鮨見 (已結業)

香港愈來愈多食OMAKASE的地方，今次呢到係朋友介紹的，估唔到真係好高質！店舖不大，由一名日本師傅一手包辦，師傅經驗豐富，一路食一路介紹自己既經驗，仲話試過做過３０人包場既OMAKASE，認真犀利！MENU同平時OMAKASE大同小異，由前菜，茶碗蒸，剌身，壽司，和甜品，每一道都食得到鮮味和驚喜。刺身方面，當日有白子刺身／鮟鱇魚肝／深池等等，第一次食鮟鱇魚肝，味道和口感有點似鵝肝，估唔到咁滑溜！壽司方面，有拖羅／帶子／海膽／等等，全部食材都當日下午先由日本送到，非常觧味！

今日男朋友話要想試吓啲新嘅嘢，所以就帶咗我黎食刺身。我平時唔係好鍾意食刺身，成日都覺得好腥。佢介紹我食呢間廚師發辦，佢同事話好高質，所以今日帶埋我嚟食。我地約咗七點，入面已經有一對情侶食緊。睇一睇Menu，原來依間餐廳咁貴，男朋友真係有我心。我哋叫咗《見》set ，諗住食得豐富啲。個日本廚師好有氣勢，而且好似咩語言都識，一邊煮一邊向我哋介紹色彩嘅知識，又講下廚師發板嘅由來，幾風趣。第一道上嘅菜係前菜，係魷魚仔黎，配上醬汁都幾開胃的。然後，就送上茶碗蒸。蛋嘅質地滑溜，內裏有冬菇，瑤柱，芫荽等等，味道不錯，用料充足。然後，就到刺身時間。先來一個安康魚肝，師傅用火槍即時燒過，魚油味即刻撲埋黎。魚肝既口感好融化，充滿魚油香。然後就到海膽白子，口感好creamy，唔會腥，好有海既鮮味。之後再嚟三款刺身。分別係池魚、春魚、金目鯛。佢哋肉質厚實，但食落好柔軟，味道都好鮮甜。我個人覺得春魚最好味。然後再嚟一個刺身合體。有帶子同甜蝦，中間包住吞拿魚溝飛魚子，面頭有鮑魚肝醬同金箔。好靚。食落去口感好特別，先有帶子同甜蝦嘅鮮甜，但咬到中間就有吞拿魚嘅鹹味，同埋飛魚子鬆脆嘅口感，啲飛魚只係口係咁爆出黎，令人齒

踏入新一年, 男朋友帶左我去食omakase當慶祝, 因為omakase 比較貴所以好少食, 今次黎到呢間sushi me, 我地都覺得好滿意!!晚餐menu有2款, 其實都大同小異, 不過貴d果款就有海膽魚子甜蝦杯!!!!每set都會有前菜, 茶碗蒸, 刺身, 壽司, 湯, 同甜品~刺身方面, 當日最令我難忘既係白子配海膽, 深海池魚, 同埋1個用匙更上既海膽配toro! 白子輕輕燒過, 油香味十足, 入口順滑, 非常鮮味! 而深海池魚味道超甘香, 肉質爽滑肥美! 餐廳用上超新鮮海膽, 配上toro真係無得輸!而壽司方面. 當日食左一件unique的壽司, 師傅話係佢design的, 所以餐廳叫做sushi me 哈哈!北海道帶上面放上大toro, 再用火燒燒, toro的魚油流落去帶子到, 再落入飯中, 味道令人非常難忘!!!最後海膽魚子甜蝦杯又一超卓傑作, 海膽多到滿瀉, 魚子甜而不咸, perfect!雖然價值不菲, 不過餐廳食材都非常高質, 用料當日下午才送到餐廳, 對品質相當有要求, 值得

一直都好想試omakase, 由師傅負責食物，襯今個月出左雙糧，晚上就走去尖沙咀呢間鮨見試下。環境好舒服，店員很有禮貌，而為我準備料理既師傅係日本人，我就點了一個套餐（見）。食日本野睇住師傅慢慢即制即食確係一種享受！前菜：係八爪魚配上甜甜的醫料，令八爪魚很惹味再加上本身八爪魚好彈牙，比超市賣既八爪魚完全不是同一個檔次！魚肝鵝肝就食得多，但係魚肝還是第一次試，同樣地入口即溶，但沒有油膩感，非常有驚喜！茶碗蒸蛋既表面蒸得好平滑，入口好嫩滑，感覺比豆腐更滑。北海道白子雞子就食過，白子就真係第一次食，唔需要太多既調味，但口感已經非常鮮美！深海池魚師傅其中兩片用火槍燒個表面，聞到有好香既味道，兩片比較軟身爽口，而燒個既另外兩片係口感好實在但仍然好鮮美。北海道鮑魚爽口鮑魚配上特色醬料，用呢個醬料撈飯味道一流。北海道帶子拖羅壽司火炙拖羅夾住帶子，火炙拖羅入口即溶，再配上超新鮮既帶子，滋味無窮！海膽杯全晚最吸晴，滿滿既北海道海膽鋪係已調味既飯上，加埋魚子同wasabi，口感多重、味道豐富。甜品係超甜超多汁既靜岡蜜瓜！

新既一年想食好d，就上網揀左主打omakase既鮨見，今日係第一次食omakase，餐廳裝修好有日本家庭感覺，我地坐係bar枱前睇住師傅製作食物。今次我地揀左價位較高既套餐去獎勵下自己😁八爪魚前菜爽口既八爪魚配上酸酸地既醬汁，加埋小青瓜，開胃又清新鮟鱇魚肝口感好creamy，小小似鵝肝，但唔會有鵝肝既油膩感，好特別北海道白子白子外型好似人既腦，含有豐富既蛋白質同維他命D，今次第一次嘗試，師傅燒到有小小焦香，入口即溶，好鮮味。深海池魚師傅建議先食右、再食左，最後先係中間。左邊既池魚師傅先燒一燒，魚油同香味同時撲出，食落滿口油香，一試難忘。北海道鮑魚爽而不韌既鮑魚配上鮑魚肝醬別有一番風味，最後師傅會比d飯撈埋餘下既醬食。開始欣賞師傅係面前一件一件手握既壽司🤤金目鯛、鰤魚、藍鰭吞拿魚、牡丹蝦、赤貝、帶子拖羅壽司。我最鐘意就係赤貝壽司，師傅即場處理原隻赤貝，切成美美既蝴蝶結，啖啖肉非常爽口👍🏻👍🏻最後以金目鯛魚頭湯暖暖胃，同埋甜美多汁既靜岡蜜瓜作結。

完全沒有計劃去邊度食飯，卻好幸運咁誤打誤撞發現到可能是以後我地既日本廚房，老公口中的「低調既高調」omakase餐廳！ 低調係講平凡如家庭餐廳既裝潢，夫妻檔既partnership，沒名牌加持效應；高調係新鮮食材上既選用，主廚用心挑選既當季食材，思考設計整個套餐。 從每一件食物，都可以感受到主廚極度講求食材的新鮮度和搭配，從食物既順序、口感配搭、油脂含量比例、餐具設計既想法都讓客人充分感受主廚既用心。

今次收工去到尖沙咀同frd一齊食期待已久既omakase今次豪氣叫左右邊既套餐 今次係我同朋友兩人既omakase初體驗, 真係好似日劇咁，所有食物都係廚師係你面前整，睇得出廚師對待食材真係好認真，傾落先知原本廚師已經有三十年經驗，最先係東京開舖 首先上既茶碗蒸，之後陸陸續續上既精選尸sashimi，包括池魚，章魚同秋刀魚，食材新鮮，廚師刀口了得，食落口仲有鮮味，口感格外厚實上完sashimi之後就到我地最最期待既sushi，包括赤貝，藍鰭拖羅等，件件都入口即融，仲有大廚事先特別調整好既醬料，令人一試難忘呢件係全晚重點- 大廚最愛既藍鰭三文魚，食完之後都變左我既最愛呀 當我仲沉醉係高質壽司既after-taste, 大廚再遞上呢個滿滿既海蝦海膽杯，令人感動既係除左食材既美味，仲有細節既感動，例如放係餐具既心思，每個碗、杯、碟同可愛櫻花湯匙，都係視覺既極致享受最後大廚仲送上日本蜜瓜同非常驚喜既自家手製豆腐雪糕，滿滿既豆味又唔會太甜除左因為即整而要等耐小小之外完全係滿分既一餐

💁🏻‍♀️ 鮨見 (尖沙咀) 🍴-人大了，很難找個理由讓自己快樂，是日難得友人生日，於是決定食豪啲，偶爾對自己好點，也是種人生智慧。今次揀左間omakase店，久仰這間小店的名氣，但一直覺得有點貴，所以遲遲沒有拜訪。但今次食完呢個盛宴後大受感動，終於明白呢個價錢，其實真係十分值。Omakase 晚餐 ($1699/位）Omakase共有6道菜，邊食邊看廚師料理，是兩小時的視覺與味覺享受。頭盤有八爪魚🐙沙律及小型海膽杯，配有銀箔點綴，氣派十足，食落亦充滿海鮮味。茶碗蒸滑溜到不得了，蛋味香濃。精選sashimi有池魚、秋刀魚及章魚，口感厚實，經精心醃製更能帶出魚的鮮味。不得不提，sashmi還有廚師特別調製的醬料食用，盡顯其對每一份食材的心思。本人最愛的是這一味『海膽+火灸吞拿魚』，由大廚先生即場火燒，魚的油香加埋海膽一口食下，真係天上的滋味。餐單仲包埋六件高質壽司，包括赤貝、秋刀魚、藍鰭拖羅... ... 全部都由大廚事前調味，因此不需再額外加醬油或wasabi，而個人最念念不忘的便是藍鰭拖羅，魚生入口即溶，面頭再加上有啲似芥末醬的醬汁，簡直是錦上添花。當你以為已經到了戲肉？唔好意思，仲有

「鮨見」— 由一日本師傅主理的高級日本食店，主打日式Omakase（廚師發辦），午市較划算，價錢為$399 / $599 / $799 三個級別，而我今天選擇的就是$599的（春）前菜為鮟鱇魚肝，是Omakase常見的前菜，魚肝味濃，入口creamy奶滑，還以日式酸汁調味。日式茶碗蒸：即以香菇、雞肉、蝦及日式上湯等製的蒸蛋，質感非常幼滑，入口即化，整體口味稍淡，不會太膩。喜知次 (左上)、鰤魚腩 (右上)、鯛魚 (左下)、火灸深海池魚 (右下)：喜知次為日本魚中紅寶石，身價矜貴，味道較清甜；鰤魚腩較肥美，油香較豐富；深海池魚經火灸後，魚油溢出，香而爽甜。左口魚 (左上)、秋刀魚 (右上)、藍鰭吞拿魚 (左下)、活帆立貝 (右下)：味較淡的左口魚配柚子漬，味道層次稍有提升；藍鰭吞拿魚是刺身中的瑰寶，口感非常滑膩，魚味鮮濃。左口魚邊拖羅蓉手卷 (上)、火灸廣島蠔壽司 (下)：左口魚邊脂肪比例較高，經火灸後大量魚油逼出，非常香滑，而拖羅蓉的油脂比例亦較高，滿是吞拿魚魚香，所以加上紫菜製手卷，減低油膩感。甜蝦海膽杯：看著師傅在海膽板中一大片一大片地放在海膽杯，將近溢出，非常治癒。吸物為鮮魚湯，

尖沙咀日本料理不下百間，但質素參差不齊，要食到一間好食嘅有番咁上下難度。不過今日食嘅呢間鮨見，完全展現左唔同級數嘅日本料理。「Omakase」係日本高級料理，日文原意係「拜託了」，即係菜單由主廚全權負責，挑選當日時令材料製作佳餚，包括刺身、壽司、茶碗蒸等。我以前都食過幾間日本餐廳嘅Omakase，但係坐係大廚面前睇住佢現打現製都係第一次。大廚二見さん學藝多年，再由日本將料理帶黎香港，務求令香港人都食到日本地道風味料理。佢相當著重「溝通」，覺得廚師同客人冇交流就算唔上好嘅Omakase，所以餐廳格局夠細，務求一路食一路向客人說明料理特色。前言唔講太多，直入主題啦。打頭陣嘅係八爪魚冷盤配秘製醬汁。八爪魚仔爽口，八爪魚腳彈牙，加埋酒香味濃郁嘅醬料，甜甜地嘅味道相當開胃，作為前菜相當稱職。茶碗蒸用料豐富，有蝦、蟹、雞、菇等配料，鮮味都煮到入蛋度，每匙都有配料，食落好滿足。然後係不可或缺嘅剌身六點，味道由淺入深：櫻花鯛肉質鮮美，咬落有濃而不膩嘅鮮甜味；拖羅油香十足，入口接近即時溶化，咬落再有吞拿魚甘香後勁；深海池魚較爽口，鮮味非常霸道，一咀嚼就攻佔成個口腔；混合剌身又係另一番風味：軟滑鯛魚配上嫩

這間位於尖沙咀旺區的日本料理店，由擁有30年經驗的日藉師傅主理，主打omakasa,午餐只需$500多元，款式甚多，壽司都配上不同的自家醬汁，質素很好，難怪每次都大排長龍：）蟹膏池魚壽司：池魚很肥美，魚油在口腔停留甚久，食得岀係很新鮮仔貨，配上蟹膏汁，雙重滋味。火燒厚切toro壽司：魚燒完後香味很重，厚身魚生口感甚佳，上面配上酸汁中和及提升鮮味。海膽杯：全場到高水質的一環，海膽鮮甜海水味重，外觀得完整，第一次嘗到脆身的口感，跟日本漁市場水準一致。

好耐無食omakase，咁啱好耐無見舊同事，約埋佢一齊去食下。餐廳設計係bar檯位，可以一邊食一邊對住師傅交流。海鮮豆腐 - 有海帶、八爪魚仔同日式豆腐，味道好濃。茶碗蒸 - 啱啱蒸好熱辣辣，蛋味好濃厚。鮟康魚糕 - 上層大大舊魚糕，下層係菠菜。鯛魚刺身 - 金目鯛口感嫩滑，而櫻花鯛口感比較爽，另外仲有魚肝。刺身小拼盤 - 赤貝刺身厚肉肥美。吞拿魚卷包上左口魚裙邊同魷魚，上面仲加咗金箔。另外一款由多種刺身混合而成，味道好特別。火灸大拖羅加海膽 - 份量好多，用匙羹裝方便一啖擺落口。鮑魚片 - 厚切咬落好煙韌有口感。秋刀魚壽司 - 師傅即場細心去骨，第一次食生嘅秋刀魚肉質韌韌好特別。火炙拖羅壽司 - 經過火炙一燒，油脂感更加重。北海道帶子壽司 - 帶子大大粒厚身肥美，再用拖羅卷上好似軍艦壽司。廣島蠔壽司 - 師傅話要擺喺手上面食先夠原汁原味。靜岡蜜瓜 - 好鮮甜多汁。

見openrice咁多好評，友人請食飯我就揀咗呢間食omakase。友人好闊綽咁揀咗$1699嘅set。坐吧枱，望住師傅發辦。前菜有Seafood tofu同八爪魚冷盤跟住有熱辣辣茶碗蒸，有幾條菇。呢個係鮟康魚肝，夾埋菠菜一齊食。開始食刺身，打頭陣有金目鯛、櫻花鯛同肝。櫻花鯛爽口，金目鯛淋身。跟住有混合刺身，赤貝、吞拿魚同左賀魚裙邊。第一次食刺身包刺身，有趣。火炙拖羅包海膽，好震撼。鮑魚點肝醬終於開始食壽司。師傅話係kingkin，唔係好知咩嚟。總之係魚類壽司。深海池魚秋刀魚火炙拖羅壽司北海道帶子加拖羅師傅先火炙燒廣島蠔，仲要求我地用手食，第一次咁樣食⋯⋯海膽杯，我唔係好鍾意食魚子，因為好怕陣腥味，所以俾咗成杯友人食。甜品係靜岡蜜瓜，好清甜。

朋友仔又陪我捐窿捐啦揾好嘢食，今次就去咗尖沙咀一間樓上嘅日式料理店。鋪頭雖然唔算好大，但麻雀雖小五臟俱全，牆身掛上啲日式畫作，又有得近距離睇師傅烹調！八爪魚前菜師傅將八爪魚同豆乾層層疊疊，海帶鋪左最上面，酸酸甜甜嘅醬汁好開胃！鮟鱇魚肝鮟鱇魚肝除咗有豐富嘅營養價值外，味道仲好特別！質感比較軟密，但又唔似鵝肝咁油膩，加上偏辣嘅魚子醬，味道就更有層次。茶碗蒸用咗小小嘅韮菜做調味，雞蛋都幾滑嫩。北海道厚切鮑魚北海道鮑魚以厚切上陣，食落煙靭鮮甜。手握壽司呢度提供左九州鱸魚、池魚、赤貝、深海池魚、櫻花鯛同廣島蠔等六種手握壽司。當中，我最鍾意就係赤貝，夠哂爽脆清甜；而廣島蠔亦好特別，師傅特登提醒我哋要用手接，再一啖食落口，先夠原汁原味！蠔身肥美飽滿，加上用火槍輕輕燒咗表面，鎖住啲鮮味。吞拿甜蝦卷鮮紅色嘅吞拿包裹住晶瑩透亮嘅甜蝦，表面仲放咗一片薄薄小金箔，視覺效果一流！拖羅海膽要一啖食哂！拖羅表面比火槍微微燒一燒，與微涼嘅海膽成為強烈對比！海膽杯一見到就覺得好啱打卡！賣相一流，粒粒分明嘅魚子同海膽堆成日一個小山丘，上面仲放咗一隻小甜蝦，外表雖然的的骰骰，但其實放咗超多材料，份量十足。