鮮芋仙 (已結業)

食完飯想食糖水，因為方便就去咗呢間商場入面嘅鮮芋仙！我朋友又鍾意食芋圓本身食糖水就一人一碗嘅，但係見到人哋個碗超大碗覺得share就得！食完之後發覺原來真係要一人一碗🙈因為如果食冰嘅話佢就食晒主要嘅材料就係冰底嚟，如果我哋今次食紅豆湯，其實佢好水不過勝在整體味道唔錯，唔會太甜如果佢加啲薑味會更加好食，合格嘅質素不過太貴！因為我哋想食仙草加$8原來份量勁少碗糖水好似好大🙈芋圓嗰方面我自己就鍾意食白肉湯圓有浸糯米香番薯丸一碗有兩粒有芋泥餡好味

早排同男朋友經過，見到有期間限定口味，決定搵日得閒去試試。但依家先得閒po，唔知完咗未呢🫣------------- ⇣ 食後感想 ⇣ -------------🍧 布丁麻糬抹茶紅豆冰｜$68配料顧名思義有布丁、麻糬同紅豆，另外仲有白玉。刨冰上面淋咗黑糖水，之後再淋上抹茶醬，然後再放上配料。麻糬同白玉煙煙韌韌。抹茶醬帶少少回甘，不過覺得都係甜咗啲啲，唔洗落黑糖水都得。另外醬嘅份量太多，我地唔夠冰撈嚟食，如果抹茶醬嘅份量少一啲應該會更好！------------------------------/大家鍾意見嘅話請follow、like & comment，你地嘅支持係我更大嘅動力！/📍 鮮芋仙 (馬鞍山)馬鞍山鞍祿街18號MOSTown新港城中心(4期)2樓2332-33號舖食評只反映餐廳當日及該分店情況！📸 打卡值 ▪ 💛💛🖤🖤🖤😋 好味值 ▪ 💛💛🖤🖤🖤💸 抵食值 ▪ 💛💛💛🖤🖤 🤝 回頭值 ▪ 💛💛💛🖤🖤

每次去馬鞍山必食嘅甜品店，除咗有新店嘗試之外，其餘時間一律會揀鮮芋仙雖然佢間舖好細，但係出奇地唔算多人排隊，所以相比起其他所有分店，每一次都好快有得入座食！！環境嚟講絕對唔係舒服，因為佢太細，又想擺多啲座位，有啲座位起身之後基本上係行唔返出去食鮮芋仙，我只會叫一種甜品，就係招牌仙草沙冰$45因為入邊有齊我想食嘅芋圓同仙草，亦避免咗我唔係太好嘅豆類喺呢間分店食過幾次，味道同份量都冇乜點改變過， keep到水準，對我來講合格以上雖然$45 一個甜品真係有啲貴，但係只要呢間分店繼續有得做，而又繼續冇乜人排隊，我都會間唔時過嚟幫襯

之前等外賣已經被布丁Q麻糬牛奶冰吸引到,平日收工夜晚見堂食咁啱有位,就嗌咗黎試.布丁Q麻糬牛奶冰入面有雞蛋布丁,小芋圓,雪糕等.好高質,最啱炎炎夏日當飯後甜品,而刨冰又可以解喝同好味.

21:29 一家四口 晚飯後吃糖水小朋友4歲和6歲半分享一個仙草6號媽媽自己一個吃芋圓4號爸爸飯後太飽 所以沒叫甜品誰不知紅色衫職員 叫爸爸要叫甜品不叫甜品就要馬上離場🙄🙄🙄當時在場只有6位客人🙄🙄🙄紅色衫職員態度非常惡劣我肯定會投訴 ！！唔明點解態度可以咁差？唔明白點解非凡忙時間都要趕走？你話一家四口分享一個甜品就話姐你話繁忙時間阻住人哋就話姐我張單有時間證明10:00收鋪，我9:29分order非繁忙時間

ma on shan 嘅 鮮芋仙成日都好多人，不過坐位真係非常之少，而且好迫爆，所以都唔建議堂食，見好多人都係外賣拎走， 佢嘅質素一時時，有時就幾好食有時就淡茂茂，所以都睇彩數

餐牌列有多款不同組合的食物和飲品, 但就是想吃冰。芋薯圓Q麻糬牛奶冰 $62芋薯圓Q麻糬牛奶冰份量適合2-3人共享, 牛奶冰上有雲呢拿雪糕, 旁邊伴有麻糬, 小芋圓, 芋薯圓和冬瓜凍。雪糕雲呢拿味道滿滿, 質感有點黏度, 不易溶掉。麻糬煙韌, 雖有兩色, 但味道分別不大。小芋圓細細粒, 口感QQ。芋薯圓內有芋泥餡料, 外皮Q彈。冬瓜凍入口如啫喱, 味道淡淡。冰有淡淡牛奶味, 冰粒不硬, 入口即溶。可能太凍關係, 味覺遲緩, 感覺所有配料味道均差不多。

鮮芋仙 - 馬鞍山響馬鞍山新港城中心食完個既餐，突然好想食個甜品，於是決定去鮮芋仙睇下。店舖細細，入面坐位不是太多，所以選擇買外賣。芋圓4號 $45今次選擇左芋圓4號，當中包含芋頭、紅豆、珍珠，份量都非常足夠。芋頭有兩大舊，口感不是很粉嫩而且有點輕鬆結實，但很香濃的芋頭味道，味道還算不錯。紅豆都煮得幾淋，雖然不是中式紅豆砂的起砂，但配合埋甜甜的糖水，味道都唔錯，糖度都適中，加埋煙韌的芋圓同珍珠粒粒，增加咬口及層次感，整體都算不錯吧

之前係大埔分店第一次堂食食過鮮芋仙，雖然果次排左40分鐘，但係的確比佢地甜品嘅份量驚艷左。今次食完午餐特登入馬鞍山分店，好好彩唔洗排隊，即刻有得入，鋪位同大埔一樣都比較細，坐唔到好多桌客。今次叫左個芋頭牛奶冰同招牌仙草沙冰，睇黎外賣同堂食嘅份量應該都相差幾遠下，咁啱左右隔離兩枱見到甜品第一反應都係驚訝份量之多，第二都話同平時外賣份量好唔同。芋頭牛奶冰 $58：好大份牛奶冰呀，上面有一球雲呢嗱雪糕，下面仲有6舊大大舊芋頭，食量唔大嘅朋友兩個人share都得。另外叫左個招牌仙草沙冰$45，（不過唔記得影相）一樣份量好足，有好多仙草，夏天消暑一流記得職員制服上面有句【用甜品感動世界】，的確比佢地甜品性價比感動左，係香港好耐無試過咁嘅價錢食到咁大份量嘅甜品，希望開多啲分店啦

附近開左間鮮芋鮮，咁耐以黎都坐低食過。間中會外賣飲品，個人最鍾意小芋圓奶茶，仲係熱嘅，冬天時飲暖笠笠，茶底幾夠奶香，要求小甜都絕對做到，仲有細細粒BB芋圓，煙煙韌韌，不錯。今日見唔係太多人，可以坐低食個下午茶。芋圓3號 ＄45冰芋圓有刨冰底，3號配料有紅豆、花生、珍珠，仲有一堆芋圓。冰底實在夠凍，紅雨同花生相當腍，甜甜地，芋圓都係煙煙韌韌，不錯。抹茶布丁配小芋圓雪糕 ＄38呢個布丁拼盤可以自由配搭，抹茶布丁有淡淡茶味，配紅豆不錯。最鍾意小芋圓細細粒，凍食比熱食更加QQ，可以撈埋雪糕一齊食。甜甜的下午茶。

來自台灣的鮮芋鮮，主打台式甜品，好似芋圓，仙草，荳花和雪花冰等，初頭剛登陸香港時，常常都大排長龍，去到而家已經開咗10幾間分店，馬鞍山係其中之一，平日多數都唔洗點等位，外賣都好快手🤣，方便又好食😋。

每次經過銅鑼灣同尖沙咀間鮮芋仙都超級多人排隊 嗰日去到馬鞍山見到冇乜人 即刻衝入去食🤣👅芋圓3號（冰）$45呢個配料有紅豆、花生同珍珠 佢嘅份量都幾多 配料下面係刨冰 刨冰唔會好鞋 整體食落幾夠味😋珍珠都幾彈牙 不過可惜佢冇配淡奶 所以我哋自己加咗雲呢拿雪糕 因為覺得奶加刨冰一齊食仲更加正 超好味🤤😋 好味：8.43/10🤑 價錢：8.01/10🤗 服務：7.87/10😝 環境：7.68/10😚 衞生：7.78/10🤩 整體：8.37/10

新出芒果系列，香港人零抵抗力，驚個大嘅食唔哂，叫咗個迷你白玉芒果冰($48)同友人share，真係岩岩好👌🏻芒果同白玉量都好足呀，鮮芋仙軟糯類配料一向出色，白玉亦不例外，即使加在冰上面，亦都keep住煙韌，好match芒果。不過芒果量就多，酸品度迥異😵‍💫一粒甜一粒酸入口真係食到牙餃軟。加咗芒果醬，人工甜味好唔自然，好似食緊check芒果布甸咁。碎冰有啲好大粒，要咬，唔係入口即浴。仲有嗌咗新嘅紫米糯米芒果西米特飲，杯飲品唔凍有啲怪，又係陣芒果醬味累事，個紫米同西米出色搭夠（$38）整體來講，呢個新系列，完全live up唔到鮮芋仙出品標準，都幾失望🫢不過價錢唔係貴，足料，夏天食透心涼，嚟試吓同朋友吹吓水都ok嘅。

鮮芋仙係我至愛嘅芋圓專門店之一，去到日本都要食佢，反而喺香港開左，今次先係第二次食，之前每次想食，都係因為見到門口人龍而卻步。今日做完嘢已經過左午飯時間，天氣又翳焗，等左一陣車已覺汗係咁流，突然諗起附近就有間鮮芋仙，呢個時間又唔係糖水黃金時間，應該唔多人，去到見到真係無人，勁開心，一於芋圓當飯食，加埋碎冰幫身體降溫。🍧招牌仙草冰沙 $45第一啖擺入口，透心涼嘅感覺，立即舒服晒，夏天食呢個，簡直仙丹一樣。仙草冰沙夾雜著仙草嘅香甜，配埋花奶一齊食又香又滑。👍基本上芋圓唔洗點介紹，呢度嘅芋圓口感真係無得輸，有蕃薯/芋頭香之餘，口感特別煙韌，唔會有咬到粉團嘅感覺，Q彈有嚼勁。店舖光潔簡約，店員又有禮貌，只要避開糖水時間，其實真係可以好舒服咁嘆呢碗甜品，細食嘅女士食晒一碗都真係有飽肚嘅感覺，當正餐咁食，美味、消暑、仲可以避開人潮。

每次經過呢間分店都超級多人可能因為本身店內位置唔算多，今日都唔例外，不過實在太想食冰，熱辣辣嘅天氣食完飯最啱就係食一碗大大嘅冰而食冰一定要食牛奶冰，佢嘅煉奶令成件事好邪惡但又好滿足▪️芋薯圓Q麻薯牛奶冰淨係個賣相都好吸引，五顏六色，而且勁大碗記得食嘅時候都要撈埋啲冰可以一次過食曬珍珠、Q麻薯、冬瓜凍，芋薯，雪糕珍珠係相對細粒嘅，不過都夠煙韌，特別係啲麻薯.不過明顯店內人手唔足夠，無論係前台落單或上菜都係得一位侍應所以相對地慢