鳴越 Pho

營業中

休息中

打滾中環多年，可能因為要行落地庫關係，一直都冇機會食鳴越。新店開係街鋪，當然再冇藉口。店名打正旗號寫住pho, 咁當然要試試佢嘅隆慶火車頭啦。湯頭鮮甜夠熱，飲完唔覺得口渴，完全交足功課。 牛肉算係厚切，有口感。其他料都不錯，尤其是帶肥嘅牛腩片，大大碗食完好滿足。另外再加左一碟越南手作蒸粉包。粉皮唔太厚，餡內有很多爽口的粉葛。見到個lunch Menu 仲有其他很想食的choice. 似乎係不久嘅將來應該會再返嚟。

今日同朋友去開中環做嘢做晏左，攪到下午兩點先食嘢，見好耐無食越南嘢，就走去試下「鳴越」越式料理喺門外已見到個牛市餐牌都好多選擇，外賣自取仲有7折，真係好抵食由於仲係二人限聚令，店內已用膠板分隔開，好好保持社交距離，外出食飯都可以共同自律抗疫💪🏻兩點多少少入座無乜人，到兩點半左右，全店已滿坐，好旺場下午2:00至5:55有下午茶，仲有13款咁多可以選擇1. 越南生牛河($45)，牛肉份量多，湯底濃郁，湯夠熱，生牛肉浸一陣已有6至7成熟2. 大叻豬扒湯金邊粉($48)，香茅豬扒即炸，夠熱同香口，豬扒大塊而豬質夠腍，咬落每一口都有香茅味而金邊粉湯底較牛河湯底為清，將濃味的豬扒浸一浸在湯內才食，令湯添加上豬扒油香，十分美味3. 越式春卷(3件)($19)，要等一陣才上枱，因為即叫即炸生菜好新鮮，包住香卷食確一流下午茶仲包熱飲，抵整體來講，鳴越位於中環黃金地段，而定價夠大眾化，外賣自取仲更加抵。加上食物有水準，而職員亦好快手咁落單同上菜，值得一試再試

下晝去開中環做嘢，就約中環朋友食餐飯，而佢就揀好耐無食嘅越南嘢。鳴越 Pho兩點後就有下午茶餐牌，河粉、粉、撈檬、金邊粉都有，價錢由$42起，今日食嘅兩款下午茶份量都好多，喺中環嚟講真係好抵食！鳴越綜合粉 $60湯底睇落好清，但入口好鮮好濃郁，配料多多，有牛丸、牛肉、豬頸肉、牛柏葉、牛筋，牛丸彈牙味濃、牛柏葉好爽、牛筋好腍，味覺好滿足之餘又無負擔感！原隻軟殻蟹撈檬 $65軟殻蟹比想像中大隻，外脆內鮮，香口又惹味，食落又唔會成口油，好好食。仲有兩片越南札肉，夾雜咗少少胡椒粒，好好味。撈埋蔥油、生菜絲、青瓜絲等等一齊食，好fresh，夏天食一流！椰汁三色冰 下午茶特飲加$12濃香味甜的椰汁加些三隻顏色：紅色的紅豆、綠色的粉條及黃色的去皮綠豆，一杯有齊唔同口感，就算無少甜都唔會太甜。青檸薏米水 下午茶特飲加$12薏米有助清熱利水，呢杯都有好足料嘅薏米，仲有冬瓜條添，加埋青檸整體唔會太甜！環境都好舒適，牆上仲有越南風壁畫，增加越南風情。

14:00開始下午茶～如果遲放lunch黎呢到食真係超抵中環黎講好抵食～～仲有好多選擇點左生牛肉湯河，唔食河粉轉金邊粉又得唔好以為下午茶份量就好少絕 對 唔 係牛肉都好多下，半生熟既顏色真係好正最正係d九層塔既味道🥰牛肉湯濃得黎飲完唔會口渴我呢個大食怪食一個粉點會滿足得到我當然要叫多個小食炸蝦餅冇諗過份量都咁足大大一整件蝦肉彈牙，炸得幾乾身唔會好油膩配埋啲乾蔥同埋蔥油真係好開胃熱既青檸薏米水～微甜清潤岩晒我原來仲有一人火鍋添😉

好似好耐都冇食過越南嘢, 大食妹突然有啲掛住嗰陣pho味, 於是同朋友去咗附近嘅嗚越pho食晏去到嘅時候發現已經過咗午餐時段, 有更加實惠嘅下午茶套餐<越南生牛河>大食妹嗌咗份經典嘅越南生牛河生牛河湯底比較清淡, 但牛味突出河粉份量唔少, 生牛都有五、六舊, 幾抵食<香茅雞翼飯>朋友見大食妹已經嗌左河粉, 所以就嗌咗份香茅雞翼飯, 咁樣就可以兩個人一齊share香茅雞翼熱辣辣脆卜卜, 而且好惹味, 送飯都幾唔錯<鮮檸紅茶>下午茶有得跟嘢飲, 大食妹嗌咗鮮檸紅茶味道偏甜, 啱晒大食妹呢啲蜜蜂<熱咖啡>朋友就飲咗佢今日第一杯嘅熱咖啡, 非常提神呀<瑯南塔炸蝦餅>淨係食主食好似唔係好夠喉, 我哋仲嗌左份瑯南塔炸蝦餅開心share蝦餅彈牙, 配上泰式酸甜醬, perfect

難得有個空閒既星期一🤣黎中環行陣街同朋友仔食下越南麵食啦☺️🍜越南生牛河牛味濃郁既生牛肉湯河粉😋🐮🍜肉質滑嫩中帶出牛香濃郁既生熟頂級牛肉🐮😋🍜味道一流呢😆🍜新鮮牛坑腩湯河牛坑腩夠哂爽口之餘煮得夠腍嫩😋🐮食落滿滿牛香亦是一絕🤤🐮同樣地煮得夠爽口唔會一夾就散既河粉🍜😆配合滿滿蔥花椒粒拌食更是絕配🐮🤤越式春卷以薄皮包住滿滿既餡料高溫炸香🤤配合檬粉木耳及豬肉等餡料😋增添更多口感及鮮香😆🌯香茅豬扒配以茅香醃製既豬扒煮得夠香夠入味之餘🤤肉質嫩滑脂肪比例均勻食落唔會太油膩🤤🐷灑上烤蔥蒜增添增多口感😋

今日嚟中環Lunch, 好想食越南野，揀咗呢間餐廳，價錢唔貴，食物質數唔錯喎👍🏻性價比好高。🍲「越南生牛河」湯底好香，河粉入口滑嘟嘟，配埋半生熟嘅牛，牛味濃，肉質唔錯😍配搭肥嘟嘟好爽口嘅芽菜，再加幾滴青檸汁，好正。跟餐可以追加小食🍤「瑯南塔炸蝦餅」係越式小食必點之選，即叫即製熱辣辣，外脆香口，蝦味好濃郁，肉質爽滑。加多個「椰青」入面嘅椰肉好嫩滑，鮮甜嘅椰青汁，為今餐越南菜，劃上完美嘅句號。

今日同朋友去這間越南餐廳吃中午飯，這間餐廳的牛丸很彈牙，在這火車頭河粉入面的其中一個亮點，另外他們的越南粉果也非常之清甜爽口，配上越南醬汁酸酸甜甜的比春卷這些更容易入口，因為本人很容易上火，吃越南春卷的話會比較熱氣，另外也是了他們的豬扒撈㩚，他們的豬扒帶有一點點肥膏10分香口，可是最近天氣比較冷如果吃夢粉的話最好配一杯熱的飲品，我就叫了熱檸茶我的朋友叫了凍龍眼冰，他說凍龍眼冰比其他越南餐廳的較沒有甜味，是健康之選!

唔少香港人都好鍾意食東南亞菜，筆者當然也不例外，尤其是清新嘅越南菜，更加係我心水之選。琴日同朋友嚟中環食法式薄餅，途經租庇利街，發現燒臘店隔離新開咗間越南餐廳，趁今日要攞啲雜物上嚟迷你倉，就順便過嚟吃頓下午茶。餐廳地方不大，裝潢簡潔，以木色系為主調，配襯牆上嘅巨型黑白畫作，甚具越南風味。我哋點咗兩個下午茶餐，另外再追加咗一客小食。先嚟嘅永順咖喱牛腩飯 ($50)  賣相甚佳。牛腩大大件，份量十足，既腍滑又入味，連筋位都好有趙頭。咖喱汁黏稠度剛好，一上檯已聞到陣陣咖喱香，入口味道偏辣，夠濃惹又刺激，誘人食欲。飯身粒粒分明，乾爽具彈性，撈埋咖喱汁一齊食，更加滋味。另一客香燒豬頸肉撈檬 ($50)  亦做得甚有水準，啲豬頸肉雖然切得唔算好厚身，但食落夠哂爽口，不肥不膩。檬粉煙韌彈牙，拌上酸酸甜甜嘅撈檬汁，真係令人愈食愈開胃。小食點咗越式春卷 ($19)，春卷一客有 3 件，炸得好脆口，入面嘅材料有蘿蔔絲、木耳和豬肉碎等，餡料醃得相當惹味，就算唔蘸點醬汁或者包生菜都一樣咁好食。兩個茶餐都包熱飲，有鮮檸紅茶、香滑奶茶、港式咖啡、檸檬水可供選擇。如果想轉特飲就要 +$12、滴漏咖啡 +$20，而椰

{上環新越式餐廳😆}#kong_girl_foodie出街食#鳴越 Pho.每次返工都要唸食咩😭今日同事介紹咗呢間新開嘅越南餐廳😆環境乾淨，員工都好nice👍🏻我放飯嗰陣咁啱下午茶時段，所以食物都平啲！.❣️鳴越綜合粉 $60 下午茶優惠熱飲免費！凍飲加$3！特飲加$15！個麵勁大碗！河粉份量多到食唔曬🤣🤣而且每樣配料都有兩至三舊！有生牛，牛腩，牛丸，牛柏葉，牛筋！而且個湯底好清，但味道好濃郁！😭❤️係我呢排食過最好食嘅越南河！😋.❣️香茅豬頸肉 $58份量相對細份啲，但味道相當唔錯，香茅味好出，配上炸蒜和蔥！😋睇得出煮得非常用心！擺盤都很好！😆👍🏻.📝總結回頭率超高的餐廳，$45已經可以食到個下午茶仲包飲品添🤩🤩員工仲好nice😆😆.❣️食完俾分時間❣️🌟食物: 9/10🌟環境: 8/10🌟服務: 8/10🌟打卡: 7.5/10🌟推介: 8/10.📍 鳴越 Pho中環租庇利街9-11號富興大廈地下6號舖#香港 #香港美食 #美食分享 #香港吃貨 #hkfoodie #hkfood #hongkong #hkig #上環美食 #上環

今天和小米逛過企鵝超市和C品牌開倉後, 已經2點了! 可是我倆仍未午餐, 加上天寒地凍, 所以特別肚餓.  只想盡快找個熱辣辣的午餐.   在橫街裡, 看到這個下午茶餐牌, 價格合理, 而且大都是湯粉麵系列, 所以我倆入內就座.   小米鎖定生牛肉湯河, 自己則點了綜合金邊粉. 筷子套, 就變為筷子托. 越南生牛河    小米放棄越南咖哩, 選了生牛肉湯河. 天氣凍冰冰, 當然想要熱辣辣的湯河!  小米熟練地把多塊生牛肉在湯裡浸呀浸, 變成熟牛肉湯河了!     鳴越綜合粉 - 配金邊粉    綜合粉, 每款都有, 即係火車頭. 有生牛肉, 2粒牛丸, 2件牛筋, 2件牛腩, 2件牛柏頁.  看到附上的辣椒粒粒和青檸, 總覺得欠缺豆芽菜.... 還是先把生牛肉浸熟, 待牛肉的粉紅色剛剛轉為啡色之時, 就是牛肉最滑的黃金一刻. 牛腩早已燉熟, 以薄薄一片呈然. 而薄身牛腩的肉質纖維更短, 無需太多牙力容易咀嚼, 而且不會起渣, 不會攝牙縫. 自己本身不喜歡太硬或太難咬開的食物, 這個牛腩合格了. 消滅了2粒無得輸的牛丸後, 來到牛筋. 顏色較淡, 有點懷疑這牛筋是否入味.  所以配了SR

食材新鮮,每日入貨,下午茶超抵食,行完DONKI去搵食!就係翻新緊既中環街市隔離條街!下午茶時間2-5點55分,13款!有生牛,札肉河,咖哩牛腩飯,撈檬,金邊粉等等凍飲加$3,另有數款小吃可追加,選配了香茅雞翼$28/3隻大約3分鐘就上得菜,超快手,我叫左碗綜合湯粉,即肥牛片,牛柏葉,肉丸,牛腩片,牛筋每款都有2-3件,份量十足,你睇到佢出緊煙,食飯個日下午得10度,食完真係全身暖和先喝一口湯,湯底做得好,已經嬴左七分,一碗湯河最重要係個湯底香濃鮮甜而不油膩,建議你將少少檸檬汁同金不換浸軟,個湯底味道更加豐富更香下午茶份量一樣咁大碗,未食飯既我都食剩少少,超抵食,牛肉片好嫩滑有肉味肉丸應該用來貨無乜特別,牛柏葉唔錯,個牛腩片好食,仍然好肉既彈性,唔係煮到軟爛個種質感呢款粉好食過唔少賣$100以上既湯粉店出品!!湯底我幾乎飲清呢!~~小吃個雞翼夠大隻,煎得香口,肉夠多,肉質亦嫩埋單$100有找,好抵食超值

來到中環，記起之前食過一間越南嘢，突然間想食，但又醒唔起餐廳名，只好憑印象左穿右插横街窄巷之中，行行下，見到有『pho』字眼唔理三七廿一就入去了，當然唔係之前嗰間，但見D燈吖，壁畫都幾好越南feel，而餐牌上的食品選擇都唔少，又唔貴，好開心點咗以下食品:『越南生牛河』、『嚴還香茅豬肉撈檬』、『安南扎肉片』，飲品就有奶茶和椰汁三色冰。首先上菜速度勁快，冇耐就有朋友點嘅生牛河，只見鮮紅色牛肉，灼幾吓食得，我試咗一片，好新鮮，好嫩滑，而我嘅豬肉撈檬亦係好好味，豬肉中等size，入口啱啱好，而啲撈汁亦好正宗，啱我心水。三色冰有綠色粉條，黄色開邊綠豆同埋紅豆，椰味香濃，推介好好飲。

今日係中環食下午茶唔算太肚餓所以想食輕量午餐見到鳴越Pho新開就試下兩個人叫左越南生牛河香茅雞中翼香茅豬頸肉撈檬鮮青檸梳打青檸薏米水香茅雞中翼係追加小食 有3 隻上檯時仲熱辣辣 外皮脆卜卜欣賞佢唔炸好番放係到惹味得黎唔油膩 好味道上菜效率好快 好高效率越南生牛河 鐘意佢湯底清得黎唔淡生牛肉份量都算多生熟控制得好好厚薄適中 河粉軟硬度也是很對味香茅豬頸肉撈檬檬粉仲好彈牙 加埋酸甜汁食好正豬頸肉係薄片有成7-8塊下午茶性價比高食物足料 好味值得一試

今日放工想去行下Donki, 想食完下午茶再去；這間在附近的越式餐廳，在上環食過，覺得抵食又好味，所以試下這間分店環境雖然不是很大，但是光猛乾淨又舒適，坐得好舒服；服務員友善有禮貌，見佢哋幫客人落單，更會傾下計有溝通下午茶選擇都幾多，有湯河、撈檬、鳳爪、飯，更可加優惠價添加小食，奉送熱飲（可加錢轉凍飲或特飲）（大理金沙肉排飯）好豐富啊！份量好足，香軟白飯砌得好靚，軟硬剛好；金沙肉排有4件；更有開胃爽脆酸紅白蘿蔔絲及車厘茄大理肉排好有咬口，肉味香口唔會好肥，好惹味！最後飲杯熱檸檬水幫助消化，有4片檸檬好足味