鮨廷 (裝修中)

今次喺網購平台買咗尖沙咀「鮨廷」嘅晚市十六品Omakase買一送一，食材新鮮豐富，以呢個價錢黎講我認為物超所值😋每張枱上都放有大麥茶同玄米茶自行沖調，上枱時師傅都會介紹每件刺身壽司，作為入門版嘅Omakase都算係不錯的😊希靈魚子、昆布絲、牛蒡入口爽脆帶黏黏嘅口感，味道清爽，開胃的一道前菜北海道生蠔配蒓菜生蠔雖然個頭不大，但味道鮮甜creamy，加入咗蒓菜，入口時滑滑溜溜，與生蠔配搭得宜深海池魚薄切肉質爽脆鮮甜，配上酸汁更加能夠突顯鮮味油甘魚 入口肥美，油脂豐富，入口充滿魚油香，配搭山葵漬可以中和油膩感中Toro 柚子胡椒中呑拿魚腩入口鮮香肥美，油脂更為豐富，完全冇根，配上柚子胡椒作調味，多一份清爽嘅果香味道炙燒煙燻鰆魚經炙燒後嘅鰆魚肉質軟稔細滑，配上洋蔥汁同炸過嘅蔥絲更加香口鮮甜慢煮八爪魚八爪魚足非常粗壯軟糯，仲會食到一粒粒嘅吸盤，口感幾特別，但個人會比較鍾意爽口啲口感😆天婦羅白子、鮮冬菇大愛🤩鍾意食白子嘅人就自然會欣賞，即炸嘅天婦羅白子炸粉夠薄夠脆，裡面依然香滑creamy，完全冇腥味，配上柚子鹽更加提升白子嘅香濃味道魷魚 雪白嘅魷魚軟稔黏口有嚼勁，加上紫菜醬更為鮮味深海池魚 魚肉

見優惠訂購平台有快閃優惠，買一送一，兩個人698就book左星期日晚試。1. Omakese普通話mk師傅x2早左少少差唔多八點到見到舖入面得一對大陸情侶，一開始以為未夠鐘其他客人未到，點知食到最後都只係得我地四個水魚。一入舖頭，見到兩個mk’師傅’，仲講唔正既廣東話，聽聽下講埋普通話。2. 好難食前菜+刺身前菜係唔知乜凍冰冰嘅魚卵，腥到。食左一啖放埋一邊，店員阿姐仲問係咪唔岩食x1。我直接話好腥食唔到。刺身6品，酸既生蠔、黑色燶左既白子、池魚（全餐唯一一樣覺得稍微好食既野)、油甘魚又係腥。究竟啲魚係放左幾耐，點解可以腥到咁。。。鮟鱇魚乾(應該算正常，只係唔岩口味)，個店員阿姐仲問係咪唔岩食x2。仲有縮到差啲見唔到嘅八爪魚。3. 侍應阿姐無影手係伸手收碟終於食完刺身，到揚物，菜天婦羅，苦到仲同我講叫我點隔離啲菠菜汁食。。。炸鮑魚可以完全無味，完全唔知食左乜。期間無論係刺身定係揚物，侍應阿姐不停喺我哋兩個中間伸手入黎收碟，趕收工呢，我地就不停讓佢俾佢收。4. 蔥油味池魚食過未壽司先係主角。魷魚上面放啲紫菜，呢個組合真係見都未見過，一山還有一山高，下一味係蔥油味嘅池魚，佢真係咁介紹，呢個時

可以說是寫進favourite list的一家日料店了！真的太太太太好吃了！😊店裡的設計也敲好看，環境高檔簡約~燈光暖色系顯得很溫馨服務貼心🌟廚師手藝高超🧑‍🍳一定like!-瞧這精緻擺盤的日料美食，你不心動嗎？太誘人了，到店之前看圖一直咽口水到店先來一份LUNCH OMAKASE再來一份十種壽司，款款不重樣，好正呀👍用餐後更是無比思念～😭圖1:廚師小哥🧑‍🍳親自為你製作圖2:壽司顏值高、款式多，簡直大飽口福！圖3:甜蝦壽司🦐蝦hin飽滿鮮滑～圖4:一桌下來好看又精緻圖5:蟹膏豆腐🦀️口感濃郁味道很贊圖6:深海池魚🐟好吃的不得了～圖7:赤貝壽司🍣顏色鮮艷，好有食慾！圖8:左口魚壽司圖9:鯖魚壽司圖10:油甘魚腩壽司圖11:我們是中午去的，全程下來兩小時，店裡人氣也是很好，進店時都已經坐滿了。全都好吃不踩雷，整體服務很不錯，熱情細心，值得無限回探日料店啊圖12:出了地鐵口無需2分鐘就到了，大家去尖沙咀的話，一定要去吃啊！太好吃了！門店實在太火爆了🔥廚師小哥們的廚藝和顏值一樣高記得來用餐前要提前預定哦～🍣壽司腦袋趕緊衝鴨✌️

想食壽司搵搵新店試，見到呢間Omakase黎講價錢中挺，位置方便，評價ok，就訂位試。餐廳裝修無乜特別，普通簡單，只有bar枱，好多一個人去食既客人。有得叫Omakase，都可以一件件散叫。叫左Omakase Premium set，都ok夠飽，全部食物都高質，又上得快，店員都服務細心有禮。相比平時食開好貴既Omakase，呢間無乜特別花巧表演，師傅都無係咁同你傾計，餐廳裝修都無氣氛，所有食物都整得快，一樣既係味道都好好。我同屋企人唔中意食裝修同氣氛，又唔中意坐得耐，只在乎食物質素衛生黎講，就好中意呢度，值得推介！

朋友話呢間壽司高質素又唔貴，於是就去咗試下。每舊壽司都係單點，整體感覺好出色，味道好好，價錢亦都合理。餐廳嘅壽司賣相好靚，每款壽司都有啲不同嘅風味，例如三文魚、鮪魚同甜蝦等等，每款壽司都好新鮮，生魚片入口即溶，味道鮮美，而且每款都有啲不同嘅鮮味，非常滿足。壽司嘅食材都好新鮮，由於係單點嘅形式，每款壽司都可以嘗試到食材本身嘅味道，而且壽司師傅都喺現場即席製作，保證壽司嘅質素同口感。總括而言，呢間日本餐廳嘅單點壽司質素高，味道豐富，份量適中，價錢亦都合理，環境舒適，值得一試。如果你鍾意日本菜同壽司，一定要嚟試下呢間日本餐廳啦！

以前同老婆食過，覺得好食，乾淨，比立鮨高質。唔知係咪轉咗手，尋日再食，變咗有位坐，但壽司極細件，飯冇醋味，只有醬油味，有啲刺身薄到透光，刺身新鮮度尚可，但食極唔飽，價錢又貴....最後要去豐記雞蛋仔解決肚餓問題....決定以後全心全意轉投立鮨

千祈唔好嚟食呀！我最後俾咗$228我覺得有$170都去咗幫佢交租😂估唔到兩種海鮮+兩種蔬菜天婦羅嘅套餐最後話因為冇蔬菜所以最後只係整咗三條蝦米俾我😅味道非常普通天婦羅又冇天婦羅汁然後刺身飯，竟然係得幾粒刺身加搓舊飯團俾我就算🥲刺身切得又唔靚，又厚又鯹成個套餐完全唔夠食我一個女仔都一啖食晒無論男仔女仔都唔好諗住食得飽😂我之前從來未試過喺OpenRice寫食評今次第一次寫食評因為呢間餐廳真係好差令我全日心情都好差千祈千祈千祈千祈唔好嚟食！

Lunch Omakase $378一坐低bar枱，店員相當細心，會問你有咩唔食？有冇敏感？先上前菜沙律⭕️宮城縣生蠔🦪蘿蔔蓉，蔥花，加入高湯烹調的柚子醋啫喱⭕️磯煮八爪魚 🐙鰻魚汁，加柚子調味⭕️間八魚刺身 紅鰤，又名“間八”，魚肉口感韌中帶有少許的脆感，非常獨特。脂質含量比同類的鰤魚（ぶり）較少，因此肥而不膩，鮮美中流露出上品的味道⭕️醬油漬吞拿魚刺身平衡，鮮味，山葵，芝麻，紫菜，芽蔥⭕️松葉蟹肉蟹膏蟹豆腐⭕️墨魚壽司，配紫菜⭕️北海道鮮帶子壽司蘸上梨汁+柚子皮+豉油，入口即化⭕️炙燒金目鯛壽司🍣，柚子胡椒⭕️炙燒右口魚壽司，油脂感up,入口瞬間即融化⭕️海膽軍艦⭕️吞拿魚蓉手卷⭕️麵豉豬肉湯

💁🏻‍♀💁🏻💁🏻‍♂️️💁🏿‍♀️💁🏿💁🏿‍♂️🏷鮨廷 @尖沙咀尖沙咀金馬倫道17號地下B舖初嗜omakase，又幾過引，睇住師傅專業嘅手勢手起刀落，確實令人賞心悅目Omakase premium $598/set前菜*1，刺新*5，揚物*1，壽司*5，吸物*1前菜海草酸酸甜甜，非常開胃活赤貝勁新鮮，食落超爽口，滿滿嘅海洋咪喺個口度朗下朗下，勁正兵庫縣生蠔好肥美既生蠔，海水味加埋少少啫喱味做點綴，非常鮮甜煙左目魚 + 麵豉 +青瓜帶有清甜同淡淡既海洋味道，用麵鼓吊一吊味，更為出色幻星鰹鄉里出城，師傅介紹下長知識了幻星鰹由於個肚有粒粒似星星咁，所以叫幻星鰹，好有詩意既名😚慢煮安康魚肝入口即化，仲一啲都唔會腥，如果真係好怕好怕腥味，可以點少少wasabi，味道會更加有層次天婦羅魚+愛湖縣西蘭花 +咖哩鹽雖然係即炸即上，但係一啲都唔油膩，好爽口，點少少咖哩鹽更為享受海膽墨魚海膽勁鮮甜，加埋墨魚有咬口，相當唔錯黑鱸魚+黑胡椒鱸魚出名滑就係人都知，估唔到火炙都可以保持咁滑既口感，大讚👍🏻👍🏻👍🏻黑松露+銀雪魚bb 好有層次感嘅味道，估唔到黑松露仲可以咁樣配搭，十分新奇好味道紫蘇黑目魚紫蘇葉好清新，加埋黑

🍽️ 鮨廷 Sushi Sooshi📍地址：尖沙咀金馬倫道17號地下B舖👉🏻OMAKASE SOOSHI $498寿司（10貫）sushi (10kinds)👉🏻 OMAKASE PREMIUM $598前菜(1種盛) appetizer (1 kind)刺身(5種盛) sashimi (5 kinds)揚物 deep-fried dish寿百（5貫) sushi (5 kinds)吸物Soup親民價omakases! 一位唔洗4位數埋單😳第一次食omakases🤣有老闆請 正正 我同老闆各至食左兩個價錢既omakases 幾好既體驗我就食左十件壽司$498 個set 唔敢叫太貴😂坐定定等食 望住壽司師傅逐件逐件係我地面前整同埋介紹每一道壽司既名稱同品種 好似上左一堂海鮮課一樣😂師傅也都會好貼心咁 等我地食完一件先上另一件不過金魚腦既我 食完都唔記得曬d壽司名😂正係覺得好鮮甜同好食！個生蠔大隻！😍同埋都幾多新品種 好多都無聽過同無見過😳增長知識了🤔想試omakases 既就要來試試佢🤣環境都幾有日式壽司鋪feel 呢間餐廳除左omakases 仲有得單點壽司同刺身🍣😯好味指數: 3.5/

OMAKASE 廚師發辦 係香港大行其道，見鮨廷壽司成日都爆滿而又有出OMAKASE，一於試下😎簡潔裝修，坐喺壽司吧枱，可以同師傅直接交流👍🏻無理由淨食壽司，今日就揀OMAKASE PREMIUM 🐠先上前菜，海參水雲漬，海參鮮，口感爽身，加埋水雲漬物，酸酸地刺激一下味蕾，即刻準備好進入海洋世界🤣刺身時間，北海道帆立貝刺身，賣相好靚，非常厚身，黑椒鹽同檸檬就係北海道帆立貝既最好朋友，提鮮，感覺清爽又鮮味，做刺身既第一味非常合適❣️幻星鰹，配上洋蔥汁，半熟狀態，生既部分有口感，熟既部分魚油又香又濃，非常好味😋八爪魚，同醬汁好夾，口感同鮮味都好正👍🏻慢煮鮟鱇魚肝，唔容易食到，有海底鵝肝之稱，魚肝就係魚味超濃郁既部位，魚味係口入面大爆發，好滿足既感覺🤤壓軸刺身厚切大拖羅，當然唔會令人失望，超肥美，入口餘韻好長，正😇天婦羅上場，共兩款，已經做好晒調味，尖魚，肉質好嫩滑，直情係幼嫩感覺👶🏻菜花，即係菜心，第一次食菜心天婦羅，入面好甜，外面好脆，好味👍🏻最後到壽司，墨魚海膽，內有紫菜，特別既配搭，好鮮味，海膽好濃香，墨魚就將個口感增加左層次😗深海池魚配黃芥辣，深海池魚，肉質細緻爽口，魚肉味香甜🐳黑睦

尖沙咀呢間廚師發辦午餐($378)真係超抵食💖十幾道菜式碟碟都精緻又好食🥹燒油甘魚加上山葵，焦香嘅味道同埋軟滑嘅口感配埋Wasabi之後好清爽。宮崎縣生蠔特別鮮甜。而刺身嘅配搭亦都非常特別，章紅魚配柚子醋，而醬油吞拿魚就加埋自家製嘅紫菜醬。蟹膏豆腐超大啖蟹膏食落超豪華。壽司方面，墨魚海膽壽司爽口彈牙又滲出海膽嘅香氣，黑松露鱈魚壽司同甜蝦蝦膏壽司都係廚師非常推介嘅組合🫶甜蝦蝦膏尤其出色🥰🥰

尖沙咀呢到有間平民版Omakase，lunch 過黎食係HK$378@ + 10%，大約食左10樣野，食完絕對係好滿足好開心！前菜：會先送個沙律比我地食刺身:灸燒油甘魚夾山葵宮崎縣生蠔章鴻魚，柚子醋醬酒吞拿魚，自家制嘅紫菜醬呢4樣，每一樣都好出色～剩係食佢刺身嘅鮮味都足夠蟹肉蟹膏豆腐呢個不得了，蟹膏味超濃，豆腐好硬身～慢煮過嘅鮟鱇魚乾~油脂味濃，食完好想再Encore呀！壽司方面都好豐富～墨魚海膽、黑松露鱈魚壽司全部都好高質🤤要推介一下佢地Signature赤海蝦，佢地用左自家製蝦膏，夾埋赤海蝦一齊食好正！味道濃，同赤海蝦食好夾～📍鮨廷 Sushi Sooshi        地址：    尖沙咀金馬倫道17號地下B舖  @sooshigold @sushisooshi

同事想食所以一齊試下，早一個星期book , 需俾credit card number 留位。小店，bar 位，大概10個位，後面有勾可掛衫同袋自助茶兩款。兩個set ,我地要咗598個set 生蠔配牛油果聽落唔太夾，但食落又無乜遺和感，配搭幾新鮮，蠔都算肥美帶子好大粒白子第一次食，質感滑潺潺，本人就唔係太鍾意呢個感覺，當見識下吧壽司🍣好細件,主要火炙天婦羅基本上每道都會用上紫蘇葉，呢道都唔例外。海膽新鮮最後個湯都幾足料，有蜆。730前埋單有85折，整體份量少，晚餐唔夠。

新一年當然要開個靚頭，食好 d，特登約左朋友出黎尖沙嘴嘅鮨廷，試左佢地嘅 Special Omakase，果然十分有驚喜 😋 前菜兩款汁煮東風螺好入味，而且好彈牙 😋 另一款就酸酸地，好醒胃 😆刺身六款南非鮑魚鮮味彈牙；北海道帶子肥美鮮甜 👍🏻鰹魚配上自家調嘅醬汁，完全能夠提升到鰹魚嘅鮮味同香味 🤤 鮟鱇魚肝慕斯非常特別，口感香滑，將鮟鱇魚肝嘅香味變得更加濃郁 😋 非常少見嘅海鰻苗 BB，滑滑地又又鮮味，幾得意 🤩 日本生蠔夠曬大隻 😍 肥美之餘仲好鮮甜，高質。炸物三款非常高質嘅天婦羅！有魚、香菇同埋日本菜心，炸粉非常之薄，完全唔會食到成口粉嘅感覺，非常香脆之餘亦一啲都唔油膩 👍🏻 佢有啲柚子鹽可以加上去，但係其實就咁食都已經好好食 🤤壽司六貫金木鯛上面放咗少少柚子胡椒，令個味道鮮得黎又幾惹味 😋牡丹蝦都好特別，因為佢上面點綴左調咗味嘅蝦膏，所以蝦味特別濃郁 🤤北海道馬糞海膽超正！壽司上面嘅海膽多到滿寫 🤤 又甜又好味，海膽愛好者大推 🫶🏻燒大 Taro ❤️ 佢哋特別用咗魚下巴嘅部份，呢個位係最稀有最靚嘅，一條魚只可以整到兩件 😍 呢件拖羅油脂豐富，入口即化👍🏻另外仲有兩款鮮甜嘅鰈魚