鰹烏冬 (已搬遷) 新店位置

有一段時間冇去過，今日上到去先知原來轉咗舖位呀，不過都係同一層， 門口都有少量人喺度等緊😌入到去見到地方比舊舖大好多，人手都比以前多咗。呢度嘅裝修比較簡約，但係都保留少少特色。以前去嘅時候，呢個海苔烏冬經常都會售罄， 今次終於試到啦😍雞脾嫩滑好香蒜味。 芝麻蔥花 wasabi可以加入杯湯汁， 再將啲烏冬浸落啲湯度一齊食，烏冬真係好彈呀😍又一間有水準嘅食店👍🏻

舖頭細細，但人頭湧湧約左朋友一齊食lunch，排完隊等位再要排隊等位不過都值得既！嗌左牛肉烏冬哇！睇下啲牛肉多到瀉咁滯個湯底好清甜，好好味最重要烏冬夠哂彈牙即使浸耐左都唔會好快變返麵團仲加左流心蛋，如果再流心啲就好喇！

"Ashash 觀塘小口袋💕" ~ The best cold udon!如果觀塘有邊間係必食，我一定毫不猶疑答係"鰹烏冬"😍😍😍😘😘😘我由佢試業食到佢而家搬大舖，對佢嘅愛真係無變過❤❤首先我係超級無敵二鐘意食凍烏冬，但無奈香港專門做手打烏冬嘅真係唔多! 雖然佢未必比不上日本既水準但佢试堅持喺香港做手作烏冬呢份誠意真係加哂分💪💪海苔竹廉凍烏冬: 呢個係招牌亦係我嘅至愛，好快賣哂架😂😂 淨係得幼烏冬但都好夠咬口，好QQ喔😋😋 吳好睇佢青BB甘，其實佢係無咩海苔味嘅，但你會見到粒粒海笞粉，真才實料嘅👍👍 同埋佢嘅烏冬非常掛湯!!所以同日本醬油，鮮磨wasabi,薑容同葱係絕配!骨付雞: 又係佢既招牌配菜!用左日本四國香科去調味，好有風味!同埋雞肉煮得啱啱好，好滑嫩又厚肉!份量可能對男仔有啲少，可能會幾個鐘就肚餓🤣

專登過唻試下工廈小店。店面都算大，有成6張6人枱左右。使用開放式廚房，見到廚師同待應係啲20多歲嘅年青人，相信呢間店係班年輕人開嘅。由於晏唻，所以幾款受歡迎烏冬已經賣完，建議想食受歡迎款式嘅人士應該中午時段唻。拌蛋骨付雞烏冬：個雞真係好好食，好入味，雞皮燒到脆脆地，唔覺肥膩，都有返咁上下大隻，推介大家試。烏冬份量略嫌少咗啲，但都幾煙韌。半湯洋蔥牛肉烏冬：味道同吉野家味道差唔多，唔太特別，但牛肉份量就好多，有滿滿一碗，大食人士可以選呢個配菜。呢度嘅食物全誕都係即叫即制，所以上枱時熱辣辣，價錢合理，但由於店內待應少，就無咩服務同裝修，主要sell 食物。

今天午餐又再穩新野試食;), 同事提到觀唐附近既呢間鰹烏冬, 就一於上去試食!!我點了一份烏冬, 鯖魚午餐, 驚喜不絕!先說說進店感受, 環境雖小, 木材店具為主, 木桌木凳, 挺有特色!我點了以下這個牛肉烏冬午餐, 烏冬及牛肉好吃, 清淡為主, 以我看法, 主角就是鯖魚!!zoom近看,還幾豐富的, 可以跟機一試主角鯖魚小吃出場!!這款小吃雖然看似沒特別, 但燒得肉質好好, 少骨, 皮肉一起品嘗外加檸檬汁, 非常到位, 值得來試試這小品!

近似日本的手打烏冬店香港少有嘅手打烏龍麵店。裝修簡單，舒服入店後隨意點了竹簾冷烏冬，再選擇套餐的關東煮。烏冬口感有點像日本嘅手打烏龍麵！煙un,有咬口。好滿足。店內重有好幾款揀！有機會會試下！套餐可以揀一個小食。我揀左關東煮材料唔似外面食到嘅會淋曬。尤其是個蘿蔔，完全無渣！太幸運了！調味都剛好，唔會太濃味。小店坐位都幾多，午市好多人等位，可以先預訂就保證有位！去過好幾間日本餐廳的烏冬，呢一家實在令我有驚喜。價錢不是便宜，但到香港大多餐廳只吃到日本冷藏的冰烏冬，絕對無左日本手打嘅口感。如果係香港掛住日本嘅烏冬，可以去呢度吊下引🤣

喺觀塘大大話話做咗一年有多，先至走上駱駝漆開始覓食，實在太遲 。第一次就去呢間長期喺開源道擺放易拉架嘅鏗烏冬試試佢，貪佢無咁熱氣又對我哋嚟講係個新選擇。門外同門內完全兩個景象，甫入餐廳已經有陣陣烏冬麵香，以木材裝潢為主，空間尚算闊落，下午茶時間到訪都坐滿八成，如果午飯時間到訪應該會更多人。餐廳選擇唔算多，下午茶時間都要 50 蚊一碗烏冬，觀塘區下午茶來說也算中高價，連飲品都冇包，50蚊只食一碗烏冬算是未夠喉。而烏冬份量女孩子食一碗剛剛好，略嫌餸份量太小，蝦冬甚至只得一隻炸蝦，如果一個成年男人嚟食應該唔會夠飽。(.___.)

係觀塘有很多餐廳，但覺得出名既烏冬店就唔係好多，所以要食到好味烏冬其實都幾難。不過試過依間烏冬之後，真係覺得係一間必試既烏冬店，簡直係抵食夾大件。其實佢就只係幾款餸，包括關東煮、味噌鯖魚、骨付雞、牛肉同埋天婦羅，同其他出名烏冬店比較選擇係比較少，但烏冬真係好味，。骨付雞烏冬個雞脾幾香口，烏冬爽滑彈牙，而且個湯底都好清好甜，真材實料。我朋友就點了關東煮烏冬食完之後，依間店絕對係觀塘入面必試的烏冬店。

很久之前已經聽聞這間餐廳我烏冬不錯，可惜一直未有機會嘗試，這天終於試到了。因為生意太好(胡說😶)，所以餐廳換了舖位，幸好有好心人士提醒我們，不用走錯路(其實一走到店舖外時就有人龍，不難發現，只是因為人太多的關係，找不到寫有店名的牌)你可以選擇齋烏冬，也可以選擇套餐，就附有一款配菜。上班的生活已經無趣，怎可以連午餐也這樣枯燥乏味😵所以我乖乖付上金錢，換來一款配菜💸每款烏冬也配有圖片簡介，你可以先詳細了解後才下單的。本人就是在胡亂選擇之下而踏上了一氣不歸路🤦🏻‍♀️套餐餐牌單點烏冬的餐牌因為在友人催促和環境嘈吵昏暗下(姓賴)，我在慌亂之間選擇了拌蛋烏冬配味噌焗鯖魚。結果當然是出現在眼前的樣子和自己所想(像)的不一樣。我事後看回餐牌，才知拌蛋是指在烏冬熱的時候和雞蛋拌勻，做成半熟的效果。吃下去時是挺滑的，味道也如餐牌所說是清淡的，有淡淡的胡椒粉味。烏冬也算彈牙，是平時吃的讚岐烏冬的感覺。但給我再選的話，我會選其它湯底😂烏冬不太有驚喜，但反而鯖魚有驚喜，吃時能吃到魚肉的清甜味，好吃😋總括來說，我認為這間餐廳的食物偏貴，而且環境有種侷促的感覺，可能因為門外輪候的人太多吧，不能大安旨意地慢慢吃🙊

同事介紹呢間主打日式烏冬既餐廳，一d都無介紹錯。 好彩walk in 仲有位，坐低望下餐牌，全部都係烏冬！ 首先要選擇烏冬種類，熱湯既選粗身，冷食要選幼身，侍應這樣介紹。 其次要選主食，有關東煮、原隻雞脾、日式牛肉等。 最後我選了咖哩烏冬配原隻雞脾！雞皮煎得脆香，大大隻，差不多同隻碟甘大，烏冬很彈牙，咖哩掛上每口烏冬，日本咖哩辣味輕微偏少少甜，$80左右, 值得再試其他味道。午飯時間官塘區都係人潮洶湧，這裡情況也不例外，食完要走，事因有人等緊位。 同埋要訂位，Thank You.

駱駝漆大廈真是一個寶藏來的，內裡有各式各樣不同的食店，食材舖以及零售店，既有得食又有得shopping，價錢大體上亦相當合理公道。難怪我們這一家基本上每星期都會過來朝聖....今天和太太來的主要目的，是為了一嚐這裡的homemade烏冬....店子不大，座位不多，但在open kitchen的當眼位就擺放了一大台烏冬機....烏冬的花款不多，約有十種左右，有冷有熱有放湯亦有用咖喱拌的。不過對我來講，最能吃出烏冬的神粹的，一定是要拌清湯....那烏冬湯明符其實是清澈見底，入口滿有甜味。這一種加了大量鰹魚碎、昆布及味醂熬出來的湯，基本上就是日本人的上湯，用來配烏冬又或是蕎麥麵，都是一流；烏冬夠粗身咬下去具麵粉香亦夠韌勁。自家製的，確係零舍唔同。這樣的鰹魚湯底烏冬，就只灑上蔥花便已很好吃了....當然話是這般說，但作為正餐，如果沒有一些配菜伴吃，總是有點說不過去的....關東煑內的清湯基本上和烏冬湯是如出一徹，在湯的浸熬下材料自然就盡吸其精華，椰菜及蘿蔔亦自然又軟淰又甜，至於那一大件的曲輪，本身已是帶偏甜的，現在就更是甜上加甜了....半熟玉子是追加叫的。一睇那蛋黃的流心程度，便知對版了，入

觀塘除左吉野家，都無咩食烏冬既餐廳。今日約咗朋友，朋友提出食呢間～兩點嚟到，午飯人潮散去，自己隨便搵位坐下。原來有下午茶時間～$50係一碗烏冬，不包汽水，但枱上有熱麥茶提供牛肉烏冬賣相靚仔～烏冬煙韌，手工烏冬的質感！湯既味道清清地，各食材調味適中，無味精，good!味噌燒鯖魚加$17，都算大條，燒得靚，唔會好乾，味道同平時出面食既無太大分別。骨付雞加$17，比想像中大隻，啖啖肉～即叫即煮，上枱個皮仲帶點脆～味道不錯，但同雞冬既雞味道有點相似。另外仲見到白板上有烏冬工作坊

由於小店平日沒有晚市 趁星期六放假 的起心肝來這間小店試試烏冬店面比較少 座位不多進去後很快就滿座留意到這裡除了可以嚐到老闆親手打的烏冬外 還可以報course來學打烏冬 有興趣的可以來試試這裡的湯底都是鰹魚湯 但有不同的做法鍋燒烏冬一向是我至愛想都不想就點了 再加了燒鯛魚作小食果然烏冬彈牙 湯底和烏冬非常夾加上牛肉嫩滑 沒有因為放在熱湯內而隨時間變硬雞蛋 昆布和鰹魚湯底配合得天衣無縫而鯛魚也很好吃 隱世小店一定要再來支持

又黎encore 喇🤗🤗 上次食完一直好念念不忘 今日帶埋2個同事一齊黎食好西😆我地叫左3碗烏冬 有竹簾冷烏冬(粗)配味噌焗鯖魚 ，鰹魚清湯烏冬配洋蔥牛肉 同埋 鰹魚半湯烏冬配骨付雞 竹簾冷烏冬個烏冬質地比熱湯會硬小小 不過都ok嘅 而佢有配個凍湯 加埋芥辣芝麻同埋蔥 配合起黎係好清新 好適合夏天冇乜胃口😌😌而味噌焗鯖魚都係保持一貫水準 皮脆肉嫩👍🏻另外鰹魚清湯好鮮甜👍🏻 烏冬好彈牙👍🏻 而個洋蔥牛肉有驚喜 牛肉份量非常多 而家好甜 牛肉肉質唔錯 唔會好多根👍🏻 雞脾味道方面都ok 正正常常 不過就真係好大隻 抵讚👍🏻

係觀塘工廠入面，細細間，話自己d烏冬係自家製，同同事行行下就走左入去。個日算早，唔洗點排，但之後見到條lung。。。店員同我地講人有得打定黎book定先，下次識做。haha烏冬粗幼冷熱都有得揀，因為天氣好熱，所以簡左凍既海苔冷烏冬加關東煮。烏冬非常彈牙，可能加上凍既關係，由頭食到未都好煙UN！個 set 唔算特別便宜，我個面大概＄78到，但真系有質素同好夠飽。下次黎要試其他烏冬！