鴻仔記車仔麵 (屏欣商場)

營業中

休息中

今次來到位於天水圍站附近嘅街坊商場搵食！見到呢間鴻仔記車仔麵價錢親民，食物款式種類多，總共52款餸、11款麵條同10款小食等等！就決定喺到食返個港式地道車仔麵～任選四餸麵💰HK$52呢到最特別就係可以自由疊加醬汁，打造自己中意嘅湯底！呢碗就加咗瑞士汁加辣汁，雙重滋味😋！魚皮餃煙韌有嚼勁！蘿蔔清甜軟腍！蒜蓉雞翼尖微辣惹味！泰式魚餅微辣彈牙！配搭埋爽滑嘅油麵，感覺非常地道～任選四餸麵💰HK$57朋友呢碗嘅湯底就簡咗加腩汁！豬紅口感彈牙！咖喱魚蛋味道香濃得來又有口感！豬扒經過香煎之後，肉質軟腍多汁，口感唔會柴！雞絲一絲一絲，容易吸收到滿滿嘅湯汁！幼麵掛湯能力高～蒜泥白肉💰HK$38份量多！白肉肥瘦均勻，味道酸酸辣辣，令人特別開胃～凍鴛鴦💰+HK$8雖然餐廳唔係啲大型連鎖嘅車仔麵店，但每碗車仔麵都比到人一種用心製作嘅感覺，係一間有誠意嘅車仔麵～

喺天水圍住嘅我，今日喺天水圍西鐵站站落車。去到屏恩苑附近搵野食 見到一間車仔麵的獨市生意。見到價錢幾抵二話不說就入咗去。套餐凍/熱飲加$8豆漿有啲似維他奶，凍檸茶便正正常常。款式好多🤩總共提供52款餸😍11款麵條😍10款小食😍3款湯底😍5款醬汁😍5種辣度。四餸麵：$45，再加多一餸墨魚卷，日式糖心蛋，招牌豬紅及唐生菜麵類：米線（多蔥及辣菜脯）*湯底係每日新鮮製作嘅豬骨湯底🤩值得一提係，共有11款麵條，包括米線、烏冬、出前一丁、甚至營多撈麵都有，麵條彈牙爽口😍豬紅口感彈牙 好甜。墨魚卷好煙靭估唔到有糖心蛋 幾夾牛腩、雞翼、滷水雞翼尖、唐生菜及午餐肉面類：河粉🍜（沙嗲汁）簡直係性價比高的車仔麵！推介指數：⭐️⭐️⭐️⭐️

見咁耐冇食，睇吓有冇改善下晝12點幾叫咩就冇咩，同我講賣晒你開咗門幾耐，係咪真係咁好生意食物未準備好就唔好開門啦！垃圾！員工服務超差…出餐慢…仲夠膽收$45一個車仔麵下次都係行遠少少去新北江算

今日點咗四個餸，其中炸魚皮，非常難食，似是過咗好多日的出品，非常韌，完全沒有炸物的口感，其他三個餸 分別是牛根，餐肉 和炸雲吞， 其實都好一般 ，只是招牌辣汁吸引， 幼面就又非常之好彈牙， 可以稱讚！

呢間嘢响屏欣都有5年，初搬嚟都有幫趁吓！說實話，本來已經唔係好食.. 如豬腸白過過我D牙我棚牙齒、蘿蔔幾乎係清水煮完全冇味！鬼叫佢係區內獨市，否則一定唔會食佢！最近仲越做越差，連我以前覺得可接受嘅咖喱汁都冇埋. 有個什麼鴻仔辣汁，基本上係唔好食嘅「麻辣燙」，最後到埋單，問佢有冇八達通（以前有八達通/支付宝..)，回答「😡冇喎，剩收現金」，態度差到無倫。但外賣平台就齊曬👎🏻我敢講佢地嘅食物質素，可以係連唔識烹飪嘅人都有可能做得好過佢！靠味精🤣！望快D有間好似永年或合興質素進駐.D食肆冇競爭就冇心做，獨市態度更囂張😤！

第1次試吓呢間車仔麵.店內,煮面1個人,另1個人負責出菜,堂食+外賣+收銀.腩肉炸魚餅飯,5分鐘到.腩肉同炸魚餅,冇味,要加辣醬和菜脯,即刻好味好多.叫咗另一碗四餸麵(韮菜,籮白,豬紅,韮菜餃),等咗十幾分鐘,麵已ready, 等負責出菜既阿姐最後加沙爹醬,要催她快些.韮菜餃,胡椒粉很重手,其餘三款餸都可以.水準一般啦

呢附近唔算多野食，車仔麵黎講都算係獨市，$42四餸唔算平，份量都唔多，丸類得兩粒，如果要豬扒/雞扒仲要加$3，之前外賣試過加，但豬扒勁細塊😂講返味道正正常常嘅，除左腩汁湯底勁淡之外冇咩特別。平時行過諗唔到食咩都會食下佢。

星期六下午，成間店只有我一個客人，落單後等了11分鐘先送餐，然後由入店到食完的半個鐘頭其間都聽到煮麵的嬸嬸高談闊論，很大聲很大聲的說話（其實沒有人想聽你說第二個人的壞話)，加上本身鋪頭內已有種由電器發出很刺耳嗡嗡聲，對於只想安靜食個麵既客人來說真的很難受。此外店舖亦是hktvmall的取貨點，見到店員亦直接把裝滿貨品的紙箱放到枱上，有點不符合衛生。客觀來說，麵的味道是不錯，但因為環境太差，再也不想再食。

已經食過呢間車仔麵好多次！最鍾意係佢既豬紅用牛孖筋呀！今次都唔例外，叫左油麵，豬紅，牛孖筋同埋墨魚卷。個汁我通常都叫腩汁+沙爹汁 呢個組合好好食！之前有得叫埋辣菜甫，最近好似無左，豬紅好濃味，而牛孖筋亦夠淋，推介！

以前堂食過一次車仔麵覺得好鹹，今次為左飲鹹檸柒先落單黎間 點知唯獨漏左飲品 （飲管同攪拌羹都俾埋就係冇野飲！出餐唔check清楚）蒜泥白肉好酸好滯，同腩肉係一模一樣既材料。但炸魚皮係好食既。

今天，我問該車仔麵店員如何嗌兩送車仔麵？她居然說:你有冇望清楚才問我?餐牌後邊咪有囉！我心想：有冇搞錯！現在不是我求你！另外還有一件態度非常無敵無敵無敵惡劣的事件今天我的兒子幫手交單，男店員居然說：學校有冇教你禮貌是什麼？你要說什麼？說唔該！　這個店員的態度非常無禮！我依家是幫襯你,並不是我求你！他說到好像我要求你一樣。請不要再幫襯!他的食物不差但不好，食物質素有待改善態度非常不好價錢一般，也算便宜

咁既價錢我食永年！街坊生意本來就貴多不貴精，已經無咩要求，以前39 4送算9數，而加樣樣計，一碗豬皮魚蛋蘿蔔3送50蚊？價錢份量想同永年同價？自量一下，人地做左幾多年？大家街坊，咁既價錢點幫呀？獨市生意？呢條村豪宅村？慢慢做，等你長命定我

價值$52的車仔麵 (未連運費)豬紅 / 山根 / 糖心蛋 油麵首先食物係經由foodpanda點餐。無期望過係好食，純粹係想填飽肚。豬紅4粒，山根2粒，糖心蛋1粒從來都唔會數d餸嘅份量，但係打開個份量令我嚇親。豬紅食落去口感正常，但係竟然只有強烈胡椒粉味😑 從未試過再講下個糖心蛋，一粒糖心蛋份量無問題，問題係外甜內’酸’係似岩岩臭縮左嘅味道。份量少，算數。貴，算數。但係佢臭，佢酸😑唔會再食呢間野，一肚氣！

天水圍有咩食？今日要探索下平食的拍拖餐～咁啱找到呢間車仔面舖，位置係天水圍一出到屏欣商場就好快見到！我們叫左兩個$42四餸的餐，材料都叫足，味道不過不失，丸係一般街市買的質素，而咖喱豬皮同蘿蔔如果軟身啲會好食啲。不過醬來講係香濃的，重口味朋友會鐘意，特別係辣醬。裏面由幾位阿姨招待，幾有親切感。環境方面，客人都算多，但吾算好逼，住附近的話都可以當係食堂。係一間幾可愛的店，經過又諗吾到食咩都可以試下！

已經夜晚10點，天水圍大部份嘅食店都已經關門，剩低的選擇並不多，所以選擇了車仔麵。之前其實已經食過一次，感覺都過得去，所以有時候掛住想食車仔麵，都可以過嚟買個外賣。一碗車仔麵$40可以揀四個餸，我揀咗牛腩，咖喱魚蛋，豬紅和生菜。今次我係由OpenRice app外賣自取, 落單後大約10分鐘已經可以攞得。包裝方面，湯同面係分開，避免麵身吸晒湯變淋。牛腩係驚喜地多，半肥瘦之餘，瘦肉部份唔難咬，而且有牛味，個人來講都幾滿意呢一個牛腩。至於咖喱魚蛋， 豬紅， 唐山菜， 味道不過不失算， 絕對合格。份量來講都算適中。湯汁方面， 我選咗清湯加少量沙嗲汁，由於揀咗咖喱魚蛋， 所以都要夾雜左咖喱味。總括而言， 湯味濃厚。除此之外，亦都見到鴻仔記有宵夜外賣， 會再次幫襯。