鳳城1954 (愉景新城)

營業中

休息中

唔駛幫襯啦，下午兩點幾鐘，大把卡位，果個幫位auntie都迫人坐啲細位，幾好食都好，唔會考慮幫襯😗😂仲要響個荃灣死場做生意，你地真係自求多福吧，或者可以考慮做大陸團生意嘅。

香港傳統酒樓買少見少，真係要好好珍惜，唔好到冇咗先嚟惋惜。灌湯餃三十幾蚊一隻，大大隻皮薄，入面半jelly狀嘅內餡，有魚翅、蟹肉絲同冬菇絲。出面真係好少有。粉果同平時食嘅潮州粉果唔同，佢係肉末加冬菜粒。😍心心眼流沙包就真係for打卡，冇咩特別。彩虹腸粉🌈我覺得成條上成條大腸咁...賣相有進步空間，彩虹係甜椒絲，其實都係蝦腸，啲蝦🦐又係古早調味，味道偏濃郁，好味嘅。特價籠仔蒸飯，七十幾蚊食到龍躉超抵食，魚肉滑帶膠質，炒飯底。

如果夜晚想食點心，你總會想起鳳城1954，呢一間位於荃灣愉景新城嘅粵菜。有各種你想食嘅嘢。點心炒飯，特色嘅菠蘿咕嚕肉。雖然味道唔可以做到好好嘅境界，但係性價比還算滿意。如果你想去一間大型嘅商場唔單單只有小朋友嘅娛樂。大人嘅購物。仲可以免費泊車愉景新城絕對係首選。二月，呢度唯一一間嘅粵菜點心。亦都係經常會選擇嘅一個美味之選大一點古色古香之餘，保留傳統嘅茶樓味道。點心係傳統資源有嘗試創新雖然未如理想。但係總會見到曙光。服務員嘅待人接物都比較親切和諧。有家嘅感覺希望呢種嘅感覺可以保持住。疫情之後一起共創美好家園加油

相約4個小朋友一齊玩揀左呢間有可愛點心既酒樓 打卡一流♦️小鳥依人♦️用鳥籠裝住3隻小鳥，其實內裡是 鳳梨酥打卡一流，小朋友好喜歡♦️流沙包、青趣（綠茶包）、叉燒包♦️綠茶包 估唔到小朋友好鍾意食，流沙包 蛋黃未溶得曬有粗粒叉燒包 叉燒唔太甜 豬仔甘皮好cute♦️魚鬆炆米粉♦️濕濕地既米粉，有魚肉陵翠肉瓜♦️招牌炒飯♦️乾身，味道正常♦️特搜魷魚鬚♦️炸得好脆，魷魚好彈牙

環境寬敞，比較現代化嘅酒樓，而且點心造型精緻可愛，非常吸睛😍❇️小鳳依人（鳳梨酥）🌀雀籠同黃色小鳥外形好可愛，非常吸睛，打卡必點👍 外層鬆化，但略嫌厚左少少，幸好味道唔會太甜。❇️甘筍鹹水角🌀外形超級精緻，賣相💯又係打卡之選，但味道同普通鹹水角一樣。❇️熔岩流沙包🌀有心心眼😍，好可愛，包既外皮香軟，超級流心，好正👍👍👍❇️龍袍四季豆🌀個名好有霸氣😆入面係鹹蛋黃炸四季豆，脆卜卜，超好食😋❇️大良炸鮮奶🌀味道係咸嘅，同想像有d 落差，似食緊炸芝士，唔好食👎❇️鳳城炒飯🌀份量多，有蝦、叉燒、蛋、蔥，材料豐富，炒飯粒粒分明，味道又好香濃👍❇️順德蠔仔餅🌀粉太厚，蠔仔太少，完全唔似食緊蠔餅，好唔掂👎

📍鳳城1954 (愉景新城)荃灣青山公路荃灣段398號愉景新城3樓3003號舖🧧🧨趁農曆年，去酒樓飲餐茶嘆吓點心。諗住下午茶時間，但酒樓仍然多食客，幸好有張靚枱。古法灌湯餃($36-HKD)，70年代80年代的港人一定試過呢款灌瑒餃，薄薄的皮裝滿湯料，略嫌咸了少少，但充滿兒時回憶。三色炸作包括有甘筍鹹水角、鮮蝦腐皮卷、蒜香蝦春卷($46-HKD)，大眾化的炸物，無乜特別。包羅萬有包括有熔岩流沙包、青趣奶皇子、豬嘜叉燒包($49-HKD)，個包蒸得熱辣辣，好味還好。鮑魚燒賣($52-HKD)，味道不錯😋彩虹鮮蝦餃($52-HKD)，蝦餃顏色奪目，好足料，但偏咸一點。煎年糕($42-HKD)，年糕味道一般。西米焗布甸($39-HKD)，去鳳城必叫甜品，但今次可惜焗得麻麻，或者焗了一段時間。

🍽 鳳城1954今日係👭🏻孖妹父皇生日，指定食呢間酒樓🥢青奶皇子✨奶皇流沙包好多地方都有得食，綠色餡你地又會諗到咩味呢？冇錯，就係綠茶味👍🏻外型襯番合名，有眼鼻口好鬼cute架✨一籠有3️⃣個，麵包皮唔算好薄，但內餡好流心，綠茶味夠，唔會苦澀甜絲絲所以👷🏻‍♀️細孖會當佢甜品咁食☺️👭🏻孖妹評分：🌕🌕🌕🌕🌑🥢金叵蘿蟹鉗✨呢款菜要件數計，一隻大約$54，價錢相對高✨每隻外型大細都唔同，部長話係純人手打唔係機器整，值得一讚😆完美主義者要行埋一邊先啦✨外邊由麵粉、蟹肉打成糊，加入調味料混合打到起膠，包入蟹鉗再攞去油炸，相對比較油膩，但👭🏻孖妹👨🏻生日，肥都肥得抵架，今日唔計卡路里啦😉✨師傅打得唔錯，幾彈牙，唯一係調味方面，帶微酸扣左D分🫗蟹鉗都有少少蟹肉食㗎👍🏻👭🏻孖妹評分：🌕🌕🌕🌗🌑🥢牛肝菌姬松茸燉雞湯✨通常燉湯都係用白色盅上🥣呢度唔同，佢係用仿紫紗茶壺🫖上夠哂特別🤪旁邊會擺個杯仔比客人，方便由茶壺倒出黎飲，茶壺有保溫功能，食到最後先飲都仲暖👻✨材料好足，菜名有嘅全部都有，仲有瘦豬肉、桂圓、杞子燉成，湯色水好清，一D都唔油，所有材料精華都濃縮喺壺湯度✨味道好清甜，雞味出，牛肝菌本身冇咩味道但幾有益

為了迎合市場口味，老字號酒家居然也推出雀籠🐤 「打卡」下午茶set, 好有趣🤩我哋就點了2 set, 呢款名為 《🫖☕️伍肆點聚 FANCY TEA SET FOR TWO🫖☕️》命名都有些創意😉，點心吸引，味道也不錯👍🏻。 雀籠仲係一個金色，一個黑色🤗🟡溶岩流沙包🟢青趣奶皇子🐷豬嘜叉燒包🦐櫻花蝦燒賣×2🦐彩虹鮮蝦餃×2🐤小鳳依人x2🥕甘筍鹹水角×2🌈彩棉香芒布甸🥭 另外，還點了2碗鳳城水餃🥟，嚟到鳳城怎能不試試他出名的水餃🥟啊。分別點了安格斯牛腸🐮及蝦腸🦐，腸粉脹卜卜，餡料豐富，好好味😋另一出名的點心，就係蝦多士🥪，外脆內軟，不油膩，蝦膠十分爽口👍🏻😍見到有我最喜歡吃的炸雲吞，二話不說一定要點，噢😯，炸雲吞的樣子好趣怪🤩，跟傳統的圓形不一樣，居然沒有我慣常吃的甜酸醬，而配上千島醬😯牛肉球也有點特式，包到好似過年時吃的腐皮福袋💰，同樣都係脹卜卜🙂好耐之前嚟過，覺得酒家裝修不錯，尚算寬敞，座位🛋舒服，今次又再嚟，只是多了tea set, 都幾吸引，下次可以再嚟食過🤗

不知什麼時候格格把這裡當作主場，今天有說要在這裏請客 ...“炸子雞”，夠咸、夠熱、皮又夠脆，肉還是嫩滑，㕑師功夫了得。“金銀蛋莧菜”，雞蛋、鹹蛋、皮蛋都有，味道和層次都很豐富，莧菜也煮得剛好，還很軟嫩。“煎蠔餅”的粉過多了，於是不夠煙韌，像在吃“蠔仔包”而不是“蠔仔餅”，但其實那些珠蠔是挺新鮮，個頭又大，一點都不腥 。“酸菜魚”，有個爐幫忙保温，味道也不錯，魚片好滑，像用了蛋白醃過，湯鮮味，湯底有酸菜、豆卜、娃娃菜、大豆芽、和一點點芹菜，很有看頭。

很好沒吃順德菜(感覺順德菜越來越少，老店結業，又沒有新店補充)，家人農曆生日，特別搜了家順德菜。點了988元４人餐，包括以下的：#金叵蘿蟹鉗：大大個，吃得很滿足！我超級愛吃炸釀蟹鉗，但現在做這個菜的店越來越少，今天能吃到，開心！#生炒龍躉球：魚肉鮮味，配西芹，好味！#淮山杞子螺頭燉雞湯：紫砂壺上，每人１壺，味道挺好的。#金皮炸子雞：皮脆肉嫩，yummy！#魚湯魚腐浸時蔬：清淡之選。#蛋白海鮮炒飯：飯炒得夠乾身，粒粒分明，調味適中，好吃！#蛋白杏仁茶配杏仁酥：杏仁茶滑嘟嘟，杏仁酥鬆化，兩樣都好味！總體滿意的晚餐。

開業超過半個世紀的鳳城，滿載我跟祖父母的回憶。可惜今日一嘗，桃花依舊食物全非。 不論點心、炒河粉、煎炸食物均可用一字記之曰: 咸。作為重口味的代表，本人尚且覺得味精過重，其他親友已經將杯中之茶水一飲而盡。若單論外形，對比其價錢，尚可稱之為合格。當日所點的十多樣食物之中，要數其包羅萬有和小鳥依人最得我心: 起碼外形上比較吸引，奈何味道普通至極。鳳城將創業難守業更難這句說話，演繹得淋漓盡致

中秋節就到，提前同屋企人一齊食飯。大家都方便去荃灣，於是揀咗喺呢間度食，可能我哋唔係正日食飯，所以酒樓唔算多人。我哋嗌咗以下幾個餸：菠蘿咕嚕肉 - 奀到咬唔到，個皮亦都唔脆小炒王 - 冇咩火喉炸軟殼蟹 - 唔脆，好細份炸魷魚 - 油，冇味炸蟹鉗 - 正常去飲宴食到嘅味道炒飯/ 蠔仔粥 - 非常一般炸子雞 - 算可以，皮脆，不過非常油甜心叫左”綠茶流心包”，”鳳梨酥”（唔記得個名）- 可以，冇特別，係個設計特別總括嚟講，味道非常非常一般，價錢唔算平。

今日5:30食晚飯，話full booking ,只可食到7:00，都無咩問題，叫左7樣野，全部都好快送到，唔夠熱又難食，唯獨得杯茶係好飲，點解會甘多人食，full booking,3大一細埋單700幾，好食既，物有所值無問題，但呢間野真係好難食

格格說要請我飲茶🥰 ...“金磚豆腐”，真的是外脆內嫩，又熱辣辣，如果這是臭豆腐，更正！“鳳城水餃”，𥚃面是大大隻鮮蝦，爽、滑、鮮，但那有韭黃的湯，沒像一般雲吞湯的香，失了點色。“蘿蔔絲酥餅”，嘩，又香又脆。“龍蝦湯鮮竹卷”，這個不得了，龍蝦味很棒，原來鮮竹卷和龍蝦是很配的。“金藏牛肉球”，很嫩又彈口，不錯。今天的驚喜原來是這“蛋散”😜！上面舖滿椰絲、花生碎和芝麻，加上蜜糖，口感豐富，而蛋散皮又炸得酥脆，好久沒吃過這麽好吃的蛋散了！

鳯城個名聽得多，今次第一次去試菜，每樣野都比較淡味，合晒大家無味噌的要求，每樣食物都好出色👍 #流心綠茶包，好香綠茶味，包仔煙煙靭靭😍#酥炸蓮藕，睇落好油，但啪落口，又不是，反而蓮藕的甜脆遮蓋了油膩🫶🏻#脆多士，原隻蝦加蝦膠，蝦爽，多士脆🥰#炸蝦餅，蝦膠在口裡動L😋😋其他不介紹了，有興趣，自己試下啦😂