鮮‧港式串燒吧 (已搬遷) 新店位置

朋友在觀塘返工，放工後約一齊去食嘢傾下偈，朋友提議觀塘開源道駱駝漆大廈鮮港式串燒吧，我自然贊成。餐廳裝修自然簡潔，廚房有點似酒吧式。餐廳非常適合三五知己與朋友上來食下野傾嚇計。牛仔骨$38。薄切細細件，醃得很入味。燒白鱔串$58。白鱔都算大件的一整件，皮帶少少脆，味道顯得鮮甜，肉質帶少少爽口，真是皮脆肉滑。燒煙肉廣島蠔$55。廣島蠔帶著煙肉的味道，令廣島蠔的味道更進一層。鹽燒雞中翼兩隻$22。雞中翼燒得很香口，肉嫩多汁。茄子$15。茄子質素稍微欠奉，食落質地不够腍滑带硬。翠玉瓜$15翠玉瓜經過了燒之後，面雖然有少少乾身，但裏面還是有很多汁，非常脆口。炸大腸$38。炸大腸剛剛炸完，熱辣辣，上枱帶著一陣香味，外脆內軟，點少少芥辣，非常好味。熊本一口牛$38。熊本一口4四四方方，放入口一口食哂剛剛好，帶著燒烤的香味，夠爽口，牛肉味濃郁，非常推薦。燒烤配冰冰涼涼的飲品最適合，要了兩罐汽水。玉泉西柚味汽水$12玉泉+C檸檬味汽水$12。兩罐汽水都酸酸甜甜，真是消滯又好味，配燒烤真是絕配。

去旅行一天吃五六餐吃膩了，想要減吃澱粉質，不如吃串燒，可以吃少一點又有多些花款。老實說我也是頭一次吃串燒當正餐，不是很有經驗要點甚麼，幸好友人有些idea，不然花多眼亂下不知何月何日才能下到單。醬汁很有心思，由近至遠分別是泰式酸辣醬、海鹽粒和醬油。醬油也不是一般的豉油，而是有調過味的，帶點鹹鹹甜甜，還有蒜香味。來串燒點必點海鮮，蟶子皇十分大隻，燒後肉雖然縮了水，但肉質飽滿，爽口彈牙，加上蒜蓉、蔥花和蟹籽調味，帶出蟶子的鮮味。麻吉燒中間有層年糕，燒過後更為煙韌軟綿，一咬就會流出來。外層的是魚蛋，燒至剛好的金黃，帶點脆口，口感與中間的軟心成了對比。難得友人跟我一樣喜歡吃秋葵。燒過的秋葵帶點焦香，一點也不苦澀，加點檸檬汁更清新，內裡的汁液令烤菜不會覺得乾。這個真的名符其實十分鬆化，黑豚很有肉汁，帶濃郁的肉味，蘸泰式辣醬或蒜味醬汁都很配合。熊本牛味道也不錯的吃，不過當然沒有黑豚那樣鬆化，肉質相對較實。只點了一個小小的澱粉質，這個是印度薄餅，十分香脆可口，層次分明。中間的軟心芝士很是澎湃，但遺憾的我們這份只有中間兩塊有芝士，有點不均勻。慢慢吃著份量也算可以，吃串燒來說的話這裡的選擇算是很多，甚至

觀塘工業區真係好多野食，今次就去左食串燒～平時食開串燒，都係去九龍城，食泰國菜嘅時候先會食到，今次就試下港式嘅串燒。先食個前菜，芥辣八爪魚，唔會好辣，但就好開胃。吉列芝士，外面香脆，入面充滿流質芝士，非常可口。串燒韮菜，帶有少少辣，但係就好野味，事關佢加左孜然去燒，令佢好香口，好想食完一串又一串。串燒白膳，外面燒到乾身，入面就保持嫩口。蒜蓉包，細細塊包上面，鋪滿哂蒜蓉，好吸引。芝士煙肉焗磨菇，磨菇Juicy，煙肉又夠口感。芝士焗薯角，熱辣辣，加上至愛薯仔。加埋啤酒，一個字：爽

今晚放工同朋友黎觀塘工廈尋寶。途經依間串燒店，聞到香噴噴，而且入面好多捧場客，餐廳價錢又唔貴。根據女人既直覺，依間小店應該唔錯，一於試下啦😁-串燒款式選擇多，而且還有海鮮、生蠔、飯麵、甜品等。樣樣都好吸引，最後我地叫左個二人套餐，比散叫更抵食，而且有哂我地想試既串燒👍🏻-🌟二人串燒套餐 $3881️⃣前菜➡️芥末花螺花螺味道鮮美，冰浸過後肉質更加爽脆，拌上芥末及醬油，很美味➡️三色刺身拼盤刺身有：魷魚🦑、墨魚、北寄貝新鮮爽甜👍🏻-2️⃣串燒燒白鱔、芝心丸、墨魚腸、雞腎、脆卜卜雞皮、厚切牛脷串、燒茄子🍆、燒蘑菇-最鍾意💕🔥燒白鱔🐟白鱔肥美新鮮、肉質爽口彈牙-🔥燒茄子🍆茄子填滿了香濃既蒜蓉，兩者融為一體，perfect match 簡簡單單既配搭已經好美味 -🔥厚切牛脷串經烤過的厚切牛舌特別好吃喔，韌中帶爽-3️⃣主食（三選一）➡️芝士焗肉醬意粉即叫即焗熱辣辣；加了芝士去焗，美味倍增-4️⃣甜品➡️燒芝麻湯丸外皮燒至金黃酥脆, 一口咬下溢出淡淡芝麻香

是日放工約左同事落觀塘食晚餐 同事話想食串燒 就上左呢間樓上串燒吧粒粒墨魚丸 ($15)其實仲叫左幾串丸類 但係我都係中意食墨魚丸多d 爽口翠玉瓜 ($15)燒得岩岩好 爽脆多汁菠蘿 ($18)我本身就好中意食燒菠蘿 表面灑左一層調味粉 但食落依然鮮甜多汁 酸酸甜甜又帶少少鹹味鹽燒雞中翼兩隻 ($22)雞翼燒到好香 好入味但又唔會太鹹 雙重芝士薄餅 ($48)一碟有4件 有別於一般既pizza 外層既酥皮超鬆化 夾着半流心既芝士係中間 好容易會食到成枱都係酥皮碎炸牛乳蟹肉薯餅 ($25)煙肉芝士大蘑菇 ($38)薯餅熱辣辣 外層好香口 內裏既牛乳好軟滑 超邪惡 蒜辣焗金菇 ($25)牛油金菇就食得多 呢度既焗金菇除左落左牛油仲有蒜.蔥同小辣椒等配料 辣辣地幾過癮焗豬扒飯 ($88)我地叫得太多喇 最後連一半都食唔晒 其實唔應該叫咁大碟飯平時去食串燒既鋪頭都會覺得好大陣油煙味 但呢間唔會 又唔會痴立立 感覺良好

呢間餐廳位於工業大廈中，得兩架lift，又慢，要做好排十幾分鐘lift的心理準備。餐廳環境唔錯，會粵語歌作為bgm。我點左燒白鱔串、粒粒墨魚丸、鬆化黑豚串、雞軟骨、熊本一口牛、厚切牛脷串、煙肉芝士大蘑菇、茄子、辣味韭菜、秋葵、芥茉凍花螺、炸芝士年糕同流心燒賣，四個人食，計埋加一差唔多770（沒計酒），差不多一個人快$200，已經同出面放題差唔多價錢，但味道確實唔錯。而酒是隔離店的，味道也不錯，但sale酒個位小姐態度認真麻麻，呢間店的員工雖然有點漏單，但態度很好。

上星期放工同個中同去咗呢間串燒店食野，嗰日星期四大約7點半，我地2個人唔使等位就入到去。店員仲安排咗我地坐入半開放既房仔，等我地可以盡情講是非😂😂打開menu都幾多野食，海鮮肉菜都得燒。如果唔想淨係食串燒咁熱氣，呢到都有d小食可以揀。墨汁墨魚腸（$15），上菜嗰下我同朋友都呆咗，咁細條用咁大隻碟😂😂 不過我想講！好好味！味道有少少似台灣香腸，不過多咗少少墨汁香味。十分推介！食到最後已經好飽都Encore咗一條。燒貴妃蚌（$68），個汁幾香，隻貴妃蚌都新鮮，算係幾抵食。燒大蜆（$55），黎到熱辣辣，配個點咩都無敵嘅生蝦汁🤷🏻‍♀️🤷🏻‍♀️。燒即開生蠔（$45），本人唔食蠔🙈 引述朋友意見，幾新鮮唔腥，都可以一試。燒油甘魚鮫（$88），比我想象之中大份，抵食之選～煙肉芝士大蘑菇（$38），菇有菇味，菇水是精髓，超甜！蒜辣焗金菇（$25），一秒回到中學BBQ嘅感覺，加咗少少辣椒更加開胃。最後埋單600幾蚊，不過我地2個都叫咗幾多海鮮，而且飽到d野食上到個鼻到。

生日第二彈！男友同細佬帶我同媽媽食飯慶祝🌝雖然我生日，但係竟然係佢地三個飲酒🤯我的天啊（無辦法，怪自己唔飲得🤦🏻‍♀️）哩間串燒店都幾衛生～而且唔會好逼！嘢食我地都嗌唔少！煙肉芝士大啡菇X2（$76）芝士堅正！同埋大啡菇好適合想減肥既朋友仔～有營養而且口感似肉芝士煙肉焗薯角（$48）啲芝士多到呢～但係唔會太漏！因為餐廳主要食串燒，所以食薯角可以吸收下優質澱粉質😆 又係男友最愛既薯仔🥔燒蒜蓉飽（$22）我同媽媽最愛蒜蓉！所以男友都特意嗌俾我地食！蒜蓉好多啊！我仲另外加啲蒜蓉醬汁落去（愛蒜🤟🏻）燒白鱔串（$58）啲皮燒得比較酥脆，而且無骨！我細佬唔食🐟都覺得唔錯仲有我鍾意既！炸芝士年糕X2（$70）外型有啲似炸饅頭😂但係咬開係芝士我發覺我哩餐食了好多芝士😆

夜晚嚟到串燒吧食二人餐，最先上菜嘅係三色刺身拼盤有三文魚，北寄貝同八爪魚各兩片三文魚冰鎮住十分肥美八爪魚有嚼勁，北寄貝則好爽口彈牙芥末醬油花螺係第一次食，鎮住花螺嘅冰裝滿醬油，而且醬油本身就帶有wasabi味一食落口係螺肉嘅爽口彈牙，後尾伴隨住嘅就係幾嗆喉嘅味道，好有驚喜串燒芝心丸燒到外面好香好乾入面嘅芝士呈半融化狀態，一咬前面，芝士就係後面嘅窿度偷走出嚟墨魚腸同雞腎一齊上，仲有茄汁雞腎燒得好靚，鎖住哂入面嘅肉汁同味道，加上外表少少鹽去調味，已經夠香口frankly speaking個墨魚腸外觀真係...唔係好掂不過食落去又有驚喜喎外皮燒得脆口，入面嘅腸肉有墨魚，啖啖肉夠哂彈牙，而且又有墨汁味燒白鱔睇落好似好正，鱔肉好厚，串起上嚟好輕易魚肉十分彈牙，證明本身肉質鮮味燒雞皮同想像中有出入，因為似係炸嘅，所以食落係脆，唔係雞皮本身嘅口感味道有點似食緊魚皮，都係極度香口嘅選擇臨尾食返個焗豬扒飯填飽個肚，炒飯底，豬扒份量幾多，蕃茄醬汁香濃帶甜，亦有頗重蒜香，最後加上頂層嘅半溶芝士鯛魚燒入面係朱古力層，雲呢拿雪糕同紅豆外層烤香，內層雪糕呈半溶化狀，幾甜，有啲似棉花糖夾心嘅味道

happy Friday嚟食串燒，舖頭好多人，我哋即刻用落單紙叫嘢食每個客人都有呢碟三色醬汁，其中蒜香醬油令我哋十分impressed有隻好似泰式生蝦辣醬嘅，用嚟點海鮮就夾啲中間嘅粗海鹽就冇咁多用啦燒牛舌火候剛好，燒熟透得嚟又唔會韌，入面可以保持粉嫩，食落爽口彈牙燒白鱔幾乎係必嗌嘅，見到嚟親每檯客人都有外面輕輕醮上一層薄薄炸粉，包裹住雪白嘅肉同香脆嘅魚皮，魚油鎖住哂係入面，好好食燒茄子並唔係原條上，厚切咗一片片，外面燒乾，加上上面舖滿蒜泥同醬汁另外叫咗個特飲：水果花茶茶包係茉莉花茶，倒得滿滿嘅，加上凍冰冰嘅水果，就變成水果花茶切得大大舊嘅水果，有西瓜，哈蜜瓜同火龍果，水果都係時令，所以幾甜最後仲有個燒蘑菇同燒茄子一樣，上面都係有好多蒜泥，一咬落去好有蘑菇香整體嚟講呢度地方都幾闊落，一路食一路吹水，係幾適合三兩個朋友傾偈嘅地方

今日去駱駝漆工廈shopping, 滿戴而歸。當然順道係埋工廈醫肚。去左3期5樓既鮮港式串燒吧。入面地方其實很大，剛入去時還感覺很濶落。但，佢地生意太好啦，不停有新客，搞到不停加枱。咁其實都冇乜問題，空間度還可以接受。但加枱既原故，搞到啲枱號亂晒，上食物時就有點亂了。不過，見到啲侍應已經做到應接不暇，我同隔離枱既食客都係互相更正食物就算。I am no. 13明白點解咁多人黎食，佢地啲食物燒得很好，我朋友邊食邊讚。燒白鱔$58/串魚肉肉質結實胞滿又彈牙，切口平正，色澤亮麗鮮明，邊位略帶金黃。魚皮帶脆且香口。很滿意燒墨汁墨魚腸 $15/條第一次吃墨魚腸，沒有像吃墨魚麵般弄到成口污卒卒，有別於傳統既豬肉腸，有特別既海洋味道，內層鮮嫩多汁，外皮比一般香腸煙韌，更有口感。燒羊架$48/件我同朋友都愛吃，所以order了二件羊架肥大肉厚，很像吃雞腿。亦沒有羊顫味，只是略為肥了一點。翠肉瓜$15/串表面金黃色，咬落多汁爽脆煙肉芝士大磨菇 $38/件滿滿既芝士混合濃郁既煙肉粒，超邪惡😈所以同朋友share黎食。職員好細心，跟埋刀叉，方便share黎食面層係燒至金黃色既邪惡既芝士和煙肉，下層卻是厚厚的

朋友終於去完半年exchange翻黎，一於帶佢食下外國冇得食既串燒啦！之後有朋友同我推薦過呢間新開既鮮‧港式串燒吧，就順便可以試埋佢喇。位於觀塘駱駝漆三座，位置相當方便，由地鐵站行過去5分鐘都唔洗雖然喺工廈入面，又係weekday，但都好快坐滿晒，證明香港人好識搵食呀！入到去就tick野食喇～首先黎既係兩杯野飲：檸檬柚子梳打（$38） 水果花茶（$38）我想講下呢杯水果花茶！首先佢隻杯個size好大入面就有好多新鮮水果，唔似其他地方咁可能落下果汁就算！入面有火龍果、蜜瓜、西瓜，食完啲串燒又飲曬啲茶仲有飯後果食添！不過因為佢真係水果+茶，所以個茶就真係茶味，可能唔係大家expect果種甜既果茶味至於野食就等耐少少。始終即叫即燒嘛～厚切牛脷串（$58）平時既牛脷係薄薄一片既，但呢度既好厚好大舊，一開始完全唔知係牛脷黎！燒白鱔串（$58）呢個白鱔串係廚師推薦既，果然冇令我地失望呀。魚皮燒得香脆，滲上鹽一齊燒，而魚肉又夠滑身。麻吉燒（$20）呢個係我個人推薦！自從有一次食串燒食過麻吉燒之後就對佢一見鍾情，有年糕煙煙unun既質感，入面仲包住啲芝士添。鹽燒雞中翼（$22）鬆化黑豚串（$58）茄子

又話b3出口行三分鐘就到,點知原來要過條對面馬路再要屈返去入左面,先至搵到間餐廳所在之處,有少少唔就腳 不過唔緊要始終都畀我搵到!樓上幅圖有三種醬料畀我哋選擇,格局有少少似高級天婦羅料理,值得讚賞左手邊係泰式醬汁有少少辣好惹味 ,右手邊係日式甜甜地嘅醬汁,不過都係建議唔好點像食番原味!嘩!一碟多春魚原來有四條雖然第2條有少少爛,但係整體都燒得幾好食,唔會乾水! 魚骨亦都唔會刺口,不過條魚就有小小細推薦飲話梅梳打,個味係你想像唔到咁好味,鹹鹹哋但係又好配合都幾消暑解渴!燒粟米整體夠甜,但有部分位置太焦,燒粟米亦有少少渣厚燒牛脷值得推介!內裡鬆軟,調味亦剛剛好,咬落充滿水分,一食再食秋葵配檸檬我都係第一次食!配搭幾創新墨魚汁香腸入面真係有 墨魚肉 幾有咬口,煙煙韌韌但其實味道同普通香腸唔會有太大出入松露薄餅夠曬黑松露味,蘑菇亦都入曬味,個薄餅底稍嫌有少少過火 太乾有少少硬, 鍾意香口嘅朋友就適合啦芥末鮑魚片係一道涼拌嘅菜式,真係貨真價實!離遠已經聞到濃濃嘅鮑魚味但係可能唔係好適合怕辣嘅朋友仔,因為芥末味真係非常之重但係個人嚟講就好鍾意 亦都好推薦大家去食!超值!圖片眾多!不能盡錄,有興趣

冇諗過係觀塘工業區，都可以食到港式串燒！係駱駝漆呢度開咗一間幾有特式既串燒店。一入到去發現原來呢度唔單止淨係可以食到串燒，仲有唔同嘅海鮮刺身拼盤可以任君選擇。當我地坐低嘅時候，每人桌上都會擺放三格式嘅醬料盤，上面有准鹽、泰式酸醬同另類醬油。由於呢度客人人數眾多，所以出菜需時大家要保持耐性！！！不過不得不提，呢間串燒店嘅食物質素都非常之高，冇一碟係我食完之後不說讚。首先先講一講個牛仔骨，牛仔骨好大塊，啲醬汁燒得好濃烈，牛肉嘅汁鎖得好實，整體來說很juicy又不會太韌！另外叫咗呢度比較出名嘅講到燒蠔，都算燒得唔錯，有好多嘅蒜蓉同埋香料，配上蠔肉大大粒，肉質鮮甜。令我比較印象深刻嘅係雙重芝士薄餅，有3塊咁多，芝士夾在薄餅與薄餅之間，咬口鬆脆，芝士亦非常多，差點擠出我的口外！還有墨汁墨魚腸，想不到是這麼好吃，墨汁墨魚腸表面平平無奇，只是一條黑色的腸，但咬下去時我知道它並非池中物，墨汁爆出來！加上香腸龍濃濃的肉味，味道和香腸融為一體，互相配合感覺似吃了墨魚汁飯。還有太多太好吃的串燒，決定打包外帶回家吃，每人人頭費只是$150，相當合宜。

因為短期內冇得去日本，所以就好懷念日本串燒居酒屋。咁啱有朋友介紹我去食觀塘呢一間串燒店，咁就二話不說咁訂枱。其實呢一間店舖位置非常方便，就係好多嘢食嗰棟大廈，同埋好多運動特賣場個度。我一上5樓轉左，就已經見到佢啦。雖然佢嗰間格唔似居酒屋🏮，但冇咩好勁嘅油煙味，但我哋返工人士來講算係幾好，因為件衫唔使即刻洗🤣燈光比較昏暗，適合我攰左成日對住電腦嘅人。坐下坐係幾舒服，冷氣適中又唔會太凍，又唔會太熱，呢樣係好少串燒店可以做得好今日正式講主菜啦。所有串燒都係主菜。今次食咗六款。第一款係墨魚丸，第二款係雞皮。墨魚丸雖然不是彈彈牙那種，但是墨魚質感非常鮮，大大粒，好味！雞皮，有別於日本，是脆卜卜的，吃下去一點也不油，又將吃薯片一樣，又薄又脆，像是沒有什麼罪惡感 101分香口點了兩款邪惡的小品，來一點清清的蘆筍。今次嘅蘆筍爽口，沒有任何渣絲和咬不斷的情況，一咬即斷，鮮味非常足夠，看得出是新鮮蔬菜！第三就是萬分令人期待的白鱔魚皮焦脆肉嫩，少許海鹽勾勒出魚鮮味，大口大口吃，又不太多骨，正正子，一定要encore第四是牛舌。彈牙爽爽，肉甜大件，不算太難咬！絕對值回票價！最鍾意就係即叫即整熱辣辣！呢方面我比