鳥炎屋

營業中

休息中

有日同朋友去尖沙咀行街，朋友想去居酒屋🏮誤打誤撞搵到一間樓上日式小店，店員超級熱情有禮貌，又介紹每款食品俾我哋，超級好客。❄️冬日之幸卷 雖然過咗聖誕節但個卷成棵聖誕樹咁外型好討好。上面有甜蝦刺身入面仲有不同魚類刺身，感覺鮮味好食。🥚火炙燒玉子串厚燒玉子上面再加芝士超正。🍣左口魚壽司油脂豐富嘅左口魚燒過之後油脂香仲重。🇯🇵日本雞髀肉串雞髀肉好嫩滑彈牙。🥒翠玉瓜串睇落平平無奇，一咬落去估唔到咁juicy。🍲牛肉火鍋 估唔到都幾多材料，多牛肉生熟程度啱啱好，另外都有好多唔同種類嘅蔬菜。

最近同朋友聚會去左喺尖沙咀嘅一間日式餐廳，入到去之後，會覺得好溫馨。個裝潢簡單而現代，有啲日本風，好令人放鬆同享受。最推介嘅佢地既冬天special menu - 「冬日之幸卷」 🎄。將幸卷拼成聖誕樹嘅樣，仲有星星形狀嘅玉子，而且食落好豐富。幸卷外面包滿海苔碎，上面有甜蝦，裡面有三文魚同青瓜絲，口感好豐富！另一個推薦嘅菜係「火炙燒玉子串」 🍢。呢款燒玉子上面有一層好厚嘅芝士，入面仲有啲壽司飯，同平時嘅玉子燒唔同，好值得一試～我平時好鍾意食壽司，所以試下「左口魚壽司」🍣。左口魚嘅油脂好豐富，壽司飯煮得好軟糯，絕對係用心之作～仲有一款限定菜，就係「日本雞心串」 🐔。雞心肉汁好多，入口唔會乾，有驚喜！如果鍾意甜味，可以試下「煙肉香荔串」 🥓🍈。煙肉包住甜美嘅荔枝肉，入口甜甜地，每串有三小舊，同朋友share食就岩哂最後仲有「原隻特製蒜蓉燒茄子 」 🍆。蒜蓉味好濃，雖然茄子有啲濕潤，但份量好足夠，絕對係值得試嘅美味菜式最後人均都係$200左右，難得喺尖沙咀食到高質又好味既居酒屋，佢既午市定食都係$80-$100， 款式好多，喺附近返工既打工仔絕對值得一試～味道：⭐️⭐️⭐️⭐️⭐️
環境：⭐️⭐️⭐️⭐️
服務

朋友揀既依間日本餐廳係亞士厘道樓上，地下入口處亦有放易拉架，都算易搵。餐廳位置唔多，適合朋友及情侶聚餐。值得一提係老闆和店員都非常熱情有禮，服務超級有善，呢個係值得讚揚的。-串燒味道甘香，沒有油膩感，每串大約$36-$40，價錢不貴//日本雞皮串經過烤烤之後酥脆，帶有一點點既嚼勁//汁燒牛肉串肉質嫩滑，咬落去好多汁//豚肉大蔥串口感豐富有層次，調味也恰到好處，十分推薦//火灸燒玉子串夠厚夠大塊，一啖落去超級滿足//冬日之幸卷飯粒的煙韌嘅口感也不錯，配埋碟上少少美乃滋更加惹味

🏮尖沙咀隱世樓上居酒屋 — 鳥炎屋 日本雞心串($38)日本雞肝串($38)雞心同雞肝都係每日新鮮食材，雞肝入口即化，沒有半點的腥臭味，雞心口感柔軟再配上自家制醬汁十分惹味翠玉瓜串($28)好多汁！汁燒雞子串($35)雞子同樣冇腥臭味，口感綿密，唔會令人卻步，可以一試味噌廣島蠔鍋($168)湯底入口蔬菜味較濃郁，廣島蠔肥美飽滿！🦐櫻花蝦炸豆腐($68)炸豆腐配櫻花蝦十分香口，而且會附上鰹魚汁🎄冬日之幸卷($148)聖誕節限定菜式，用青瓜壽司卷砌成聖誕樹。面頭用上甜蝦及三文魚籽，另外星星形狀既玉子燒，充滿冬日氣氛❄️

亞士厘道堪稱係尖沙咀食街今日就黎呢邊搵食先日本菜一直都係我哋首選睇到樓下既廣告相都幾精緻 之後再望到OpenRice 評分都幾高 ～即管一試居酒屋必叫爐端燒咁啱撞正佢有限定串燒+做折即刻叫返兩串雞心串汁燒雞頸肉都係來自日本進口既「燒鳥」 肉質夠嫩滑鵝肝多士巨無霸size 真心冇預計咁大舊咁厚身！有半隻手咁大 真係每啖都係又香又綿既鵝肝 一啲都唔膩 正正子左口魚邊三切肥美油脂一流 永遠「賣飛佛」海饅 壽司又一個令我哋驚喜既size海饅肉一啲都唔腥 秘制饅魚汁甜甜哋 我同朋友都話可以用嚟送白飯好食！黑松露甜蝦卷三文魚茶漬飯身為飯筒 真係冇飯不歡茶香配日本玲珠米 食到Japjap聲樓上食肆一個字最好就係環境清幽～ 最岩就係同三五知己傾偈食飯聚會加上值得一讚 呢度服務態度非常好 員工好有心介紹menu 又會推薦時令菜式 又時不時主動斟水 黎問下野食岩唔啱口味 已經好耐冇見過咁有心既service 啦！．

放工之後嚟到尖沙咀選擇咗一間上樓嘅居酒屋。因為放工嘅時候已經好攰喇，居酒屋畀我嘅感覺就係可以一路食嘢一路傾計遠離煩囂。嚟到舖頭嘅時候，呢度嘅服務員好熱情、好細心介紹唔同嘅食物。有一些新嘅菜式係佢哋推介畀我㗎，初頭嘅前菜我就試咗佢哋串燒雞心，好好味，對雞心情有特種嘅我係必食嘅選擇。另外推介咗一個提燈畀我試下，原來佢係雞嘅輸卵管，今次真係一個新嘅嘗試。另外仲有一個新嘅菜式wasabi蒜蓉生蠔，個醬汁好好味呀，一啲都唔會辣。最尾嗌咗一個主食：櫻花蝦炒飯。每一粒飯都炒到好乾身，而推介畀我嘅櫻花蝦係我最鍾意㗎，因為櫻花蝦唔單止有蛋白質，蝦殼仲有營養喺牛奶嘅鈣係高20倍，同時間亦都有甲殼素，對於我夜晚收工咁攰嘅我，呢一個炒飯真係為我補充曬所有嘅營養呀！

久違既居酒屋～ 今次難得地同媽媽黎左尖沙咀呢間居酒屋撐檯腳😍 呢間舖頭老闆好熱情👍服務態度抵讚👏 好岩同成班朋友過黎飲酒傾計聚聚呀👍·🌟火炙燒玉子串（1件）🍳 $40超厚實玉子燒，裡面好嫩滑，唔會過甜👍 ·🌟穴子壽司（1件）🍣 $60肉質肥美，配上鰻魚汁一啖過勁滿足🤩·🤍限定日本提燈串 $48呢款提燈串個蛋黃係燒到全熟😯 有d似鵪鶉蛋既口感！都幾香口，不過同日本食個種爆漿蛋黃唔太一樣😂·🌟雞肉串🐔 $32燒得一D都唔乾，配上燒汁勁惹味😍 媽媽超中意呢款！·🌟特製蒜蓉燒廣島蠔🦪 （2隻）$108大推呢個蠔🦪，完全唔腥，仲好鮮甜好肥美👍 食到少少海水既鹹鮮味🌟 配埋秘制蒜蓉醬勁香😋·🤍沖繩海葡萄沙律🥗 $68一直想試海葡萄好耐，但無我想像中爽脆😁·🤍牛肉火鍋🐂 $138 + 白飯 $30牛肉份量好多，裡面係shabushabu，配料好多，都幾豐富；不過唔係話好特別，但冬天食好舒服👍·人均：HKD 250 up 評分🪄 (滿分5🍑）味道：🍑🍑🍑🍑環境：🍑🍑🍑🍑性價比：🍑🍑🍑🍑🍑服務態度：🍑🍑🍑🍑🍑回頭率：🍑🍑🍑🍑·📍鳥炎屋尖沙咀亞士厘道17-19號4樓🚇 尖東站L5步行2分鐘

🤣日式居酒屋🤣-一間位於尖沙咀既氣氛日本餐廳，雖然似日式居酒屋，不過坐得好舒服，微暗燈光好有情調，老闆十分熱情。-🐟雜錦魚生沙律 ($98)魚生鮮甜，蔬菜爽口，加埋酸酸地既調味十分開胃。-🍖(限定）日本雞髀肉串 ($40)結實得來唔靭，醬汁十分出色。-🐥(限定）日本雞心串 ($38)微微焦香既雞心串，推薦！-🐷豚肉大蔥串 ($36)新鮮大蔥脆口之餘化解油膩感覺，突顯豚肉香味。-🍆特製蒜蓉燒茄子 ($68)燒茄子又香又濕潤，一啲都唔乾，仲有打橫切兩下，蒜蓉容易入味，食起黎又方便。-🦐櫻花蝦炸豆腐 ($68)豆腐外皮滿滿櫻花蝦，外脆內軟，而且仲可以沾上更多嘅醬汁。-🍲味噌廣島蠔鍋 ($168)蔬菜非常之入味，粒粒蠔都好肥好飽滿。-📍 鳥炎屋尖沙咀亞士厘道17-19號4樓-

生活係節奏急促嘅城市，壓力少不免，紓解壓力嘅方法最直接就係食嘢同人吹水～搵左間可以飲酒放鬆一下嘅地方，同時食啲日本野緩解下思鄉之情😆黑松露甜蝦卷黑松露味道濃郁突出，卷物夠大件味道剛好！火灸燒玉子串多重芝士燒得香氣撲鼻。穴子壽司長長一條好吸晴，穴子醬汁味道甜而不膩😇蒜蓉燒廣島蠔男人手掌咁大嘅蠔！多蒜超香😜清酒煮蜆湯底清甜蜆肉都唔少。日本雞心串燒日本青椒仔串兩串串燒貨源都係來自日本，值回票價！！

呢間餐廳提供平實嘅日本菜，服務亦都好好！佢地嘅菜單有刺身、壽司、串燒、燒物等。帶子刺身$55，帶子鮮甜厚身。仲有左口魚壽司兩件$48，左口魚火炙咗，所以有魚油香。蒜蓉燒茄子🍆$68。茄子燒得腍身，蒜蓉嘅香氣更加提升咗味道！仲有日本雞頸串同日本雞皮串，分別係$48同$42。雞頸好似雞肉咁，燒得恰到好處。係一個平價嘅串燒選擇！至於特別料理，佢地有秘·孖寶燒蠔，兩隻只係$98。燒蠔一款係鳥炎口味；一款係芥末口味。仲有櫻花蝦炒飯$118。炒飯入面有豐富嘅櫻花蝦，大大碟！

環境非常舒適 有種溫馨既感覺播住輕鬆愉快既日本音樂仲有個小露台 可以作包場活動 適合公司team meeting或聚餐食物高質 員工服務態度冇得彈 老闆既熱情款待 令到我少少尷尬火炙芝士蕃茄 $48 🍅開胃前菜 厚燒玉子 $75 🥚推薦 極厚燒~ 啖啖肉子 面頭仲有火炙芝士 大滿足 左口魚壽司$48🍣火炙左既左口魚 真係非常邪惡望住流曬油 急不及待試下 比市面上左口魚較大塊、厚身 劍魚腩壽司 $52🍣全魚腩位 對得住呢個價錢 黑松露牛油果卷 $60 🥑黑松露係呢個壽司靈魂帶少少咸 豉油都唔需要落煙肉香荔串$48黑豚片蘆筍串 $58呢2款都推薦 煙肉串燒香口 蘆筍嫩身無筋、爽脆味噌廣島蠔鍋 $168鍾意食肉既人可能未必識欣賞 我自己就好鍾意 因為佢成鍋都係蔬菜 🥰正呀整體評分:味道: 5/5環境: 5/5服務: 5/5抵食: 4/5鳥炎屋📍尖沙咀亞士厘道17-19號4樓

🔹️位於尖沙咀亞士厘道 “鳥炎屋” 日式居酒屋,🍶店內環境猶如置身日本⛩️食物高質💯店長親切友善、貼心極緻👨‍💼價錢親民💰晚餐🍣🍶🥢🔸️沖繩海萄葡沙律🥗以新嫩沙律菜和爽甜海萄葡, 健康美味🤤🔸️珍寶帶子刺身🫓特大粒帶子 ~ 厚身啖啖肉☺️肉質幼滑, 味道十分鮮甜, 回味無窮😋🫰🔸️碎蔥吞拿魚腩卷🐟濃郁香蒽味道, 配鮮甜肥美吞拿魚腩蓉, 入口即溶👍🔸️秘。鳥炎屋燒蠔🦪大大隻燒蠔,十分鮮甜惹味🫰🔸️煙肉香荔串🥓🍡香脆煙肉包住軟綿綿荔枝肉, 鹹香鮮甜俱備👍🔸️豚肉大蔥串🐷🍢嫩滑豚肉包住鮮香大蔥, 極滋味🤤⚕️每天6:15pm前光顧可享有65折優惠（星期五除外）

鐘意呢間居酒屋係因為呢度有一種溫暖放鬆嘅氛圍， 微喑既燈光、老闆熱情嘅招待、廚房飄嚟陣陣香氣，令人不自覺會變得心情愉悅。唔知食咩好可以隨便問老闆介紹當造既菜式，今次叫嘅野都令我地有驚喜🤍蟹籽沙律🤍黑松露甜蝦卷- 黑松露醬濃郁，更能帶出甜蝦嘅鮮味，兩者配搭完美🤍豚肉大蔥串-薄切豚肉燒製後變得微脆香口，包住爽甜大蔥，送酒一流🤍雞肉串-配以照燒汁燒製，還挺惹味的🤍大根煮-日本白蘿蔔咬落清甜，完全冇渣，燜煮後入味非常，簡單嘅材料都可以好好食🤍鐵板粒牛舌粒-私心最愛！牛舌粒粒厚切爽口，唔知係咪鐵板嘅關係，食落更覺香醇多汁，份量仲好足添🤍焦糖菠蘿串-燒製過嘅菠蘿香甜多汁，外層嘅焦糖脆皮更係完美嘅點綴

💙番茄牛油果沙律用料新鮮既沙律🥗 番茄夠甜～ 牛油果熟度岩岩好～ 沙律菜又爽口👍🏻👍🏻.💙穴子壽司火炙過🔥 好長既穴子，甜甜地，個汁唔會搶左主角戲😛.💙帶子壽司大大粒帶子～ 係飯既一倍😆 正！.💙火炙烏炎紅白卷試一試餐廳新品，卷物中間係墨魚，好易咬開，帶淡淡鮮甜，外層有火炙過既三文魚包住，味道配搭唔錯，可以一試🤤.💙雞肉串雞肉肉質幾滑☺️.💙牛脷串牛脷有咬口，外面燒到有少少脆口，不錯～.💙燒明太子雞翼雞翼包住滿滿既明太子餡😍 燒得岩岩好！好食！.💙櫻花蝦炒飯飯炒得夠乾身～ 櫻花蝦好香口，無過多調味，簡簡單單既炒飯，突出本身食材既鮮味😗

煙肉香荔串：烤過嘅煙肉包住香甜嘅荔枝，呢個鹹甜混雜嘅衝擊，好有層次秘。孖寶燒蠔：屬於呢間餐廳嘅招牌菜之一，蠔幾大隻，一款係用咗佢哋嘅秘製醬汁，另一款係用咗芥末去燒，算係幾特別嘅口味，蠔嘅質素亦都唔錯，有好香嘅蠔味刺身：我哋試咗赤蝦同北寄貝，北寄貝爽口彈牙，赤蝦鮮甜，入口起膠壽司：火炙三文魚上枱之後仲係暖嘅狀態，燒出好香嘅油脂味，油甘魚非常新鮮，唔腥櫻花蝦炒飯：炒出嚟嘅感覺好似係平時食鐵板燒嘅質素，飯粒粒分明，帶上櫻花蝦嘅鹹香，實在唔錯