鮮芋仙 (T Town South)

營業中

休息中

泰奶豆花$40外賣 那個外賣碗是給小孩的吧都是沙冰墊底 豆花的量很少預設有紅豆跟珍珠 走珍珠換小芋圓 照加原價 也不是補差額總數52元買了一碗豆花吃完感覺吃了一陣風很難想像為什麼這家店還能做下去香港的鮮芋仙沒有下次

呢間糖水店的裝修有少少台灣九份的感覺，有最低消費，每個人最少$28。所以分別點咗兩個糖水，一個係芒果豆腐花，另一個係芋頭紅豆豆腐花。芒果豆腐花味道相當唔錯，雖然係凍嘅，但係豆腐花口感香滑，加上酸酸甜甜嘅芒果，配上珍珠和粉圓，酸甜滑溜，十分夏日嘅甜品芋頭紅豆豆腐花相當大碗，其實足夠兩人分享。豆花入口香滑，加上豆漿、香甜嘅紅豆，仲有大大嚿軟腍嘅芋頭，十分飽肚，充滿台式風味。

首先落單收銀嗰位員工講嘢勁細聲同埋黑面我記得佢係女員工戴眼鏡 第二 碗嘢食勁細材料勁少 麻煩叫你員工改好啲態度先 所有員工都冇禮貌 完全淨係想趕人走唔做生意 咁樣做生意真係唔得㗎啦

外賣一碗芝麻湯圓紅豆湯（其實本人主要想食湯圓 但搵唔到其他糖水店）於是外賣，點知返到屋企一打開，說好的芝麻湯圓去咗邊？得返紅豆湯加幾粒小芋圓（非常失望😑）仲要收我$48，完全搵笨👎👎👎

Q 麻糬 紅豆 杏仁布丁杏仁布丁 有杏仁味Q嘛糬 口感好軟熟帶煙韌紅豆 一粒粒得嚟有咬口，但唔會硬加配 抹茶布丁口感滑溜溜，但冇乜抹茶味🧐2人飯後甜品，份量啱啱好座位不會好擠逼環境都算舒適

試左新嗰個芒果白玉冰 唔講其他 淨係講個主角芒果都食到勁唔新鮮 雪到結晒冰 食落仲要勁酸 入座開始坐左15-20分鐘左右個店員仲行埋嚟趕人走 體驗極差 唔會再幫襯呢間 去其他分店算啦😣

鮮芋仙終於開嚟天水圍，鮮芋仙係香港都開左好多間分店，不過主要都係九龍，港島比較人多嘅地點，成日都要排隊先食到，所以唔係食過好多次以前鮮芋仙有芋泥，依家得返大舊芋頭，無咁好食今次同呀仔食左個細芒果冰冰，味道不過不失，呢間舖頭同其他唔同，佢多數都用紙碗去裝甜品，感覺上比其他舖頭冇咁靚，鮮芋鮮嘅冰係碎冰，比較粗粒，我就麻麻地，但佢個擺盤整比好靚，好大碟，搞到我成日都只叫冰，感覺滿足，多啲野食咁，佢啲配料比較重澱粉，好多糕狀物體

又去左食鮮芋仙啦.好好彩無咩人.唔洗排隊就可以直接買外賣今次我買左芋圓3號. 芋圓4號同日式q麻糬日式q麻糬$34同我預想既有啲出入質地偏淋醬汁有啲甜甜地芋圓4號芋圓4號番到屋企食埋飯擺左1-2h都重有啲暖芋圓好煙韌甜度控制得好好珍珠細細粒好有咬口

平時旺區呢間鮮芋仙必定會排隊天水圍呢間就人流小啲一黎唔近地鐵站但非常好.我唔洗排隊都食得環境唔算大.但食物質素好好d料好足.煙煙韌韌裡面芋薯湯圓值得一試唔會太甜

大鄉里第一次食鮮芋仙，食完終於明白點解每次經過都咁多人排隊。因為想試吓芋泥，揀咗「芋圓4號」，芋圓有味，質地夠Q彈，火喉煮得啱啱好，唔會過硬或者過淋；芋泥煮到粉糯，入口夠綿即化，好有芋頭味，好食！其他配料珍珠紅豆都得😋👍🏻叫咗刨冰底，配黑糖，微甜清爽，下次試吓仙草底同配料試地瓜同白玉先😄好大碗，好足料，如果一個人都幾飽吓；地方不大但整潔，員工服務冇特別好特別差，限時45分鐘交枱，下次再食！！

唔過甜，品質控制做得好好，最愛招牌仙草冰沙第一次食鮮芋仙係銅鑼灣分店，我亦食過荃灣分店，呢間台式甜品店相信冇乜邊個未聽過！因為依家佢哋嘅分店遍布港九新界，佢哋主打嘅係天然健康食材加上強調現煮現賣，雖然我個人都唔係好食得出新鮮定唔新鮮，去唔同分店食嘅味道定係質感都唔會有唔同，我食過荃灣店就覺得太甜所以唔中意。呢間天水圍分店我覺得同銅鑼灣分店有得比，唔會過甜，真係搞到我連續兩日叫咗外賣嚟食先夠喉！我地叫咗兩碗，第一碗係招牌仙草冰沙，入面有紅豆、珍珠、仙草凍，仙草微甘配埋甜甜地嘅仙草冰沙恰到好處，花奶就令上自己按喜好添加，真係好好食。不過賣相就一般啦，始終黑色為主，好難會覺得好靚，但我中意佢有內涵，即係好好食呀！另外叫咗熱嘅芋圓，入面有芋頭、紅豆、珍珠、同紅豆湯做底，媽媽話好好食，入面有分別有原味同地瓜味芋圓，兩款芋圓都有佢食材應有嘅味道而且味道唔會過甜🎃煙韌度都拿捏得非常好🥰

🔹️鮮芋仙 (天水圍)🔹️ 想食鮮芋仙好耐啦，以往去旺角、荃灣、尖沙咀分店都不時大排長龍，今次難得係天水圍開業，可以近距離咁朝聖一下。鮮芋仙台灣人氣甜品店，都係採用上等新鮮食材，特別係芋圓仙草甜品最具吸引力，真係急不及待要去試下以家每日都咁焗咁熱真係要食翻啲消暑甜品解暑😋 🍹冬瓜仙草茶 (半糖少冰) ($26)飲完好清涼解暑，冬瓜茶有得選擇少糖同半糖，仙草同冬瓜茶完美既配合，完全無違和感，好好飲 🍨招牌仙草沙冰 ($45)包括有芋圓、仙草凍、仙草沙冰會附上一小杯奶油🍧外賣盒包裝好精美可愛🍧🍨

新開分店鮮芋仙盛夏芒果系列🌸迷你芒果白玉冰$48⭐️⭐️⭐️⭐️☆勁多芒果，上層係芒果冰，下層係牛奶冰，有好多粒白玉（無餡湯丸）🌸芒果豆花椰奶西米飲$38 ⭐️⭐️⭐️⭐️⭐️有勁多豆花，勁多西米，芒果量適中，椰奶味一般，抵飲🌸豆漿仙草甘茶$29⭐️⭐️☆☆☆純粹飲沒有野食的，傻婆們終於知道咩係仙草甘茶，原來就是沒有仙草食，得仙草味水。但飲唔出有豆漿全部是外賣裝，感覺跟其他分店份量少好多======詳情======鮮芋仙天水圍天華路30號T Town South地下SG11號舖================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨 #相機食先 #美食 #天水圍好去處 #天水圍美食 #RnT天水圍 #芒果沙冰 #白玉 #芒果冰 #芒果西米露 #椰奶 #西米露 #豆花 #芒果 #芒果豆花椰奶西米飲 #豆漿仙草甘茶 #仙草甘茶 #豆漿 #鮮芋仙