影片
營業時間
今日營業
全日休息
星期一至六
07:00 - 17:00
星期日
全日休息
*勞工假期休息
以上資料只供參考, 請與餐廳確認詳情
平時去石門多數都會去京瑞廣場一期二期搵食比較多😊因為多數啲食肆都group埋係呢兩期，無論係連鎖店定係小店等等🤗儀家石門真係中西日韓台都有得揀，所以人流都多左好多🙂今次就去到工廈😋瑞士雞翼撈出前一丁雞翼好入味夠哂淋，瑞士汁甜甜地幾好食🤤出前一丁唔會煮到過時，軟硬適中🤗😋凍奶茶儀家年紀大少左飲凍野，🫢所以叫左少甜，真係有少到所以唔太甜🤓茶同奶既比例唔錯🥹所以味道濃郁👍🏻舔舔脷指數👉🏻6.5😋/10😋滿分 可以一試😋
繼續閱讀
【沙田區】【鴛鴦奶茶】有兩次去咗石門匯貿中心做嘢，以大家了解嘅我，就當然會喺大廈嘅餐廳食埋嘢。今次呢間叫做「鴛鴦奶茶」，餐廳名幾有香港地道特色，下晝時間去都幾多人。佢哋除咗港式嘢之外，亦都有西式嘢，而我第一次去嗰陣，仲有當時好流行嘅熱香餅漢堡，勁。咁我第一次去嗰陣，又的確係叫咗 $39 嘅「熱香餅芝士豬柳蛋漢堡配薯條」，價錢唔貴，因為仲配咗個薯條喎。味道上有驚喜喎，唔會差過好食嗰啲好多，甜度又適中。嘢飲我加 $15 飲「凍朱古力咖啡」，都係一杯好嘅咖啡嚟，非茶記級別，夾埋 $54 幾好。我第二次去嗰陣其實都仲見到熱香餅漢堡，不過我想寫畀大家睇就食其他嘢啦。叫咗 $33 嘅「開心果雞蛋仔」再加 $5 配「朱古力雪糕」，個雞蛋仔就麻麻哋，開心果亦都唔出味。反而個雪糕 okay，餐飲「港式奶茶」都幾好，呢度 $38 埋單冇乜感覺。。。（地址：沙田石門安心街19號匯貿中心地下1號舖）
繼續閱讀
巨雞髀煎蛋跟薯條巨雞髀的肉質鮮嫩多汁，外皮酥脆，煎蛋的滑順與雞腿的香味相輔相成。薯條則是金黃酥脆，搭配上香濃的醬料，提升了整體的風味。這道菜不僅適合作為主菜，也是與朋友分享的絕佳選擇。黑蒜汁蘿蔔炆豬軟骨飯（新菜色）味道濃郁卻不會過於油膩。豬軟骨炆煮得非常入味，肉質軟嫩，輕輕一咬就能感受到汁液的釋放。蘿蔔吸收了黑蒜汁的香氣，增加了層次感。整體搭配白飯，讓人吃得十分滿足，適合喜愛深厚味道的人士，整碟飯吃光光。有機會再次光臨，這兩道菜都值得再次品嚐！
繼續閱讀
呢間餐廳喺工廠大廈嘅地下入口都比較隱蔽第一次去食佢個下午茶叫左一個餐肉芝士蛋菠蘿包估唔到好好食，上枱熱辣辣餐肉好厚，夾住有少少融既芝士同埋蛋菠蘿包都外脆內軟非常邪惡，包一杯嘢飲$26🌸🌸🌸🌸另外叫咗個芝士雞蛋仔配朱古力雪糕$38呢個就覺得唔好食雞蛋仔入邊唔覺有芝士食落只係好淡嘅芝士味雖然都係即刻出爐 但係味道麻麻加$5 配朱古力雪糕球好細個🌸🌸🌸🌸見佢下午茶都有好多選擇價錢亦都唔貴經過會再去試吓其他嘢👍🏻
繼續閱讀
約咗屋企人夜晚食自助餐，但係又未食晏又未食早餐，餓到有啲瘋。咁就早少少出嚟食個下午茶先。你呢度就係想試去過熱香餅豬柳蛋。本身想去中大分店，因為嗰邊有薯寶，呢度就冇。不過因為順路咁就冇特別過中大。出到嚟啱啱好last order。雖然冇薯寶，但係粗薯條都唔錯，不過啲茄汁就稀咗少少。講返個熱香餅豬柳蛋，我覺得比起大型連鎖餐廳嗰個好食，一來個熱香餅甜啲，二來個豬柳蛋個蛋有少少脆邊又流心。呢間茶餐廳，我覺得杯齋啡真係幾好飲，好飲在於佢唔酸唔苦平衡得幾好。不過唔知呢個豬柳蛋熱香餅可以做到幾耐，不過下次都係要去中大店試埋個薯寶。
繼續閱讀