鮮芋仙 (荃新天地)

營業中

休息中

星期六既下午時間同fd係街外行到就黎熱死，經過荃新天地大家不約而同都話要去食個冰但可惜好多人等位，最後我地都等左半個鐘有多先入到去今次係三個人食，所以就岩岩好食哂面個層有煉奶真係好好味，如果連低層都可以做到有奶味就更好了

一知道芋圓甜品店「鮮芋仙」開咗就勁開心，我本身超鍾意食手工芋圓，加埋刨冰，夏天食啱晒！尤其炎炎夏日，收工冇胃口，食番碗鮮芋仙的冰手工芋圓，飽肚又滿足❤️我今次就試咗芋圓4號，貪佢有一大舊芋頭，好似好飽肚😆芋圓4號以冰爽的刨冰為基底，配上滿滿的珍珠、紅豆，入口冰涼的同時帶有豐富的口感，消暑又解渴！

今日黎開荃灣，食完晚餐之後仲好想食甜品，作為煙韌控既我好想食芋圓，上網睇到附近有間鮮芋仙就想買個外賣返屋企食啦。今次我就叫左芋圓6號，店員問要熱定凍，咁就口快快叫左凍啦，後尾等緊個外賣時細閱張餐牌先知原來凍既係冰底，驚拎到返屋企個陣啲冰已經融晒，不過外賣好快做好想改都改唔切啦。點知拎到返屋企時仲有少少冰係度，加埋融左少少冰後個黑糖糖水底既味岩岩好，唔太甜，好岩我既口味。粉粿同芋圓都好煙韌，真係好好食，份量都好多，粉條同珍珠都正常，總括黎講好食，性價比高。

🐝☀️好足料嘅台式甜品！已經食過幾次啦～o(*///▽///*)q🤍雖然有時好多人排隊，夜晚又好早收舖，但今次平日2pm去都唔洗排直入！🤍今次嗌左餐牌推介嘅芋圓4號，有芋圓，珍珠，芋泥，紅豆，冰(๑•́ ₃ •̀๑)🤍啲芋圓好彈牙好正！珍珠都好有咬口～但芋泥就有啲多同濟。✧٩(ˊωˋ*)و✧🤍但overall嚟講都係好抵食，一個糖水40幾蚊炸，仲係2人份量！(σ°∀°)σ..:*☆🤍👍希望下次泥都可以冇乜人等啦～因為上次夜晚泥full曬，等都冇得等。( •̥́ ˍ •̀ू )🐝🐝

有次經過，又咁岩冇咩人，唔係唔試呀？平時想食都難呀，排好耐。咁就入左去食啦 ，叫左個唔記得咩野冰了，但記得係好好味，芋圓簡直痴線…..正到傻，加上又咁熱啦天氣，食下冰真係雙重享受+開心🤣有人知咩冰可以話返我知呀🙏🏿

這幾天天氣實在太熱了真的頂不順30幾度的天氣要避一避暑想有透心涼嘅感覺咁就梗係去食冰啦雖然每一次都要排隊但今次喺商場入邊排比較舒服今次叫了這份大大的芋薯圓Q麻糬牛奶冰內裏有芋薯圓、小芋圓、Q麻薯、冬瓜凍及雪糕我仲加咗份芋頭個人最鍾意芋薯圓係咪啊裏面包有芋泥軟綿綿超正Q麻薯有黑白兩款黑色黑糖味比較好食但略嫌小芋圓味道不夠強烈地瓜及芋頭味太相似每啖冰配上牛奶雪糕真係超享受兩個人吃都吃不完下次真係要三至四人食先得

布丁q麻薯牛奶冰 額外加芋圓🍧比想像嘅大好多 有球雪糕 幾條麻薯 小芋圓 類像啫喱嘅物體一舊布丁同埋一舊食落似杏霜味嘅布丁仲有重點下面一大堆牛奶冰🧊🧊🧊大部份材料都正常發揮 不過不失但係我哋唔鍾意食杏霜所以真係好唔鍾意白色嗰舊布丁🤢🤢🤢下面對牛奶冰唔太有牛奶味但係真係有好多同埋好凍❄️加埋坐喺個風口位下面❄️❄️我哋越食越凍 凍到震❄️❄️❄️❄️❄️下次應該唔會再試呢個會試吓芋圓123號就算🙈🙈

🔥❄️超級消暑夏天要狂吃😛❄️🔥☘︎︎ ︎︎☘︎︎ 布丁🍮Q麻糬牛奶🥛冰👍 $𝟝𝟚➪ 這沙冰份量絕對是以「恐怖😱」來形容，必須只少二人攤分😅大大顆雙色布丁🍮，雞蛋味和杏仁味十分Q彈😝超多透明像啫喱般的冬瓜凍❤️原味和黑糖麻糬、還有山頂的一球雲呢拿味雪糕🍦配搭淋上了糖漿的冰沙🍧哇哇😆👍👏⛱🏖有上了天堂的感覺！︎☘︎︎ ☘︎︎ 招牌仙草冰沙 $𝟜𝟝➪ 芋圓真的超好吃😋叫做「招牌」是對的，不會被拆😌冰涼滑滑的仙草凍、冰沙和牛奶🥛底👍😋▼・ᴥ・▼

成日聽倒朋友仔話鮮芋仙好好食，星期日中午終於的起心肝去試吓：大約三點三到達，等左約25分鐘就有位🤗眼闊肚窄的我們叫左兩款清涼甜品，估唔到咁大份，隔離台啲女仔見倒都嘩嘩聲😅/🍧芋薯圓Q 麻糬牛奶冰 $52(芋薯圓、小芋圓、Q麻糬、冬瓜凍)這個是老公吃的，由於他不喜歡煙韌野，所以我食左佢一半芋薯圓🐷芋薯圓真係好好食，外皮似更有咬口的湯丸皮，內裡包著軟糯的芋薯蓉🧡一定要加！牛奶雪糕融化於冰中，甜甜的又透心涼；小芋圓細細粒，有咬口之餘相對冇大粒既咁難消化，個人更喜歡呢個size；Q麻糬的黑糖粉粿特別甜，相對也軟身少少，超喜歡；冬瓜凍有點似蒟蒻的質感，清甜的味道也很好吃👌🏻個人比較推介這款配搭！/🍮布丁Q麻糬牛奶冰 $52(雞蛋布丁、杏仁布丁、小芋圓、Q麻糬、冬瓜凍)由於我個人心急又粗魯，一移位想影相，雪糕球就塌左落黎🥲所以解體左。布丁都很滑溜，略嫌雞蛋味的味道唔夠突出，所以覺得下次可以唔洗叫☺️其他配搭同上。/整體來講都唔錯既，不過就唔會令我好有上癮，會想成日食既感覺。有機會冇人排隊會想買熱食既試下，想食多次芋薯圓😎

.唔知有無人同我一樣覺得鮮芋仙外賣比起堂食細份好多😂😂🥲但係無計太多人排隊TvT 荃新天地鮮芋仙出面嗰花園又幾靚嘅💖招牌仙草冰沙🥰 $45絕對係全間鮮芋仙入面嘅top 3！✨甜度適中嘅冰沙✨滑嘟嘟嘅仙草凍✨煙煙韌韌嘅芋圓成個甜品嘅精髓就係叫親仙草冰沙都會附上嘅淡奶！！！超級夾🤣仙草冰沙比起牛奶冰質感更加細膩，係我鍾意嘅入口即溶感覺😚📍鮮芋仙荃灣西站D出口長期排隊 :3==============================食物質素：🌕🌕🌕🌕🌑打卡指數：🌕🌕🌕🌗🌑抵食指數：🌕🌕🌕🌕🌘再訪機率：🌕🌕🌕🌕🌕

.📍鮮芋仙📍#饅頭去荃灣 #饅頭食台灣菜 #饅頭食甜品 一間難得嘅連鎖但質素唔錯嘅甜品鋪，比起一碗芋圓糖水，小編更偏愛嗌牛奶冰，大大份可以同朋友開心share😆。------------------------------芋薯圓Q麻糬牛奶冰 ($52)友人稱之為食耐咗個人會越嚟越凍嘅牛奶冰😂，大大份3個人食啱啱好，唔錯幾抵食。牛奶冰同焦糖牛奶雪糕都有奶香 ，不過冰食到落底就有水溝奶味，雪糕味道偏甜，加埋焦糖嘅關係，顯到牛奶陣味濃郁得嚟又有D假🤔，個人覺得可以再冰打碎少少。至於白麻糬口感同糯米香都冇得挑剔😋，外層有少少粉，咬落去煙韌得嚟唔會黐牙，但係黑麻糬嘅黑糖味對我嚟講太甜🤦🏻，甜到又假又漏要食冰中和翻嗰隻，點解黑麻糬同白麻糬味道可以差咁遠。迷你芋圓中規中矩，勝在唔太甜，食落去就分唔清芋圓同薯圓；反而包饀芋圓口感唔錯😍，好似食緊湯圓；芋泥饀夠粉溶，芋頭香味突出❤，甜度適中；再配埋甘香Q彈嘅寒天，口感好似食緊硬身少少嘅果凍咁，非常滿足。------------------------------整體評分：7.5/10小編回頭率：6.5/10

每次食完晚飯經過鮮芋仙，都見到長長嘅人龍，一直都試唔到😕 呢日去開荃灣行街，一於趁晏晝冇咁多人試吓🤘🏼============================芋薯圓Q麻糬牛奶冰 $52牛奶冰好似一座山，配料份量多，賣相好澎湃🤩 淋上煉奶同黑糖醬，刨冰旁邊有芋薯圓、麻糬、小芋圓、冬瓜凍，最頂仲有一球雪糕。冰底碎冰口感；芋薯圓好似湯圓，中間有番薯餡料幾特別；小芋圓細粒，芋頭味較淡，個人鍾意正常size嘅芋圓口感比較好；冬瓜凍味道唔突出，不過口感幾特別，介乎係啫喱同埋蒟蒻中間；麻糬口感Q彈煙韌，黑色同白色味道差唔多🤔份量足夠兩個人share，幾飽肚，相對其他市面上嘅刨冰抵食，cp值幾高。不過如果有長長人龍嘅話，可能唔會等lu~============================鮮芋仙 (荃灣)📍荃灣楊屋道1號荃新天地一期地下G46號舖

夏日熱辣辣，真係行行下街都要搵個地方食返d透心涼嘅甜品去降溫😝作為芋頭控，嚟到鮮芋仙，我當然首選有大大嚿芋頭嘅甜品😆我點咗仙草4號 (仙草+芋頭+紅豆+珍珠)，芋頭又腍又甜，配埋加左黑糖漿嘅碎冰，夠晒消暑。其他配料都唔錯，紅豆煲到好腍，仙草又滑嘟嘟，珍珠煙韌度啱啱好，食完成碗甜品之後超級飽屎另外一碗叫咗豆花3號 (豆花+紅豆+花生)🥣 不過豆花略為遜色，唔係食開嘅豆腐花咁滑，同埋份量都好少，感覺唔係好抵食下次再幫襯時要食芋圓+芋頭

鮮芋仙 成日人山人海～咁啱經過仲係好多人 就買外賣返屋企食啦畢竟經過一年嘅疫情 都習慣咗返屋企食飯坐得仲舒服 又唔洗同人迫🤗成日都喺度諗 外賣盒咁細 出街食嘅份量係咪會大啲🧐🧐🧐事實證明 真係架🤪鮮芋仙出名食物大份 今次嘅外賣真係出奇地細份唔知係咪夏天啲冰融晒🧐🧐定係外賣盒太細 所以份量都會少啲🧐🧐😫地瓜甜甜地～但係唔係太林仲係比較硬同實心🤯爭d仙草加冰底冇得輸 😎真係涼透心～加埋有唔同嘅配料口感層次10分滿足🤪有薏米，珍珠，仙草，地瓜一次滿足左你好多願望🤩

天氣真係熱到焫焫焫焫焫焫著! 咁岩行過荃新天地一期嘅鮮芋仙, 即刻要外賣返個凍芋圓消消暑。鮮芋仙用嘅係手工芋圓, 而且配搭都算多, 而身份芋頭控嘅我, 當然係揀返個有芋頭嘅配搭, 所以我揀咗芋圓4號  - 有芋頭+紅豆+珍珠。 凍芋圓4號 - 係用古祖味蜜糖浸住嘅, 個蜜糖好清甜, 而且裡面加咗一舊冰, 返到屋企舊冰已經溶晒, 但係味道正好, 又唔會太淡。芋圓 - 超彈牙又Q, 好好味! 芋頭 - 有2 舊, 煮到好淋, 而且好有芋頭味, 好滿足! 珍珠 - 又係超彈牙, 又陣陣黑糖味, 好食紅豆 - 我本身唔鍾意食紅豆嘅, 不過由於配搭冇得揀, 唯有照叫啦! 呢款紅豆冇煮到爛晒, 仲粒粒分明, 食落口都有口感。唔食紅豆嘅我都另眼相看。$45 食個甜品好似好貴, 但一碗一個人食到勁飽, 可以2 個人分享。耐唔耐食下都OK 呀!