鴻星中菜 (羅氏商業廣場) (已結業)

星期一同媽咪去左長沙灣鴻星飲茶..食左不少點心,勁好味...鴻星始終好食過出面普通酒樓...我地兩個食左5碟點心,有流沙包,富貴可榴花,脆麻花,燒賣仲有蛋煎糯米雞,五樣點心都好食,最愛就係流沙包同脆麻花,食完仲想再食呀,流沙包入面真係好流..可榴花好特別,整得好精緻,入面都係一d蝦同埋菜饀,但賣相就好吸引..糯米雞都幾好食,食完好飽...

出發去行山之前先找個地方醫飽肚，然後才起行。一行三人點了四個點心和一煲飯。腊腸卷、鴨腳扎、皮蛋酥和蒸排骨，飯就是咸魚肉餅飯。食物比想像中要好。腊腸夠淋又布味；排骨野味，唔似係雪藏貨；飯都好香。唯獨是皮蛋酥唔好，連最基本的皮蛋香味都冇，酥皮也做得不夠好。題外話：食飽飽去行山，行完幾粒鐘再找個地方充饑，確是假日充實又健康的好節目。

(26/11)實在認同每間的鴻星的水準不一，地點、進食時段亦會受影響。之前曾於此店晚飯，水準是可以接受。流沙奶黃包，每次上茶樓總會要這款包點，母親喜歡內裡的香滑。當然這款是不錯，放涼了一會，再嚐亦能體會到其流質狀態，味道是清甜而不膩，不錯。蟹粉小籠包，還記得數年前初嚐是以小蒸籠上，蟹粉濃郁，鮮肉嫩滑，但是次是有些失望，肉質再不鮮嫩，但蟹粉湯汁是不再濃郁，有些倒退。火鴨絲炆米，過鹹，蘿蔔、鴨絲是充滿鹽份，幸好是小小的一碗。蝦餃，大隻蝦肉，成份標榜植物油製造，吃後不以為然，蝦肉是新鮮爽口。企鵝餃，與蝦餃相似，內裡是蝦肉、粟米等配料，是頗清新的一環，不錯。其後加添了三人，叫了很多點心，排骨、煎蘿蔔糕、沙薑雞腳、燒賣、鮮竹卷等等，整體水準不會太差，用料、味道仍然可以提升。錦鹵雲吞，份量甚多，蝦肉、叉燒、青椒、紅椒、菠蘿應有盡有，汁料的酸味尚可接受，配合那雲吞，一口又一口，是不錯的，惟覺得拌入叉燒是有點兒奇怪，肉絲會好一點吧。而那肉絲炒麵，實情是炸了那麵餅，那些肉絲配料，味道過於淡，那汁料欠缺應有的鮮肉味，而那炸麵餅，炸得不平均，有些是過香脆，有些是過軟，香味似乎略欠。因為以往是不會出現剩餘情況

我的公司就在酒樓的十步之遙，加上我經常代表公司接待各界訪客, 每次與客人開會前後，或者作為"working lunch", 都會選擇到這裏......今天中午, 卻發生了相當離譜的事! 令我以後也盡量不想再去那裏，寧願和客人去遠一點食／開會。事緣客人坐定後, 我和另一位同事求其選了一些簡單點心,(諗住可以爭取時間傾多點偈嘛)。一開始, 上了一道(不大碟, 例碑碟頭)的西蘭花炒"班球" ，咁有菜上, 大家當然就起筷食啦...大家都唔太著意食乜, 掛住傾偈, 之後我望下張單, (鴻星在入單後, 係會PRINT 番一張單俾你自己睇番叫左乜野), OH...原來冇叫過的, 問另一位同事, 佢都話冇叫, 以為係我叫的。埋單時，赫然發現張單多了一項"廚部手寫單", 仲要係好貴(百多二百蚊), 問個部長，佢話呢個係散叫的"炒龍躉球", (咁我地當然冇叫任何伙計寫過任何廚部手寫單啦) , 我話, 我地都冇ORDER 過WOR．．．點知個部長話" 咁你地有冇食過?"算了, 你既然咁問, 我就話"有食過", 反正是公司的錢, 而且又有客人, 唔通我同你理論咩? 唯有付一個極之昂貴的"a-la-carte"

我公司因為响荔枝角,很多時貪方便會去鴻星飲茶&晚飯,差不多已變成飯堂.但自從舊年過年我老細响度擺\咗幾圍之後,加上响佢\灣仔親眼見過啲\"奇景\",我哋(我啲同事&朋友)決定以後都唔去呢間嘢!Case 1: 舊年過年, 我老細因是熟客,所以就响度團年,除咗訂了幾份蟹皇翅之外,仲訂咗佢\哋嘅盤菜(大啲&貴啲嗰隻),但係兩樣都極極極度失望.首先個翅,又咸又苦又甦,唔知點解,幾窩都一樣,我哋全部退番比佢\.個盤菜,啲所謂鮑魚,嘩,成個五蚊銀咁大!仲要全部啲餸好似比水\"sap\"完加個汁落去咁,啲雞鞋到,唔知想點!Case 2: 事發响灣仔嗰間,我同啲朋友叫咗個套餐\,上菜時有個雞煲嚟咗,但我哋唔肯定有無呢個餸,就每人食咗一舊,跟住check 番個menu,發覺無呢個餸,就退番比waitier,跟住見到個waiter由我哋張枱直接張個煲攞去隔離枱,完全無退返入厨房,我哋呆咗囉!

前日去食黃油蟹餐,798的二人餐.都幾失望,因為隻蟹好細,我個friend話佢舊年去太湖食係好太隻,而且又價錢差不多...以為埋單會係八百幾,因為加埋一大約880,點知係900多少少...原來要加茶芥($18)同頭盤($8).o個碟細細o既炸魚仔就$8...真唔抵.o黎呢d地方食o野唔好o既地方係佢地唔會一早同你講有乜一定要俾,又唔會俾choice你去say no.讚o既係:服務都幾好,可能人唔多,佢地都幾有禮貌.燕窩蛋撻都幾多燕窩,d湯又冇味精,味道幾好.

因為這間酒家出名，上次一班人去食晚飯，覺得勁唔抵食，邊個同自己個荷包有仇一定要去食！環境: 真的太迫太窄，連厨房門口都要擺張枱，裝修又只是一般，真的唔明點解會咁貴，好彩同潮濠城坐得舒服好多！服務: 那日坐滿人，明知多人又唔請多幾個伙記，order咗D嘢都無人跟，要我哋自己跟。我哋諗住收得咁貴D服務應該好好，所以order咗D嘢就大安指意咁傾偈，偈偈吓有人發覺唔對路，因為原來己過咗近一小時，但乜鬼餸都無嚟過，之後催咗十幾廿次先嚟，叫多豌飯食都要催十幾次及等好耐先有得食，真係貼錢買難受，食餐飯仲辛苦過返工！去茶餐廳食飯都唔駛自己跟order啦！食物: 價錢勁貴！食物水準不見得特別好，同其他酒家差不多，不過價錢就貴一陪，份量又少。只有那酥炸豆腐是大家都讚賞，因為食落口味道有D似臭豆腐，其他D餸無人讚好好食。每人食咗約HK$220(只係食普通餸菜)，真係唔抵食嘅經典，咁嘅水準，每人平均消費最多只值HK$100，以後徐非有人請，否則要自己俾錢都唔會再去食了!邊個同錢有仇就要去多幾次!

下午茶,這裡的點心都幾抵食, 由$6.8 起, 雖然款式不是太多, 但這樣的裝修, 都算是可以.另外這裡的壽包都唔錯, 大大個像權頭, 而且很靚, 如果有人生日都可以買來送給他, 值得推薦.但石頭魚就太貴了, 肉太少, 又無味,浪得虛名, 叫其他點心及小菜安全D !

涼涼地, 又約埋成班friend一齊去鴻星食大閘蟹, 順便慶祝生日, 叫咗12位餐$2980, 每人兩隻蟹公, 加埋杯廿年花雕,真係好正.仲有其他嘢食都唔錯, 原盅雞燉翅湯好濃,芥汁玻璃球有芥辣味幾特別, 最正係蟹粉小籠包,入面好香好多汁.

特別推介：蛋包糯米雞。糯米跟蛋一起煎，再包著糯米雞的餡料。煎蛋不多油，餡料又有雞味。創意加味道，值得一試。

本人和同事三人昨午(初六)本打算到荔枝角鴻星飲茶，雖然已知可能會有很多人，但也本著去試試運氣看看有位否(因附近茶樓已爆滿)的心情到鴻星飛，到了門口，本欲跟門口知客"蘇x小姐"詢問有沒有位及需否拿飛，但她並沒理會本人及跟從門進來之"熟客x太及x生"打招呼及"利是"，然後更不理會本人之詢問，及後要本人再三向"蘇x 小姐" 詢問究竟是否有檯或是否需拿飛，她才極不願意的草草話執緊檯......... 對於一間頗具名氣之酒樓，居然有這樣的一位"看利是開眼" 之員工，本人深為該公司難過及懷疑該公司之服務質素!!!!!!是否熟客或有得派利是才可得到應有之服務???????????

咁多間鴻星，我相信只得呢間係星期日中午唔駛等位，12點半去到仲有好多”吉”。雖然位於工廠區，但坐得好舒服，冇灣仔、中環同尖沙咀地方咁迫，當然大家d點心都一樣啦。過了特價時段，冇叫到炒粉麵飯，因為如果係正價就好唔抵!只係叫了點心。一定叫我最鍾意的壽包，蓮蓉不太甜，中間的蛋王係流油的，係我食咁多間酒樓之中最好食的，而且唔貴8蚊一個，大大個，我細妹話好食過東海，可借只叫了三隻，佢仲同我爭食tim；奶皇流沙包，奶皇味好香，細細個唔算太”溜”；蛋煎糯米雞其他地方好少食到，煎得好香口，我一個人食了半份；o黎到鴻星當然要食石頭魚喇，不過我係食石頭魚餃，好清好食過佢的蝦餃；老豆鍾意佢的菜乾豬骨粥，話好夠味(我懷疑落了味精)好足料，同埋蘿白牛什，鍾意佢炆得入味又夠淋(我同佢講車品品仲正呀!)；媽媽就鍾意豉油皇煎腸粉，佢話唔會好油喎!我姑姐就鍾意郊外油菜，話好靚好嫩又甜，姑丈不停食晒兩兜魚仔乾花生。每人都有鍾意食的野，所以食得好開心，6個人埋單到係三百幾蚊。

它們這樣的開分店，根本就已經攪到一d都唔矜貴,再加上d野食又貴到離晒譜，就算比得起，都唔會在這裡食,現在的鴻星已跟麥當勞沒有分別了。

昨晚於長沙灣鴻星一行8人食了$23001個父親節6人餐$1388(無樣ok特別係條魚只有10兩重要難食)2個小菜- 炒菜(ok) - 煎蝦look $45/隻(3吋長梅蝦6隻) total $270Beer - 最好

尋晚同老公去鴻星諗住食套餐, 點知d 套餐最平每位$368起, 四人套餐都係$768 for 4 人(仲有$680 都係for 4 人), 有乜理由兩人會咁貴呀? 兩個人叫個四人套餐仲抵過叫每位$368, 點計架?d waiter 成日叫人試飽魚, 大閘蟹呀, 話冬瓜盅抵食呀, $98, 嘩, 大到十幾個人都食唔晒啦, 兩個人咋, 點食得晒咁大個冬瓜盅, 係咯, 淨食冬瓜盅就飽啦!去年d 套餐每位百零文起之嘛, 全場爆棚, 尋晚得小貓兩三, 冇乜邊係兩人, 梗係啦, 兩個人食套餐消費要成千文, 四人平均價每人二佰幾, 點可以相差咁遠架, 特別係枝角區唔係尖沙咀區呀, 入到去好似謀人寺咁點食得過呀!雖然話食好野不惜金錢, 而家個市唔係好得咁交關呀,如果兩個人要食成千文就唔會揀果度啦, 唔該鴻星計下二人世界套餐點解要貴四人咁多喎!