鮮魚湯 (河傍街)

營業中

休息中

鲜魚湯今天中午，經過新墟河傍街，見到鮮魚湯，在門口看看餐牌，已很久沒有食過梅菜扣肉飯，於是入內試試。環境:灰地板，配十多張紅椅，座位不太闊落。出菜的地方上面用毛筆寫著香馨味美，有着傳統懷舊飯店的味道。服務: 人手下單， 店員做事很勤快。 其中一個女店員主動對顧客提議說，記得上次見你食米線時會把薑絲挑走，不如今次下單幫她不下薑絲，真的很細心。食物: 梅菜扣肉飯+熱檸蜜 選用甜梅菜，梅菜砌到很幼絲，扣肉是五花腩， 味道OK，不過太薄片了。下次要試試招牌菜，希望不會令我失望。

小弟附近返工，想試試呢間野...因為以前好多分台，執剩呢一間！我驚再唔試就冇機會食...一坐底就叫左（ 冬瓜鴨腿午餐肉）晚餐冇錯丫，個名連個湯字都懶得寫...仲要無厘頭加餐肉，我以為係咩新菜式坐坐下，發現隔離有好多大陸人齋坐唔食野，霸住d位又講野大聲，騷擾食客進食！店舖職員好似司空見慣，完全不理！65蚊一個鴨腿湯飯 就質素而言肯定唔合格湯底除左東菇絲外，完全冇任何藥材！冬瓜夠淋，鴨腿size正常！但湯味好淡食到一半完全唔見有餐肉，追問職員才補返比我煎午餐肉好無厘頭配呢個餸，感覺好難食！另外有堆菜，叫做勉回不少分數碗飯就冇乜飯香味，不能要求太多另外加8蚊 一杯凍奶茶.... 奶茶唔錯但你呢個係晚餐，加凍飲居然要8蚊...總數73蚊，非常唔抵！以後唔會再黎主要原因係好似返左大陸咁...好嘈雅都新開左間壹小籠，人地個晚市套餐一碟燒味飯，一碗例湯，一碟蒸點心，茶任飲都係收77蚊，真係抵到爛！撫心自問真係唔明呢個餐點樣可以賣呢個價！難怪賣魚湯既分店已所剩無幾......

喺屯門開完會都九點幾十點，唔想食得太飽，諗住食碗米線就算。鮮魚湯自由選 (包一個餸)$36 佢另外仲有三個價錢(+$8,$10,+$15)嘅餸可以加。我就揀左雞扒，既然以鮮魚湯做生招牌，所以一上菜就第一時間試下佢個湯底，真心唔錯，好濃郁嘅魚味。雞扒煎得皮脆肉嫩，米線亦夠爽滑。同樣都係鮮魚湯自由選 (魚腐、雲吞) $46魚腐裡面嘅魚肉好彈牙，魚味香濃，雲吞亦皮薄餡靚。有個同事唔想食嘢，所以就淨係嗌左碗大嘅淨魚湯 $22

鮮魚湯屯門海傍街140號地舖係屯門凱都戲院睇完戲，想醫下肚又唔想行咁遠，可以試下呢間主打鮮魚湯既餐廳，有飯有麵，味道唔錯而且價錢又經濟。招財四寶$54春卷、魚腐、魚旦、墨汁丸、紫菜呢度既魚腐有別於一般餐廳，炸過既魚腐吸收晒鮮魚湯，一咬就爆汁，外脆內軟，無輪口感定味道都做得唔錯。魚丸都算彈牙爽口，配合紫菜一齊食米線，可以提鮮湯底，最後連魚湯都飲晒，事後唔覺好味精feel好乾。卷出滋味$54春卷、蝦卷、墨魚卷各2件春卷口感比較實，咀嚼需時。蝦卷同墨魚卷就彈牙爽口好多，而且鮮味更突出。蝦卷入面有粟米，更加有咬口；墨魚卷會食到好多墨魚粒，夠晒足料。全部都炸到脆卜卜又香口😋鮮魚湯主打既係湯底同炸卷，米線就比較普通，但整體來講都值得一試。好味：4/5環境：3/5客服：3.5/5

超鍾意食魚的我見到呢間屯門人必食既鮮魚湯，簡直系超級心心眼！常客黎講，我最喜歡不是常有的九肚魚魚湯米線，然後就系大魚頭魚嘴米線。我基本上都淨系食呢兩樣。BE FAIR 地講呢，其實你都系根據自己喜歡的魚類去簡，因為個湯底一樣！所以，個湯底真系好真材實料！每個客人基本上都一定會飲個魚湯，而我更加系會飲曬～次次都系，無一例外～ 而我經驗總結，九肚魚因為本身特別鮮美，所以叫九肚魚米線更加系鮮上加鮮！ 呢度既湯底十分放心，絕對沒有加任何雜質！沒有味精！ 有時我反而嫌棄不夠咸。魚頭魚嘴更加系令人大呼過癮，店家系比街市賣30蚊一個既魚頭比你！童叟無欺！對我黎講實在系無法抗拒！

呢幾日咁凍突然想飲熱辣辣嘅魚湯暖身～九肚魚湯米粉 跟餐$60九肚魚唔係人人都鐘意食食唔慣會覺得有少少泥味但肉質好滑加左大量芫荽可以僻味～炸雲吞 大約$30/6粒皮炸得好脆唔油膩足料，大量豬肉，每粒都大約有2隻蝦呢個價錢好抵食～煎黃花魚 跟湯飯條魚煎（炸）得好脆連骨同鰭都可以直接咬碎👍🏻但內裡肉質嫩滑表皮滲上少少鹽咬落有d咸香根本就唔洗點隔離d豉油每咬一啖魚就會好想大大力爬一啖飯～魚湯好濃好鮮味飲得出落足重料煲足7749個鐘😂

招財四寶米粉 $49呢個麵份量真係好足夠，有魚腐，墨丸，魚蛋，魚卷，紫菜等，魚湯底仲超級新鮮，完全冇味精同魚腥味。而個炸魚腐同魚卷就最出色，食落香口又唔會太油膩，呢碗魚湯麵應該係我食過最好味的頭三位。😍酸辣享受米線（小辣）$55呢個麵份量超大，有枝竹，金菇，瘦肉，魚皮餃同雪菜加小辣。魚皮餃好好味😋，仲有4粒咁多，雪菜加辣再配米線起惹味。最後因為太大碗，我竟然食唔晒。整體食物味道一流，但環境一般坐位十分窄，介意勿去。

推薦，份量內容也豐富，服務也好，算係一間唔錯的魚湯店，店舖內仲有好多款小食，蒸魚等選擇豐富，非常吸引，一星期會食2，3次，水準也能保持，令次係屯門想食得清淡d就會黎呢度食

近日個個都食芫茜，唔通芫茜個個都會食？芫茜哩家野，我就真係食少少都可以。我就跟下風，食個 芫茜皮蛋魚腩魚湯米線🍜芫茜味濃。魚腩夠滑，唔算多骨，份量足。皮蛋就成一粒咁多！湯底唔錯，有魚味，飲得多都唔會覺得太鹹。米線就一般，因為我叫外賣，所以一定會咁好。鍾意食魚同米線，可以去試下。

02.01.2021午餐以前唔識寶，宜家先知鮮魚真係好好味😋呢間「鮮魚湯」已經食過好幾次，無論蒸鯇魚、倉魚、馬友、黃花都好好味，好鮮甜，值得推介！👍即使用Foodpanda 外賣，味道仍然保持水凖，當然都係堂食熱辣辣更美味。本身餐牌得鮮魚湯浸支竹白菜仔，話改雜菜都無問題，而且次次唔同菜，有驚喜，而且佢個鮮魚湯可以飲埋，正。今次試埋淮山麵，掂，希望下次叫外賣有得揀淮山麵。同事平時鍾意食四寶、五寶麵都話OK。

第1次來，門面不起眼，剛好在戲院對面。進來發現很多人滿坐，而且有一個牌匾，顯示由九龍城搬來桌上有鹽，胡椒粉，豉油，醋，辣椒油，糖，辣菜葡，非常充足調味料我們選了蠔仔煎蛋飯$53+5元 魚湯1碗蟲草花鴨腿湯飯$52 +7元 可口可樂蠔仔蛋飯煎得金黃，蠔仔剛熟入口少少爆醬，個人喜歡加上豉油和胡椒粉就完美。魚湯感覺咸左少少，如果配湯飯就比較好，所以應該魚湯飯比較適合，我當例湯喝偏咸了。蟲草花鴨腿湯飯顏色雖然比較深，但湯清不咸，比魚湯好喝鴨腿軟綿綿，一咬就甩出來，感覺像老火湯煲很久。每天應該有好好保持水準，不是臨時煮。

呢間嘅魚湯麵真係好好味呀！新鮮熬製嘅魚湯好鮮甜😊奶白色嘅湯底，充滿膠原蛋白！而且非常健康，食慣油膩嘅嘢，最啱就係食d清淡嘅嘢清清腸胃啦！😉配菜我叫咗春卷，春卷炸的好香脆，餡料份量都好足呀！😍😍

真係要俾個like佢哋餐廳想講成個餐廳餐牌嘅嘢食都唔錯質素都幾好我自己個人特別鍾意食魚湯米粉因為佢啲米粉係唔同出面啲米粉比較清爽魚湯味都尚算係香濃⋯但係唔知有冇落味精整體算唔錯

屋企人想食魚湯米線就嗌左呢間既外賣，但冇諗過係唔送上住宅，話要牛角度等，原因係咩完全冇講，到底係懶定咩？😅好啦，咁咪落去拎囉。上到屋企睇番張單，$9外賣盒，姐係$1/1個，咁樣收外賣盒錢真係第一次見😅屋企人話以後唔會嗌外賣，咁大貪，正常餐廳都係成張單外賣+$1～2姐......講翻我兜麻辣鴛鴦牛薯粉，牛既份量都算多，有肥牛同鮮牛片，成兜嘢完全冇麻辣味，薯粉煮到好硬好難消化，$58完全唔值😟下次唔會再幫襯：)9個外賣盒就收左我地$9，佢張外賣紙冇寫咁樣收費，外賣果陣店員都冇講過，我地以為只係+$1～2，冇諗過1個盒就收$1😅😅😅

琴晚4月13號叫外賣，揀左「鮮魚湯」呢間舖頭，係網上外賣平台 到揀左麻辣雞柳片配薯粉，要$44。我好少會喺OpenRice 寫負評，但係今次呢一個實在太誇張。呢個就係麻辣雞柳片配薯粉，(薯粉入邊嗰塊蛋係我阿媽夾比我食嘅)真係超級誇張，佢所謂嘅麻辣雞柳，就只係幾塊雞皮。$44蚊一個薯粉，入面嘅配菜竟然係幾塊雞皮。$44蚊一個薯粉，入面嘅配菜竟然係幾塊雞皮。$44蚊一個薯粉，入面嘅配菜竟然係幾塊雞皮。好重要所以要講三次，雖然佢個雞皮味道唔難食，但係完全唔係我想像中嗰雞柳片。不過男朋友話佢個兜鮮魚湯唔錯，我兜雞皮可能都係員工唔小心整錯，不過我就唔會再叫了。