影片
開飯介紹
同區少有的高級日本壽司店，價錢比旺角便宜抵食。設有廚師發辦、刺身定食、海鮮丼及散叫菜式，海鮮每日又日本魚市場新鮮直送，更引入不少時令魚生作季節限定。
繼續閱讀
營業時間
*截單時間: 14:30/22:30
星期一至日
12:00 - 15:00
18:00 - 23:00
公眾假期
12:00 - 15:00
18:00 - 23:00
公眾假期前夕
12:00 - 15:00
18:00 - 23:00
以上資料只供參考, 請與餐廳確認詳情
唔明點解會有咁多好評😅可能我食午市，同晚市嘅質素有分别午餐定食叫左個角切魚生飯$148+1一上枱個賣相已經令人好失望啲魚生粒係少量三文魚，立魚，八爪魚，魷魚同大量蟹籽，最靚嘅係隻大蝦成個飯叫做不過不失 啲麵豉湯味道淡淡地但都有兩隻蜆仔個茶碗蒸係幾好食嘅同枱友人叫了豚肉烏冬，等左起碼二十分鐘先嚟好細碗，個樣同屋企煮嘅無分別友人等到太肚餓所以冇影相😵不過要讚店員好落力 不停幫全場客人斟水咁嘅食物質素真係失望建議大家都係揀返夜晚先嚟食😂
繼續閱讀
平時真系好少黎西灣河😂今日帶個遊客去怪獸大廈打卡🥳順路帶佢去蘇豪東搵野食☺️鮨玥位於西灣河海旁附近☺️店員介紹我地一啲時令美食包括本鮪壽司盛有六件鮪魚放系壽司醋飯上☺️每件鮪魚脂肪平均、由味道較淡既開始再品嘗味道肥美的大拖羅🤗魚味濃郁讓人回味無窮🤤牛舌串燒食落有嚼勁帶微微的炭燒香氣😋花魚一夜乾簡單以鹽燒至表皮帶焦香🥰刺身六款件件厚切新鮮🤩我地最鐘意深海池魚同牡丹蝦🤤鮮甜黏糯😋焦糖玉子燒甜甜地🤤入口外層酥軟，內裡蓬松柔滑 ☺️口感一流🥰三得利生啤夠凍生啤🍻夏天飲真系好正‼️
繼續閱讀
今日行完山朋友想食日本菜😊就在附近見到呢間鮨玥就去試下☺️小店位置唔多不過都坐得幾舒服☺️六點刺身盛包括厚切池魚、三文魚、油甘魚、赤蝦、墨魚及拖羅！全部都好新鮮😋本鮪寿司盛有三種唔同程度既吞拿魚🍣 我最鐘意拖蘿油脂豐富😍入口即化魚油好香☺️明太子雞翼將明太子釀左係雞翼當中🙌外皮燒至焦香😌中間部分帶小小辣又香口😎自家焦糖玉子燒表面糖醬燒至黃金色☺️蛋中間係凍凍地😊食落去有啲焦糖焞蛋感覺😍日本花魚一夜干燒至鹹香焦脆☺️肉質結實油脂豐富及帶著濃厚鮮味😋越食越滋味☺️生薑燒黑豚肉丼上面佈滿半肥瘦黑豚豬肉及楊蔥🧅另外加入了生薑香味🤗口感更加豐富😋日本Santory生啤凍冰冰🤩夏天飲真心勁消暑🍻
繼續閱讀
鯉景灣海旁一向都有好多好嘢食，雖然價位比較高，但用料好高質，呢間日本壽司串燒屋就係好例子，滿足感係平價壽司比唔到你嘅🍣本鮪寿司盛 有赤身，中鮪魚腩，大鮪魚腩各兩件，全部都好有光澤，中拖大拖油脂分布都好完美，大拖油香會更重🤤🍣六點剌身盛 有深海池魚、赤身、甜蝦、八爪魚、三文魚同油甘魚全部都好新鮮，牡丹蝦蝦肉極甜，蝦膏豐腴甘香，油甘魚魚油香氣好濃郁🐠日本花魚一夜干定食 花魚肉質紮實，一夜干做法令到條魚好有鹹香，而魚肉一啲都唔乾，點啲酸汁食中和返鹹味💛北海道海膽 (1件) 非常濃郁鮮甜，幾乎入口即溶🧡特上三文魚籽 (1件) 鹹鮮略帶甜味，超正🥩鹽燒牛舌 就咁用鹽和黑椒已經好好味，牛舌有嚼勁但唔會難咬🐤鹽燒雞軟骨 卜卜脆口感，每次食串燒都會叫🍻Suntory 生啤380ml
繼續閱讀
鯉景灣蘇豪區的食肆多不勝數,日式料理的選擇比較少,就選了這間試試。先來杯三得利生啤,炎炎夏日來一客冰涼的生啤,真的透心涼很爽。唐揚日本池魚苗,這個是送酒小吃,可以是必點的,池魚炸得香酥脆口,加少許檸檬汁更可帶出鮮味。鹽燒牛舌,牛舌肉彈牙但不失綿軟,師傅燒得很好,剛剛熟,味道有鹹香。生燒白鱔,鱔肉肥美Q彈油脂很豐富,鱔皮燒得香脆,味道鹹鹹香香。北海道海膽壽司,海膽鮮甜味美,質感軟滑細膩可口,入口完全溶化。吞拿魚壽司盛,赤身味道濃郁但沒半點腥味;中拖羅的油脂較豐富,質感綿滑,味道帶點點的酸,最喜愛味道及油分平均的中拖羅;大拖羅,油分滿分,油脂夠多使人很滿足。全部也沒有根,這個要讚賞一下。生薑燒黑豚肉丼,豚肉質感有咬口是半肥瘦,有油香但不肥膩,燒汁味道濃厚但不會掩蓋肉的自然味道。味道: 值得一試環境: 舒適衛生: 整潔服務: 殷勤價錢: 中價位
繼續閱讀