鮮活之味

營業中

休息中

最近放工多咗去觀塘，我返工嘅地方一樣咁塞車，但係就係美食沙漠，反而朋友成日約我去觀塘，就有好多樓上美食，平靚正！APM睇完戲就去咗附近食鰻魚，係真。鰻魚。晚飯套餐，只是幾十元，有小食仲有甜品，性價比很高。椒鹽魷魚鬚QR code落單，見到最新推出的小食，一於試吓椒鹽魷魚鬚，滿滿的海鮮感覺。椒鹽惹味，魷魚鬚炸得黃金酥脆，食到有少少辣，多了一份微辣的香味。咬落彈滑有口感。真蒲燒鮮鰻魚飯 配糖心蛋半隻賣相充滿和風感覺的真蒲燒鮮鰻魚飯 打卡一流，鰻魚厚肉，充滿鮮香味，濃鮮蒲燒香味，灑了芝麻和秘製鰻魚醬汁，配糖心蛋半隻可以一吃。唔係好多地方有得賣鮮鰻魚，有少少魚骨，都幾重魚味，唔會太肥，油脂都幾平均，唔會勁肥，新鮮好食。椒鹽鮮白鱔球飯，配糖心蛋半隻新鮮炸起，椒鹽鮮白鱔球好有鑊氣，材料十足，豐富白鱔肉的質感，細緻分明的口感，每天限量供應。蘋果金寶芝士蛋糕估唔到小店咁有水準，甜品叫咗蘋果金寶芝士蛋糕，都重芝士味，另外蘋果金寶餡料都幾多下，抵食大件，唔錯。

觀塘返工的朋友介紹，話駱駝漆大廈入面開左間專食鱔的餐廳，是晚就同家人黎試下😋呢區晚市一向較靜，連駱駝漆大廈都唔使排隊等𨋢真係有啲意外，上到餐廳，有三枱客人食緊，老闆禮貌招呼，話隨便坐同用qr code落單。其實餐廳只有老闆一人，又煮又上菜又收銀，仲要接外賣單，真係好忙，係咁忙情況下都出黎斟水比我地，仲略略介紹下個餐牌，有誠意😆⭐蜜餞炸鱔球飯配溏心蛋半隻餐牌有好幾款都想食，最後家人叫左炸鱔球飯。蜜餞口味甜甜的，鱔球炸得香口，肉質鮮美彈牙，件件都係center cut㗎。⭐真蒲燒鮮鰻魚飯配溏心蛋半隻自己就叫左呢款日式鰻魚飯，同樣用上新鮮鱔肉，厚身肥美，美中不足係有細骨，呢個要小心食。⭐牛油蒜香雞翼見口痕叫左份雞翼，一客三隻，炸得香脆，果真有牛油同蒜頭香，仲加左七味粉帶少少辣勁，正😋⭐炸餃子仲有炸餃子，係日式餃子黎，呢個有四隻😋⭐可樂 & 綠茶跟餐仲有優惠價加飲品，食完野飲啖凍飲，嘆😋食得出啲鱔係新鮮貨，多口問兩句，原來老闆家人做街市批發，攞貨平啲先做到呢個價，佢仲話啲鱔放水缸養兩日所以無泥味，哦哦，長知識了🤭

朋友約會晚飯在「鮮活之味」，店鋪主打多國菜，位置在工廈，室內環境設計簡潔光亮，而且價錢實惠。蜜餞炸雞球飯~包含香酥和蜜味的蜜餞炸雞球，最宜送酒下飯，飯面薄薄的醬汁 ，豐富了煙靭軟糯的白米飯，口感更美味可口。南乳脆香腩肉飯配溏心蛋~南乳脆香腩肉很像吉列豬扒，脆香肉嫩的腩肉加入南乳，味道更上一層樓。 溏心蛋做得很具水準，甘香滑溜。真蒲燒鮮鰻魚飯配溏心蛋~ 鮮鰻魚肉的鮮甜軟嫩口感與滋味醬汁配合得天衣無縫。冰凍綠茶及香濃咖啡 紐約芝士蛋糕~ 經典口味，連不愛吃芝士的我也喜歡呢。蘋果金寶芝士蛋糕~粒粒蘋果多一份甜甜酸酸果味，的確很解膩開胃。由主菜到甜品都很有滿足感，下次再來要賞味鮮白鱔了！

頻撲咗成個星期，終於可以唞一唞🫠 一覺醒來，電視已經播緊午間新聞🙂‍↕️🙂‍↔️ 個肚餓到打晒鼓嘅我，梳洗過後… 馬上出去搵食😁 聽朋友講，#駱駝漆大廈 最近開咗間 #鰻魚專門店 鮮活之味，啱晒我呢個 #鰻魚控 ♥️ 咁啱呢排屋企啲護膚品用晒，過去食個late lunch順晒路🤭 嚟到三座嘅地下，lift lobby排滿等上樓開餐嘅人龍，場面好熱鬧🥳 餐廳大門裝飾得有點日本風，裝修簡約，傢俬都以白色似為主，感覺都幾舒服♥️ 餐牌上嘅食物都以 #鰻魚 為主，蒸嘅、燒嘅，椒鹽、韓式… 樣樣有齊🤤 如果唔鍾意食魚嘅，又可以揀 #炸雞、#腩肉 之類，選擇都唔少😃 今日我就點咗個 #豉汁白鱔片飯，配 #麻辣白肉 同 #牛油蒜香雞翼 做 #小食 🤤 啖啖肉嘅 #白鱔片 絕對無泥味，配埋 #特製嘅蒜蓉豆豉粒辣椒絲醬汁，非常惹味屋企🤤 連平時唔食飯嘅我，都忍唔住成配白飯連汁啪晒落肚😅 至於佢哋嘅小食都相當唔錯，#雞翼 皮脆肉嫩，雞皮甜甜地好香口🤤 #麻辣白肉 一啖一口，濃濃嘅蒜香配埋啲辣汁，如果有埋支啤酒就更加一流😎同老闆傾開偈，先知道佢啲 #鰻魚原材料 係直送嘅，免咗中間人嘅利潤，怪不得可以做得咁平，

起10/8嘅時候，同朋友走左去觀堂駱駝漆大厦，無意中見到有呢問專食鱔魚嘅店舖。當時雖然係午餐時候，但冇話特別多人，環境比較靜，格局比較似新裝修，但店員服務算ok。不過水要自己去吧台拿。當時就叫左個日式芥辣味同中版豉椒醬油味。鱔魚係切片上，都可以食到佢蒸魚特有嘅魚油香味同鱔魚特有嘅彈牙口感。日式芥辣味係甜醬油打底，然後外加一小堆芥辣放起碟側面等你自己混合。食落口味偏甜咸味，加左芥辣之後味道會更加復雜，係點精之筆。而中版則應該更加符合香港人嘅口味，係家常蒸魚嘅味道。個汁主打咸，鮮，辣，醬油嘅咸外加上辣椒同豆豉令到鱔魚嘅肥美更加突顯到出來，因此送飯一流。整體呢講食物質數高，價格親民，午市大約100以內，我記得好似60-80左右。份量唔係特別多，如果胃口較大嘅話有可能會覺得唔滿足，但正常應該係夠食。比較推薦。

觀塘工廈有間鮮活之味，主打白鱔而且價錢合理，便入去一試。🔆蜜餞炸雞球飯  $56  +轉魚湯拌飯 $16炸雞球外脆內嫩，蜜餞嘅甜味同炸雞嘅鹹香都幾夾，魚湯用白鱔骨熬製，無添加味精，熱辣辣加上濃濃嘅魚香味，飯粒吸滿湯汁，好滋味。🔆日式芥辣醬油汁鮮白鱔片 $68 鱔片新鮮滑溜，搭配芥辣醬油，香氣撲鼻，加$10轉咗紫菜飯，紫菜香氣濃郁，仲加咗大盛$30，鱔片份量十足。🔆椒鹽魷魚鬚 $35魷魚鬚炸得香脆，椒鹽調味適中，咬落去有咬口又唔會太韌。🔆浸娃娃菜 $22清淡嘅湯底配娃娃菜，清新去膩之選。🔆可樂冰冰涼涼，正好中和咗炸雞嘅油膩感。

*/鮮活之味✨餐廳環境環境非常光猛，雖然喺工廈裏邊，但都非常乾淨企理👍🏻👍🏻✨炸餃子熱辣辣，非常爽口，而且加上少少香草，將餃子嘅味道揮發得更上一層樓😍😍✨牛油蒜香雞翼外觀十分吸引同大隻，加上餐廳嘅自製醬汁，食落口感好惹味😋😋✨韓式炸雞球飯加魚湯見到個炸雞球擺設非常有心思，醬汁散落嘅位置都非常有層次，魚湯十分入味，充滿着滿滿嘅鮮魚味道🤩🤩🤩鮮活之味 (觀塘)觀塘開源道60號駱駝漆大廈第三座11樓G室

見網上有介紹，難得有食鱔既舖頭，一於去試下。店鋪採用QR落單，店內亦有wifi提供，店員都有走過黎問我有冇落單困難。店內有面壁位，對於單丁友黎講幾友善。部份既櫈係一般圓形木櫈，正正常常唔算坐得好舒服。另外要留意返既係佢地唔收現金，所以要記得準備相關電子付款方法。食物方面，叫左一個白灼秘製蔥油汁白鱔片。鱔片有九塊，雖然唔算好厚身，不過口感都算彈牙。蔥油汁甜甜地，唔會好咸，適合送飯。總括而言，味道正正常常，未至於好驚喜，抵唔抵食就見人見智，鍾意食鱔既人一試無妨。

一心嚟試吓個鱔，3人前，叫咗「白灼秘製蔥油汁鮮白鱔片飯」、「椒鹽炸雞球飯」同埋「椒鹽炸鱔球飯，配糖心蛋半隻」。另外叫咗個「秋葵」做前菜，每人再加錢要咗個魚湯。個蔥油汁白鱔我哋就覺得普普通通，蔥油汁其實唔算重，似純粹普通蒸鱔味道。椒鹽炸雞球ok嘅，而個椒鹽炸鱔球就再香口啲，好味過蒸。秋葵就中規中矩，個魚湯都重魚味，好彩唔「醒」，但就比較油。始終價錢算抵，都不失為打工仔其中一個好去處，地方都算舒適，值得一試。

平時出去食鱔一碟都賣百零兩百蚊，就算去雙餸飯店賣淨餸都最少六七十蚊。觀塘駱駝漆有間專食鱔嘅餐廳，新鮮即叫即整仲配埋飯都係賣七八十蚊，仲有每日新鮮用鱔骨煲嘅魚湯米線，味道同價錢都完勝！今次我哋做咗餐廳嘅第一個顧客，佢一開門就已經衝咗入去🤣蜜餞炸鮮鱔球飯，配糖心蛋半隻鱔球即叫即炸，薄薄嘅炸粉包裹住鱔球，令到魚肉保持鮮嫩多汁。慶幸加咗$25選擇咗大盛所以好大碟，有成十幾嚿好大嘅鱔球，每一舊都炸到好香脆，加埋醬汁同埋青蔥，一流嘅配搭！白灼秘製蔥油汁鮮白鱔片+魚湯米線相比炸鱔球，蒸白鱔片更加食得出魚嘅鮮味，自家秘製蔥油汁非常惹味，魚湯米線湯底清甜，又健康又好味。韓式炸雞球飯呢度除咗鱔之外，仲有其他嘢食可以揀，例如炸雞頭，豬腩肉，雞髀。我哋揀咗韓式炸雞球，啲雞炸到大大嚿又好脆，而且雞肉有肉汁，又唔多肥膏，啲汁酸酸甜甜好開胃。

一直都知道觀塘工廠大廈呢邊特別多隱世美食，呢日見有時間就特登同朋友去駱駝漆搵下好野食。黎到呢一間鮮活之味，見佢位置都幾寬敞，無咩人唔使排隊等位，岩哂肚餓既我地去試下。呢間餐廳係主打食鱔，我同朋友一人叫一份唔同味道既鱔嚟試試，睇下邊個好食啲先一份係白灼蔥油汁鮮白鱔片飯，另一份就係花椒醬汁鮮白鱔片飯。如果鍾意重口味啲既可以試下花椒醬汁，我自己就覺得白灼蔥油好食啲，因為白鱔個味道會出啲。另外仲可以加$12轉做魚湯，個湯都好鮮好抵飲。

駱駝漆大廈開咗間食鱔專門店, 專登來試一下 食物 : 真蒲燒鮮鰻魚飯配糖心蛋半隻, 包飲品可樂 $95 ~ 鰻魚是現燒, 唔係日式好多鰻魚汁果種, 味道OK, 但鰻魚有骨, 要小心 日式芥辣醬油汁鮮白鱔片飯, 配餐飲品烏龍茶 $67 ~ 鱔片鮮甜, 醬汁加咗wasabi 又好夾, 好似細個果時用汁撈飯, 好味 環境 : 店內舒服乾淨 服務 : 店員有禮貌 價錢 : HK$162 (無加一服務費)

🥰同朋友過嚟觀塘買電腦😛先醫肚再慢慢研究🧐朋友係呢頭返工😋所以今次由佢帶路嚕😝🐬今次佢帶我去食活鰻魚😍好喜歡呀🥳😍白灼秘製蔥油汁鮮白鱔片飯 $58🌈呢個白鱔片真係好新鮮💯白灼可以食到新鮮白鱔嘅鮮甜同埋爽口添✅配埋秘製嘅蔥油汁👍撈埋落去一齊食😍眨吓眼已經成碗白飯都食晒😂正到暈🥳😋蜜餞炸鮮鱔球飯配糖心蛋半隻 $78🌈蜜餞炸鮮鱔球又係另一個令人難忘嘅味道👅蜜錢味道超惹味✅炸完嘅鮮鱔球外面香脆到不得了💯魚嘅肉質爽彈🐬個汁超好送飯🍚仲有半隻糖心蛋添🥳🤩南乳脆香腩肉飯 $58🌈南乳入口惹味✅令人垂涎欲滴💯配埋切到一口size之後將佢炸到金黃香脆嘅腩肉😋點埋個秘製醬汁😍勁醒胃呀🥳🍲浸娃娃菜 $18🌈娃娃菜上面個幾粒杞子真係甜到不得了💯配埋娃娃菜一齊食✅正呀喂🥳✨跟餐加多 $12就可以飲埋個真材實料嘅鮮魚湯🔥抵呀✨

幫大家試左伏，如果想食蜜餞雞球同椒鹽雞球，可以唔洗試，2個雞球都無味，蜜餞都叫好啲有蜜糖可以hi下啲味擺到落口，無所謂既野味同多汁，自問自己平時都唔浪費食物，會幫女朋友清碗，呢次啲雞球係完全餸唔到飯，剩左起碼半碗。＊利申：$18半份娃娃菜，唔知你地係咪覺得價錢無問題，至少我覺得唔抵而2個飯餐亦都等左35分鐘，雖講既叫即炸，等我明白，但夜晚8點去到，全場有1/3吉位，等上枱都要等咁耐，如果好食都無咁嬲，但又唔好食又等得耐真係搞唔掂！

做完facial 碌咗去駱駝漆覓食～賣點直送嘅白鱔，有幾種唔同嘅煮法炸嘅可以揀蜜餞或者韓式醬汁，仲可以揀蒸嘅，最特別係可以蒲燒，即係好似鰻魚咁～ 大佬同朋友最後揀咗蜜餞炸鱔球飯配糖心蛋半隻$78花椒醬油汁雞髀飯$52椒鹽炸雞球飯$52鱔球炸得鬆脆，咬落去非常之彈牙，加埋甜甜嘅蜜餞醬汁，用嚟送飯一流。雞髀慢煮過，所以咬落非常幼嫩，佢哋嘅花椒醬汁亦都非常惹味～ 另一個就揀咗椒鹽炸雞球，都係非常惹味，炸蒜非常香脆，雞肉嘅肉質亦都係好幼嫩嘅，呢個我哋就揀咗米線，用濃濃嘅雞湯配～ 呢個價錢晚餐嚟講非常之抵食，絕對係可以encore之選