鳳城1954 (MegaBox)

營業中

休息中

好少去mega box, 今次去見有狗活動， 好多主人帶狗，亦有狗狗🐶入座。 友善寵物餐廳， 讚👍茶品種只有壽眉， 鐵觀音， 玄米茶。沒有其他種類。點心價格偏貴， 平均$4x。1）3色包$50 - 包羅萬有。 ＜ 4分＞綠色椰香， 黃色奶黃， 豬仔🐷叉燒（唔明3個同款包就$42， 3色就收$50）諗住試下唔同味， 唯有比佢搵笨。不過好一般， 綠色包好怪。只此一次， 下次唔會食。2） 龍蝦湯鮮竹卷 $48。＜ 7分＞味道好， 鮮竹唔會pat, 有咬口。 龍蝦湯味唔覺。 3）三式炸物 $42。 ＜5分＞咸水角。 迷你版， 又細， 味道麻麻春卷。 ok腐皮卷。 非常好食， 脆得來， 唔乾， 有質感。4) 楊枝甘露 $40。 ＜2分＞見餐紙上賣相好靚， 試試。但實物有頗大出入， 味道好一般。5）櫻花蝦燒賣。$46 。。＜7分＞唔錯， 正常水準之上。加一服務費,共 $286總評。💥食物。 有好有差。 ＜6分＞💥服務。＜ 6分， 都冇咩服務＞💥環境。 唔太多人， 唔嘈。又可寵物🐶入坐， 讚。 ＜8分＞

假日三位食點心，叫安格斯和牛腸粉，牛肉好味，但腸粉皮比較厚皮。去任何一間鳯城，都會想食上湯炸粉果，呢啲懷舊菜式，唔係度度有得食，好好味。佢點心大概$30-50碟，炸春卷都係比其他酒樓大碟，蝦餃都好味，夠爽。跟住叫咗豉油皇三絲炒麵，夠鑊氣，炒麵夠乾身，但油多咗少少。食咗一陣見每枱都叫炸子雞，原來做特價$148，真係好抵食，做得皮脆肉滑，本身已經飽，都食多兩件，但最後也要打包拎走半隻雞最尾仲可以免費泊車三小時，有時間行宜家傢俬。

失望嘅晚餐-鳳城1954鳳城本身都以為好有質素，不過試完今餐之後好失望，呢間分店應該試完唔會再黎🫣話梅冰鎮蕃茄: 蕃茄完全唔入味，只係喺表面心上話梅粉，感覺好冇誠意😅其他餐廳嘅係用小蕃茄，浸得好入味，有啲失望蝦多士: 蝦餃夠彈牙，煎得夠香脆蓮藕餅: 比較傳統嘅小食，蓮藕都煎得好乾身，唔會好鬆散杏汁豬肺湯: 用砂壺上好特別，不過湯飲飲下好似覺得喉嚨比較口渴😵‍💫雞湯燉翅: 呢款好足料，好清甜👍🏻食物overall普通，有啲失準😶‍🌫️不過環境坐得舒服

估唔到鳳城1954都有下午茶set食，仲要好抵！個雀籠afternoon tea set($98 兩位用）包括溶岩流沙包青趣奶皇子豬嘜叉燒包櫻花蝦燒賣X2彩虹鮮蝦餃X2小鳳依人X2甘筍鹹水角X2彩棉香芒布甸每一款都大大舊又好味青趣奶皇子原來係綠茶流沙包，小鳳依人其實係鳳梨酥另外再散叫咗蝦多士同西米布甸蝦多士脆卜卜又大舊，唔錯！西米布甸稍為失色，d 西米太爛，得個甜字，同埋記憶中入面有蓮蓉但呢個冇，反而下午茶set 入面果個芒果布甸比較好味

見某網購平台，做緊推廣，大閘蟹套票，包六隻大閘蟹和西米布甸。知道鳳城出名西米布甸，又咁啱食大閘蟹時間又到，決定去試試。第一次到mega box鳳城酒樓，從鋪外行到店內，感覺完全不同。店內佈置新式中帶點中國色彩，空間感足。我們被安排坐窗邊卡位，開揚景觀，遠眺啟德體育園。講番個大閘蟹套餐，大閘蟹幾甜美算多膏。我和朋友每人三隻，剛剛夠喉。個西米布甸甜而不膩，布甸面有焦好香，布甸中應該有蓮蓉，好滑。今次我和朋友都食得好開心。

第一次嚟呢間酒樓飲茶，環境唔係太好，可能我地坐個位比較差，見到有落地玻璃位，可惜冇我地份，不過點心都有少少驚喜，因為賣相非常精美，安格斯牛肉腸必點，灌湯餃千祈唔好點。

今日同媽咪去mega box飲茶叫左幾樣野鮑汁鳳爪個人覺得偏咸煎蘿蔔糕味道ok,煎得幾香口古法灌湯餃食落覺得有怪味蝦餃蝦肉大大粒，好好味三併包流心奶黃好好食，叉燒包都ok

親戚移民訂左兩圍歡送，結果食到一肚氣。1. 成晚得幾台客，明明大廳有檯偏要坐廚房門口暗到不得了嘅角落。等好耐先搵到人招呼寫菜。2. 訂枱時問明有無時間限制，因為傾計可能夜，兩次職員都話無限時，結果傾一陣計就不停催你落單，話10pm 要清場做清潔。3. 點菜問職員有咩介紹完全問非所答，然後話"叫兩碟試下先，之後再加", 轉頭另一個職員就不停催 last order🤦🏻‍♀️🤦🏻‍♀️🤦🏻‍♀️生意唔好真係唔好怪人，我本來都想撐下香港老字號，試過真係無下次。

MegaBox有幾間酒樓，但係我最鍾意都係去鳳城，因為真係坐得好舒服，唔使喺門口等排餐死，同埋最重要係點心質素真係好高，價錢可能係中上，但係食物對得住個價錢。兩個人簡簡單單，叫咗兩個點心拼盤同埋安格斯牛肉腸。點心拼盤真係好啱一個人食，有齊晒鮑魚燒賣、櫻花蝦燒賣、彩虹蝦餃、流沙包同埋紅棗糕，可以一次過食晒最好味嘅點心😋另外安格斯牛肉腸都係必食，真係未食過咁好味嘅牛肉腸，啲牛肉真係好滑同埋好足料👍🏻

這家酒樓很有特色，小炒類是主打順德河鮮。然而粵菜點心也做得不錯。雖然老店後來將手藝與名字賣給一飲食集團，但新店水準還能保持。它的最大特色是灌湯餃，老派的做法，如今很多飯店都不做了。餃子原只蒸上，食時將之倒入碗內，肉皮凍、上湯與魚翅就應之破開，加上紅醋吃之。上湯的鮮美，配上皮凍的口感，實在出彩。另餐廳招牌菜炸蟹鉗，蝦蟹滑包裹整根蟹鉗炸之，彈牙口感，與灌湯餃一樣，同樣是我兒時最喜愛之味！其餘點心有創新，七彩蝦餃、鮑魚燒賣也很好。當然我還是喜歡傳統多一點。

對於鳳城1954的食物，本人試過你幾次都覺得很好。但現在有些細節嘅都會比較更見改善。以前飲茶食用的碟，內裡是比較上淺。現在改用了一些圓碟會更加容易處理。我們二人去，我們了一個大卡位坐得很舒服。在MegaBox的樓底比較高，客人高朋滿座，但回音卻冇咁大，傾偈也容易一點。(對比荃灣愉景新城因為樓底較矮，回音大，所以同朋友傾偈也會比較辛苦。)紫砂茶壺燉湯都真係好好飲，而且它的設計是用一個茶壺，讓你斟出湯在一個小茶杯裏來，湯也不會十分滾燙，溫暖容易入口。炸蟹鉗，椒鹽軟殼蟹，都很好惹味。略為遜色的是，今次的鳳城水餃，不知道為什麼比較硬身，冇咁軟滑，但裏面材料卻是十足。蝦餃很有鮮蝦味。整體上也十分滿意。👍🏻👍🏻👍🏻

點左個6人餐<品味宴> 印象中有燕窩海鮮湯羹 --好食，仲食到淡淡嘅燕窩味。龍躉兩味-蒜蓉清蒸--可能全部起曬做球，大部分都係骨。-甜豆炒球--好食，肉質清甜。但有一舊鹽炒唔勻循，我以為係肉，食咗落口，吐都吐唔切。炒荷蘭豆花枝片 -- 正常，份量大。蒜蓉菜心-- 出奇比正常好食。菜心香甜。龍蝦伊麵-- 比較鹹。金皮炸子雞--同北角畀有啲失望，皮唔夠脆，肉質鹹，唔係偏鹹，係好鹹。鳳城招牌炒飯- 都係正常，但係都係冇北角咁好食，唔知係咪食材嘅問題，冇咗好香嘅蕃茄味。奶黃蓮蓉西米布甸--好食，正常發揮，奶黃好香，不過唔知係咪蓮蓉唔夠，咁啱我分唔到。希望貴店留意下落鹽嘅份量，唔好咁重手。

今天中午食中午二人套餐（手撕雞、蝦多士、2款點心+炒飯）+另外幾款點心+3款甜品（杏仁茶、楊枝甘露、焗西米布甸），男女伙記&傳菜姐姐全部有禮親切，食物質素很好賣相擺盆奇佳，環境不嘈雜，已馬上約朋友下周再在此茶聚。

全無誠意的食店，义燒包，D所謂义燒好似肉末咁，衰過肉絲，所以淨係食到义燒醬嘅味，佰幾蚊的蝦餅最揾苯，煎一層薄薄的疍皮，放6，7隻虾仁，連韮王都數到幾多条，好似pizza咁切開6份，離哂譜，普通小學生都整到，咕嚕肉份量少，烏糟雞原來係金針云耳蒸雞，一個炒飯，重有一兩個點心，成餐飯仟幾蚊埋單，以後都唔去。

服務員態度極差服務員態度極差服務員態度極差一家人去食個晚飯，叫個好似經理既白頭呀叔黎幫手（係你呀）攞多隻碗俾小朋友，就話你要咁多碗做咩，整到佢地啲碗污糟晒，要佢地洗。之後攞隻碗黎西口西面，你咁既服務態度叫人點會再嚟幫襯你呀。咁大間餐廳提供多一隻碗俾小朋友都有問題？ 問題係我正常使用隻碗，怕啲碗碟污糟就唔好開門做生意嗎，叫你老闆將啲碗碟表起佢。千祈唔好俾人用。食到成肚氣，我唔會再黎呢間野受氣，不會再幫襯。完。