鮨嵐

營業中

休息中

接近黃昏時段,行經大角咀看到一間新開日式小店,地方整潔,食具有特色👍所以入去試吓,叫了個午市餐燒三文魚頭,有沙律,湯,白飯,88元都可接受👍還加咗油甘魚腩三片,價錢54元👏食物質素新鲜好看,店員服務不錯,大家可以試吓👍👍👍

朋友介紹大角咀新開壽司店，今日老婆生日，book左食晚飯時段。刺身拼盤整體新鮮，特別係活帆立貝，超爽甜，老婆至愛❤️我最鍾意海膽，完全唔使蘸豉油Wasabi，十分鮮甜。火炙系列同樣出色，尤其A4和牛，肥而不膩，必食必食☺️鱈魚乾好味，佐酒一流👍🏼👍🏼食材新鮮，師傅全程照顧週到，老婆相當滿意今晚餐生日飯👏🏼👏🏼

餐廳擺設很有品味，這間餐廳雖然地方小，但很別緻。🍣🍣🍣🍣🍣🍣🍣🍣🍣🍣食物質素佳。魚生新鮮，三文魚也有幾種不同烹調方法展現，值得一試。🍣🍣🍣🍣🍣🍣🍣🍣🍣🍣魚生飯也很豐富，海膽吞拿魚樣樣齊。牛肉烏冬好味，彈牙。🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣🍣必定會再來吃的!😄

早排食過晏，又再黎試lunch自選同set menu.lunch繁忙時間過黎少D人可以慢慢坐。我地叫左3個自選同1個mwal from set menu. D魚生好鮮味，推介馬刀貝，赤貝，深海池魚，魚子，另外加左個tempura都好好味，炸粉夠薄，reminds me of the ones in Japan♡禁方便得閒再黎sin

今次已經係第二次幫襯，上次啱啱開張嘅時候堂食過午餐，今次就係外賣。上次堂食嘅時候叫咗七件壽司再加一個三文魚盛，食材相當新鮮，活赤貝尤其出色，其他都相當有水準。今次外賣，試咗好多唔同款，叫咗超過50件壽司，熱食都有試吓，都唔錯，但壽司比熱食出色。始終係小店，我早兩個鐘頭打去嗌外賣，俾佢有足夠時間準備，好準時就已經有得攞。包裝方面都好細心，熱食同埋凍食分開袋，凍嘅壽司嗰邊有冰跟住。但始終食壽司都係堂食水準好過外賣。一定會再幫襯。

約左舊同事去大角咀晚飯聚舊，門口裝修雅致，吸引左我地入去～店內環境整潔，光線充足，而且有bar檯，第一時間要求坐bar檯，可以近距離睇下師傅既手勢🤭首先點了螢光魷魚小食，隻隻都好飽滿，原來師傅話正值當造，唔怪得咁肥美👍再黎師傅推介既幾款刺身（深海池魚、牡丹蝦、活赤貝、拖羅），未上碟前已經見到師傅好認真製作，作為食客真係賞心悅目😍😍除左賣相吸引，入口都冇令人失望，幾款刺身都好新鮮，尤其拖羅入口即溶，係幸福既感覺呀～食完刺身，單點了6款壽司，包括皮剝魚、火炙鮫鰈魚、蟹肉蟹膏軍艦、海膽、吞拿魚腦天、火炙大拖羅。吞拿魚腦天係師傅推介，原來一條吞拿魚只得兩片左右，相當矜貴，筋少脂肪多，口感軟滑呢😯👏👏其實已經好飽，但見到有時令生蠔，又忍唔住點左 😅😆😆今餐真係大滿足 🥰

午飯時間呢條街真係食街，行過見到這間日式餐廳裝修幾雅緻，便入去吃個午飯，侍應生好有禮貌，招呼周到，好快便可以入座，叫了個鰻魚定食，份量也蠻多，而且好吃，價錢合理，滿足地離去繼續下午搏殺工作！下次多啲時間可以嚟食晚餐等，好想食壽司同埋刺身。

大角咀好少日本餐廳，見到呢間新開，早兩日同屋企人試，全部魚生好新鮮，魚生大片，舊飯細細舊，啱哂我地呢D眼闊肚窄女士可以試多幾款。另外熟食出品都精緻好味，最正我覺得係頭痛麵豉湯，出邊好少咁好飲。 佢門口貼左lunch menu百零蚊自選10件壽司，價錢平過尖沙咀，得閒試下先。😄

有次無意中經過大角咀，見到呢間日本野新開張就去試試，個場似係做Omakase,但又可以落order,店員話可以叫師傅整又得，自己落單又得，我個日就半自己落單，半叫師傅決定，師傅決定個d全部都哇一聲！好新鮮同超好味，佢價錢又真係唔算貴，最難忘既係師傅發版既吞拿魚腦天壽司同火灸(碟膠魚定膠碟魚)我冇記錯個名既話XD，又夠油香入口即溶。我記得唔多地方有得食，中價位做到咁既質素。真係唔錯下次會叫埋朋友一齊幫襯。

到底有幾冇誠意先會連外型都未做好就出比客人？本來好期待好想一試，當晚排隊客人亦都唔算多，所以特意外賣自取。我前面亦都無乜人但要等足足二十分鐘職員並不會去check外賣出來沒有要人催分外賣也極其緩慢買時亦唔會通知你要等咁耐職員服務做野態度也是餐廳重要的一環吧催時職員話～唔止你一個外賣現場所見也真只是幾個手卷既外賣分足五鐘若一早知要等咁耐職員態度如此一定不會幫襯啱啱一接過店員包好嘅，打開一望兩件軍艦好似打大風咁，爛爛蓉蓉,不堪入目。價錢喺香港來講算貴，逐件逐件計算，所以會對佢有咁高期待，點知連外型都未做好就出比客人。體積偏細，海膽有腥臭味，性價比亦非常低，質素連連鎖店都比不上。只能夠講對師傅，店員態度亦都非常失望，冇下次。食完只能說I waste my Time~

2022/5/10 Off day去左大角咀呢頭做汗蒸幕☺️☺️☺️身體放鬆晒就要醫肚今朝食左飽麵到夜晚今晚一定要有米飯落肚同一條街原來開左間新既日式料理一於試試佢一睇menu 竟然有我最愛既鰻魚蓋飯一定要試😗😗😗正呀！ $98 CP值勁高相機食先，影左一輪…冇岩上台咁熱食落都冇腥味汁又夠足(媲美台北既肥前屋）明太子意粉🍝我飯腳一個人食左一大碟佢既行動證明左有幾咁好食喇三文魚sashimi 🥰🥰🥰正！鮮！甜！下次會再encore 😉試下坐係Bar 台，由sushi c fu發板

今日意外發現到有間新開張日本餐廳係大角咀，見門面又幾靚仔，所以膽粗粗入左去試，估唔到又幾有驚喜！間餐廳提供QR code比我地去點餐，所以我地好快都已經叫到成枱食物！哈哈😂(師傅好貼心 見我地未食完枱嘅野食都調整返自己出餐速度，保持返食物係最好狀態比我地食，我覺得哩點係要讚👍🏻)果日我地叫左好多唔同種類嘅精選壽司🍣🍣，少許剌身，同炸物(炸物好好味 必點炸蠔同天婦羅🍤)。仲有甜品加飲品 不過我無影了果啲就🙂不過我建議大家如果抱住去試下食就可以叫set先會比較適合，然後唔夠食或者想試下其他精選壽司先再追加😌😋但我真係好recommend對壽司有要求嘅人一定要黎試 我覺得絕對拍得上Omakase新鮮質素。但你絕對唔洗用Omakase嘅錢就食到！性價比好高。我都幾肯定如果要出尖沙咀或港島區食返同樣份量或咁有質素嘅壽司，我唔會覺得而加嘅人均消費食得到，所以我先會覺得超抵！另外我都好滿意佢舊飯係用赤醋處理 同啲魚生簡直就係perfect ！！(以下會附有當晚食嘅相片 我影相唔叻 但希望唔好受我影相質素而影響你對餐廳嘅好奇心😂) 我唔希望寫好評變左害人地hahahaha