鴻記極品雞蛋仔

營業中

休息中

新搬黎呢區住，突然想食雞蛋仔，記得有間係太安樓就運動完順路黎試下，黎到叫左個原味既，阿姐新鮮落蛋漿整，等4-5分鐘就攞得，等待中無野做都會周圍望下，途中見到D明星相都係好耐之前，然后見有個🥇係2012年既，再望望有原味雞蛋仔同心型雞蛋仔，格仔餅就加左朱古力同士多啤梨，感覺好似無咩新意，心型雞蛋仔好明顯係桌頭野，味道估計係一樣既，心諗今次有可能中伏，加上係呢個地方賣25蚊，查一下仲貴過某強記，然后加幾蚊仲食到我近期最愛伯爵茶味雞蛋仔。講返個雞蛋仔，阿姐整完問我係咪等緊，我攞到手個袋寫住係雞蛋仔首位，然后強調寫住勁香脆，我如常一啖咬落去，的確係幾香脆既，但就係無蛋味囉，簡單黎講只有一種脆既感覺，然后係唔好味既，算啦！新搬黎就一次，我剛買完仲有人一次買4底，如果係賣十幾蚊我估下次想食都會黎買，呢個價錢再買就真係要當自己係傻仔先得，忍唔住咁賣野都係寫返個食評比大家參考，大家要買有心理準備就好

🇭🇰鴻記極品雞蛋仔·我發現我超多朋友都對太安樓好有興趣 所以其實我哋已經掃過幾次街㗎喇 不過因為次次都比較多人 好難影相 所以我儲埋儲埋而家先出到post🤣🤣·原味雞蛋仔$25我細個其實係食開蛋記既格仔餅既 我家姐就食開呢間 所以今次我地都買左呢間🤣🤣佢呢間唔會話整定好多放喺度 係真係你嗌佢先整 所以熱辣辣😎佢個雞蛋仔質感都唔錯既 都鬆軟 不過個蛋味就偏淡 而且依家貴左好多 就係正正常常既雞蛋仔🥚·📍西灣河筲箕灣道57-87號太安樓第二街A34C號舖·#rbyeat#rby西灣河#rby港式

$25 貼錢買難受，極難食臭蛋味，食一粒已經全部掉落垃圾桶，都唔知點解會難食到食唔到，下次唔敢再買，無下次，免浪費食物及金錢，唔怪之得無人買，現在知道點解，嬲到第一次寫差評

買咗個價值$25嘅雞蛋仔，非常之難食，雞蛋仔完全冇蛋香味，仲有啲罐頭粟米同埋辣椒嘅味道唔知係咪因為個爐好耐冇洗過，食咗幾舊就已經掉左仲要飲好多水😖😖😖 個胃仲要有啲拿住嘅味道🤢可能蛋漿擺太耐或者存放得唔好已經變壞咗🫠 好後悔買咗搞到自己唔舒服😭真係估唔到咁難食嘅嘢仲可以賣得咁貴，隔離街唔算最好食，但都好食過佢好多呢個仲要係我新年第一底雞蛋仔🥴🥴千祈唔好貪得意去試，除非你想懲罰自己我好耐都未試過寫Review ，但係今次真係非寫不可

第一次試，雞蛋仔唔算脆，但口感還可但係一啖食落去，成個雞蛋仔都係燶味可能夜晚一開始唔覺，成個雞蛋仔都係燶到淺啡色….食左兩粒就送左入垃圾桶。成世人都未食過咁差….一定唔會有下一次

夾餅有厚度，即整，但夾餅太乾，醬料唔係好香，重點係花生一啲都唔脆，重有陣油益味！好難入口。雖然係小店，有人情味，但名過其實，尚有改善空間，短期唔會再幫襯。。。。

原味格仔餅（$28)賣相：🐧🐧🐧🐧味道：🐧🐧🐧🐧格仔餅簡單以紙袋包裝，並附上膠袋方便外帶。格仔餅非常厚身，內裡煉奶、花生醬量足，粒粒花生碎粒甚多。味道方面，格仔餅外脆內軟，有嚼口夠實心，餅心吉士粉味頗重。煉奶、花生醬經典配搭，十分惹味，加上花生粒，口感豐富非常。外賣等候時間：🐧🐧🐧🐧在平日下午3點幾購買，不太多人排隊，即叫即整，約需時10分鐘。🐧❤️結語：有點貴，但頗足料，值得一試。

🍴原味雞蛋仔 $23每一粒都好大好圓🥰🥰蛋漿份量控制得岩岩好👍🏻👍🏻雞蛋仔蛋味香濃 外皮好脆內裏好濕潤同飽滿 名副其實外脆內軟😍🍴心形雞蛋仔 $23講外貌 佢一定夠哂gimmick蛋漿同原味一樣 非常香濃😋但系可能模嘅分別 令兩者口感有啲分別心形嘅感覺有啲似曲奇🤣🤣內裏五夠圓形雞蛋仔咁濕潤總括黎講我地會推薦食原味雞蛋仔🙂🙂

突然想吃格仔餅，上網見低調高手唔開，就試吓太安樓D，睇open rice見頭幾個食評，好似呢間好D，所以嚟呢間買。去到女店員掛住望手機，我叫先認我，見佢即整，應該冇問題。佢話三分鐘後可以攞，我行開唔夠三分鐘回來，見到有塊格仔餅放起到冇人理。見女店員同人傾計。正想問佢，佢就轉過來整，交比我時已經覺得，點解用紙袋裝唔覺佢熱，之後食飯一啖仲嬲，硬骨骨，唔熱同唔軟，之後唔想再食，掉左落垃圾桶。冇諗過格仔餅可以咁差😤回家再睇清楚佢D食評，原來之前都有負評😒

太安樓可以話係我由細食到大嘅地方香港街頭小食入面基本上都搵得晒今日食完個晚飯唔夠飽返屋企之前想買少少嘢食填飽個肚又唔想買啲太煎炸野或者炒粉麵最後決定咗買呢一間雞蛋仔反試一試依間雞蛋仔係成個太安樓開得最夜嘅一間雞蛋仔價錢方面$20一底佢仲推出左自家製嘅心形雞蛋仔不過我最後都係要返傳統嗰啲雞蛋仔喺舖頭嗰度就見到好多報道介紹同推介呢間雞蛋仔所以對佢都有一定嘅期待點知越大嘅時代原來就係越大嘅失望雞蛋仔方面表層唔脆蛋漿亦唔算好濃同有蛋味 唔知係咪間唔中失手個人來講就覺得味道有啲失色

原味格仔餅 $25✨小故事分享：有對母子黎買雞蛋仔🙆🏻‍♀️ 媽媽同仔仔講：好啦，而家買完一陣返去沖完涼食啦；🙅🏻‍♀️ 老闆娘即刻搭咀：等咁耐林晒唔好食了；🙆🏻‍♀️ 丫佢係鍾意食林喎🙅🏻‍♀️佢有冇食過脆既先？好好味嫁喎係呢個時候，我心中暗喜，知道個格仔餅一定好好食，咁有信心咁樣講 😆-✨原味有花生醬、牛油、砂糖，落好多但個牛油紙袋雖然薄但都防漏好好✨花生醬好特別，比較多花生粒✨餅底厚而真係好鬆化，超好味

太安樓有兩檔雞蛋仔都好出名，分別係鴻記同蛋記，都各有fans，上網睇啲人話鴻記好食啲，仲有CNN報道過，一於試下先！鋪頭只得原味雞蛋仔，原味，朱古力味同士多啤梨味嘅格仔格，四款選擇，唔算多款，但勝在傳統地道，即叫即做！🍴原味雞蛋仔 $20熱辣辣，係超級燙手！雞蛋仔比較硬身，深色，外脆內軟，咬開係蛋糕口感，唔會乾身，濕度啱啱好，非常實在，味道香甜，但蛋味唔濃，都幾大份，一份雞蛋仔好飽肚。推薦指數: 8/10都算幾好食，但冇期望中咁好食，係香甜脆，蛋糕口感實心，各方面都唔錯，但唯獨冇蛋味，冇蛋香，似係外國窩夫咁🧇

老實講我現在，只對「西灣河」「太安樓」食街裡面的港式小食店「鴻記極品雞蛋仔」裡面製造的「格仔餅」食品提得起興趣，相反最近已經很少購買「雞蛋仔」。就算「鴻記極品雞肉」原味「格仔餅」裡面仍然加入大量甜味「煉奶」、「花生醬」、「砂糖」、「花生碎」，但是始終不及「朱古力格仔餅」裡面的「朱古力」糖漿甜味，跟「士多啤梨格仔餅」裡面的「士多啤梨」糖漿甜味。但是我今次購買和試食「士多啤梨格仔餅」之後，發現「士多啤梨格仔餅」裡面的「士多啤梨」糖漿實際甜味濃度，竟然比以前減弱了，或者是可能因為「士多啤梨」糖漿混雜「煉奶」的關係吧。所以「士多啤梨格仔餅」裡面的「士多啤梨」糖漿，最後變成了「士多啤梨奶」調味料，「士多啤梨」的甜味間接被「煉奶」甜味稍為中和跟減弱。儘管「鴻記極品雞蛋仔」「士多啤梨格仔餅」製成品質地仍然厚實，口感仍然鬆軟，但是味道濃厚感覺，已經某程度上被「格仔餅」裡面甜味被減弱的「士多啤梨」糖漿所沖淡。至於「朱古力格仔餅」裡面的「朱古力」糖漿實際甜味濃度，則比「士多啤梨格仔餅」稍為好一點點，但是卻間接令「花生碎」在「格仔餅」裡面的實際感覺被減弱，對「格仔餅」影響也變得有點薄弱。而且「鴻記極品雞蛋仔

Wow!! As the egg waffle is freshly made, it’s hot and crunchy on the outside, while very soft and fluffy on the inside.-To give you an idea, we tore open the waffle and let you see the cross-section of it! It’s clear that it’s stuffed with fluffy, spongy egg fillings, instead of having air taking up half of the waffle interior!

中午去到見無人幫襯, 得嗰後生女睇檔己深知不妙。😿😿😿😿😿😿😿😿😿😿😿😿😿😿😿😿😿無心做就唔好做嘛, 何必甘屈就自己啫?!😾😾😾話哂都$20底..............................無吹乾😿😿😿😿😿唔脆, 無咩蛋咪味, 仲散收收添。😿😿😿😿😿應該無下次喇。😾😾😾😾😾😾😾😾😾😾