影片
以上資料只供參考, 請與餐廳確認詳情
去到九龍城，唔食泰，唔食潮，試新嘢，食路邊雞，（係唔係客家菜呢？），有兩間，另一間要等位，去左呢間。諗住呢啲老字號，都會有番咁上下啦。原來都只係一般而已。叫得路邊雞梗係要食雞啦，半只霸王雞，再加碟豬手，仲有竹笙魚肚浸勝瓜，最後叫多個天麻燉魚頭。 但雞就真係令人失望，無雞味，肉質鬆散，做得個招牌菜，你點都要做好啲啦，雞肉點都要嫩滑下話。反而豬手有驚喜，老婆唔食芫荽，佢竟然將芫荽切到好細粒，加落醬汁度，老婆雖然知道有芫荽，但竟然入到口，仲話汁好味。而個浸勝瓜無乜特別，反而個燉湯好足料，好香 。
繼續閱讀
難得細菌小子九點後先出嚟！兩個細路又腸胃唔舒服，所以諗住帶佢哋飲啲燉湯簡單啲食番餐啦，但點知……………我哋四個人只能夠分開兩張枱坐， 樓面阿叔就好快放低咗熱水比我地洗碗筷（記住，係一定要洗乾淨，發覺恢復晚巿之後好多餐廳嘅碗筷都積存好多千年污漬），我就先去個洗手間想放低幾兩（omg一地朱古力奶昔），算…我忍，洗乾淨手就閃， 未坐低，阿叔就話：「幫你落碟鷄先！」，我話：「等等，比我睇吓餐牌先啦！」跟住媽媽話落咗碟鷄雜併鷄腳先，阿叔就照落，之後唔夠一分鐘又番嚟話：「咁仲要唔要鷄呀？不如我介紹你食辣子蝦吖！可以唔整咁辣！」，老實講，要食川菜又洗咩嚟哩度吖？？？要食辣子蝦又要小辣，咁同飲熱啤有乜分別呢？？？同埋阿叔你係咁催落單做乜嘢呢？我係消費者，我想食乜係由我話事，除非我主動問你有乜好介紹啫！又算…反正費事點太多煎炸嘢！咁就叫個蒜蓉開邊蒸蝦啦！佢話：「幫你落12兩！！！」我就ok啦！之後我就點咗個油浸筍殼同麵醬油麥菜、豬肺湯同響螺湯因為之前食過都ok嘅！阿叔見我地洗完碗，都好細心幫我地抹乾張枱（之前催催貢就算啦）湯先嚟！兩個湯都keep到水準，但我連湯都未飲完條筍殼就到，堅快…落單起計5分鐘起貨，但唔知係唔係落錯單呢？眼見係一條炸筍殼魚而唔係油浸，肉乾身暗啞外層呈現焦啡色，同平時食開嘅外層金黃色魚肉雪白多汁嘅係兩樣嘢！又再算…可能生意差貨去唔切唯有炸透啲費事有腥味啦！！！之後10分鐘左右鷄雜併鷄腳就到，賣相keep到水準，但說好的鷄雜呢？？？只有鷄腎鷄腳同兩小舊鷄膶（果兩小舊係小到食咗都未必知道嘅級數）係無鷄腸㗎！跟住就聽到隔離枱同阿叔落單要雞雜！阿叔話：「雞雜得雞腎無雞腸無雞潤！」哦…即係你送菜比我之前已經知道，但點解你唔同我哋講聲呢？講聲都好吖！我再又算…整體質素ok，至少我地食哂！跟住15分鐘開邊蝦就到，15分鐘12兩蝦開埋邊蒸埋淋埋油？？？唔洗講大家都知已瀨嘢啦！一定係開定啦！休漁期過咗喇！而家買新鮮蝦其實好平，一隻食指咁大嘅海中蝦$108左右一斤都買到 ，食蒜蓉開邊蒸蝦唔係要食新鮮嘅咩？要食手指尾咁長仲要開邊，甩殼肉霉蝦腸都未清，粉絲淋嘅！我食咗一隻，我都做飲食㗎！我唔信，我再食多隻，之後…我質疑自己點解唔信自己嘅尊業（開始懷疑人生mode),好嘢！你真係夠膽賣跟住菜到，味道無問題，但鑊氣小炒係無可能水嗲嗲，阿仔已帶上口罩，跟住到我，因為我家嘅女性比較有衣食，但媽媽同阿女兩個同碟菜戰鬥咗5分鐘後都宣告放棄之後佢兩個都帶上口罩比熄爐我，仲唔急急腳埋單走咩？？？埋單$568犀利，我第一次食飯一支啤酒都無叫過，由我坐低到埋單走total只係用咗35分鐘，哩啲價錢我真係唔要求太多，合格就可以，但$200幾一碟蒸蝦可唔可以認真啲呢？？？如果你地用新鮮蝦around$300/12兩我都好樂意比㗎喎！但你地真係夠膽煮出嚟！做飲食，第一個要求就係你地都會擺落口食之後先比客人食，我惗哩個係厨師嘅問題未必係老闆你地嘅問題，因為燉湯同雞雜啲味係keep住我細個仲住喺城寨果啲味，同埋大家都係行家唔係太過份我都唔想寫你地！！！好對唔住如果有下一個食評係讚你地啲小炒做番正，我一定會同朋友再幫襯
繼續閱讀
想試路邊雞很耐，但每次約食飯都唔記得佢，咁啱今日朋友即興約食飯，地點正正係路邊雞，正好試試佢⋯夜晚7:00到達，被安排坐隔離細舖，係第一枱客人，先講環境，店舖屬舊式食飯店裝修，相信已有一定歴史，枱面鋪有多層枱布，整體尚算乾淨。我哋一枱四人，叫咗一隻蔥蒜雞+雞什丶蝦醬通菜丶黃金苦瓜丶豉油王炒麵。蔥蒜雞：雞什鋪面，上面再有蔥蒜，香而不油膩，不愧為店舖招牌菜。蝦醬通菜：新鮮，炒得乾身。黃金苦瓜：香濃咸蛋黃味，略嫌太多油，唔夠乾身，上枱時碟面重見到啲油。豉油王炒麵：正，乾身，夠香夠味！另加4枝玻璃樽裝汽水，1枝超冰凍大啤（樽面有冰雹，一開蓋，啤酒嘅二氧化碳湧出，遇到低溫，立即變冰，飲得超爽快！）四人食飯，埋單$685，抵食！菜牌寫有多款一人分量燉湯由＄35-$75，下次再試。
繼續閱讀
今日嚟咗食我鍾意嘅中菜兩個人叫咗兩個餸一盅湯分別係芥辣牛柳粒同埋砵仔焗魚腸我老公就好鍾意食焗魚腸喇 呢味小菜的確唔係度度都有得食 魚腸撈左蛋油炸鬼再拎去焗 我就鍾意落好多胡椒粉嘅至於芥辣牛柳粒就係用洋蔥炒牛柳 再撈Wasabi同買沙律醬 芥辣味好夠真係啖啖都有少少攻鼻嘅感覺 但又唔會搶晒啲牛柳味因為有沙律醬嘅甜味中和返至於個湯就叫咗花旗參燉雞 佢呢度可以逐盅湯叫嘅 啲湯好夠味 佢仲有好多其他選擇上次叫過燉魚頭湯都好好味👍🏼又係值得encore嘅舖頭
繼續閱讀
系九龍城同男友一齊收工又去食下宵夜先零晨12點幾黎到都有4，5台客系到坐低點下野食先今次難得地吾飲啤酒🍻叫左2個燉湯一個西洋菜吾記得燉咩另外一個xx雪耳燉豬展兩個都好足料夠清甜，吾油膩，好飲蒜蓉粉絲蒸蝦冇記錯$138第二次食了，都仲系咁好食平時好少食蒜蓉，但佢地整既蒜蓉真系不得了加埋啲粉絲吸晒味黃金鮮魷又系第2次食了炸完再加左蛋黃炒幾下夠晒味夠晒香蔥蒜雞雞都算滑個人黎講系吾太中意啲蔥會有少少苦味價錢幾合理其實宵夜時段有吾少小菜系特價，超抵食今次咁岩冇叫到而餐牌仲有好多好多野想食好多都未試過下次再食其他
繼續閱讀