鳳城酒家 (已結業)

又同朋友o黎依間飯堂喇~8個人, order o左鴿肉生菜包, 粟米魚肚羹, 炸子雞(一隻), 西蘭花炒帶子(帶子熟o左少少), 煎藕餅, 蝦多士, 炒鮮奶同鳳城炒飯~ 唔夠飽, 再order 炸粉果~ 最後上埋西米布甸, 依味要早一日訂, 不過我朋友中午打去都訂到~ 真係焗得好靚, 唔太甜, 正~飯後有甜品送, 係十年如一日o既綠豆沙~ hhahha! 因為朋友同阿姐熟, 仲有西瓜送o添~ 埋單每人$126~ 依度唔收開瓶費o架~ 仲有酒杯俾你用, 當然係好差o個類杯啦, 但唔駛用水杯都好好o架喇~ ^_^

沉日去左食,叫左三個送:餃子蝦,蟹肉炒牛奶及果汁牛.餃子蝦是招牌菜,將蝦放在麵包上炸,麵包散發蝦的鮮味,很好食.蟹肉炒牛奶味道較淡,牛奶炒起來很滑,但蟹肉較小.果汁牛酸酸甜甜,很開胃.這裡味道好,兩個人三百蚊落樓,價錢較貴.

朋友們來一個即興茶局, 先點了一人一個灌湯餃, 可惜有點失望, 並非懷舊灌湯餃而係現在流行的浸湯形式,湯料味道輕清, 但多油了一點, 再來蝦餃, 似乎餃子皮有點過淋, 其中自己比較欣賞炸魷魚鬚, 炸粉不太多, 只是魷魚鬚肉質比較韌. 另外炸韭菜餃,咸水角亦十分香口. 再點一度招牌炸子雞, 和晚飯的水準相近, 皮不算太脆, 雞肉肉質偏韌. 整體上不過不失.茶局間有一段小插曲, 朋友們跟待應哥哥閒聊了幾句, 似乎旺角鳳城老闆對員工待遇十分好, 待應哥哥讚不絕口十分忠心~

前言：今晚，跟老爸來個即興的「男人飯敍」。沒訂位，七時來到幸好還有一張細枱。食物及評語： a. 前菜：醋漬青瓜蘿蔔（約八件青瓜和兩件白蘿蔔，以前菜而言，每件體積都頗大，份量十足，心生好感！） b. 點了三個小菜： 1. 脆皮炸子雞（$98/半隻。招牌貨，皮脆肉嫩，水準之作，交足功課！） 2. 蜆蚧鯪魚球（$58/10粒。肉質彈牙，調味適中。從「香」、「味」而言，絕對是另一件水準之作。惜賣相略焦黑，以致獨欠「色」。蜆蚧沾汁味道一般。） 3. 蝦子柚皮（$28/件；兩件起。經典菜式，柚皮鮮甜，蝦子惹味，簡直係「最佳拍擋」！其中，蝦子汁亦相當下飯。） c. 白飯（一般貨色） d. 甜品：海帶綠豆沙（免費。足料，甜度適中。） e. 茶芥：茶（相當濃的普洱茶，正好用來減低炸子雞的油膩感）、芥（「芥」乃是「黃拼橙」，「黃」是久違的黃芥末醬，「橙」，是普通的辣椒醬。）總消費：共$224。後話： a. 近一佰元半隻炸雞，雖然不便宜，但肯定係水準之作，絕對係「皮脆肉嫩」。老實講，從份量而言，這兒的半隻雞，對於兩個大男人，又似乎細了少許！ b.

昨天去了聞名已久的旺角鳳城，一行７個大人，叫了個７－８人套餐再加。套餐有下列菜：乳豬併生腸叉燒－乳豬脆皮，生腸爽口，叉燒麻麻。金銀貝冬茸羹－有瑤柱帶子加冬瓜絲，幾清。　　家鄉桂魚卷－碟頭細，幾好味但唔夠食。脆皮雞－勁脆皮，有雞味，讚！鍋貼大明蝦－唔油，但唔特別。婆參扣鵝掌－婆參幾厚身，鵝掌略少，生菜底。甜品－紅豆沙，不太甜，幾好味。另外再加下列菜（因份量不夠食）：炸粉果－味道一般，粉皮略厚。楊州炒飯－炒飯乾身，唔錯。西米焗布甸－好大兜，有蓮蓉餡，熱食勁好味。埋單要HK$1200，唔平但可接受。侍應服務態度不錯。

久仰此店大名，趁舊同事自星洲回港渡假。便約他在此品茗^m^。心想父親節必定湧擠，但在10:00進入仍有位星置-當然是搭。要了下列點心：1. 雞扎：斬件雞翼+花膠+火腿(金妹牌)ok2. 珍珠雞：有荷香，糯米不會過淋或生米，配料一般，冇驚喜3. 燒賣：一般4. 鳳爪：行貨5. 灌湯餃：冬瓜蓉+蝦幾鮮味good6. 叉燒飽：OK茶好香，多泡仍有味！但埋單hk$14X算貴。PS1:冇不吸煙區，減少再來的動力。PS2:父親節老牌茶居竟不用排隊，重母輕父由此可見>-< !

那是出發遊大西南前最後一晚的事，為送別那不肖子而吃的一餐，讓他吃飽飽「上路」。旺角區有看頭的酒家不多，除利苑外，大概就只有鳳城，前者無訂位，該吃不成了，那就只好選鳳城，在鳳城早茶是喝過不少，晚市倒是首次，且看其招牌菜－炸子雞是啥米豆糕。坐著平日飲茶的位置，氣氛自然較茶市時平靜，亦換上較資深的侍者，明顯地是走高格調的路線，可惜裝潢及餐具擺設出賣了它，看到這種竹升格局，已有點心寒說，只好求神拜彿，希望食物非這般竹升．．．菜單上載著一大車菜式，看的眼也花了，平生最討厭這類菜單，什麼北方的、南方的點子一籮籮，款式雖多，然，煮得好的卻無幾款，既然如此，為啥不乾脆做專門的地區菜？啊對不起！忘了這裡是香港。既無心水，只好問問侍者的意見，她細心介紹著招牌菜，雞燉翅、乳豬、炸子雞什麼什麼的，說的都是套餐上的菜式，就是說要你點這套餐，再想下去的話，怕打烊也想不出要點什麼，就點這四人餐吧。菜式包括雞燉翅、乳豬併生腸、炸子雞、菜疏炒帶子、油菜，心肘：這真的是四人餐乎？怕極惡男在的話，憑其一人之力，要清掉不算難事。打頭陣的是雞燉翅，一大鍋上，份量十足，足夠四至六人用，湯底用雞、海螺、火腿炖成，炖了多小時，材料味

早排響度同一班朋友聚會, 食左:西湖牛肉羹-- 都好多料下, 唔太特別.金銀蛋莧菜-- 雖然揀呢味係行左d, 但清清地又幾好食喎.金銀桂魚卷-- 唔太特別, 我覺得炒得比較油.炸子雞-- 勝在熱辣辣, 皮夠脆, 但肉質唔算嫩.大良牛乳粥(唔記得個名係咪咁叫) -- 自己今次無食, 記憶中都係少少咸咸地咁.蝦仁炒鮮奶-- 我自己鍾意呢味呀, 有d似食糊仔, 但係都幾嫩滑, 有牛奶味. 記住要趁熱食, 同埋少吃多滋味, 否則就有d漏.飄香荷葉飯-- 都聞到有少少荷葉味既, 飯炒得乾身,好味, 清晒~~蓮蓉西米焗布甸-- 初時仲擔心食唔晒, 好在佢整得唔係好甜, 無想像中咁漏, 唔錯唔錯, 又係清晒.雖然唔係食左好多野, 但臨尾兩味大碟又好味, 9個人都食得飽飽, 埋單$800. 整體黎講都ok既, 個別菜式值得一試, 價錢亦唔算貴(埋單果陣發現免茶芥), 不過服務就麻麻.

今日提早同爸爸慶祝父親節. 打電話黎鳳城book檯, 問定佢個menu係咪同平時一樣, 接電話個男人話係, 我地就揀左呢間.8點鐘黎到, 我地話book左檯, 佢地先至臨時臨急搭左張細檯俾我地, 已經要扣分.坐低叫佢俾menu我地睇, 佢只係俾左兩張紙我地睇, 我地問佢拎個大menu俾我地, 佢話今日大menu o既菜唔available, 我話打電話時問過個menu同平時一樣, 佢就話整唔切!連我一心想試o既金銀桂魚卷都無得試!!張menu紙上除左set之外,可供選擇o既菜不出十樣, o係無乜選擇之下,揀左:1)鍋貼大明蝦: 總共十隻, 以蝦多士黎講, 唔算油, 隻蝦都彈牙.2)化皮乳豬: 好肥, 而且唔好食!3)金銀蛋莧菜: 唔油, 正常炒菜一碟.4)上湯白菜苖: 呢個無乜味, 而且上檯好求其, 賣相仲差過屋企自己炒.晚飯送紅豆沙, 不過唔甜, 而且比正常稀, 唔掂.埋單都要成$400! 完全係俾聽電話o既男人呃左!

晚上同三位朋友去開旺角太子shopping, 所以打算同佢地去呢間老牌酒樓試試, 叫左金銀桂魚捲:半炒半炸, 魚肉幾滑幾香口招牌脆皮雞(半隻): 全晚至欣賞, 皮脆肉滑, 而且肉汁味豐富.炒鮮奶: 香濃滑, 不過食多左少少, 會有d滯.金銀蛋莧菜: 一般, 唔突出.京都骨: 味道ok, 幾有鑊氣埋單時近$440, 都幾貴下~ 服務都唔錯, 舊式酒樓黎講算好有禮貌~

的而且確，上環鳳城的水準是比較高d,它們的鳳城水餃是一絕,但旺角的只是一般水準,跟普通茶樓冇嘜分別，但價錢就不平宜。

由於初次到境，唔熟架步，晨早向食家們“羅”料，謝謝。一心即興帶同太上老君尋找昔日風味，提起灌湯餃時，總少不了「鐵片」二字，但對我黎講，真係唔知咩ｏ既一回事，亦因為咁想「見識」一下．．．擔心無位子，星期日ｏ既大清早已就緒（其實成晚打機打到洽著，都無乜點ｏ訓），去到ｏ既時候，望下個鐘只是八點九，明顯地連鳳城伙計都未預備好（制服未穿，燈還未開哂．．．），似乎應該係開九點喇，上到去有很多「吉」檯，任君選擇，既然咁早黎咪嘆多幾杯茶咯。不消半個鐘，已坐滿客喇，第一籠ｏ既點心就係：大包：云云點心，這個一定係我個人推介（可能真係「新大包即日香」），我這個大鄉里第一次「見面」，除左多多少少因為肚餓，同埋熱辣辣關係，再加上入面ｏ既冬菇、肉、叉燒、咸蛋黃．．．餡，砌成一個「大」字，真的幾犀利呀！咸水角、豆沙角、九菜餃：香口野，好香脆，小心淥口。太上老君話，咸水角裡面有菜甫，其他店子未必有ｏ架喎，向來我哩個食物焚化爐，真係無乜點留意喎！盅飯：一心以為佢地會用鐵盅，點知來一個瓷盅，有點兒失望添～味道一般。灌湯餃：真係辦事不力喇，原來太子鳳城係無「鐵片」ｏ架，只是一個透明碗．．．唉，令老人家失望添！話雖如此，都無

晚飯時分, 六時半左右就坐滿... 一坐底就有碟酸菜, 不過呢碟酸菜幾好吃。兩個人要了一碟生腸义燒, 生腸肥大爽口, 不過埋單先知要九十大元, 貴了少少。跟住一碟桂魚卷, 勝瓜雲耳炒, 魚卷裏面有條金華火腿絲同松子仁, 好好食。兩件蝦子柚皮, 柚皮索滿了上湯, 蝦子又香, 廿八一件, 幾OK喎! 好想食楊州炒飯, 一碟太大, 問下原來有一碗三十元, 即刻落單啦, 不過個Waitress 係咁好大聲話一碟抵食喎, 我地話食唔哂, 堅持要一碗... 講開個兩個Waitress, 真是有些惡頂, 坐低已經係我地旁邊不停對其他人客評頭品足, 落柯打時問佢有冇例湯, 佢話無, 得翅! 進食中, 佢地兩個又企响旁邊打雀咁望住, 食得鬼咁唔舒服。食物幾好, 但伙計咁真是....

星期五倍老媽飲飲茶，是西門家第八百九十七條家規，昨晚被死肥豬（就是那背祖忘宗的不理不理左衛門）的鼻鼾聲弄的無覺好訓，超不想起床說，但繼續睡的話定會被老媽吊起來打屁屁．．．那只好撐下，不然被吊打的話，那死肥豬定會爽個死，並舉腳歡呼說。為方便老媽上班，於是在太子的鳳城酒樓落腳，心想在鳳城吃，不會平到那裡，偶與極惡男領教過上環鳳城，那混張的家伙又是大吃大喝，結果不夠錢埋單，差點被抓上警局說．．．老媽淡定的說怕三小？十一點前埋單，大中小點一律十元，她果真是老狐狸，連價錢與時間也算盡說。與上環鳳城不同（做遊客生意，很貴．．．），是舊式的茶樓，做的是街方生意，分兩層，二樓做飯市（開十一點），一樓做茶、飯市，環境麻麻，要搭檯，與蓮香樓一樣，來的都是老一輩之人，全場後生的就只有偶與死肥豬，若沒有老媽在場，偶們真的會被當怪物看待。哈，原來這裡都是玩推車仔的，尤記得小時候，最愛拿著點心卡到處尋寶，每當看到山竹牛肉車，就像發現寶物般，衝上前去奪寶，現在能保留這傳統的茶樓，是賣少見少了，不知十年後，這些車仔會否被送到博物館，成為歷史呢？遲來了，差點無位，要搭檯，也沒差，舊茶樓唔搭檯才怪，大部份伙計正在吃飯，場

聽聞朋友稱讚呢間酒樓好耐, 今日先上去試試, 因為幾個朋友都係第一次去, 所以叫左一個鮑翅套餐($528).乳豬三拼盤: 差燒, 乳豬一般, 豬腸幾爽口原盅雞炖翅: D翅每碗一細梳, 唔係好大, 但幾精緻, 個湯底亦唔錯.家香桂魚捲: 桂魚起肉同埋荷豆抄, 肉質幾好另外魚頭尾就炸過, 十分香口.脆皮龍江雞: 真係脆皮, 而且雞肉幾滑.上湯浸時蔬: 唔係好特出, 無咩印象紅豆沙: 一般.....地方類似一D 舊式酒樓, 服務尚算OK, 唔收開酒費, 不過就無高身既紅酒杯, 紅酒杯最好自己帶去.