鳳城雲吞皇

營業中

休息中

淨水餃$33雖然水餃比較貴， $33淨水餃得四粒，仲貴過隔離街間「新九記」，佢哋$39有六粒淨水餃。不過呢間水餃嘅味道同新九記係唔同路線，佢哋肉餡比較多，食到幾有肉味；蝦就用切碎咗嘅蝦粒， 但都食到佢嘅存在感，水餃皮就比較出色，比較滑比較薄，接口位都唔會好厚，仲加咗筍係餡內面，好有咬口。不過湯底就係味精湯底，啲湯無咁清。炸豬扒$20豬扒今次食就退步咗好多，唔係好脆之餘，係好乾好柴嘅肉，而且size仲細咗,有點失望魚蛋米$33米粉好多，係比較碎同淋身，有麵粉味嘅米粉。魚蛋一般粉麵舖質素， 應該係來貨， 無特別。鹹牛肉蛋治烘底$16多士烘得香脆蛋煎得幾好，唔會太老太嚡，蛋味道就唔濃，鹹牛肉好似比較少，唔係好食到鹹香雞翼三隻$20 ，炸得幾脆，但係瘦弱嘅雞翼，無咩肉食，偏貴$6兩條炸香腸，正常香脆，冇燶油菜碟

百物騰貴一個午餐動輒使用50至百元不等，為咗慳荷包入咗灣仔內街交加街搵食，見到有兩間都叫「鳳城」開頭，決定揀咗咁多人識嘅「鳳城雲吞皇」。店舖面積比較細，得數台圓桌，大約容納20多人。餐廳都算光猛但衛生情況麻麻，枱面比較癡立立，筷子有一種漂白水票個頭已虧損既感覺。牛雜可粉$35: 牛雜都有數舊，但款式唔多只有牛肺、牛肚、牛腸，味道偏鹹食完頸渴。仲要恐怖係牛腸有異味，洗得唔乾淨，香料都掩蓋不了異味，唯加其辣椒油掩蓋異味，辣椒油夠辣，但不夠香。總結：可以再更好 不論衛生還是食物味道

鍾意食米線嘅人一定會知道，當你好耐冇食米線的某日，會突然間有個心魔同你講，今日晏就，夜晚一定要食到米線話說今日突然間米線癮起，好好好想食米線，忍唔住lunch 時間自己一個薯左出去買碗米線先先食，哈哈哈見到呢間地痞粉面鋪，好多人食咁喎，見到裏面有米線，入去試吓先<豬扒米線$31>見到隔離嗰個都叫豬扒米線，應該係佢個招牌嚟㗎豬扒係原塊剪碎上，新鮮熱辣炸到脆卜卜，所以係要等一陣先嘅豬扒超鬆化，炸粉薄薄一層，跟住就已經係啖啖肉不過略嫌湯底無味，米線普普通通咁啦$31食飽飽都幾抵食

人生第一次寫Openrice, 真係嬲到震。一行入去已經覺得污糟邋塌奇奇怪怪，垃圾一地都係，地下又油又濕，勁污糟，地拖亂咁放。叫左個沙爹牛肉門飯 ($50)，碗上，份量小，都算。食一啖啲牛肉仲凍凍地已覺得奇怪，再食多啖，diu，生既啲牛肉，無撚煮過既。之後佢佢話換過個牛腩飯比我，好。食左幾啖，一路食一路發現到一條一條黑色戀戀地既毛髮，唔得啦，我真係食唔落。你話20蚊碗都算，大啦啦都收我50蚊，比啲咁既野人食，呢間野好有問題。講完。

去玩前唔想食咁多野，黎到呢度仲以為係普通茶餐廳叫公仔面既！點知都有雲吞食。唔黎openrice 寫食評都唔知佢係雲吞皇。叫左我既至愛雲吞河。粒粒都無偷工減料，唔係隻半蝦，都有兩隻細蝦！加小小豬肉，不知幾好味仲要有五粒大大粒既。朋友叫豬扒面！塊豬扒已經剪開左！但都舖滿左成隻碗！望到佢塊豬扒都唔算油！都幾賞心𠺢！之後外賣左杯奶茶同菠蘿油。奶茶夠奶但唔太夠茶味！菠蘿油本來姐姐話無既，但到我俾錢果陣又見到喎，（唔知係咪要左姐姐個午餐😛）牛油唔係一舊而係一撻，而且到我返屋企都未溶，即係菠蘿包唔夠熱。但係又唔會話好油既感覺！$7 抵食！下次幫襯會試佢既多士，因為望落去好香口同好夠醬！

奇怪只有一位網友寫了食評，因為這間店有很多熟客，特別是午市時段，經常都要等位的。為了要吃這裏的雲吞皇，我會專程過海去灣仔的。也許在街角的鳳城小食，會較多人熟悉。不過這裏一連三間店舖，很久前已經採取了「聯手經營」，大家可以互點對方的食物，但又似乎不是同一個老闆的。不管怎樣，這個做法可以讓食客同時享受幾間店的皇牌食物，實在值得一讚！我每次來都是吃雲吞，現在已賣$29，但有五隻大雲吞。雖然沒有沾仔記那麼大隻，但也沒有麥奀記那麼細隻，所以吃一碗粉麵已很飽，除非幾個朋友一起來，才可以試盡店內的美食，包括牛腩、豬手和水餃等。這裏粉麵的做法是潮州式的，在粉麵上會放冬菜粒，不過阿姐很細心地與蔥粒一起，另放在湯匙上，以免有客人不吃但又忘記叫「走青」。雲吞饀有一至兩隻蝦、瘦肉和少許肥肉粒，咬下去只覺得很鮮味。湯底亦頗濃味，加點牛腩汁更美味，吃完後亦沒有口乾的感覺。雖然，這裏的製作方法，絕對稱不上是正宗廣東麵食的做法。不過，好吃已經足夠，傳統做法但不好吃，又有甚麼用呢？！很多客人，喜歡外賣生的雲吞和水餃，回家自行烹煮，尤其是在冬季做打邊爐食材。因此，外賣的數量，有時比堂食還多呢！

講真，鳳城水餃就食得多，鳳城雲吞真係第一次！同朋友買野打邊爐，見這店好似幾老字號，也買左一打回去。好喇，水滾，落野先！滾起，食得，一夾，皮冇散開，係比較大粒的雲吞，蝦也唔細隻㗎，新鮮爽脆。肉不算太肥，剛好。都幾大隻，食幾粒都夠了。價錢正常，也試得過。下次試埋佢個水餃，看會否仲好食先！