鮨芸館 (已結業)

原本想來試這家的流水麵，坐下看到餐牌方知中午是以午市套餐為主打。因為這一带的工廈幾乎改哂寫字樓，打工仔中午放飯令呢一帯的餐廳午市相當旺。呢間店可以打電話book枱，亦會喺當日再致電reconfirm，幾好👍🏻魚生拼盤尚算新鮮，但魚的肉質唔够彈，鮮甜味也唔够。天婦羅🍤乍一看好似幾大隻，但其實蝦身都幾纤瘦細長。出人意表的係米纸卷，三文魚加上魚籽，配埋生菜，口感幾豐富👍🏻。三個人埋單要接近950蚊，都幾貴。

星期五輕輕鬆鬆同幾個同事走左去D2place食個開心lunch 💃🏻💃🏻💃🏻掛日本掛到不得了，黎食個定食安撫下自己，，已經喎係第一次黎食，次次都令人好滿足，呢個係我既和牛定食$82，，🤤🤤好好味呀，係有穫氣甜甜地既炒和牛🤤熱辣辣新鮮做好，餸飯一流，同事個黑豚肉定食$82都好好味，照顧到唔食牛既人，，每個定食都有跟漬物，沙律同湯，，沙律唔流又開胃，，正呢個雜錦魚生飯$118都睇到我口水流 ，唔洗界口我一定會食🤤80幾蚊既定食，好平又唔講得上，但環境舒服，食物認真處理，加上有趣既畫畫杯墊，令我覺得好值得，同埋會食完覺得個人放鬆左💃🏻

尋日同朋友去睇演唱會之前想搵d野食下先，見D2 Place 消費滿$300就有得免費泊車所以就黎左，而依間餐廳亦係random咁揀，見到個menu好似唔錯就入左去試下。🍣 壽司盛盒 - d魚生都新鮮，海膽唔會話有臭腥味，雖然得8件再加幾件吞拿魚卷，但都夠飽既🤓🐂 牛肉定食 - d牛肉幾入味，唔錯，同埋唔會話得幾塊牛，都足料👍🏻🐖 豬扒烏冬 - 豬扒炸得都脆，不過就無咩味道，要靠個燒汁先叫做有d味，但烏冬就幾好，係稻庭烏冬，好滑🤤另外每個餐都有配前菜同沙律，想講一講個前菜係薯蓉，但就無咩味🤧 餐廳既食物整體黎講都ok既，個人覺得牛肉定食最好食🤩

社交網站都周不時會見到D2 place做下promotion,但係呢個地方真係太唔就腳好少去,所以見今次過黎聽talk,早有準備,同朋友一早book定枱食好野！雖然呢間餐廳唔算多人,但係我地係為左流水麵以book枱！因為同一時段只有幾部流水機可以用,當然我地叫左個流水蕎麥麵,仲點左招牌既壽司！餐廳既野食上店都擺放得好有心機,壽司影出黎好似火車咁整齊🚅唔捨得食！流水機開機已經聽到冰塊卡拉卡拉咁滾動,放入蕎麥麵,轉一圈,轉兩圈,夾起...透心涼既蕎麥麵,配埋麵汁食好過癮,玩得又食得,不失為一個好嘗試😆

多飄逸的麵條～🌊想試呢間既透心涼流水麵好耐啦😻都知玩多過食😂 雖然出左素麵（口感似米粉 比蕎麥麵幼身） 都係嗌左蕎麥麵😝浸落冰冰的食用水 好涼呀🙌🏻話說食呢個麵 友人表示麵條量少 .🤨：有錢人就食放最頂既麵 我呢d普通中產就打撈你漏出來既麵！🤗：（津津有味地食夾左一大撮既麵）哦 咁窮人呢？🤨：窮人 咪飲埋d冰水囉 重可以樹熊咬葉添😩🍃.地址：鮨芸館 (荔枝角)荔枝角長義街9號D2 Place 1期3樓301號舖幸福指數：7/10 人均消費：$150-180

weekend去咗D2商場行下，見到有一間日本餐廳有流水蕎麥面，覺得幾得意就決定食呢間。麵的份量偏少，不過點黎其實最主要都係覺得幾好玩。將蕎麥面放落個流水機d麵就會沿着水流漂，呢個時候就係考驗筷子功力的moment啦🥢！我覺得麵的味道都已經唔係重點，重點係大人細路應該都會玩得好開心。松葉蟹肉蟹膏炒飯炒得唔錯，粒粒分明，飯面鋪滿蟹肉和蟹膏，食落好香。鰻魚厚燒玉子，本身預期會燒得好香好滑，但係食落有啲令人失望，個蛋食落去口感太實而家已經有點凍。牛舌串燒幾好食，唔會燒過龍。但係壽司質素就好一般，唔算太新鮮。

小編一直都係最愛日本菜知道鮨芸館有新日本魚麵menu即刻去試下先😍.日本魚麵係新鮮魚肉製造 真係好爽口彈牙而且我未係香港其他地方見過呢隻麵啊個麵好鮮甜 好健康❤️.‼️推介 胡麻魚生冷魚麵香港7月就已經咁熱☀️真係想像唔到8,9月點算我lunch有時都要食下冷麵/凍食粉皮冷靜下呢個冷魚麵就岩曬夏天食淋上胡麻醬一流 仲配上多款魚生 蟹子 🐟🦀Lo埋一齊食勁正‼️💙.屋企人食天婦羅🍤魚麵佢話天婦羅炸得好食 粉唔厚入面仲keep到個汁熱既魚麵都正 湯唔會話死咸係立魚煲成既魚湯黎😋好鮮.‼️推介 鰻魚厚燒玉子呢個我食完堅感動 大叫好好食🤣可能佢一上枱我就好快食熱辣辣鰻魚玉子 個玉子吸收曬鰻魚既肉汁堅正 好想一再encore .海膽軍艦係好鮮甜既海膽不過呢個價錢都係預料到個質素既好食 可以過下海膽癮💜.三文魚三色丼不過不失🐟🐟🐟佢有三文魚刺生片 熟既三文魚碎同三文魚籽面頭放上一片玉子 顯得靚啲佢係包一碗麵豉湯既呢個都係預料到既質素 平均👍🏻.士多啤梨柑桔梳打大大杯佢有粒粒果肉 同啫喱粒的士多啤梨味會重啲略為蓋過柑桔🍊味不過就岩曬我呢個士多啤梨控🤤🍓.不得不提既係店既服務真係好好不停添茶 又會主動跟單👍🏻而

今天下午12時許侍應把一整碗湯傾倒在我的背上，背部濕到透了，還有我的背囊及褲。除了一句平淡的"唔好意思"沒有任何表示,沒有拿毛巾來，沒有進一步表示.整段午餐都是濕淋淋的認真不好受.朋友們叫的五個餐已經差不多吃完了,而我叫的黑豚飯遲遲也沒有到.更加令我心情差.由加拿大到香港旅行,今次是我首次幫襯這餐館.估不到自己運氣這樣差.以後也不來這餐館了

今日係附近開會，完咗就同同事去咗成衣批發嘅地方血併，接住就嚟呢度晚飯。一坐落，店員就叫我地揀…茶杯，其實係揀一個茶杯比自己似飲茶用。睇menu嘅開頭唔係菜式名，而係寫咗呢間店背後嘅愛情故事。餐廳提供顏色筆同圓形卡仔比客人畫公仔/寫野，牆壁貼滿客人畫嘅作品，係等食物嘅時間，可以慢慢欣賞下，有d都幾有創意。我地點咗以下食物：鰻魚厚燒玉子 - 似乎係熱門菜式，食落比預期普通。牛油果軟殼蟹卷 - 正常，冇驚喜。牛肉豆腐鍋、 黑豚五花腩 - 呢兩樣都非常非常普通。餐廳環境、主題都算ok﹐但食物方面真係有進步空間。

Lai Chi Kok area have developed rapidly over the past few years with the opening of new malls such as D2 place, attracting hipster and local designers. There are many cafes for Hipsters to chill and Cha Chan Tangs to serve the blue collars in the area. Shush Geikan is one of the few Japanese restaurants in the area. A very cozy feeling through using warm lighting, light wood interior and little potted plants. Little pieces of paper and coloured pencils are placed on each table where customers ca

鮨芸館，名字看上去很日式風味，但內裡裝潢一點日本風都沒有，不過尚算簡潔整齊，舒適度還可以。食日本菜，我依然是比較喜歡坐bar檯，望著師傅細心地整弄刺身、壽司，也是一件賞心樂事。這裡星期一至五都會提供set lunch, 我選的是牛肉烏冬，跟餐還有沙律，前菜及麵豉湯，頗豐富的。沙律菜配上和風醬汁很惹味，前菜的豚肉味道不錯，用上麵豉醬，入味之餘不會太鹹。除了沙律前菜，還有三片三文魚或加州卷，本人不愛吃三文魚，所以點了加州卷，但今日的蟹籽一入口帶點怪味，好像不太新鮮，所以我勉強食了一件便放棄。食牛肉烏冬最怕便是牛肉全熟帶硬，萬幸這店以半熟牛肉完成上檯，不硬之餘牛味更濃，但當然，用上的並非有級數的靚牛，不過還是可以的。稻庭烏冬很滑，配上不濃味的清湯更完美👍🏼朋友點了刺身飯定食，份量多，刺身種類有六，七種，不過感覺師傅刀功麻麻，魚片有點太厚了，不過我無試過，但朋友都感到滿意的。這店總體是過得去的，不過不失吧！

晚上只有自己一個食飯，忽然想食日本菜，所以放工後就到公司附近的 D2 Place One 找找看，記得之前 lunch 時到過這一家餐廳，食物不錯，所以想晚餐時再試一次。刺身很鮮甜，價錢合理，大吞拿及三文魚腩因為油脂豐富，所以食完已有半飽。銀雪魚西京燒做得不錯，口感豐膩，是日本菜當中我最愛的一道菜。埋單確實價錢忘了，大約 3百多吧。 應該配清酒的，會更完美。

原本話餐廳背景係圍繞一個愛情故事 一入到去環境尚可 仲有杯比我地揀但野食定價貴過居酒屋 食物質素相當普通壽司飯太軟 帶子一塊25元正但難食過元氣個野菜魚麵其實幾彈牙 但味精湯底 啲野菜其實就係剪到勁碎既金菇不會再來

周六中午黎到D2 Place 嘅鮨芸館, 位置寧靜可以舒舒服服享受下午，還有免費wifi可以消磨時間 牆身貼滿七彩嘅杯墊， 係客人填色的紙杯墊，每張枱都附上顏色筆供客人發揮藝術創意 , 在等菜期間可以畫下公仔填下顏色 前菜嘅沙律，漬物均屬普通點了炙井：帶子、三文魚、左口魚、魚子既魚生飯，再加上玉子 雜錦魚生飯，魚生尚算可以，帶子較為新鮮，魚類刺身不太推介，切得略嫌較薄，以這個價錢，味道屬一般 吞拿魚腩丼，幸好尚算新鮮 甜品係甜到泡芙一個，三個飯每位$135

周日中午黎到D2嘅鮨芸館，裝潢走日系風格，簡潔明亮。牆身貼滿七彩木顏色嘅杯墊畫。客人可隨意將杯墊塗上顏色，店家就會將畫作貼上牆上。大小朋友都可以玩ga!日本魚麵menu 店家表示新推出，就試下先。所有套餐都跟沙律、薯蓉。薯蓉球內薯仔粒粒都幾大粒，幾有咬口。安格斯牛肉魚麵 $128牛肉份量好多，一層層甘疊住。安格斯牛肉質粉嫩juicy,配合埋鯛魚骨熬製而成嘅湯底，令牛肉食落增添份鮮甜味。魚麵質地比一般麵較挺身，口感幾清爽彈牙，配埋鯛魚湯一齊食，味道幾夾。黑豚五花腩 $28肥膏部分爽口唔油膩，燒得幾惹味！左-蜜桃青檸梳打 蜜桃味唔化學，配青檸酸酸地唔太甜，幾好飲。右-赤苺梳打味道好似有氣嘅味覺酸糖酸梅味，味道都幾得意。胡麻魚生冷魚麵 $148原來魚麵熱食外，冷食又另有一番風味。魚麵加入胡麻醬同新鮮嘅魚生拌勻，突顯左魚麵清爽彈牙口感外，感覺係超似食緊啖啖蟹柳一樣，值得一試。流水蕎麥麵 $98見人玩就睇得多，難得呢道有呢個玩雖然份量偏少，但有得食有得玩，大人細路都會想揀