吞拿魚蓉魚蓉質地柔軟，油脂豐富，鮮甜不腥三文魚手卷 $28三文魚大大片，餡料充足，帶有淡淡油脂香，鮮味十足鮨匠📍香港仔香港仔中心四期1樓10號舖