鮨葵

營業中

休息中

上水依間日式餐廳，門口上面大大隻豬仔好易認，午市時段免加一，啲餐都幾抵食下，多選擇，大大份，絕不欺場，不過我叫果個滑蛋牛肉飯定食個賣相就差D，一啲都唔日式滑蛋嘅感覺，似韓式飯多啲，味道也不過不失，無咩特別，不過其他嘢食係ok嘅，天婦羅🍤香脆，唔會好厚炸粉，烏冬滑口，服務也ok，整體來講不錯，值得支持.不過又俾我發現一間OpenRice寫住收OpenRice pay 但原來係唔收的..#日式#性價比#豐富#set#lunch#芝士年糕#天婦羅#天ぷら#ランチ#上水#セット#昼ごはん

我諗左好耐，同朋友傾埋，好唔好因為黃就唔寫呢個食評。。。我食完之後同我朋友講，今日食左一間好難食嘅壽司，佢知左個名之後就話我知，佢之前就同我講過叫我唔好去食，好難食，係我衰，無記性，唔記得。。。但都證實左一樣野，就係我地都真係分別覺得唔好食。。。形容返個餐先，大約＄136蚊，十件壽司+前菜+蒸蛋+面豉湯。面豉湯。。。算啦，可能叫做係成個餐最好嘅野。蒸蛋。真係完全無食過一個可以側邊乾晒，個塊紙禁薄嘅日本魚蛋片係韌嘅！壽司！136蚊，有四件兒童餐壽司我都算，因為人地都話係廚師發板，與人無尤。魚生塊塊都紙禁薄，個件帶子，我唔知佢係咪一粒切開4片以上，但都唔係難食，件壽司最難食係佢舊飯！我聞到有小小醋味，但食落係一舊白飯，我連食軍艦都要專登整啲飯出黎，唔想食禁多飯，廢事浪費我會肥左嘅quota，但我都唔想浪費太多飯，所以係整走一半，食一半。壽司就直接只食半舊飯。朋友叫左個大約係牛柳粒煎蛋石鍋飯，呢個除左無味，要自己加豉油外，無乜野講，不過就一定唔會值8×蚊。茶，幾乎凍嘅

好耐無過離北區呢邊，話說小編有需要打第三針，打針之前梗係要食好嘢啦！咁就揀咗呢間餐廳食啦！雖然係中午，好快就有位！同埋間餐廳都唔算難搵！咁就入去食啦！今日叫咗個北海道三色魚生飯！雖然就唔係特別大碗，但係分量非常之足夠！而且食材都相當新鮮㗎！食材都係有質素嘅！入邊有隻好似油甘魚嘅魚！餐牌話係白魚，初初食係有啲唔慣，會覺得腥，試吓加多少少豉油同埋芥辣，可以容易啲入口！另外有帆立貝同埋三文魚，都偏向鮮甜，而且都有啲魚味！well done!米飯方面都唔錯！另外，其他配菜方面，包括有麵豉湯，茶碗蒸、仲有沙律！個沙律醬都好食嘅，啲菜都好新鮮！個麵豉湯雖然唔係特別濃，但係好有麵豉味！茶碗蒸個蛋都好滑！清清淡淡，小編我就偏向鍾意食完曬所有嘢先食佢！呢間餐廳啲嘢食真係做得好好！值得推介！打完針身體上有啲唔舒服！不過好開心可以喺打針前食咗餐咁好嘅日本料理！希望好返之後，可以再嚟食過

男朋友放假同我一齊去食大餐😋因為疫情關係😷好耐都冇機會食餐好嘅喇😔今次一定要把握機會食正野😋揀左上水嘅鮨葵去食日本野🍣睇下d野食正唔正先👀 野菜牛肉鍋套餐 吞拿魚茸三文魚子丼套餐午市套餐都幾抵食，$78蚊有沙律🥦，有麵豉湯🥣又有甜品🍡 野菜牛肉鍋個湯底幾甜🥬🥩蔬菜浸泡吸收晒湯底嘅精華😳食落口啲湯汁一涌而出加埋蔬菜嘅甜味🤤真係無懈可擊🤤可惜牛肉質素普通...有啲韌🥲不過餸飯認真一流😋男朋友個丼d吞拿魚茸食落口非常鮮味🤯淡淡嘅芝麻香帶出吞拿魚茸嘅香😍魚茸嘅口感令到佢嘅鮮味更容易充滿整個口腔🥰加埋會爆漿嘅三文魚子🎉啖啖都係🐟嘅精華🤣冇得頂👍 明太子雞翼大蔥豬腩肉串 燒物揀左明太子雞翼同大蔥豬腩肉串😋明太子雞翼有少少辣🥵不過有啲失望嘅係明太子味道唔突出🙁同普通燒雞翼分別唔大😓大蔥豬腩肉串好肥美🤗豬腩肉有咬口😬一咬落去油脂四溢🌊鐘意食油香嘅朋友仔唔可以錯過🤩 蟹籽刺身三文魚腩刺身蟹籽刺身平時好少叫😂不過突然心血來潮好想食三文魚腩點蟹籽食😋份量比想像中多，蟹籽冇腥味有海洋嘅味道😋撈飯黎食可以增加食趣😆唔錯唔錯👍三文魚腩不過不失🐟都係同平常食開嘅一樣肥美😋價錢都算便宜👍🏻抵食！ 總括黎講質素都唔錯😋

我都係第一次寫食評，我之前都好少寫食評，所以純粹分享少少意見！估唔到呢間日本野外賣都勁好食！雞扒又Juice！又抵食！可以推介俾大家！估唔到上水有一間日本野又抵食！又好食！極度有良心嘅店舖！外賣自取速度又快！之前喺度食過堂食！刺身都極度新鮮！店員服務態度又良好！我之前喺上水食過其他嘅日本菜都冇依度咁新鮮！飛機貨又特別抵食！因為小弟特別鍾意食刺身！所以對自身要求特別高！所以之後去上水都會去呢度食！所以極度推薦大家！

高質日本菜( ˊᵕˋ )好難得係上水搵到好食的良心店🥲上水一向都少野食( ´ඉ_ඉ` )所以來來去去都係食個啲…除左鳳鳴居 homy cafe，呢間都係我選擇之一！壽司熟食炸物都覺得好好食～之前食過鰻魚飯 好大塊鰻魚 唔算多細骨～炸物都唔算厚粉壽司就推介燒左口魚壽司(˶‾᷄ ⁻̫ ‾᷅˵)一食落去 充滿油脂 好正！價錢雖然話唔係好平 但都值得一試💛👅味道：4.5/5💰性價比：3/5👀回頭率：5/5 (難得上水有黃店ಥ_ಥ)

聽到啲人話呢一間 餐廳有空一定要嚟幫親， 今日 就走走嚟試下啦入到去當然打下卡全因為啲字眼裝修吸引你食都上可，新鮮配搭一流大家睇到 鋪面嘅裝修會唔會因為外觀所以吸引咗你入去呢我就係其中一個啦

大老遠來到上水新祥街，附近就非常多食市，街尾就有一間壽司店。入到去立即有位，舖頭入面環境都唔錯亦都唔會太逼。叫左個海膽雜綿魚生飯，樓面迅速咁比左麵豉湯、沙律同埋茶碗蒸。咁首先沙律菜其實唔太新鮮，全部黃黃地色既，麵豉湯感覺都係用粉開，味道一般般，不過茶碗蒸就意外地好食。等左好一段時間之後，個魚生飯終於上到枱。賣相其實幾好，刺身望落色澤都正常而且size都大，海膽就食落唔會腥，飯既份量都合適。食物質素都正常。樓面服務都周到。鮨葵屬於區內值得嘗試的日本菜餐廳。

鮨葵 📍上水新祥街4號地舖環境：🐣🐣🐣🥚🥚舖頭唔係好大，但都坐得幾舒服，有屏風隔住，三五之己傾吓計都好👍🏻👍🏻極上鮨葵丼 $188味道：🐣🐣🐣🐣🥚刺身幾新鮮👍🏻👍🏻個海膽好好食👍🏻👍🏻三文魚籽拖羅茸丼 $128味道：🐣🐣🐣🐣🐣個人覺得呢個丼好好食😋啲拖羅茸同三文魚籽好新鮮👍🏻👍🏻啲拖羅茸好多👍🏻👍🏻唔會食到最尾得番飯😂雜錦天婦羅 $85味道：🐣🐣🐣🥚🥚有天婦羅🍤 蕃薯🍠同南瓜🎃啲炸粉唔會太厚，都幾好食😋燒秋葵 $35味道：🐣🐣🐣🐣🥚個秋葵味道偏咸，但都好好食😋 三人埋單456蚊每人152 🐣推薦度：🐣🐣🐣🐣🥚

叫左4樣野食，半個鐘後黎左一樣，之後另外三樣一個鐘後都冇黎，之後向店員查詢一下，態度極差，好似係我得罪左佢咁。咁樣真係好影響心情，野食質素都一般般。總括而言係比錢買難服，冇下次，唔會再幫襯。

8點入座，8點10分落單。等了一小時連刺身都未有，鋪頭專注做外賣單，令堂食人客等了很久都未野食。 店員態度亦不太好，沒有清楚解釋食物等候時間太長的原因，不會再來。

都坐得ok既但d野食要等一個鐘，望住師傅做野淨係見到pack緊外賣，咁你不如轉外賣店啦。然後有一個女店員態度特別衰，大佬，等成粒鐘去問下有未都好合理啦下話。Anyway，冇下次。黃店都撐唔落

鮨葵，店名就咁睇會覺得係一間食Omakase的高級鮨店，但現實一去到門口，見到一大堆連農豬嘅海報，書簽呀就知佢係一間平易近人嘅日本餐廳。我哋是夜晚8:30去食飯，入座率都有8-9成，見到咁多人得兩個原因，一係好食，二就係平。咁講下我今晚食咗啲乜野先。我哋order咗一個葵之夢二人餐(S328) + 一條剥皮魚($300)泡菜 - 二人餐嘅前菜係泡菜，小辣偏甜，作為一個開胃菜叫合格。三文魚腩刺身 - 跟餐加10蚊可以轉魚腩位，其實都唔洗諗，腩位同正常位油脂差太遠，一定好食過正常位，有三文魚味，魚油豐富，好食嘅。和風沙律 - 同牛涮鍋整好晒一份份嘅沙律一樣味，都係羅馬生菜呀沙律菜呀粟米加胡麻醬咁，食味正常。蜆肉味增湯 - 每碗有兩隻大蜆，碗湯係熱烘烘的，加分。豬軟骨鍋 - 跟餐加20蚊轉做豬軟骨鍋，豬軟骨應該係攞貨唔係自己做嘅，但都叫做淋身，面頭有隻生雞蛋，底有粉絲同泡菜，個味好似以前五十嵐嘅牛肉鍋果隻味，都係正正常常咁但偏鹹。鹽燒鯖魚 - 燒得幾乾身，都係正常食味。軟殼蟹天婦羅 - 炸粉太厚，但都食得到軟殼蟹嘅甜味，生熟程度幾好。和風日式炒飯 - 依個我哋無食到，打包咗俾無家者食。希望好

我同friend weekday夜晚去都食咗2-3個鐘 店員好nice完全冇趕我哋🥺好啱同一班朋友去聚舊😊 間舖頭唔係話超大但係行簡約風啲枱又好闊落，所以坐得好舒服 💯至於食物方面- 壽司ok啦 好足料但係味道不過不失 軟殼蟹牛油果卷一樣超多軟殼蟹都真係幾抵食 最值得叫嘅反而係牛肉鍋真係好好食有驚喜！所以overall我會推介熟食多啲😊值得回頭嘅 我見佢哋menu仲有串燒炸物 真係勁多options 下次會再試🤩

🍣壽司盛盒（4-5人）$488✔️全部壽司都新鮮，份量都足😚✔️讓人驚喜嘅: 厚切三文魚腩、厚厚鮮甜嘅杋立貝😋😋😋✔️炸蝦卷外賣都冇淋到👍🏻✔️其他壽司屬正常水準🤣✔️每人百幾蚊12件壽司算係咁👻-Sheung Shui sushi take away!-Fresh and enough for 4-5 ppl!-recommendations: fatty salmon and fatty scallop-$12/sushi~nice price打卡度Igable: 7.5/10美食度Taste: 7.9/10 翻兜度 Worth revisiting: 8.5/10